Tag: cm punjab-buzdar

کورونا ٹیسٹ کی قیمتوں کے‌ حوالے سے بڑی خبر

لاہور : وزیراعلیٰ پنجاب عثمان بزدار نے پرائیویٹ لیبارٹریز کی جانب سے کورونا ٹیسٹ کیلئے مختلف نرخ کا نوٹس لیتے ہوئے کورونا ٹیسٹ کرنے کی یکساں قیمت مقرر کرنے کا حکم دے دیا اور کہا لیبارٹریزقیمتوں میں من مانی کی اجازت نہ دی جائے۔

تفصیلات کے مطابق وزیراعلیٰ پنجاب سردارعثمان بزدار عوام کوریلیف دینےکے لئے متحرک ہیں، وزیراعلیٰ نے پرائیویٹ لیبارٹریز کی جانب سے کورونا ٹیسٹ کیلئے مختلف نرخ کا نوٹس لے لیا اور لیبارٹریز کیلئے کورونا ٹیسٹ کرنے کی یکساں قیمت مقرر کرنے کا حکم دیا۔

عثمان بزدار نے آکسیجن سلنڈر کی قیمتوں میں اضافے اور ذخیرہ اندوزی کا بھی نوٹس لیتے ہوئے صوبائی وزیرصحت،سیکرٹری اسپیشلائزڈہیلتھ کیئرومیڈیکل ایجوکیشن کو ہدایات جاری کردیں۔

وزیراعلیٰ پنجاب نے کہا پرائیویٹ لیبارٹریزکو کورونا ٹیسٹ قیمتوں میں من مانی کی اجازت نہ دی جائے اور محکمہ صحت،انتظامی افسران فوری اقدامات اٹھاکرعوام کو ریلیف دیں۔

عثمان بزدار کا کہنا تھا کہ پرائیویٹ لیبارٹریزکیلئےکورونا ٹیسٹ فیس مقررکرکےاس پرعمل کرایاجائے، پرائیویٹ لیبارٹریزکوعوام کولوٹنے کی اجازت نہیں دے سکتے۔

انھوں نے ہدایت کی آکسیجن سلنڈرکی مقرر کردہ نرخوں پردستیابی کوہرصورت یقینی بنایاجائے، ہنگامی حالات میں آکسیجن سلنڈرکی ذخیرہ اندوزی پر سخت کارروائی ہوگی۔

جون 18, 2020
پٹرولیم مصنوعات قیمتوں میں کمی کے ثمرات عوام تک پہنچانے کی ہدایت

لاہور : وزیراعلیٰ پنجاب عثمان بزدار نے پٹرولیم مصنوعات قیمتوں میں کمی کے ثمرات عوام کوپہنچانےکی ہدایت کرتے ہوئے کہا ادارے عوام کوریلیف دینے کیلئے مربوط انداز میں کام کریں۔

تفصیلات کے مطابق وزیراعلیٰ پنجاب عثمان بزدار نے پٹرولیم مصنوعات قیمتوں میں کمی کافائدہ عوام کوپہنچانےکی ہدایت کرتے ہوئے کہا متعلقہ ادارےو محکمےمنصوبہ بندی کرکےریلیف اقدامات یقینی بنائیں۔

عثمان بزدار کا کہنا تھا کہ پٹرولیم مصنوعات قیمتوں میں کمی سے دیگراشیا میں بھی ریلیف دیاجائے اور اشیائےضروریہ کی قیمتوں میں بھی کمی کیلئے اقدامات کئے جائیں، متعلقہ ادارے عوام کوریلیف دینے کیلئےمربوط انداز میں کام کریں۔

وزیراعلیٰ پنجاب نے کہا کہ پی ٹی آئی حکومت کاہرقدم عوام کوریلیف کی فراہمی کیلئےاُٹھ رہاہے، وزیراعظم کی قیادت میں عوام کوریلیف دینے کیلئے مزید اقدامات کریں گے۔

یاد رہے گذشتہ روز حکومت نے پیٹرول کی فی لیٹر قیمت میں مزید 7 روپے 6 پیسے کمی کا اعلان کیا، جس کے بعد نئی قیمت 74 روپے 52 پیسے فی لیٹر تک پہنچ گئی، وزارتِ خزانہ کی جانب سے جاری کردہ نوٹی فکیشن کے مطابق ڈیزل کی قیمت 5پیسے اضافے کےساتھ80روپے 15 پیسے جبکہ مٹی کےتیل کی قیمت گیارہ روپے 88 پیسے کمی کے بعد 35روپے 56 پیسے ہوگئی۔

مزید پڑھیں : پاکستان جنوبی ایشیا میں سب سےکم قیمت پر پٹرول فروخت کرنے والا ملک ہے، وزیراعظم

اسی طرح لائٹ ڈیزل 9 روپے 37 پیسے فی لیٹر کم ہو کر 38 روپے 14 پیسے فی لیٹر ہوگیا۔

بعد ازاں پیٹرولیم مصنوعات کی قیمتوں میں کمی کے اعلان پر وزیراعظم نے ٹوئٹ کرتے ہوئے لکھا تھا کہ حکومت نےپیٹرولیم مصنوعات کی قیمتوں میں مزیدکمی کر دی ہے، پاکستان جنوبی ایشیا میں سب سےکم قیمت پر پٹرول فروخت کرنے والا ملک ہے، بھارت میں پیٹرول مصنوعات کی قیمتیں ہم سے2گنا زیادہ ہیں جب کہ بنگلادیش، سری لنکا اورنیپال میں قیمتیں 50سے75 فیصد زائد ہیں

جون 2, 2020
وزیراعلیٰ پنجاب عثمان کی بجٹ اور ترقیاتی پروگرام حقیقت پسندانہ رکھنے کی ہدایت

لاہور : وزیراعلیٰ پنجاب عثمان بزدار نے بجٹ اورترقیاتی پروگرام حقیقت پسندانہ رکھنےکی ہدایت کرتے ہوئے کہا پوری کوشش ہے عام آدمی کو زیادہ سےزیادہ ریلیف دیا جائے۔

تفصیلات کے مطابق وزیراعلیٰ پنجاب سردار عثمان بزدار کی زیر صدارت خصوصی اجلاس ہوا، جس میں آئندہ بجٹ اور سالانہ ترقیاتی پروگرام کا جائزہ لیا گیا اور بجٹ اور سالانہ ترقیاتی پروگرام کی مختلف تجاویز پر غور کیا گیا۔

اجلاس میں چیئرمین منصوبہ بندی و ترقیات نے سالانہ ترقیاتی پروگرام پر اور سیکرٹری خزانہ کی آئندہ مالی سال کے بجٹ کے حوالے سے بریفنگ دی۔

وزیراعلیٰ پنجاب عثمان بزدار نے بجٹ اورترقیاتی پروگرام حقیقت پسندانہ رکھنےکی ہدایت کرتے ہوئے کہا حالات کے تناظر میں ترجیحات کا تعین کیا جائے گا اور وباکےباعث شعبہ صحت کے لیےزیادہ وسائل رکھے جائیں گے۔

عثمان بزدار کا کہنا تھا کہ تعلیم،انفراسٹرکچر،ٹرانسپورٹ،پانی او رسماجی شعبوں کوترجیح دیں گے، پوری کوشش ہے عام آدمی کو زیادہ سےزیادہ ریلیف دیا جائے، عام آدمی کوسہولتیں فراہم کرنے کےٹھوس اقدامات کیےجائیں۔

وزیراعلیٰ پنجاب نے کہا کہ بجٹ میں اعدادوشمارکی جادوگری کی بجائے حقیقی صورتحال رکھی جائے اور معاشی سرگرمیوں کیلئے نئے اقدامات متعارف کرائے جائیں۔

انھوں نے کوروناوبا کےباعث محکموں کو غیرضروری اخراجات میں مزیدکمی کی ہدایت کرتے ہوئے کہا کفایت شعاری، بچت اورفنانشل ڈسپلن پر پوری توجہ ہونی چاہیے، پبلک پرائیویٹ پارنٹر شپ منصوبوں کوفروغ دیناوقت کاتقاضاہے، ترقیاتی پروگرام پرپبلک پرائیویٹ پارٹنرشپ پرتوجہ دی جائے۔

جون 1, 2020
کورونا ٹیسٹ کی یومیہ استعداد 10ہزار تک بڑھانے کا بڑا اعلان

لاہور : وزیراعلیٰ پنجاب عثمان بزدار نے کوروناٹیسٹ کی یومیہ استعداد10ہزارتک بڑھانے کا بڑا اعلان کردیا اور کہا 8 نئی لیبزبنانے کا کام آخری مراحل میں ہے، پنجاب میں 2945مریضوں میں سے508صحتیاب ہوچکے ہیں ۔

لاہور:وزیراعلیٰ پنجاب عثمان بزدار کی زیرصدارت راولپنڈی کے ارکان اسمبلی کا اجلاس ہوا ، جس میں عثمان بزدار نے کوروناٹیسٹ کی یومیہ استعداد10ہزارتک بڑھانےکااعلان کرتے ہوئے کہا پنجاب جلد10ہزارکوروناٹیسٹ کی صلاحیت حاصل کر لے گا، 8 نئی لیبزبنانے کا کام آخری مراحل میں ہے۔

وزیراعلیٰ پنجاب کا کہنا تھا پنجاب میں 43 ہزار سے زائد کورونا ٹیسٹ کئے جا چکے ہیں ،پنجاب میں 4500بستروں پر مشتمل فیلڈ اسپتال قائم کر دیئے، فیلڈ اسپتال لاہور،پنڈی،گوجرانوالہ،سرگودھاودیگر شہروں میں ہیں۔

عثمان بزدار نے کہا کہ فیلڈ اسپتالوں میں بستروں کی تعداد10 ہزار تک بڑھاسکتےہیں ، کورونا سے بچاؤ کے لئے لاک ڈاؤن کے مثبت نتائج سامنے آرہے ہیں ، پنجاب میں ایس او پیزکے مطابق کنسٹرکشن انڈسٹری کھول رہے ہیں۔

ان کا کہنا تھا کہ مختلف انڈسٹریز کو کھولنے کا کیس ٹو کیس جائزہ لیا جائے گا، مقامی سطح پر لاک ڈاؤن میں نرمی یا سختی کا اختیار کمشنر کوہوگا، لاک ڈاؤن میں نرمی کاعوام ناجائزہ فائدہ نہ اٹھائیں۔

وزیراعلیٰ پنجاب نے مزید کہا کہ ڈینگی سے بچاؤ کے لئے مہم بھی شروع کی جا رہی ہے ، گندم خریداری کاہدف پورا کریں گے ، پنجاب میں 2945مریضوں میں سے508صحتیاب ہوچکے ہیں اور صحتیاب افرادکاپلازمہ لیکرتشویشناک مریضوں کاعلاج کیاجارہاہے۔

ارکان اسمبلی کا کہنا تھا کہ ثابت ہو گیا کہ عثمان بزدار کی کارکردگی اورویژن سب سے بہتر ہے۔

اپریل 15, 2020
‘انصاف امداد پروگرام کے ذریعے بیک وقت لاکھوں خاندانوں کی مالی امداد قومی ریکارڈ ہے’

لاہور : وزیراعلیٰ پنجاب سردار عثمان بزدار کا کہنا ہے کہ کورونا کے خلاف جنگ عوام کے تعاون سے ہی جیتیں گے ، انصاف امداد پروگرام کے ذریعے بیک وقت لاکھوں خاندانوں کی مالی امداد قومی ریکارڈ ہے۔

تفصیلات کے مطابق وزیراعلیٰ پنجاب سردار عثمان بزدار نے رات گئے بغیر پروٹوکول تونسہ کا دورہ کیا ، عثمان بزدار کے دورے سے انتظامیہ بھی لا علم رہی، دورے میں انھوں نے نےدفعہ 144 پرعملدرآمدکےاقدامات کا جائزہ لیا اور کورونا وباکا پھیلاؤ روکنے کے لئےانتظامات کا مشاہدہ کیا۔

وزیراعلیٰ پنجاب نےتونسہ میں صفائی،بنیادی سہولتوں اور امن و امان کاجائزہ لیتےہوئے شہریوں سے گھروں میں رہنے کی اپیل کی اور کہا آپ کا گھر آپ سب کے لئے محفوظ ہے، کورونا سے بچنا ہے تو شہری بلا ضرورت باہر نہ نکلیں۔

عثمان بزدارکا کہنا تھا کہ کورونا کے خلاف جنگ عوام کے تعاون سے ہی جیتیں گے، کورونا وائرس کی وجہ سے پیدا ہونے والی صورتحال احتیاط کی متقاضی ہے، آزمائش کے وقت میں اپنی جان ہتھیلی پر رکھ کر متاثرہ مریضوں کا علاج کرنے والے حقیقی مسیحا ہیں۔

ان کا کہنا تھا کہ انتظامیہ اور سیکیورٹی ادارے موجودہ صورتحال میں مثالی کردار ادا کررہے ہیں، کورونا کے خدشے کے باوجودفرائض سرانجام دینے والے افسروں اور اہلکاروں کو سلام پیش کرتے ہیں

وزیراعلیٰ پنجاب نے کہا کہ معاشی صورتحال پر پوری نظر ہے،نادار طبقے کو تنہا نہیں چھوڑیں گے، انصاف امداد پروگرام کے ذریعے بیک وقت لاکھوں خاندانوں کی مالی امداد قومی ریکارڈ ہے

اپریل 10, 2020
وزیراعلیٰ پنجاب آج چینی ڈاکٹروں کے وفد سے ملاقات کریں گے

لاہور : وزیراعلیٰ پنجاب عثمان بزدار آج چینی ڈاکٹرز کے 8رکنی وفد سے ملاقات کریں گے ، جس میں ڈاکٹرز کورونا وائرس پر قابو پانے کے حوالے سےاپنی تجاویز پیش کریں گے۔

تفصیلات کے مطابق وزیراعلیٰ پنجاب عثمان بزدار سے آج چین سے آئے کورونا ایکسپرٹ ڈاکٹروں کا وفد ملاقات کرے گا، جس میں چینی ڈاکٹرز کورونا وائرس پر قابو پانے کے حوالے سے اپنے تجربات شیئر کریں گے۔

ملاقات میں چینی ڈاکٹر کورونا وائرس کی وباء کی روک تھام کے لئے اپنی تجاویز وزیراعلیٰ پنجاب کو پیش کریں گے۔

یاد رہے وزیرصحت پنجاب ڈاکٹریاسمین راشد سے چین سےآئےڈاکٹرزکے8رکنی وفدکی ملاقات ہوئی ، سیکریٹری محکمہ پرائمری اینڈسیکنڈری ہیلتھ کیئرنے وفدکوکورونا صورتحال پربریفنگ دی اور کوروناکےتدارک کیلئے اقدامات اورمستقبل کی حکمت عملی سےبھی آگاہ کیا۔

چینی وفدنے پاکستان بالخصوص حکومت پنجاب کے اقدامات اورحکمت عملی کوسراہا۔ اس موقع پر ڈاکٹر یاسمین راشد نے کہا کہ کوروناپرقابوپانے کیلئے چینی طبی ماہرین سے مددلینے کاوقت ہے۔

ان کا کہنا تھا کہ پنجاب میں کوروناوائرس کے مریضوں کابہترین علاج جاری ہے، انتہائی قلیل عرصہ میں لاہورمیں 1000بستر کا اسپتال بنایا گیا۔

گذشتہ روز چینی ڈاکٹروں کا 8 رکنی وفد لاہور پہنچا تھا، چینی ڈاکٹر مختلف ہسپتالوں کا دورہ کریں گے چینی ڈاکٹر اپنے دورے کے دوران پاکستانی ڈاکٹروں کو کرونا وائرس کے مریضوں کے علاج کے حوالے سے رہنمائی دیں گے ۔

خیال رہے ڈاکٹرز کا وفد رواں ہفتے اسلام آباد پہنچا تھا، جہاں وزیرخارجہ شاہ محمود قریشی نے ان کا استقبال کیا تھا۔

اپریل 4, 2020
لاک ڈاؤن ، پنجاب پولیس میں فوری 10 ہزار سے زائد بھرتیوں کی منظوری

لاہور : وزیراعلیٰ پنجاب عثمان بزدار نے پولیس میں فوری طور پر 10 ہزار سے زائد بھرتیوں کی منظوری دے دی، منظور شدہ خالی اسامیوں پرمراحلہ وار بھرتیاں کی جائیں گی۔

تفصیلات کے مطابق وزیراعلیٰ پنجاب عثمان بزدار نےپولیس میں خالی اسامیوں پر بھرتیوں اور پنجاب پولیس کیلئےنئی گاڑیوں کی خریداری کی منظوری دے دی۔

عثمان بزدار نے کہا ہے کہ پولیس میں فوری طور پر 10 ہزار سے زائد بھرتیاں کی جائیں گی ، منظور شدہ خالی اسامیوں پرمراحلہ وار بھرتیاں کی جائیں گی۔

وزیراعلیٰ پنجاب کا کہنا تھا کہ پولیس انویسٹی گیشن،آپریشنل امور کیلئے25کروڑ فراہم کئےجائیں گے، پولیس کیلئے500 سنگل کیبن پک اپ گاڑیاں خریدی جائیں گی، ایک ارب21کروڑروپےسے318گاڑیاں رواں سال خریدی جائیں گی۔

انھوں نے کہا کہ 20 کروڑسےپنجاب ہائی وےپولیس کو47گاڑیاں فراہم کی جائیں گی جبکہ 8 کروڑ 70لاکھ سے 21گاڑیاں ایلیٹ پولیس کیلئےخریدی جائیں گی، اگلے بجٹ میں مزید182 گاڑیوں کیلئے75کروڑ57لاکھ دیئےجائیں گے۔

عثمان بزدار کا کہنا تھا کہ 45 تھانوں کی زیرتعمیرعمارتیں مکمل کرکےفعال اور 101 تھانوں کوسرکاری اراضی منتقل کرکےنئی عمارتیں تعمیرکی جائیں گی۔

وزیراعلیٰ پنجاب نے مزید کہا کہ پولیس کےخدمت مراکزکودورجدیدسےہم آہنگ کریں گے ، پولیس کوپبلک فرینڈلی بنانےکیلئےتمام تر اقدامات کریں گے۔

مارچ 31, 2020
لاک ڈاؤن : وزیراعلیٰ پنجاب کا دیہاڑی دار اور مزدور طبقے کیلئے بڑا فیصلہ

لاہور : وزیراعلیٰ پنجاب عثمان بزدار نے لاک ڈاؤن سےمتاثر دیہاڑی داراورمزدور طبقے کیلئےخصوصی پیکیج کا فیصلہ کرتے ہوئے پیکیج کا طریقہ کارفوری طے کرنے کی ہدایت کردی۔

تفصیلات کے مطابق وزیراعلیٰ پنجاب عثمان بزدار کی زیر صدارت بند کمرے کی بجائے لان میں اجلاس ہوا،کوروناوائرس سےاحتیاط کےباعث اجلاس لان میں منعقدکیا گیا۔

اجلاس میں پنجاب فنانشل پیکیج کےلیےسفارشات جائزہ لیاگیا اور لاک ڈاؤن سےمتاثردیہاڑی داراورمزدور طبقے کیلئےخصوصی پیکیج کا فیصلہ کیا گیا۔

وزیراعلیٰ پنجاب نے دیہاڑی دار اورمزدورطبقے کیلئے پیکیج کا طریقہ کارفوری طے کرنے کی ہدایت کرتے ہوئے کہا دیہاڑی داراورمزدورطبقے کوایزی پیسہ کےذریعے مالی ریلیف دیاجائے گا۔

اجلاس میں ریلیف پیکیج کیلئےاضلاع کی سطح پرڈپٹی کمشنر کی قیادت میں کمیٹیاں بنانےکا فیصلہ کرتے ہوئے کہا گیا کہ خصوصی کمیٹیوں میں عوامی نمائندوں اوردیگرمکاتب فکرکونمائندگی دی جائےگی

عثمان بزدار کا کہنا تھا کہ کوروناوائرس کی وجہ سے شہید گورنمنٹ ملازمین کوخصوصی پیکیج دیاجائےگا، لاک ڈاؤن اورسیمی لاک ڈاؤن والے علاقوں میں متاثرین کےلواحقین کوراشن کی فراہمی جاری رہے گی۔

وزیراعلیٰ پنجاب کا کہنا تھا کہ نادار طبقے کو مشکل کی گھڑی میں تنہا نہیں چھوڑیں گے، تحریک انصاف کی حکومت نادار طبقے کی ضروریات کاخیال رکھے گی ریلیف پیکیج کے تحت محنت کشوں کو مالی مراعات دی جائیں گی جبکہ بی آئی ایس پی اوربیت المال سےنادار افرادکی امداد کا عمل جاری ہے۔

مارچ 28, 2020
پی آئی سی ہنگامہ آرائی : جاں بحق مریضوں کے لواحقین کیلئے مالی امداد کا اعلان

لاہور : وزیر اعلیٰ پنجاب سردار عثمان بزدار نے کہا ہے کہ پی آئی سی واقعے میں جاں بحق ہونے والے افراد کے لواحقین کو حکومت کی جانب سے فی کس دس دس لاکھ روپے امداد دی جائے گی، گاڑیوں کے نقصانات کا بھی ازالہ کیا جائے گا۔

یہ اعلان انہوں نے اجلاس سے خطاب کرتے ہوئے کیا۔ تفصیلات کے مطابق لاہور میں وزیراعلیٰ پنجاب کی زیرصدارت کابینہ کمیٹی برائے امن وامان کا اجلاس منعقد ہوا۔

اجلاس میں پی آئی سی واقعے کے مختلف پہلوؤں اور کیس پر ہونے والی پیشرفت کا تفصیلی جائزہ لیا گیا، اس موقع پر سردار عثمان بزدار کی جانب سے ہنگامہ آرائی کے باعث جاں بحق ہونے والے مریضوں کے لواحقین کیلئے مالی امداد کااعلان کیا گیا۔

اجلاس میں فیصلہ کیا گیا کہ حکومت جاں بحق مریضوں کے لواحقین کو10،10لاکھ روپے امداد دے گی، اس کے علاوہ ڈاکٹرز اور دیگر لوگوں کی گاڑیوں کو پہنچنے والے نقصانات کا بھی ازالہ کیا جائے گا۔

عثمان بزدار نے اپبے خطاب میں واضح ہدایات دیں کہ جاں بحق مریضوں کے لواحقین کو کل تک ہرصورت امداد فراہم کردی جائے۔

انہوں نے کہا کہ پنجاب انسٹی ٹیوٹ آف کارڈیا لوجی (پی آئی سی) میں آلات اور مشینری و دیگرسامان کو جلد درست حالت میں لایا جائے اور ایمرجنسی کو فنگشنل کرنے کیلئے ہنگامی بنیادوں پر اقدامات اٹھائے جائیں۔

وزیراعلیٰ کا مزید کہنا تھا کہ پی آئی سی کی ایمرجنسی کی جلد بحالی ہماری اولین ترجیح ہے، حکومت ایمرجنسی سروسز بحالی کیلئے تمام ضروری وسائل فراہم کرے گی۔

دسمبر 12, 2019
وزیراعظم پنجاب پولیس کی کارکردگی سے ناخوش ، وزیراعلیٰ پنجاب کواسلام آباد طلب کرلیا

اسلام آباد : پنجاب پولیس ریفارمز کے معاملے پر وزیراعظم عمران خان نے وزیراعلیٰ پنجاب کو اسلام آباد طلب کر لیا ، ذرائع کا کہنا ہے کہ عمران خان پنجاب پولیس کی کارکردگی سے ناخوش ہیں۔

تفصیلات کے مطابق وزیراعظم عمران خان نےوزیراعلیٰ پنجاب کواسلام آبادطلب کرلیا، وزیراعلیٰ پنجاب عثمان بزدار وزیراعظم عمران خان سے ملاقات کریں گے اور پولیس ریفارمز سے متعلق وزیراعظم کو آگاہ کریں گے اور بریفنگ دیں گے۔

ذرائع کا کہنا ہے کہ وزیراعظم نے پنجاب میں پولیس گردی کے واقعات پر ناراضگی اور تشویش کا اظہار کیا تھا۔

دوسری جانب وزیراعلیٰ پنجاب عثمان بزدار لاہور سے اسلام آباد پہنچ گئے ہیں ، جہاں ان کی وزیراعظم سے ون آن ون ملاقات ہوگی ، جس میں پنجاب پولیس نظام میں اصلاحات پر بات چیت کریں گے جبکہ زونز اجلاس میں شرکت بھی کریں گے۔

مزید پڑھیں : پنجاب، پولیس حراست میں 17 ملزمان کی ہلاکتوں کا انکشاف

یاد رہے پنجاب میں 8 ماہ میں پولیس کی حراست میں 17 ملزمان کی ہلاکتوں کا انکشاف ہوا تھا ، ذرائع کے مطابق 14 ہلاکتوں پر 84 پولیس افسران و اہلکاروں کے خلاف مقدمات درج ہوئے ہیں، پنجاب پولیس ناقص کارکردگی کو بچانے کے لیے واقعات کو دبانے پر مصروف عمل ہے۔

خیال رہے چند روز قبل بھی اے ٹی ایم کارڈ چرانے والے صلاح الدین کو پولیس نے دوران حراست تشدد کرکے ہلاک کردیا تھا اور پولیس کی جانب سے کہا گیا کہ وہ دل کا دورہ پڑنے سے چل بسا۔

بعد ازاں وزیراعلیٰ پنجاب عثمان بزدار نے واقعے کا نوٹس لیا تھا ، جس کے بعد انچارج سی آئی اے سمیت چار پولیس اہلکاروں کو معطل کرکے ان کے خلاف مقدمہ درج کرلیا گیا تھا۔

ستمبر 11, 2019