ARYNews.tv | Urdu – Har Lamha Bakhabar

Tag: CM KPK

  • پشاور بی آر ٹی منصوبے میں تکنیکی غلطیاں، ذمہ داروں کیخلاف کارروائی کی سفارش

    پشاور بی آر ٹی منصوبے میں تکنیکی غلطیاں، ذمہ داروں کیخلاف کارروائی کی سفارش

    پشاور : پشاور بس ریپد ٹرانزٹ منصوبے میں تکنیکی غلطیوں کا انکشاف ہوا ہے،  وزیراعلیٰ خیبر پختونخواکو بھیجی گئی تحقیقاتی رپورٹ میں منصوبے میں کوتاہی کے ذمہ داروں کے خلاف کارروائی کی سفارش کی گئی ہے۔

    تفصیلات کے مطابق کے پی کے بی آر ٹی منصوبہ کے نقشے اور تعمیراتی کام میں تکنیکی غلطیوں کا انکشاف ہوا ہے۔ بس ریپڈ ٹرانزٹ منصوبے کے تکنیکی مسائل سے متعلق تحقیقاتی رپورٹ وزیراعلیٰ خیبر پختونخوا محمود خان کو ارسال کردی گئی۔

    رپورٹ میں کہا گیا ہے کہ جلد بازی اور نامناسب منصوبہ بندی سے منصوبہ مسائل کا شکار ہے، لاگت میں اضافہ بھی ڈیزائن کی تبدیلی سے ہوا۔

    مزید پڑھیں: پشاور بی آر ٹی منصوبہ، صوبائی انسپکشن ٹیم کو تاخیر کی انکوائری کا حکم

    سروس روڈ کے مین روڈ سے منسلک ہونے سے ٹریفک مسائل پیدا ہوئے۔ بعض مقامات پر پیدل چلنے والوں کو سڑک عبور کرنے کیلئے سولہ سو میٹر چلنا پڑے گا، رپورٹ میں منصوبے میں کوتاہی کے ذمہ داروں کے خلاف کارروائی کی سفارش کی گئی ہے۔

    یاد رہے کہ توقعات کے مطابق بی آر ٹی منصوبے کا افتتاح نہیں ہو سکا تھا، جس پر وزیرِاعلیٰ خیبر پختون خوا محمود خان نے بس ریپڈ ٹرانزٹ منصوبے میں تاخیر پر صوبائی انسپکشن ٹیم کو منصوبے کی تکمیل میں تاخیر کی انکوائری کا حکم دیا تھا۔

    مزید پڑھیں: پشاور بی آر ٹی منصوبہ میں کرپشن کی تحقیقات کا خیر مقدم کریں گے: اجمل وزیر

    منصوبے سے متعلق ان کا کہنا تھا کہ 23 مارچ کو منصوبے کی سافٹ اوپننگ کرنے کے بجائے اس بار بھی اس کی کوئی اور تاریخ دی گئی تو پھر وہ اگلے لائحہ عمل کا اعلان کریں گے، اور منصوبے میں غفلت کے مرتکب افراد کے خلاف کارروائی کی جائے گی۔

  • باجوڑ میں تھری جی سروس کل سے شروع کردی جائے گی، وزیراعلیٰ پختونخوا

    باجوڑ میں تھری جی سروس کل سے شروع کردی جائے گی، وزیراعلیٰ پختونخوا

    پشاور : وزیراعلیٰ پختونخوا محمود خان نے کہا ہے کہ قبائلی نوجوانوں کی خواہش پر باجوڑ میں تھری جی سروس کل سے شروع کردی جائے گی۔

    تفصیلات کے مطابق وزیر اعظم عمران خان نے باجوڑ کے قبائلی نوجوانوں سے کیا ہوا وعدہ پورا کردیا، تھری جی سروس کا کام مکمل کرلیا گیا ہے، باجوڑ میں تھری جی سروس کل سے باضابطہ شروع کردی جائے گی۔

    -اس بات کا اعلان وزیراعلیٰ پختونخوا محمود خان نے سوشل میڈیا پر ایک ویڈیو پیغام میں کیا، انہوں نے کہا کہ وزیراعظم عمران خان کی قبائلی عوام سے محبت کا اظہار ہے کہ وہ قبائلی عوام کے مطالبات اور ان کی بنیادی سہولیات کا خیال رکھتے ہیں۔

    محمود خان کا مزید کہنا ہے کہ باجوڑ جلسے کے دوران قبائلی نوجوانوں نے وزیراعظم سے تھری جی سروس کی درخواست کی تھی، قبائلی نوجوانوں کو تھری جی سروس مبارک ہو۔

    وزیراعظم کی ہدایات پر نیٹ ورک کے اجراء کی تمام تیاریاں مکمل ہیں، کل سے باجوڑ میں تھری جی سروس مہیا کردی جائے گی، وزیراعلیٰ کے پی کے نے کہا کہ اس کے علاوہ قبائلی عوام کے دیگر مطالبات بھی تیزی سے پورے کریں گے۔

    اس کے علاوہ بجلی کی رسد یقینی بنانے کیلئے گرڈ اسٹیشن تعمیربھی جلد مکمل ہوگی، ایکسپریس وے تک رسائی کیلئے سرنگ کی تعمیر کا آغاز کیا جارہا ہے۔

  • وزیر اعلیٰ پختونخواہ کا اپنے بچوں کو سرکاری اسکول میں داخل کروانے کا اعلان

    وزیر اعلیٰ پختونخواہ کا اپنے بچوں کو سرکاری اسکول میں داخل کروانے کا اعلان

    پشاور: وزیر اعلیٰ خیبر پختونخواہ محمود خان نے صوبے میں بچوں کے اسکولوں میں داخلے کے لیے مہم شروع کردی۔ ان کا کہنا ہے کہ میرے اپنے بچے بھی جلد سرکاری اسکولوں میں داخل ہوں گے۔

    تفصیلات کے مطابق وزیر اعلیٰ خیبر پختونخواہ محمود خان کی جانب سے شروع کی جانے والی مہم کے دوران 8 لاکھ بچوں کے اسکولز میں داخلے کا ہدف رکھا گیا ہے۔

    وزیر اعلیٰ کے مشیر ضیا بنگش کا کہنا ہے کہ تعلیم سے متعلق وزیر اعظم عمران خان کے وژن پر کام جاری رکھیں گے۔ تعلیم کے شعبے میں پچھلے دور میں پختونخواہ دیگر صوبوں سے آگے رہا۔

    انہوں نے کہا کہ اساتذہ کے مسائل حل کرنے کے لیے بھی کام کریں گے۔ کوشش ہے مہم کے دوران زیادہ سے زیادہ بچوں کے داخلے ہوں۔

    اس حوالے سے ہونے والی تقریب سے خطاب کرتے ہوئے وزیر اعلیٰ خیبر پختونخوا محمود خان نے کہا کہ 5 سال کی محنت ہے کہ عوام نے دوبارہ منتخب کیا، اب ذمے داری زیادہ ہے کہ عوام کی توقعات پر پورا اتریں گے۔

    انہوں نے کہا کہ آئندہ بجٹ میں تعلیم کے بجٹ میں اضافہ کریں گے، گورنر ہاؤس کھولنے سے متعلق گورنر ہی بتاسکتے ہیں۔

    انہوں نے مزید کہا کہ احتساب کمیشن ملازمین کو کسی اور محکمے میں ایڈجسٹ کریں گے۔ میرے اپنے بچے بھی جلد سرکاری اسکولوں میں داخل ہوں گے۔

  • وزیر اعلیٰ خیبر پختونخواہ نے اپنے عہدے کا حلف اٹھا لیا

    وزیر اعلیٰ خیبر پختونخواہ نے اپنے عہدے کا حلف اٹھا لیا

    پشاور: وزیر اعلیٰ خیبر پختونخواہ محمود خان نے اپنے عہدے کا حلف اٹھا لیا۔

    تفصیلات کے مطابق نو منتخب وزیر اعلیٰ خیبر پختونخواہ محمود خان نے اپنے عہدے کا حلف اٹھا لیا۔ گورنر خیبر پختونخواہ نے وزیر اعلیٰ محمود خان سے عہدے کا حلف لیا۔

    خیال رہے کہ محمود خان کا انتخاب کل پختونخواہ اسمبلی میں ہوا۔

    وزیر اعلیٰ خیبر پختونخواہ کے لیے پاکستان تحریک انصاف کے محمود خان کا مقابلہ متحدہ مجلس عمل کے میاں نثار گل سے تھا۔

    پولنگ کے بعد محمود خان 77 ووٹ حاصل کر کے وزیر اعلیٰ منتخب ہوگئے۔ میاں نثار گل نے 33 ووٹ حاصل کیے۔

    محمود خان کون ہیں؟

    نو منتخب وزیراعلیٰ محمود خان کا تعلق ضلع سوات کی تحصیل مٹہ سے ہے جہاں وہ اکتوبر 1972 میں پیدا ہوئے۔

    ابتدائی تعلیم گورنمنٹ پرائمری اسکول مٹہ سے حاصل کی جبکہ ثانوی تعلیم پشاور پبلک اسکول سے حاصل کی۔ انہوں نے شعبہ زراعت میں ماسٹرز کی ڈگری حاصل کر رکھی ہے۔

    محمود خان نے پاکستان پیپلز پارٹی کا حصہ تھے تاہم سنہ 2012 میں انہوں نے تحریک انصاف میں شمولیت اختیار کی، کچھ عرصے بعد انہیں صدر تحریک انصاف مالا کنڈ بنایا گیا۔

    سنہ 2013 کے انتخابات میں بھی انہوں نے سوات سے کامیابی حاصل کی تھی، انہیں صوبائی وزیر داخلہ مقرر کیا گیا تھا، تاہم بعد ازاں انہیں اس منصب سے ہٹا دیا گیا تھا۔

    اس کے بعد محمود خان کو کھیل، آب پاشی اور سیاحت کی وزارت کا قلمدان سونپا گیا۔

    محمود خان 2005 میں مٹہ تحصیل کی یونین کونسل خیریرئی کے ناظم منتخب ہوئے، اور 2008 کے بلدیاتی انتخاب میں بھی وہ اس نشست پر کامیاب ہوئے تھے۔

  • میں اللہ کے بعد عمران خان کا شکر گزار ہوں ، محمود خان

    میں اللہ کے بعد عمران خان کا شکر گزار ہوں ، محمود خان

    اسلام آباد : پاکستان تحریک انصاف کے نامزد وزیراعلیٰ کے پی محمود خان کا کہنا ہے کہ میں اللہ کے بعد عمران خان کا شکر گزار ہوں، پارٹی میں کوئی اختلاف نہیں، وزیراعلیٰ کوئی ایک بن سکتا ہے۔

    تفصیلات کے مطابق پی ٹی آئی کے نامزد وزیراعلیٰ خیبرپختوںخواہ محمود خان نے بنی گالہ آمد پر میڈیا سے بات کرتے ہوئے کہا کہ میں اللہ کے بعد عمران خان کا شکر گزار ہوں ، انھوں نے مجھ پر اعتماد کرکے عہدے کے لئے نامزد کیا۔

    محمود خان کا کہنا تھا کہ پارٹی میں کوئی اختلاف نہیں،وزیراعلیٰ کوئی ایک بن سکتاہے، وزارت اعلیٰ کی دوڑ میں شامل تمام افراد میرے بھائی ہیں، سب ارکان اسمبلی کو ساتھ لے کر چلوں گا۔

    محمود خان کچھ دیر میں عمران خان سے ملاقات کریں گے۔

    گذشتہ روز چیئرمین تحریک انصاف عمران خان نےسوات سے صوبائی اسمبلی سے منتخب ہونے والے محمود خان کو وزیراعلیٰ خیبر پختونخوا کا امیدوارنامزد کرکے بڑا وعدہ پورا کیا۔

    پرویز خٹک کی حکومت میں محمود خان وزیر کھیل کے طور پر خدمات انجام دے چکے ہیں۔

    وزیراعلٰی کیلئے نامزد ہونے والے سابق صوبائی وزیر محمود خان سوات کے حلقہ پی کے نو سے صوبائی اسمبلی کے رکن منتخب ہوئے ہیں۔

    مزید پڑھیں :  عمران خان نے محمود خان کو وزیراعلیٰ خیبر پختون خواہ نامزد کر دیا

    محمود خان کا تعلق سوات کی تحصیل مٹہ سے ہے، 2005 میں یہیں سے ناظم منتخب ہوئے تھے، محمود خان کے بھائی کا کہنا ہے کہ پورا علاقہ مالاکنڈ سے پہلی نامزدگی پر خوشیاں منارہا ہے۔

    جس کے بعد سابق وزیراعلیٰ پرویزخٹک نے اے آروائی نیوز کے پروگرام الیونتھ آور میں محمود خان کومبارک باد پیش کی اور کہا کہ محمودخان کی وزیراعلیٰ کے پی نامزدگی پر خوش ہوں، وہ اچھے اور محنتی شخص ہیں، امید ہے بہتر کارکردگی دکھائیں گے۔

    فوادچوہدری کا کہنا تھا کہ عاطف خان وزیراعلیٰ خیبرپختونخوا کیلئے اچھے امیدوار تھے لیکن محمود خان بھی کسی سے کم نہیں۔

  • کے پی کا وزیراعلیٰ نامزد ہونے پر محمود خان کومبارکباد، جہانگیرترین

    کے پی کا وزیراعلیٰ نامزد ہونے پر محمود خان کومبارکباد، جہانگیرترین

    اسلام آباد : پاکستان تحریک انصاف کے رہنما جہانگیر ترین نے محمود خان کو کے پی کا وزیراعلیٰ نامزد ہونے پر مبارکباد دی اور کہا کہ صوبائی وزیر کھیل، ریجنل صدر کے طور  پر  محمود خان کی کارکردگی مثال ہے۔

    تفصیلات کے مطابق پی ٹی آئی رہنما جہانگیر ترین نے سماجی رابطے کی ویب سائٹ ٹوئٹر پر اپنے بیان میں خیبرپختونخواہ کا وزیراعلیٰ نامزد ہونے پرمحمود خان کو مبارکباد دیتے ہوئے کہا کہ خان صاحب کی دی گئی ذمےداریوں کو محمودخان نے بخوبی نبھایا، صوبائی وزیر کھیل، ریجنل صدر کے طور پر محمودخان کی کارکردگی مثال ہے۔

    گذشتہ روزچیئرمین تحریک انصاف عمران خان نےسوات سے صوبائی اسمبلی سے منتخب ہونے والے محمود خان کو وزیراعلیٰ خیبر پختونخوا کا امیدوارنامزد کرکے بڑا وعدہ پورا کردیا۔

    پرویز خٹک کی حکومت میں محمود خان وزیر کھیل کے طور پر خدمات انجام دے چکے ہیں۔

    وزیراعلٰی کیلئے نامزد ہونے والے سابق صوبائی وزیر محمود خان سوات کے حلقہ پی کے نو سے صوبائی اسمبلی کے رکن منتخب ہوئے ہیں۔

    مزید پڑھیں :  عمران خان نے محمود خان کو وزیراعلیٰ خیبر پختون خواہ نامزد کر دیا

    محمود خان کا تعلق سوات کی تحصیل مٹہ سے ہے، 2005 میں یہیں سے ناظم منتخب ہوئے تھے، محمود خان کے بھائی کا کہنا ہے کہ پورا علاقہ مالاکنڈ سے پہلی نامزدگی پر خوشیاں منارہا ہے۔

    سابق وزیراعلیٰ پرویزخٹک نے اے آروائی نیوز کے پروگرام الیونتھ آور میں محمود خان کومبارک باد پیش کی اور کہا کہ محمودخان کی وزیراعلیٰ کے پی نامزدگی پر خوش ہوں، وہ اچھے اور محنتی شخص ہیں، امید ہے بہتر کارکردگی دکھائیں گے۔

    فوادچوہدری کا کہنا تھا کہ عاطف خان وزیراعلیٰ خیبرپختونخوا کیلئے اچھے امیدوار تھے لیکن محمود خان بھی کسی سے کم نہیں۔

  • پشاور: خیبر پختونخواہ کا نیا وزیر اعلیٰ کون ہوگا؟ عمران خان نے آج اجلاس طلب کرلیا

    پشاور: خیبر پختونخواہ کا نیا وزیر اعلیٰ کون ہوگا؟ عمران خان نے آج اجلاس طلب کرلیا

    پشاور : خیبرپختونخوا میں وزیر اعلیٰ کی تقرری کے لیے چیئرمین پی ٹی آئی عمران خان نے پارلیمانی پارٹی کا اجلاس آج طلب کرلیا۔ نو منتخب اراکین کو حاضری یقینی بنانے کی ہدایت کی گئی ہے۔

    تفصیلات کے مطابق کے پی کا نیا وزیر اعلیٰ کون ہوگا، اور صوبائی کابینہ میں کون کون شامل ہوگا اس کا فیصلہ آج کیا جائے گا، خیبر پختونخوا میں وزیراعلیٰ کی تقرری کے حوالے سے پی ٹی آئی کے چیئرمین عمران خان نے خیبر پختونخوا پارلیمانی پارٹی کا اجلاس آج طلب کرلیا۔

    عمران خان کی زیرصدارت پشاور میں دن دوبجے اجلاس شروع ہوگا، اجلاس میں نومنتخب ارکان صوبائی اسمبلی کو حاضری یقینی بنانے کی ہدایت کی گئی ہے۔

    اجلاس میں صوبائی کابینہ کے حوالے سے بھی اہم فیصلے کیے جائیں گے، اس حوالے سے ذرائع کا کہنا ہے کہ پرویزخٹک، عاطف خان اور سابق وزیراطلاعات کے پی مشتاق غنی بھی وزیراعلٰی کی دوڑ میں شامل ہیں، شرکاء سے مشاورت کے بعد وزیراعلٰی کے نام کا حتمی اعلان عمران خان خود کریں گے۔

  • عمران خان کے سوا کوئی مجھے حکم نہیں دے سکتا، پرویز خٹک

    عمران خان کے سوا کوئی مجھے حکم نہیں دے سکتا، پرویز خٹک

    اسلام آباد : خبیرپختونخوا کے وزیراعلیٰ پرویز خٹک نےسراج الحق کےالزامات کومسترد کرتے ہوئے کہا کہ اوپر صرف اللہ ہے، عمران خان کےسواکوئی مجھے حکم نہیں دے سکتا، بلوچستان کو سپورٹ کرنے کا فیصلہ میرا تھا۔

    تفصیلات کے مطابق خبیرپختونخوا کے وزیراعلیٰ پرویز خٹک انسداد دہشت گردی کی عدالت کے باہر میڈیا سے گفتگو میں صحافی نے سوال کیا کہ سراج الحق نے کہا آپ نے فون کرکے کہا اوپر سے آرڈر ہے، جس کے جواب میں پرویزخٹک کا کہنا تھا کہ میرے اوپراللہ ہے اور عمران خان کے سوا کوئی مجھے حکم نہیں دے سکتا۔

    پرویز خٹک کا کہنا تھا کہ جن کو پارٹی سے برطرف کرنے کا فیصلہ کیا وہ حلف اٹھا رہے ہیں، چور جو مرضی کہتا رہے اس سے فرق نہیں پڑتا۔

    وزیراعلی خیبرپختونخوا  کا کہنا تھا کہ بکنے والے بعض ارکان پربہت دکھ ہوا، عمران خان کی پارٹی میں ایسا نہیں ہوسکتا کہ غلطی کرنےوالےکوسزانہ ملی، ایک چھوٹے صوبے کے سینیٹرزکی سپورٹ کیلئے ہم نے آواز اٹھائی، سراج الحق کو کہا عمران خان نے ہدایت کی ہے بلوچستان کے سینیٹرز کو سپورٹ کریں۔

    انھوں نے کہا کہ بلوچستان کو سپورٹ کرنے کا فیصلہ میرا تھا ،وزیراعلی خیبرپختونخوا کبھی پیپلز پارٹی کوسپورٹ نہیں کرنا چاہتے تھے، کبھی کسی سے انتقام لینا کا نہیں سوچا۔

    پرویز خٹک نے مزید کہا کہ جن لوگوں کے نام سامنے آئے ہیں ان کی تحقیقات ہوں گی ، ہم نے تو اپنے ایم پی ایز کےخلاف ایکشن لیا ہے، جو خود چوری کرتے ہیں، وہ اپنے چور ایم پی ایز کو کبھی نہیں پکڑیں گے، میاں صاحب ہمت کریں ،اپنے لوگوں کیخلاف کارروائی کریں۔

    دوسری جانب انسداد دہشت گردی کی عدالت نے پی ٹی وی اور پارلیمنٹ حملہ کیس میں پرویز خٹک کی عبوری ضمانت کی توثیق کردی۔

    یاد رہے کہ پی ٹی وی اور پارلیمنٹ حملہ کیس میں تحریک انصاف کے سربراہ عمران خان اور وائس چیئرمین شاہ محمود قریشی سمیت دیگر رہنما بھی ضمانتوں پر ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • خیبرپختونخوا:پی ٹی آئی نےتعلیم، صحت اورپولیس ریفارمزمیں مثالی کام کیاہے، پرویز خٹک

    خیبرپختونخوا:پی ٹی آئی نےتعلیم، صحت اورپولیس ریفارمزمیں مثالی کام کیاہے، پرویز خٹک

    لندن : وزیراعلیٰ خیبر پختونخواہ پرویز خٹک نے کہا ہے کہ کے پی کے حکومت نے صوبے میں تعلیم، صحت اور پولیس ریفارمز میں اہم کارنامے انجام دیئے ہیں۔

    تفصیلات کے مطابق لندن میں منعقدہ ایک تقریب سے خطاب کرتے ہوئے وزیراعلیٰ خیبر پختونخواہ پرویز خٹک کا کہنا تھا کہ صوبے میں تبدیلی لانے سے پہلے ہم نے خود کو تبدیل کیا ہے، اس وجہ سے ان کا مستقبل تابناک ہے۔

    تقریب میں وزیراعلیٰ سمیت دیگر ارکان پارلیمنٹ بھی موجود تھے، پرویز خٹک کا کہنا تھا کہ کے پی کے حکومت نے تعلیم، صحت اور پولیس ریفارمز میں اہم کارنامے انجام دیئے ہیں، کے پی پولیس ریفارمز نے پاکستان میں پولیس کے نظام کو مثالی بنایا ہے۔

    پرویز خٹک نے کہا کہ خیبر پختونخواہ میں پانچ سالوں میں جو وعدے کیے گئے پورے کرنے کی کوشش کی، صوبے میں قوانین کی تبدیلی اور بیوروکریسی سے اختیارات لینا بڑا چیلنج تھا۔

    وزیراعلیٰ کے پی کے نے اپنے خطاب میں کہا کہ گذشتہ چند سال میری سیاسی زندگی کا سب سے بہترین دور ہیں، کیوں کہ اس دوران مجھے عمران خان جیسی سچی اور ایماندار قیادت میں کام کرنے کا موقع ملا ہے۔

    تقریب سے خطاب کرتے ہوئے میں تحریک انصاف کے رہنما شہریار آفریدی نے کہا کہ مدرسوں میں سرمایہ کاری کرنا ہمارا دینی فریضہ ہے، اوور سیز پاکستانی آئندہ انتخابات میں اہم کردار ادا کریں گے۔

    ان کا کہنا تھا کہ پاکستان کا مستقبل تابناک ہے، کیوں کہ پاکستان کے آئندہ وزیر اعظم عمران خان ہوں گے۔ واضح رہے کہ وزیر اعلیٰ خیبر پختونخوا پرویز خٹک صوبائی اور وفاقی پارلیمنٹ کے دیگر ارکان کے ہمراہ لندن کے دورے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پنجاب کی طرح ہمارے پاس اربوں روپے نہیں کہ اشتہاربازی پر ضائع کر سکیں، پرویز خٹک

    پنجاب کی طرح ہمارے پاس اربوں روپے نہیں کہ اشتہاربازی پر ضائع کر سکیں، پرویز خٹک

    لاہور : وزیراعلیٰ خیبر پختونخواہ پرویز خٹک نے کہا ہے کہ پنجاب پولیس کو یہاں کے حکمرانوں نے بگاڑا، پولیس کو بدمعاش بنا کر عوام کو ذلیل کیا گیا، پنجاب کی طرح ہمارے پاس اربوں روپے نہیں کہ اشتہاربازی پر ضائع کر سکیں۔

    تفصیلات کے مطابق قائداعظم لائبریری لاہور میں ایک کتاب کی تقریب رونمائی سے خطاب کرتے ہوئے وزیراعلیٰ خیبر پختونخواہ پرویز خٹک کا کہنا تھا کہ گلگت بلتستان کے لوگوں نے خود کو طالبان اور دہشت گردی سے بچا رکھا ہے، گلگت بلتستان سی پیک کا گیٹ وے ہے، اس وجہ سے ان کا مستقبل تابناک ہے۔

    پرویز خٹک کا کہنا تھا کہ خیبر پختونخواہ میں پانچ سالوں میں جو وعدے کیے گئے پورے کرنے کی کوشش کی، صوبے میں قوانین کی تبدیلی اور بیوروکریسی سے اختیارات لینا بڑا چیلنج تھا۔

    وزیراعلیٰ کے پی کے نے کہا کہ سیاسی حکومتوں نے نوجوانوں کا مستقبل تباہ کیا، پڑھے لکھے پاکستانی نوجوان آج دنیا بھر میں اپنی خدمات انجام دے رہے ہیں۔

    ان کا کہنا تھا کہ پنجاب پولیس کو یہاں کے حکمرانوں نے بگاڑا، پولیس کو بدمعاش بنا کر عوام کو ذلیل کیا گیا، بحیثیت وزیر اعلی وہ کے پی کے میں ایک سپاہی کا تبادلہ نہیں کرا سکتے، میڈیا ہمارا ٹرائل کر رہا ہے۔

    پرویز خٹک نے کہا کہ جن لوگوں کو بلین ٹری منصوبہ جھوٹ لگتا ہے وہ خود خیبرپختونخواہ کا دورہ کریں۔ کالام، ناران، چترال اور کے پی کے کے دیگر علاقوں کو سیاحت کا بہترین مرکز بنا دیا ہے، صوبے میں نظام تعلیم اور عام آدمی کو صحت کی سہولیات کی فراہمی کے لیے سرتوڑ کوششیں کر رہے ہیں۔

    وزیراعلیٰ خیبر پختونخواہ کا مزید کہنا تھا کہ پنجاب کی طرح ہمارے پاس اربوں روپے نہیں کہ اشتہاربازی پر ضائع کر سکیں۔

    اس سے قبل پی ٹی آئی رہنماء فواد چودھری کا کہنا تھا کہ پاکستان کی معیشت کا بڑا حصہ سیاحت سے جڑا ہوا ہے، سلک روٹ کے بعد سی پیک کی تکمیل سے گلگت بلتستان کا نیا چہرہ دنیا کے سامنے آئے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔