Tag: cm-punjab-usman-buzdar

لاہور : وزیراعلیٰ پنجاب عثمان بزدار نے کہا ہے کہ لوٹ مارکا دورگزر چکا، قومی وسائل عوام کی امانت ہیں ، نئے پاکستان میں اس ظالمانہ نظام کی کوئی گنجائش نہیں، ہم باتیں نہیں کام کرکے دکھاتے ہیں۔

تفصیلات کے مطابق وزیراعلیٰ پنجاب عثمان بزدار سے مختلف شہروں سے آئے لوگوں نے ملاقات کی ، وزیراعلیٰ نے ان کے مسائل سنے اور حل کے لئے احکامات جاری کئے۔

اس موقع پر وزیراعلیٰ پنجاب عثمان بزدار نے کہا عوام کی امیدوں، توقعات پر پورا اترنے کیلئے صرف کام پر توجہ ہے، شہریوں کے جائز کام ترجیحی بنیادوں پر حل کئے جارہے ہیں۔

وزیراعلیٰ پنجاب کا کہنا تھا کہ ماضی میں صرف چند شہروں کو وسائل دیے گئے، سابق دور میں ترقی و خوشحالی کی یکساں پالیسی کی دھجیاں اڑائی گئیں، مخصوص ایجنڈے کے تحت پنجاب کے شہروں کو ترقی سے محروم رکھا ہے۔

عثمابزدار نے کہا سابق ادوار کی غلط پالیسیوں کے باعث عوام کے مسائل بڑھے، خصوص طبقہ امیر ہوتا گیا اور عام آدمی غریب، نئے پاکستان میں اس ظالمانہ نظام کی کوئی گنجائش نہیں، ہم باتیں نہیں کام کرکے دکھاتے ہیں۔

ان کا کہنا تھا کہ لوٹ مارکا دورگزر چکا، قومی وسائل عوام کی امانت ہیں، نیا پاکستان،نئی سوچ اور نئے جذبوں سے عبارت ہے، کسی کو تبدیلی کے ایجنڈے کی راہ میں حائل نہیں ہونے دیں گے۔

وزیراعلیٰ پنجاب نے کہا کئی دہائیوں بعد صوبے میں 9نئے اسپتال بنائے جارہے ہیں، تحریک انصاف حکومت 70برس کی خرابیوں کو ٹھیک کررہی ہے، اب شفاف قیادت اور شفاف حکومت ہے۔

یاد رہے  وزیراعظم کی قیادت میں پی ٹی آئی ہر دلعزیز جماعت بن چکی ہے ، موجودہ حکومت عوام کو ریلیف دینے کے لئے آخر حد تک جائے گی،  ہماری حکومت نے عوام کو بنیادی ضروریات کی فراہمی پر فوکس کیا ہے، چیلنجز پر قابو پانے کیلئے دن رات ایک کئے رکھا۔

لاہور : وزیراعلیٰ پنجاب عثمان بزدار نے پی ٹی آئی جنرل سیکرٹری عامر کیانی سے ملاقات میں کہا وزیراعظم کی قیادت میں پی ٹی آئی ہر دلعزیز جماعت بن چکی ہے ، موجودہ حکومت عوام کو ریلیف دینے کے لئے آخر حد تک جائے گی۔

تفصیلات کے مطابق وزیراعلیٰ پنجاب عثمان بزدار سے پی ٹی آئی جنرل سیکرٹری عامر کیانی کی ملاقات ہوئی ، ملاقات میں باہمی دلچسپی، فلاح عامہ کے منصوبوں اور پارٹی امور پرتبادلہ خیال کیا گیا۔

وزیراعلیٰ پنجاب نے کہا وزیراعظم کی قیادت میں پی ٹی آئی ہردلعزیزجماعت بن چکی ہے، پارٹی کے کارکن قیمتی سرمایہ ہیں ، کارکنوں کو جائزمقام ، مسائل ترجیحی بنیاد پرحل کئے جائیں گے، کارکنوں کیلئے وزیراعلیٰ آفس کے دروازے ہمہ وقت کھلے ہیں۔

عثمان بزدار کا کہنا تھا کہ موجودہ حکومت عوام کو ریلیف دینے کے لئے آخر حد تک جائے گی، عوام کو ریلیف کے کاموں کی خود نگرانی کررہا ہوں، صوبائی وزراکوبھی مہنگائی پر قابو پانے کیلئے فیلڈ وزٹ کی ہدایت کردی ہے۔

انھوں نے کہا راولپنڈی کیلئے اربوں روپے کے منصوبے شروع کئے ہیں ماضی کی طرح پیسہ نمائشی منصوبوں پر ضائع نہیں کیا اور ماضی میں نمائشی منصوبوں پرسرکاری وسائل کا بےدریغ استعمال ہوا اور ان نمائشی منصوبوں کا فائدہ عوام کو نہیں پہنچا۔

مزید پڑھیں : عام آدمی کے مسائل کے حل میں کوئی رکاوٹ برداشت نہیں، عثمان بزدار

وزیراعلیٰ پنجاب کا کہنا تھا کہ ہماری حکومت نے عوام کو بنیادی ضروریات کی فراہمی پر فوکس کیا ہے، چیلنجز پر قابو پانے کیلئے دن رات ایک کئے رکھا۔

یاد رہے سردار عثمان بزدار نے کہا تھا کہ تنقید کی پرواہ نہیں، عوام کی خدمت کا مشن آگے بڑھا رہا ہوں ، میرا سرمایہ عام لوگ ہیں ،ان کے مسائل ذاتی طور پر سنتا ہوں، عام آدمی کے مسائل کے حل میں کوئی رکاوٹ برداشت نہیں ہے۔

ان کا کہنا تھا کہ سابق ادوارمیں اشرافیہ کو نوازا گیا، سابق ادوارمیں نمائشی منصوبوں پروسائل ضائع کیے گئے، ہماری حکومت نے عوام کی بنیادی ضرورتوں پر فوکس کیا ہے۔

لاہور : وزیراعلیٰ پنجاب عثمان بزدار نے کہا کہ مودی آج کا یزید بن چکا ہے،یزیدیت کا یہ دور جلد انجام کو پہنچے گا، مودی کا نظریہ ہٹلر ازم بھارت کو لے ڈوبے گا، کشمیریوں کا لہورنگ لائے گا۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا بھارت مقبوضہ کشمیر میں عالمی قوانین کی دھجیاں اڑارہاہے، 39 روز سے جاری کرفیو سے مظلوم کشمیریوں کی زندگی اجیرن ہوچکی ہے۔

وزیراعلیٰ پنجاب کا کہنا تھا کہ مودی آج کا یزید بن چکا ہے،یزیدیت کا یہ دور جلد انجام کو پہنچے گا، عالمی برادری کی خاموشی بڑے انسانی سانحہ کو جنم دے سکتی ہے، مقبوضہ کشمیر کیلئے اقوام عالم کو خواب غفلت سے جاگنا ہوگا۔

عثمان بزدار نے کہا بھارت جتناظلم کرلے کشمیریوں کی تحریک آزادی کا گلا نہیں گھونٹ سکتا، مودی کا نظریہ ہٹلر ازم بھارت کو لے ڈوبے گا، کشمیریوں کا لہو رنگ لائے گا۔

مزید پڑھیں : مودی سرکار نے گھناؤنے اقدامات کرکے وادی کو جہنم بنادیا، عثمان بزدار

یاد رہے وزیراعلیٰ پنجاب عثمان بزدار کا کہنا تھا کہ بھارتی فوج نے کشمیری عوام پر ظلم و ستم کے پہاڑ توڑے ہیں، بھارت نے معصوم کشمیری عوام پر عرصہ حیات تنگ کردیا، بھارت کا ہر حربہ کشمیری عوام کی آواز کو دبانے میں ناکام رہا ہے، دنیا جانتی ہے بھارت نے مقبوضہ و جموں کشمیر پر غیرقانونی قبضہ کیا ہے۔

عثمان بزدار کا کہنا تھا کہ مودی سرکار نے ایک بار پھر خطے میں امن کو داؤ پر لگادیا ہے، مشکل کی ہر گھڑی میں کشمیری بہن بھائیوں کا ساتھ دیں گے۔

خیال رہے  جنت نظیر وادی کو قابض فورسز نے چھاونی میں بدل دیا ہے ،  انتالیس روز سے جاری کرفیو کے باعث کشمیری گھروں سے باہر نکل سکتے ہیں اور نہ کسی سے بات کرسکتے ہیں، گھروں میں کھانے پینے کی اشیا کا بحران ہے۔

  انٹرنیٹ، فون اور موبائل سروس بند ہونے سے کشمیری دہری اذیت کا شکار ہیں، رات کے اندھیرے میں بھارتی فورسز کشمیری گھر میں گھس کر لڑکوں کو گرفتار اور خواتین کی عصمت دری کررہی ہے جبکہ حریت قیادت سمیت آٹھ ہزار سے زائد کشمیری اسیر ہیں۔

لاہور: وزیراعلیٰ پنجاب عثمان بزدار کا کہنا ہے کہ پولیس کے رویوں میں بہتری لاکرتھانہ کلچر تبدیل کریں گے ، ملزمان پرپولیس تشدد کسی صورت برداشت نہیں کیا جائے گا۔

تفصیلات کے مطابق وزیراعلیٰ پنجاب عثمان بزدار کی زیرصدارت اعلیٰ سطح اجلاس ہوا، جس میں وزیراعلیٰ نے پولیس نظام میں اصلاحات مزید تیز کرنے کی ہدایت کردی۔

عثمان بزدار کا کہنا تھا کہ پولیس کے رویوں میں بہتری لاکرتھانہ کلچر تبدیل کریں گے، ملزمان پرپولیس تشدد کسی صورت برداشت نہیں کیاجائے گا، زیرحراست ملزمان سےماورائے قانون اقدام برداشت نہیں۔

وزیراعلیٰ پنجاب نے مزید کہا کہ پنجاب پولیس کوجدید تقاضوں سے ہم آہنگ کیا جائے گا، فرسودہ نظام تبدیل کرکےپولیس کوعوام دوست بنائیں گے، تھانوں میں کیمروں سے حوالات اور تفتیش کی نگرانی کی جارہی ہے۔

یاد رہے پنجاب پولیس کے تشدد کا شکار ایک اور زیرحراست ملزم جان سے ہاتھ دھوبیٹھا تھا ، پولیس کے تشدد سے ہلاک عامر کی اسپتال منتقلی کی سی سی ٹی وی فوٹیج سامنے آگئی تھی ، دو سادہ لباس اہلکاروں کو بے ہوش عامرمسیح کولاتیں مارتے دیکھا جاسکتا تھا۔

خیال رہے آٹھ ماہ میں سترہ ملزمان پولیس کی زیر حراست ہلاک ہونے کا انکشاف ہوا ہے، چودہ ہلاکتوں پر چوراسی پولیس افسران واہلکاروں کے خلاف مقدمات بھی درج ہوئے لیکن نتیجہ صفر ہی رہا۔

لاہور : وزیراعلیٰ پنجاب عثمان بزدار کا کہنا ہے وزیراعظم کی اپیل پرکل کشمیریوں سے یکجہتی کیلئے باہرنکلیں گے، افسوس ہے مقبوضہ کشمیرآگ میں جل رہاہے اور دنیاخاموش ہے۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا ہے کہ کل کشمیریوں سےمحبت اوریکجہتی کابھرپوراظہار کریں گے ، کشمیریوں پربھارتی مظالم پرخاموش نہیں رہ سکتے، وزیراعظم کی اپیل پرکل کشمیریوں سےیکجہتی کیلئےباہرنکلیں گے۔

عثمان بزدار کاکہنا تھا کہ مودی سرکارکوغیرقانونی اقدام کی تاریخی غلطی کاخمیازہ بھگتناہوگا، افسوس ہےمقبوضہ کشمیرآگ میں جل رہاہےاوردنیاخاموش ہے۔

وزیراعلیٰ پنجاب نے مزید کہا کہ بھارت نےکشمیری عوام کوبنیادی انسانی حقوق سےمحروم رکھا، پاکستان کوکوئی کشمیرسےجدانہیں کرسکتا۔

مزید پڑھیں : جمعے کے روز کشمیریوں سے اظہار یک جہتی کا ابتدائی پروگرام تیار

یاد رہے وزیراعظم نے اپنے قوم سے خطاب میں کہا تھا کہ آخری سانس تک کشمیریوں کا ساتھ دیں گے، پاکستان کشمیر کے لیےہر حد اور ہر سطح تک جائےگا، اس جمعے سے ہر ہفتے آدھا گھنٹہ کشمیری بھائیوں کے نام کریں گے۔

اس سلسلے میں ابتدائی پروگرام ترتیب دے دیا گیا ہے، وفاقی حکومت کا مرکزی اجتماع شاہراہ دستور پر ہوگا، جمعے کی نماز سے قبل 12 سے ساڑھے 12 بجے تک ملک بھر میں ٹریفک روک دی جائے گی۔

وزیر اعظم عمران خان وزیر اعظم سیکریٹریٹ کے سامنے اجتماع کی قیادت کریں گے، ملک بھر کے تمام اضلاع میں مخصوص مقامات پر احتجاج کیا جائے گا۔

لاہور : وزیراعلیٰ پنجاب عثمان بزدار نے کہا پاکستان اور کشمیر نہ ٹوٹنے والے بندھن میں بندھےہیں ، پاکستان دنیا کی ہر عدالت میں کشمیریوں کا مقدمہ لڑے گا، آج نہیں تو کل کشمیر آزاد ہو کر رہے گا۔

تفصیلات کے مطابق وزیراعلیٰ پنجاب عثمان بزدار نے یوم سیاہ کے موقع ہر اپنے پیغام میں کہا پورا پاکستان کشمیریوں پرمظالم کے خلاف سراپا احتجاج ہے، پاکستان کابچہ بچہ مظلوم کشمیریوں کے ساتھ ہے۔

عثمان بزدار کا کہنا تھا کہ پاکستان اور کشمیر نہ ٹوٹنے والے بندھن میں بندھےہیں، پاکستان دنیا کی ہر عدالت میں کشمیریوں کا مقدمہ لڑے گا، آج نہیں تو کل کشمیر آزاد ہو کر رہے گا۔

خیال رہے پاکستان بھر میں بھارت کے یوم آزادی کے موقع پر آج یوم سیاہ منا یا جارہا ہے ، یوم سیاہ پر کشمیری عوام سے اظہاریکجہتی کے لئے اسلام آباد میں سرکاری عمارتوں پرقومی پرچم سرنگوں کردیئے گئے ہیں۔

مزید پڑھیں : بھارت کے یوم آزادی پر پاکستان بھر میں یوم سیاہ

ایوان صدر، وزیراعظم آفس، سپریم کورٹ کی عمارتوں پرقومی پرچم سرنگوں ہیں پارلیمنٹ ہاؤس پربھی قومی پرچم سرنگوں ہے جبکہ شاہرادستور پر سیاہ جھنڈے لہرا دیے گئے ہیں، صوبائی حکومتوں نے بھی آج یوم سیاہ منانے کا اعلان کیا ہے۔

آزاد کشمیر سمیت ملک بھر کے شہروں، دیہاتوں اور گلی محلوں میں احتجاجی مظاہرے کیے جا رہے ہیں اور ہر طرف کشمیر بنے گا پاکستان کے نعروں کی گونج ہے۔

واضح رہے بھارت کی جانب سے مقبوضہ کشمیر کی خصوصی حیثیت ختم کرنے اور مقبوضہ وادی میں بھارتی فوج کے مظالم کے خلاف قومی سلامتی کمیٹی کے اجلاس میں فیصلہ کیا تھا کہ 15 اگست کو بھارت کا یوم آزادی یوم سیاہ کے طور پر منایا جائے گا۔