Tag: CM sindh qaim ali shah

وزیراعلیٰ سندھ قائم علی شاہ نے کہاہے کہ میڈیا مخدوم امین فہیم کی باتوں کوسنجیدگی سے نہ لے،آصف زرداری اور بلاول بھٹو میں کوئی اختلاف نہیں ہے۔

گڑھی خدا بخش میں محترمہ بینظیر بھٹو کی ساتویں برسی کے انتظامات کاجائزہ لینےکےموقع پروزیر اعلیٰ سندھ نےمیڈیاسےگفتگو میں کہاکہ بات درست نہیں کہ بلاول بھٹو اورآصف زرداری میں کوئی اختلاف ہے، ستائس دسمبر کو بینظیر بھٹو کی برسی ہر سال کی طرح ہوگی جس میں بلاول بھٹو اور آصف زرداری میں سے کوئی ایک شرکت اور جلسے سے خطاب کرے گا، قائم علی شاہ نےکہاکہ میڈیا مخدوم امین فہیم کی باتوں کو سنجیدگی سے نہ لے، وہ اس وقت بھی پیپلز پارٹی کے صدر ہیں ۔

کراچی: وزیراعلیٰ سندھ سید قائم علی شاہ کا کہنا ہے کہ سندھ میں علیحدگی کی کوئی صورتحال نہیں جو مسخ شدہ لاشیں ملی ہیں وہ معصوم لوگوں کی ہیں واقعے کی تحقیقات کرارہے ہیں اگر سندھ پولیس ملوث ہوئی تو سخت ایکشن لیں گے۔

وزیر اعلیٰ ہاوس میں پریس کانفرنس کرتے ہوئے ایک سوال کے جواب میں ان کا کہنا تھا کہ انہیں علم نہیں کہ مسخ شدہ لاشیں کون پھینک رہا ہے اگر پتا ہوتا تو اس کی تحقیقات کیوں کراتے، وزیراعلیٰ سندھ کا کہنا تھا کہ بلدیاتی انتخابات میں تاخیر نہیں کی سپریم کورٹ اور الیکشن کمیشن حلقہ بندیاں اور بلدیاتی قانون پر اعتراض نہ کرتے تو اب تک انتخابات ہوچکے ہوتے۔