Tag: Cm sindh murad ali shah

سیہون: وزیراعلیٰ سندھ مراد علی شاہ نے کہا ہے کہ لاڑکانہ کے الیکشن نتائج پربہت افسوس ہوا، بلاول بھٹو نےکہایہ سیٹ ہم پھرجیتیں گے، آصف زرداری کوکچھ ہواتواس کی ذمہ دارحکومت ہوگی۔

تفصیلات کے مطابق وزیراعلیٰ سندھ مراد علی شاہ نےسیہون میں میڈیا سے گفتگو کرتے ہوئے کہا لاڑکانہ کی سیٹ پیپلزپارٹی کی تھی ، الیکشن نتائج پربہت افسوس ہوا، الیکشن کےدن ووٹروں کوووٹ دینےسےروکاگیا، امیدوارکوپولنگ اسٹیشنزمیں جانےسےروکنےکی مذمت کرتاہوں۔

وزیراعلیٰ سندھ کا کہنا تھا کہ امیدوارکوپولنگ اسٹیشنزمیں جانےسےروکنےکی مذمت کرتاہوں، بلاول بھٹو نےکہایہ سیٹ ہم پھرجیتیں گے، اڑکانہ ضمنی الیکشن کیخلاف پٹیشن داخل کریں گے،وزیراعلیٰ سندھ

مراد علی شاہ نے آزادی مارچ سے متعلق کہا کہ فضل الرحمان کےمارچ میں شرکت سیاسی فیصلہ ہوگا۔

آصف زرداری کی صحت کے حوالے سے وزیر اعلیٰ سندھ نے کہا آصف زرداری پرابھی تک فردجرم لاگو نہیں ہوا، ان طبیعت پرسخت خدشات ہیں، آصف زرداری کوکچھ ہواتواس کی ذمہ دارحکومت ہوگی۔

مزید پڑھیں : لاڑکانہ میں شکست: بلاول بھٹو کا انتخابی نتائج چیلنج کرنے کا اعلان

یاد رہےسندھ اسمبلی کے حلقے پی ایس 11 کے ضمنی انتخابات میں پی پی کو اپنے ہوم گراؤنڈ پر شکست کا سامنا کرنا پڑا تھا جبکہ گرینڈ ڈیموکریٹک الائنس کے امیدوار نے ساڑھے پانچ ہزار ووٹوں سے میدان مارا تھا

غیر حتمی غیر سرکاری نتائج کے مطابق ضمنی انتخابات کے تمام پولنگ اسٹیشنز کے غیر حتمی اور غیر سرکاری نتائج کے مطابق جی ڈی اے کے معظم علی 31 ہزار 557 ووٹ لے کر کامیاب قرار پائے تھے۔

بعد ازاں پیپلزپارٹی کے چیئرمین بلاول بھٹو زرداری نے لاڑکانہ میں ضمنی انتخاب میں پیپلزپارٹی کی شکست پر انتخابی نتائج چیلنج کرنے کا اعلان کرتے ہوئے کہا تھا کہ سچ کو چھپایا نہیں جا سکتا۔

راولپنڈی : وزیراعلیٰ سندھ مرادعلی شاہ نیب کواپنےتمام اثاثوں کی مکمل چھان بین کی دعوت دے دی اور تفتیشی عمل میں مکمل تعاون کی یقین دہانی کرائی۔

تفصیلات کے مطابق وزیراعلیٰ سندھ مرادعلی شاہ نے نیب میں پیشی کے بعد میڈیا سے گفتگو کرتے ہوئے کہا تفتیش کاعمل اچھےماحول میں ہوا، نیب کے تفتیشی عمل میں مکمل تعاون کی یقین دہانی کرائی۔

مرادعلی شاہ نے نیب ٹیم کواپنےتمام اثاثوں کی مکمل چھان بین کی دعوت دیتے ہوئے کہا بات چیت چلی تو تھوڑی طویل ہوگئی تھی، جےآئی ٹی رپورٹ پر چیف جسٹس نے بھی ریمارکس دیئےتھے، چیف جسٹس نے بلاول، میرانام ای سی ایل سےنکالنےکاحکم دیاتھا۔

وزیراعلیٰ سندھ کا کہنا تھا پیچھے جو کچھ ہورہا ہے وہ بالکل ناکام ہوگا، نوری آباد پائپ لائن،ٹرانسمیشن لائن سےمتعلق سوالات پوچھےگئے، نیب حکام کو تھر کےدورےکی دعوت دی۔

نیب حکام کو تھر کےدورےکی دعوت دی

انھوں نے مزید کہا نیب کی تفتیش میں مزہ آرہاتھا،نیب کے تمام سوالات کے جوابات دےدیےہیں، سازشیں کرنے سے کوئی کسی کوروک نہیں سکتا لیکن وہ ناکام ہوگا۔

مرادعلی شاہ کا کہنا تھا جےآئی ٹی پڑھیں توصاف لگتاہےمیرانام زبردستی ڈالاگیا، مجھ پرشک تھا تو جےآئی ٹی میں بلاتے وہاں بھی جواب دیتا، نیب تفتیش پرکچھ نہیں کہوں گا،نیب ٹیم سے سیکھا، کچھ سکھایا۔

 جےآئی ٹی پڑھیں توصاف لگتاہےمیرانام زبردستی ڈالاگیا

وزیراعلیٰ سندھ نے کہا اسپیکرسندھ اسمبلی کےگھرپرچھاپہ ماراگیاتھا، چیئرمین نیب سےدرخواست کی اس چھاپے کی تحقیقات کرائیں، نیب کودیئےگئےاپنےجواب سےمطمئن ہوں، نیب کی جانب سےابھی مجھےدوبارہ بلانےکانہیں کہاگیا۔

شہباز شریف کی اہلیہ اور بیٹیوں کی نیب طلبی کے حوالے سے ان کا کہنا تھا کلچر کے لحاظ سے خواتین کو پیشیوں پر بلانا اچھی روایت نہیں، درخواست کی سوالنامہ بھجوا دیا کریں خواتین جواب دے دیا کریں گی۔

نشوا کے سے متعلق مرادعلی شاہ نے کہا نشوا کے والدکو دھمکیوں کے معاملے پر ایس پی معطل کردیاگیا ہے، آج کل اختیارات پولیس کے پاس ہیں، میں اس کو معطل کروں گا، جو ایس پی کومعطل نہ کرے۔

کراچی : وزیراعلیٰ سندھ مراد علی شاہ نے اپنے الفاظ پر معذرت کرتے ہوئے کہا کہ تقریر میں کہا تھا جب آپ آگئے تو اسے اپنا ملک تصور کریں، جو ملک کو توڑنے کی بات کرے گا وہ ہمارادشمن ہے۔

تفصیلات کے مطابق وزیراعلیٰ سندھ مراد علی شاہ نے سندھ اسمبلی میں خطاب کرتے ہوئے کہا کہ ایوان میں موجود لوگوں کو عوام نے منتخب کرکے بھیجا، اس ایوان کا ہر ممبر قابل عزت ہے، کسی کوکوئی بھی مسئلہ ہوا ہمیشہ حل کی کوشش کی گئی۔

وزیراعلیٰ سندھ کا کہنا تھا کہ پیپلزپارٹی جمہوریت پریقین رکھتی ہے، نگراں سیٹ اپ کیلئے آئین میں طریقہ کار پر عمل کرینگے، کوشش ہے 31مئی تک نگراں سیٹ اپ پرفیصلہ کرلیں گے، نتیجے پر نہ پہنچ سکے تو معاملہ ایوان میں پیش کر دیں گے۔

مرادعلی شاہ نے کہا کہ الگ صوبےکی بات چیت میں کچھ الفاظ کہہ دیےتھے، میری درخواست پر ان الفاظ کو ہذف کرادیا تھا، کوئی اپنا گھر نہیں چھوڑنا چاہتا یہ بڑی قربانی ہے۔

ان کا کہنا تھا کہ تقریر میں کہا تھا جب آپ آگئے تو اسے اپنا ملک تصور کریں، کوئی الگ صوبے کا مطالبہ کرے تو جذباتی ہو جاتے ہیں، صوبے کی تحریک کو اسمبلی سے کامیاب کرانا ہوگا جو ناممکن ہے۔

وزیراعلیٰ سندھ نے کہا کہ جو ملک کو توڑنے کی بات کرے گا وہ ہمارا دشمن ہے، اس ملک میں رہنے والے سارے محب وطن ہمارے بھائی ہیں، جن الفاظ پر شکایت کی گئی تھی میں اس پر معذرت کرتا ہوں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔