کراچی: وزیراعلیٰ سندھ سید مراد علی شاہ کا کہنا ہے کہ تھر میں ترقی کے فوائد تھر کے عوام کو بھی جارہے ہیں، انشااللہ فروری میں بجلی کی پیداوار شروع ہوجائے گی۔
تفصیلات کے مطابق وزیراعلیٰ سندھ سید مراد علی شاہ کی صدارت میں تھر کی صورت حال سے متعلق اجلاس ہوا، اس موقع پر انہیں ترقیاقی منصوبوں پر بریفنگ دی گئی۔
دوران اجلاس مراد علی شاہ کا کہنا تھا کہ تھرکول بلاک ٹوکے متاثرین ماڈل ولیج منتقل ہورہے ہیں، اسکول میں 38 بچوں کانئے سال میں داخلہ ہوا ہے، یہ قابل اطمینان ہے۔
تھر میں بچوں کی ہلاکت: چیف جسٹس کا مانیٹرنگ کمیشن تشکیل دینے کا حکم
ان کا کہنا تھا کہ انشااللہ فروری میں بجلی کی پیدا وار شروع ہوجائے گی، تھر میں ترقی کے فوائد تھر کے عوام کو بھی جارہے ہیں۔
وزیراعلیٰ سندھ کو تھر سے متعلق بریفنگ میں بتایا گیا کہ منصوبے کے تحت فیز ون میں 2لاکھ 46ہزار927 خاندانوں کو جبکہ فیز ٹو میں 2لاکھ 48ہزار804 خاندانوں کو گندم فراہم کی گئی۔
خیال رہے کہ گذشتہ ماہ سپریم کورٹ میں تھر میں 400 سے زائد بچوں کی ہلاکت سے متعلق از خود نوٹس کی سماعت کے دوران چیف جسٹس میاں ثاقب نثار نے 5 رکنی مانیٹرنگ کمیشن تشکیل دینے کا حکم دیا تھا۔
