Tag: cm-punjab-usman-buzdar

لاہور: وزیراعلیٰ پنجاب عثمان بزدار کا کہنا ہے کہ کوشش ہے کہ اینٹی وائرس ویکسین پاکستان سے تیار ہو، پاکستان میں بہترین طبی ماہرین موجود ہیں ،وسائل کی کمی کاسامناہے۔

تفصیلات کے مطابق وزیراعلیٰ پنجاب عثمان بزدار نے میڈیا بریفنگ دیتے ہوئے کہا کہ مستحقین کیساتھ بڑھ چڑھ کر تعاون کررہے ہیں، مساجد، مدارس وغیرہ میں جراثیم کش اسپرے اور لاک ڈاؤن خلاف ورزی پر گرفتار لوگوں کو رہا کرنے کی ہدایت کی ہے۔

وزیراعلیٰ پنجاب کا کہنا تھا کہ کورونا کے پیش نظرطبی ماہرین اور چینی ڈاکٹرز سے بھی ملاقات کریں گے جبکہ محکمہ صحت کو ٹیسٹنگ کی صلاحیت بڑھانے کی ہدایت بھی کی ہے۔

عثمان بزدار نے کہا کہ 25 لاکھ خاندانوں کیلئے 10ارب روپے مختص کئے ہیں، انتظامی اور طبی لحاظ سے صورت حال قابو میں ہے ، ترسیلات بہتربنانےکیلئےسینٹرل کنٹرول روم بنائیں گے۔

ان کا کہنا تھا کہ روزانہ کی بنیاد پر ایشوز کو بیٹھ کر صورتحال کا جائزہ لے رہے ہیں، محکمہ صحت سے کہا ہے کہ کٹس ہم آپ کو فراہم کریں گے ، خدانخواستہ کسی ہیلتھ ورکر کا انتقال ہوا تو شہدا پیکج سے مدد کی جائے گی۔

وزیراعلیٰ پنجاب نے کہا کہ کورونا کے خلاف کام کرنے والے طبی عملے کو ایک تنخواہ دینے کا اعلان کیا ہے، تبلیغی جماعت والوں کا بہت احترام ہے ،ان سے رابطے میں ہیں، پولیس کی جانب سے مس ہینڈلنگ کی رپورٹ ملی ہے، چیف سیکریٹری پنجاب سے اس معاملے کی انکوائری کا کہا ہے۔

عثمان بزدار کا کہنا تھا کہ ریلیف پیکج میں کسی قسم کی کرپشن برداشت نہیں کی جائے گی ، عام آدمی کیلئے ریلیف پیکج کا طریقہ کار بالکل شفاف ہوگا۔

انھوں نے مزید کہا ک ڈاکٹرطاہرشمسی کیساتھ سب سے پہلےہم نے خود کانفرنس کی ، کوشش ہے کہ اینٹی وائرس ویکسین پاکستان سے تیار ہو، پاکستان میں بہترین طبی ماہرین موجود ہیں ،وسائل کی کمی کاسامناہے۔

لاہور : وزیراعلیٰ پنجاب عثمان بزدار کا کہنا ہے کہ وزیراعظم عمران خان آج کےدورکے ویژنری لیڈر ہیں ، عوام کی خوشحالی کیلئے اقدامات اٹھا رہے ہیں، اب ہر آنے والا دن گزرے ہوئے دن سےبہترہوگا۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا ہے کہ موجودہ حکومت نےعوام کی خوشحالی کیلئے اقدامات اٹھائےہیں، ماضی کےحکمرانوں نےذاتی خزانےکی ترقی پرتوجہ مرکوز رکھی، جس کا خمیازہ پوری قوم بھگت رہی ہے۔

عثمان بزدار کا کہنا تھا کہ حکومت نےملک کو گھمبیر حالات سےنکالا،درست سمت پرگامزن کیا، اب ہر آنے والا دن گزرے ہوئے دن  سےبہترہوگا اور اپوزیشن کی حکومت واتحادیوں میں دراڑیں ڈالنےکی سازش ناکام ہوگی۔

وزیراعلیٰ پنجاب نے مزید کہا کہ وزیراعظم عمران خان آج کےدورکےویژنری لیڈرہیں، ہم صوبےکےہرشہرکی یکساں ترقی کے ویژن پریقین رکھتےہیں۔

یاد رہے وزیر اعلیٰ کا کہنا تھا کہ پنجاب میں کوئی بحران ہے نہ پیدا ہونے دیں گے، حکومت کے تمام اسٹیک ہولڈرز ایک صفحے پر ہیں، تحریک انصاف کی حکومت پہلے سے کہیں زیادہ مضبوط ہے۔

انہوں نے کہا تھا کہ افواہیں پھیلانے اور سازشیں کرنے والوں کو ناکامی کا سامنا کرنا پڑا ہے، تحریک انصاف کی حکومت سب کو ساتھ لے کر چل رہی ہے۔