Tag: closed

ریاض: سعودی عرب کے متعدد شہروں میں موسلا دھار بارش کے پیش نظر آج سوموار کے روز اسکول بند رہیں گے۔

اردو نیوز کے مطابق جدہ، مکہ اور طائف سمیت آج متعدد سعودی شہروں میں اسکول بند ہیں جبکہ وزارت تعلیم نے آن لائن تدریس کا اعلان کر رکھا ہے۔

محکمہ موسمیات کا کہنا ہے کہ متعدد شہروں میں موسم غیر یقینی ہے اور موسلا دھار بارش کا امکان ہے۔

وزارت تعلیم نے ذیلی دفاتر کو اپنے ماحول کے حساب سے فیصلہ کرنے کا اختیار دے دیا ہے، اس بنا پر جدہ، مکہ، طائف اور دیگر متعدد شہروں میں اسکول بند رکھنے کی ہدایت کی گئی ہے۔

محکمہ موسمیات کا کہنا ہے کہ بارش کا سلسلہ طائف، باحہ، عسیر، جازان اور نجران تک پھیل سکتا ہے، مغربی ریجن میں الجموم، بحرہ، الکامل، ام حبلین، حدہ اور قرب و جوار میں بھی بارش کا قوی امکان ہے۔

ریاض: سعودی عرب کے بعض شہروں میں بارش کے پیش نظر اسکول بند رکھنے کا اعلان کیا گیا ہے، سوموار کے دن کلاسز آن لائن ہوں گی۔

اردو نیوز کے مطابق سعودی عرب میں محکمہ تعلیم نے کہا ہے کہ سوموار 12 دسمبر کو جدہ، مکہ مکرمہ، طائف، رابغ، خلیص اور دیگر علاقوں میں اسکول بند رہیں گے اور تدریس آن لائن ہوگی۔

محکمہ تعلیم جدہ کے ترجمان کا کہنا ہے کہ اسکول بند رکھنے کا فیصلہ موسمیات کے قومی مرکز کی ان رپورٹوں کے پیش نظر کیا گیا ہے جس میں پیر کی صبح 10 بجے تک بارش کا امکان ظاہر کیا گیا ہے۔

انہوں نے کہا کہ طلبہ، اساتذہ اور منتظمین کی سلامتی کی خاطر پیر کو اسکول بند رہیں گے، مدرستی پلیٹ فارم کے ذریعے تدریس آن لائن ہوگی۔

محکمہ تعلیم طائف اور مکہ مکرمہ کا بھی کہنا ہے کہ خراب موسم کے باعث پیر کو مکہ، الجموم، بحرہ اور الکامل میں سکول بند رہیں گے تاہم مدرستی پلیٹ فارم کے ذریعے آن لائن تدریس جاری رہے گی۔

کنگ عبدالعزیز یونیورسٹی کا بھی جدہ اور رابغ میں کیمپس بند رہے گا اور کلاسز آن لائن ہوں گی۔