آرمی چیف جنرل راحیل شریف نے سول اسپتال کراچی میں زخمیوں کی عیادت کی، کور کمانڈر کراچی لیفٹیننٹ جنرل نوید مختار اور ڈی جی رینجرز میجر جنرل بلال اکبر بھی ان کے ہمراہ تھے۔

تفصیلات کے مطابق گزشتہ رات بلوچستان کے علاقے حب میں درگاہ شاہ نورانی پراندوہناک سانحے میں زخمی ہونے والوں کی مزاج پرسی کیلیے آرمی چیف جنرل راحیل شریف گوادرکا دورہ مکمل کرنے کے فوری بعد سول اسپتال کراچی پہنچ گئے، ان کے ساتھ کورکمانڈر کراچی اور ڈی جی رینجرز میجر جنرل بلال اکبر بھی موجود تھے۔

COAS visits Shah Noorani incident victims at… by arynews

آرمی چیف نے زخمیوں کی عیادت کی، اور فرداً فرداً  تمام زخمیوں سے ملے اور ان کی خیریت دریافت کی۔ وہ تھوڑی دیر ان کے ساتھ رہے اور ان کی داد رسی کی، آرمی چیف نے زخمیوں کے علاج معالجے کے حوالے سے انتظامئیہ کو ہدایات دیں کہ ان کو تمام تر بہترین سہولیات فراہم کی جائیں، آرمی چیف کی

 اسی سے متعلق : درگاہ شاہ نورانی میں دھماکا،65افراد جاں بحق، 100 سے زائد زخمی

آمد کے موقع پرسیکیورٹی کے سخت انتطامات کیے گئے تھے۔

سول اسپتال میں اس وقت سانحہ کے 23 زخمی زیرعلاج ہیں آرمی چیف نے زخمیوں کے لواحقین سے بھی ملاقات کی اور ان کو یقین دہانی کرائی کہ سانحہ میں ملوث دہشت گردوں کو گرفتار کرکے کیفر کردار تک پہنچایا جائے گا اور کسی صورت دہشت گردوں کو نہیں چھوڑا جائے گا۔

آرمی چیف کی آمد کے موقع پر سول اسپتال کے اطراف پاک فوج کے دستوں نے پوزیشن سنبھال لی تھی جبکہ پولیس اور رینجرز کی بھاری نفری بھی  سول ہسپتال کے اطراف تعینات تھی۔

یاد رہے کہ بلوچستان کے ضلع لسبیلا میں درگاہ شاہ نورانیؒ پر زور دار دھماکے کے نتیجے میں65 افراد جاں بحق جبکہ 100 سے زائد زخمی ہوئے تھے،زخمیوں میں بچوں اور خواتین کی بڑی تعاد متاثر ہوئی ہے۔