Tag: CM sindh

کراچی : وزیراعلیٰ سندھ مراد علی شاہ نے دعویٰ کیا ہے کہ اگلی بار پورے پاکستان میں ہماری حکومت آئے گی۔

تفصیلات کے مطابق وزیراعلیٰ سندھ مراد علی شاہ نے اپنے بیان میں کہا ہے کہ بینظیر کی حکومت ختم کی،یوسف گیلانی کو سزا دے کا ہٹایا گیا، نوازشریف کواقامے پر نکالا گیا تھا لیکن تاریخ میں پہلی بار آئینی طریقے کار سے ان کی حکومت ختم کی۔

مراد علی شاہ کا کہنا تھا کہ سارے ڈائریکٹ ٹیکسز وفاق کے پاس ہیں، آئین نے حق دیا ہے، ہمیں جو حصہ ملتا ہے وہ ہماراحق ہےکوئی احسان نہیں کررہا۔

سابق حکومت پر تنقید کرتے ہوئے کہا کہ یہ کہتے ہیں ہمارے دور میں ترسیلات زربڑھیں ، ترسیلات زر بڑھیں کیونکہ فیٹف کی وجہ سےحوالہ ہنڈی بندہوئی، پیسہ لیگل چینل سےآنےلگا ،عمران خان کاکوئی کمال نہیں تھا، پچھلے 2 ماہ ریکارڈ ترسیلات زر آئیں، حکومت تبدیلی سے فرق نہیں پڑا۔

مراد علی شاہ نے دعویٰ کیا ہے کہ اگلی بار پورے پاکستان میں ہماری حکومت آئے گی۔

ان کا کہنا تھا کہ سارے غیر قانونی پیسے فیٹف نے دیکھنا شروع کردیے، موجودہ حکومت نے لگژری آئٹم پر پابندی عائد کی ہے ، ہم 3سال میں گندم کے ایکسپورٹر سے امپورٹر بن گئے۔

وزیراعلیٰ سندھ نے مزید کہا کہ احساس پروگرام کچھ نہیں ، بے نظیرسپورٹ پروگرام تھا، یہ لوگوں کو لنگر خانوں میں ڈال کر بہت خوش ہوتے تھے۔

انھوں نے بتایا کہ گزشتہ دور میں ہمیں وزارت خارجہ سے خط آیا تھا، سابق وزیر خارجہ نے لکھا امریکی قونصل خانے کے قریب عمارتیں گرادو، یکم دسمبر2021کو وزارت بحری امور نےخط لکھا کہ امریکی قونصل خانے کے اطراف عمارتیں گرا دو۔

کراچی : وزیراعلیٰ سندھ مراد علی شاہ نے دعا زہرا کیس میں آئی جی سے متعلق عدالتی فیصلہ انتہائی نامناسب قرار دیتے ہوئے کہا عدالت کووقت دیناچاہئے تھا۔

تفصیلات کے مطابق وزیراعلیٰ سندھ مراد علی شاہ نے تقریب سے خطاب کرتے ہوئے کہا کہ وزیراعظم شہبازشریف کےمکمل تعاون پر شکر گزارہیں، ہم عدلیہ کااحترام کرتےہیں ، ہم نے ایکٹگ جنرل سیکریٹری لگایا ہوا ہے موسٹ سینئرایڈیشنل آئی جی کو اضافی چارج دیا تھا۔

دعا زہرا اور نمرہ کاظمی کیس کے حوالے سے وزیراعلیٰ سندھ کا کہنا تھا کہ کراچی سے2بچیاں غائب ہوئیں بعدمیں پتاچلاانڈرایج تھیں ، سندھ قانون کےمطابق انڈرایج بچیاں شادیاں نہیں کرسکتیں، ایک بچی واپس آگئی دوسری بچی ابھی تک نہیں آئی۔

مراد علی شاہ نے مزید بتایا کہ دوسری بچی پہلےلاہورمیں ٹریس ہوئی پولیس گئی وہ نکل گئے، پھروہ کےپی کےمیں ٹریس ہوئی، اس حوالے سے کل عدالت نے ناراضگی کا اظہار کیا، جیسے ہی پتاچلا تو وزیراعلیٰ کےپی سے بات کی کہا مدد کریں۔

ان کا کہنا تھا کہ مجھے والدین کے دکھ کا اندازہ ہے، ریکارڈ کے مطابق وہ بچی کے پی میں موجود ہے، آئی جی کے پی سے ہمارے ایکٹنگ آئی جی کا رابطہ کرا دیا ہے۔

وزیراعلیٰ سندھ نے کہا کہ میرے نزدیک ہائی کورٹ کا آئی جی سےمتعلق فیصلہ انتہائی نامناسب ہے، عدالت کو وقت دینا چاہئے تھا، دعا زہرا ہمارے صوبے میں نہیں ہے، کامران فضل کو چارج وفاقی حکومت سے مشاورت کے بعد دیا گیا تھا تاہم مستقل آئی جی سندھ کیلئے وفاق سے مشاورت جاری ہے۔