ARYNews.tv | Urdu – Har Lamha Bakhabar

Tag: CM Punjab

  • لاہور ماسٹر پلان 2050 منظور کرلیا گیا

    لاہور ماسٹر پلان 2050 منظور کرلیا گیا

    لاہور: وزیر اعلیٰ پنجاب چوہدری پرویز الٰہی کی زیر صدارت ہونے والے اجلاس میں لاہور ماسٹر پلان 2050 کی منظوری دے دی گئی، اجلاس میں لاہور کا سبز رقبہ بڑھانے کی بھی منظوری دی گئی۔

    تفصیلات کے مطابق وزیر اعلیٰ پنجاب چوہدری پرویز الٰہی کی زیر صدارت لاہور ڈویلپمنٹ اتھارٹی کی گورننگ باڈی کا اجلاس ہوا۔

    اجلاس میں لاہور ماسٹر پلان 2050 منظور کرتے ہوئے مستقبل میں ایگری کلچر لینڈ کو محفوظ بنانے کی پالیسی پر زور دیا گیا۔

    اجلاس میں اربن، رورل بیلنس کے لیے پائیدار اقدامات کی پالیسی نافذ کرنے کا فیصلہ کیا گیا جبکہ گرین لینڈ ایریا کا تناسب بھی 7 سے 20 فیصد تک بڑھانے کا فیصلہ کیا گیا۔

    لاہور کے ماسٹر پلان میں ڈویژن، ڈسٹرکٹ اور ٹاؤن لیول تک پلاننگ کی منظوری دی گئی، لاہور ماسٹر پلان 2050 ٹور ازم، ماحولیات اور اربن سہولتوں کے فروغ، مالی سال 23-2022 کے ایریا ڈویلپمنٹ پروگرام کے لیے اضافی فنڈز کے اجرا اور ایل ڈی اے، فنانس، ریونیو اور ریکوری ونگز ہیڈز کے سروس اسٹرکچر کو بہتر بنانے کی منظوری دی گئی۔

    اجلاس میں آئی ٹی کیڈر میں تعیناتی اور پروموشن کے قواعد و ضوابط اور ڈی ڈی ایچ آر ایم BS-18 کے عہدے پر تقرری اور پروموشن کے قواعد میں بہتری کے لیے ترمیم کی منظوری دی گئی۔

    اجلاس میں ڈپٹی ڈائریکٹر جیوگرافیکل انفارمیشن سسٹم کی تقرری اور پروموشن کے نئے ضوابط اور ایل ڈی اے سٹی کے پی سی ون اورمصطفیٰ ٹاؤن کے متاثرین کو متبادل پلاٹ دینے کی بھی منظوری دی گئی۔

  • وزیر اعلیٰ نے اعتماد کا ووٹ نہ لیا تو ن لیگ کے پاس 2 آپشنز ہیں!

    وزیر اعلیٰ نے اعتماد کا ووٹ نہ لیا تو ن لیگ کے پاس 2 آپشنز ہیں!

    اسلام آباد: اگر وزیر اعلیٰ پنجاب پرویز الہٰی نے اسمبلی سے اعتماد کا ووٹ نہ لیا تو ن لیگ کے پاس 2 آپشنز ہیں، جن پر غور کیا گیا ہے۔

    تفصیلات کے مطابق مسلم لیگ کے خصوصی اجلاس میں گورنر کی ہدایت پر وزیر اعلیٰ کے اعتماد کا ووٹ نہ لینے پر 2 آپشنزپر غور کیا گیا۔

    ذرائع کا کہنا ہے کہ پہلا آپشن ہے کہ اعتماد کا ووٹ نہ لینے پر گورنر وزیر اعلیٰ کو ڈی نوٹیفائی کر دیں، اور دوسرا آپشن ہے کہ اعتماد کا ووٹ نہ لینے پر عدالت سے رجوع کیا جائے۔

    اجلاس میں اکثریت نے یہ رائے دی کہ اگر وزیر اعلیٰ پرویز الہٰی اعتماد کا ووٹ نہ لے تو عدالت جانا چاہیے، عدالت سے فیصلے تک اسمبلی کی تحلیل روکنے کی استدعا بھی ہوگی۔

    پنجاب کا سیاسی بحران، وزیراعظم کا آصف زرداری اور گورنر پنجاب سے میں ٹیلی فونک رابطہ

    ذرائع نے کہا کہ دوسری طرف مسلم لیگ ن کے چند ارکان وزیر اعلیٰ پنجاب کو ڈی نوٹیفائی کرنے کے حق میں ہیں، ن لیگ میں دونوں آپشنز کو اکٹھے استعمال کرنے کی رائے بھی دی گئی ہے۔

    تاہم، اس سلسلے میں حتمی فیصلہ نواز شریف اور آصف زرداری کی مشاورت سے آج شام ہوگا۔

  • پرویزالہٰی کو وزارت اعلیٰ سے نہیں ہٹایا جاسکتا، اعتزاز احسن

    پرویزالہٰی کو وزارت اعلیٰ سے نہیں ہٹایا جاسکتا، اعتزاز احسن

    اسلام آباد : پیپلز پارٹی کے رہنما اور ممتاز قانون دان اعتزاز احسن نے کہا ہے کہ پرویزالٰہی کو کل وزارت اعلیٰ سے نہیں ہٹایا جاسکتا، تاہم ایک دن میں دو اجلاس بھی ہوسکتے ہیں۔

    یہ بات انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کہی۔

    انہوں نے کہا کہ یہ کہنا کہ غلط ہے کہ گورنر اسمبلی کا اجلاس نہیں بلاسکتا، ایک دن میں 2،2 اجلاس بھی ہوسکتے ہیں، تاہم عجلت میں اس طرح کے فیصلے نہیں ہونے چاہئیں۔

    اعتزاز احسن کا کہنا تھا کہ متعدد ارکان اسمبلی ملک سے باہر ہوتے ہیں اس لیے عجلت میں ایسا نہیں کرنا چاہیے، آئین کہتا ہے کہ پرائیوٹ ممبرز ڈے پر بھی اجلاس بلایا جاسکتا ہے۔ ،

    پیپلزپارٹی کے رہنما نے کہا کہ پرویزالٰہی کو کل وزارت اعلیٰ سے نہیں ہٹایا جاسکتا، کوئی کسی کو اس طرح اٹھا کر باہر نہیں کرسکتا، کل کا اجلاس بلانا فساد پیدا کرنے کے مترادف ہے۔

    ایک سوال کے جواب میں اعتزاز احسن کا کہنا تھا کہ اسمبلی میں تحریک عدم اعتماد اور اعتماد کے ووٹ کے دونوں اجلاس ایک ہی دن ہوسکتے ہیں۔

    مزید پڑھیں: پنجاب اسمبلی کا اجلاس جمعہ تک ملتوی 

    پنجاب اسمبلی کا اجلاس شروع ہونے کے تھوڑی دیر بعد ہی ملتوی کردیا گیا، اسمبلی کا اجلاس ساڑھے 4گھنٹے کی تاخیر سے شروع ہوا، اجلاس کی صدارت اسپیکر سبطین خان کررہے تھے۔

    اپوزیشن اراکین نے اسمبلی اجلاس شروع ہوتے ہی کورم کی نشاندہی کردی۔ اسپیکر کی جانب سے 15منٹ کا دیا جانے والا وقت گزر جانے کے باوجود اسمبلی کورم پورا نہ ہو سکا، جس کے بعد اسپیکر پنجاب اسمبلی نے اجلاس جمعہ تک ملتوی کردیا۔

  • پرویز الہٰی نے اعتماد کا ووٹ نہ لیا تو گورنر وزیر اعلیٰ ہاؤس کو سیز کر دیں گے: رانا ثنا

    پرویز الہٰی نے اعتماد کا ووٹ نہ لیا تو گورنر وزیر اعلیٰ ہاؤس کو سیز کر دیں گے: رانا ثنا

    لاہور: وزیر اعلیٰ پنجاب پرویز الہٰی کے اعتماد کے ووٹ کے معاملے پر رانا ثنا اللہ کا دھواں دار بیان سامنے آ گیا۔

    تفصیلات کے مطابق وفاقی وزیر داخلہ رانا ثنا اللہ نے دھمکی دیتے ہوئے کہا ہے کہ اگر کل پرویز الہٰی نے اعتماد کا ووٹ نہ لیا تو گورنر وزیر اعلیٰ ہاؤس کو سیز کر دیں گے۔

    انھوں نے کہا ہم سب آپس میں رابطے میں ہیں، پرویز الہٰی خود کہہ رہے ہیں کہ مجھ سمیت 90 فی صد ارکان اسمبلی توڑنے کے حق میں نہیں۔ رانا ثنا اللہ نے کہا کہ پرویز الہٰی کی دُہائیوں پر عدم اعتماد نہ لاتے تو کیا کرتے۔

    وزیر داخلہ نے کہا اسپیکر پنجاب اسمبلی کا اجلاس نہ بلانے سے متعلق مؤقف غلط ہے، ان کی بات آئین کے خلاف ہے، گورنر اسمبلی کا اجلاس بلا سکتا ہے، اگر 4 بجے اجلاس نہ ہوا اور وزیر اعلیٰ نے اعتماد کا ووٹ نہ لیا تو گورنر وزیر اعلیٰ ہاوس سیل کر دیں گے، اجلاس نہ بھی ہو تو وزیر اعلیٰ کو اعتماد کا ووٹ لینا پڑے گا۔

    رانا ثنا نے کہا کہ پرویز الہٰی کل اعتماد کا ووٹ نہیں لیتے تو پھر گورنر نئے وزیر اعلیٰ کے انتخاب کا اعلان کر سکتے ہیں۔

    دوسری طرف اسپیکر پنجاب اسمبلی نے گورنر کا اعتماد کے ووٹ کے لیے اجلاس بلانا غیر قانونی قرار دے دیا ہے، اسپیکر پنجاب اسمبلی سبطین خان نے صحافیوں سے گفتگو میں کہا گورنر پنجاب نے اعتماد کا ووٹ مانگا میں اسے غیر قانونی سمجھتا ہوں، وہ اعتماد کے ووٹ کا نہیں کہہ سکتے۔

    سبطین خان نے کہا پنجاب اسمبلی کا اجلاس ہم نے ختم نہیں کیا تھا بلکہ ملتوی کیا تھا، ہو سکتا ہے آج کا اجلاس ہم ملتوی کر دیں، گورنر نے پہلے بھی اجلاس ایوان اقبال میں بلایا تھا، شوق ہے تو دوبارہ بلا لیں لیکن وزیر اعلیٰ نہیں جائیں گے۔

    صحافی نے سبطین خان سے سوال کیا کہ کیا آپ صورت حال سے گھبرائے ہوئے ہیں، تو اسپیکر نے جواب دیا کہ کیا میری شکل دیکھ کر لگتا ہے کہ گھبرایا ہوا ہوں۔

  • جھنگ روڈ: اے آر وائی نیوز کی خبر پر وزیر اعلیٰ پنجاب پرویز الہٰی کا ایکشن

    جھنگ روڈ: اے آر وائی نیوز کی خبر پر وزیر اعلیٰ پنجاب پرویز الہٰی کا ایکشن

    چنیوٹ: جھنگ روڈ کی تعمیر کے حوالے سے اے آر وائی نیوز کی خبر پر وزیر اعلیٰ پنجاب پرویز الہٰی نے فوری نوٹس لے لیا۔

    تفصیلات کے مطابق بھوآنہ کے قریب جھنگ روڈ کی تعمیر دوبارہ شروع کر دی گئی، 28 کروڑ کی لاگت سے تعمیر ہونے والا 3 کلو میٹر ون وے کا پتھر ڈال کر کام چھوڑ دیا گیا تھا۔

    اے آر وائی نیوز نے اہل علاقہ کے احتجاج کی خبر نشر کی تھی، جس کے بعد وزیر اعلیٰ پنجاب نے اس کا نوٹس لے کر ہدایات جاری کیں۔ ایس ڈی او روڈز کا کہنا ہے کہ ایک ہفتے میں سڑک پر کارپٹ شروع کر دیا جائے گا۔

    واضح رہے کہ گزشتہ روز وزیر اعلیٰ پنجاب چوہدری پرویز الہٰی نے پنجاب کے مختلف شہروں کو موٹر وے سے منسلک کرنے کے ستلج انڈس اکنامک نیٹ ورک پروجیکٹ کی منظوری بھی دی تھی۔

    اس منصوبے سے لاکھوں کاشت کاروں، تاجروں، صنعت کاروں اور سرمایہ کاروں کے لیے ترقی اور خوش حالی کے نئے باب کھلیں گے، اس منصوبے کی لاگت 160 ارب روپے ہے، پہلے مرحلے میں قصور بائی پاس تا لاہور رنگ روڈ جی ون سین کوریڈور مکمل ہوگا، کوریڈور پر 15 ارب روپے لاگت آئے گی۔

  • ٹریفک حادثات کی روک تھام اور آلودگی میں کمی کے لیے پنجاب میں اہم اقدامات

    ٹریفک حادثات کی روک تھام اور آلودگی میں کمی کے لیے پنجاب میں اہم اقدامات

    لاہور: صوبہ پنجاب میں ٹریفک حادثات کی روک تھام کے لیے صوبائی ٹاسک فورس برائے روڈ سیفٹی تشکیل دے دی گئی، آلودگی میں کمی کے لیے الیکٹرک گاڑیوں، رکشوں اور بائیکس کو فروغ دینے کا فیصلہ کیا گیا ہے۔

    تفصیلات کے مطابق وزیر اعلیٰ پنجاب چوہدری پرویز الٰہی نے ٹریفک حادثات کی روک تھام کے لیے صوبائی ٹاسک فورس برائے روڈ سیفٹی تشکیل دے دی، ٹاسک فورس کے سربراہ صوبائی وزیر راجہ بشارت ہوں گے۔

    اجلاس کی صدارت کرتے ہوئے وزیر اعلیٰ کا کہنا تھا کہ ٹاسک فورس ٹریفک حادثات کی روک تھام کے لیے جامع لائحہ عمل تیار کرے گی، ٹاسک فورس کی تجاویز کی روشنی میں ٹریفک حادثات سے بچاؤ کے لیے اقدامات کیے جائیں گے۔

    بعد ازاں سماجی رابطے کی ویب سائٹ ٹویٹر پر اپنے ٹویٹ میں وزیر اعلیٰ کا کہنا تھا کہ موٹر سائیکل رکشے کی جگہ الیکٹرک منی کارٹ متعارف کروانے کی منظوری دے دی گئی ہے۔

    انہوں نے بتایا کہ صوبے میں آلودگی میں کمی کے لیے ماحول دوست الیکٹرک بائیک کو فروغ دینے کا اصولی فیصلہ کیا گیا ہے۔ پنجاب میں الیکٹرک بائیکس اور الیکٹرک گاڑیوں کی حوصلہ افزائی کی جائے گی۔

    وزیر اعلیٰ کا مزید کہنا تھا کہ موٹر سائیکل رکشے کو بھی مرحلہ وار گالف کارٹ گاڑی میں تبدیل کردیا جائے گا۔

  • سیلاب متاثرین کے لیے اربوں روپے فنڈز کی منظوری

    سیلاب متاثرین کے لیے اربوں روپے فنڈز کی منظوری

    لاہور: صوبہ پنجاب کے وزیر اعلیٰ پرویز الٰہی نے سیلاب متاثرین کی بحالی و آباد کاری کے لیے 12 ارب روپے کے فنڈز کی منظوری دے دی۔

    تفصیلات کے مطابق وزیر اعلیٰ پنجاب پرویز الٰہی کی زیر صدارت اعلیٰ سطح کا اجلاس ہوا، اجلاس میں سیلاب متاثرین کی بحالی و آباد کاری کے لیے 12 ارب روپے کے فنڈز کی منظوری دے دی گئی۔

    وزیر اعلیٰ کا کہنا تھا کہ سیلاب متاثرین کی بحالی و آباد کاری کے لیے 9 ارب روپے فراہم کیے جائیں گے، گھروں اور لائیو اسٹاک کے نقصانات کے ازالے کے لیے 10 ارب روپے مختص کیے گئے ہیں۔

    انہوں نے کہا کہ کاشت کاروں کی مالی معاونت کے لیے 2 ارب روپے مختص کیے ہیں۔

    وزیر اعلیٰ کا کہنا تھا کہ وفاقی حکومت نے پنجاب کے سیلاب متاثرین کو تنہا چھوڑ دیا ہے، وفاق نے پنجاب کے سیلاب متاثرین کی مدد کے لیے ایک پائی تک نہیں دی۔

  • وزیر اعلی پنجاب کا گندم امپورٹ کرنے کی اجازت نہ دینے پر اظہار تشویش

    وزیر اعلی پنجاب کا گندم امپورٹ کرنے کی اجازت نہ دینے پر اظہار تشویش

    لاہور: وزیر اعلی پنجاب نے گندم امپورٹ کرنے کی اجازت نہ دینے پر اظہار تشویش کیا ہے۔

    تفصیلات کے مطابق اتوار کو وزیر اعلیٰ پنجاب چوہدری پرویز الہٰی کی زیر صدارت اعلیٰ سطح کا اجلاس منعقد ہوا، جس میں وفاق کی جانب سے پنجاب کو گندم امپورٹ کرنے کی اجازت دینے سے انکار کا معاملہ زیر بحث آیا۔

    پرویز الہٰی نے کہا صوبے نے خود ادائیگی کر کے 10 لاکھ میٹرک ٹن گندم امپورٹ کی اجازت طلب کی تھی، لیکن اجازت نہ ملنے کا وفاق کا پنجاب کے عوام کے ساتھ یہ رویہ افسوس ناک اور قابل مذمت ہے۔

    انھوں نے کہا کہ سندھ و دیگر صوبوں کو وفاق کی امپورٹ کردہ گندم فراہم کی جا چکی ہے، اسلام آباد کو 16 ہزار میٹرک ٹن گندم فراہم کی جا رہی ہے، وفاق پہلے بھی گندم امپورٹ کر چکا لیکن پنجاب کو شیئر نہیں دیا گیا، شہباز شریف ن لیگ کو پنجاب سے نکالنے کا بدلہ لینے کی سازش کر رہے ہیں۔

    پرویز الہٰی نے کہا پنجاب میں گندم کی قلت پیدا کرنے کی مذموم کوشش کی جا رہی ہے، صوبے نے قانونی طریقے کے مطابق گندم امپورٹ کی اجازت طلب کی تھی۔

    انھوں نے کہا پنجاب میں مختلف وجوہ کی بنا پر رواں سال میں گندم کا اسٹاک نسبتاً کم ہے، اور سیلاب متاثرین و دیگر وجوہ کی بنا پر گندم کی امپورٹ ناگزیر ہو چکی ہے۔

    اجلاس میں گندم کے موجودہ اسٹاک اور دیگرامور کا جائزہ لیا گیا، یوریا، فاسفیٹ، گندم کے بیج اور درآمدی گندم پر سبسڈی سے متعلق بھی غور کیا گیا، وزیر اعلیٰ نے سبسڈی کے لیے قابل عمل اور بہتر طریقہ کار وضع کرنے کی ہدایت جاری کی۔

  • سیلاب زدگان کی مدد کے لیے وزیر اعلیٰ کی نئی ہدایات جاری

    سیلاب زدگان کی مدد کے لیے وزیر اعلیٰ کی نئی ہدایات جاری

    لاہور: پنجاب کے وزیر اعلیٰ چوہدری پرویز الٰہی نے سیلاب زدگان کی مدد کے لیے صوبائی ڈیزاسٹر مینجمنٹ اتھارٹی (پی ڈی ایم اے)، ریسکیو 1122 اور انتظامیہ کو نئی ہدایات جاری کردیں۔

    تفصیلات کے مطابق وزیر اعلیٰ پنجاب چوہدری پرویز الٰہی نے سیلاب سے نمٹنے کے لیے ہر ممکن اقدامات کی ہدایت کردی، انہوں نے صوبائی ڈیزاسٹر مینجمنٹ اتھارٹی (پی ڈی ایم اے)، ریسکیو 1122 اور انتظامیہ کو نئی ہدایات جاری کی ہیں۔

    وزیر اعلیٰ کا کہنا تھا کہ متاثرین سیلاب کی مدد کے لیے تمام متعلقہ محکمے مربوط انداز میں کام کریں، ریسکیو اینڈ ریلیف آپریشن کو تیز کیا جائے، ضروری آلات و مشینری فی الفور متاثرہ علاقوں میں منتقل کی جائے۔

    انہوں نے کہا کہ نشیبی علاقوں سے مکینوں کی محفوظ مقامات پر منتقلی اور دیگر اقدامات کیے جائیں، نشیبی علاقوں میں عوام کے تحفظ کے لیے بروقت اقدامات کیے جائیں۔

    وزیر اعلیٰ کا کہنا تھا کہ سیلاب زدگان کو خیمے اور خشک راشن کی فراہمی یقینی بنائی جائے، میڈیکل اور ویٹرنری فکسڈ کیمپ کے ساتھ موبائل ٹیمیں تشکیل دی جائیں۔

    انہوں نے مزید کہا کہ سیلاب زدگان کو تنہا نہیں چھوڑیں گے، حکومت پنجاب سیلاب زدگان کے ساتھ کھڑی ہے۔

  • شوبز ستاروں نے ملک میں انتخاب کو ’سرکس‘ کا نام دے دیا

    شوبز ستاروں نے ملک میں انتخاب کو ’سرکس‘ کا نام دے دیا

    کراچی: مسلم لیگ ن کے رہنما حمزہ شہباز کے وزیراعلیٰ پنجاب منتخب ہونے پر شوبز ستاروں کا ردعمل کا آگیا۔

    گزشتہ روز پنجاب اسمبلی میں وزیراعلیٰ پنجاب کے انتخابات میں ڈپٹی اسپیکر قاسم سوری نے رولنگ دی کہ چوہدری شجاعت کے خط کے مطابق ق لیگ کے 10 ووٹ مسترد کیے جاتے ہیں اور حمزہ شہباز وزیراعلیٰ برقرار رہیں گے۔

    ڈپٹی اسپیکر کے فیصلے کے بعد پی ٹی آئی اور ق لیگ نے سپریم کورٹ جانے کا اعلان کیا جہاں عدالت نے فیصلہ دیتے ہوئے حمزہ شہباز کا بطور وزیراعلیٰ یکم جولائی کا اسٹیٹس بحال کردیا۔

    اب شوبز ستاروں نے بھی گزشتہ روز کے پنجاب اسمبلی کے انتخاب پر اپنے ردعمل کا اظہار کیا ہے۔

    معروف اداکارہ ماورا حسین نے الیکشن کا ہیش ٹیگ استعمال کرتے ہوئے ’انتخاب کی صورت حال کو ’سرکس‘ کا نام دیا۔

    ڈرامہ سیریل ’میرے ہمسفر‘ میں حمزہ کا کردار نبھانے والے اداکار فرحان سعید نے پنجاب اسمبلی میں انتخابات پر حیرانی اور ناگواری اظہار کیا۔

    انہوں نے لکھا کہ ’ بات کسی خاص پارٹی کو سپورٹ کرنے کی نہیں ہے لیکن آپ قوموں کے فیصلے کو بار بار کیسے چیلنج کر سکتے ہیں۔‘

    فرحان سعید نے کہا کہ ’یہ سیاست نہیں ہے اگر کوئی اس پر فخر کر رہا ہے تو جان لے الیکشن کا لغوی معنی پی پی ایل الیکٹ ہے اب میں صرف اتنا جانتا ہوں کہ یہ پی ڈی ایم کو مزید ختم کردے گا۔

    اداکار بلال قریشی نے انسٹاگرام اسٹوری پوسٹ کی اور لکھا کہ ‘پیسہ جیت گیا اور پاکستان ہار گیا’۔

    بلال قریشی کے علاوہ دیگر اداکاروں نے بھی سوشل میڈیا پلیٹ فارمز پر اپنے ردعمل کا اظہار کیا۔