ARYNews.tv | Urdu – Har Lamha Bakhabar

Tag: CM sindh

  • وزیراعظم کی وزیراعلیٰ سندھ کو عوام کو ریلیف فراہم کرنے کی ہدایت

    وزیراعظم کی وزیراعلیٰ سندھ کو عوام کو ریلیف فراہم کرنے کی ہدایت

    وزیراعظم شہباز شریف سے وزیراعلیٰ سندھ سید مراد علی شاہ نے ملاقات کی جس میں شہباز شریف نے مراد علی شاہ کو عوام کو ریلیف فراہم کرنے کی ہدایت کی۔

    اے آر وائی نیوز کے مطابق وزیراعظم شہباز شریف سے وزیراعلیٰ سندھ سید مراد علی شاہ نے ملاقات کی جس میں موجودہ ملکی سیاسی صورتحال پر تبادلہ خیال کیا گیا اور وفاق وصوبے کے درمیان ہم آہنگی اور بہتر ورکنگ ریلیشن شپ پر گفتگو کی گئی۔

    ملاقات میں وزیراعلیٰ سندھ سید مراد علی شاہ نے پہلے کابینہ اجلاس میں ملکی ترقی کیلیے کام کے عزم پر مبارکباد دی اور وزیراعظم کو سندھ کے انتظامی امور پر بھی بریفنگ دی۔

    اس موقع پر وزیراعظم شہباز شریف نے کہا کہ موجودہ حکومت کی اولین ترجیح عوام کو فوری ریلیف فراہم کرنا ہے۔ انہوں نے وزیراعلیٰ سندھ کو عام آدمی کو ریلیف کی فراہمی کی ہدایت کرتے ہوئے کہا کہ رمضان کے دوران ریلیف پیکیج پر عملدرآمد یقینی بنایا جائے۔

  • ‘ہمارے کہے بغیر تحریک انصاف کے 4 ارکان نے سینیٹ نشست کے لیے ہمیں ووٹ دیا’

    ‘ہمارے کہے بغیر تحریک انصاف کے 4 ارکان نے سینیٹ نشست کے لیے ہمیں ووٹ دیا’

    کراچی: وزیر اعلیٰ سندھ مراد علی شاہ نے کہا ہے کہ ہمارے کہے بغیر آج تحریک انصاف کے 4 ارکان نے سینیٹ نشست کے لیے ہمیں ووٹ دے دیا ہے۔

    کراچی میں وزیر اعظم کے خطاب پر ردِ عمل ظاہر کرتے ہوئے وزیر اعلیٰ سندھ نے میڈیا سے گفتگو میں کہا کہ وزیر اعظم کہتے ہیں کہ میں کچھ دنوں پہلے آیا تھا، اگر میں بچ گیا تو کیا کچھ کر دوں گا، میں کہتا ہوں کھلی اجازت ہے، دو سے چار دن ہیں جو کرنا ہے کر لو بعد میں موقع نہیں ملے گا۔

    سینیٹ نشست کی ووٹنگ کے حوالے سے وزیر اعلیٰ نے کہا میرا کسی ایم پی اے سے رابطہ نہیں تھا، حلف لینے کو تیار ہوں کہ کسی سے فون پر رابطہ نہیں ہوا، واٹس ایپ پر بھی کسی سے رابطہ نہیں ہوا۔

    انھوں نے کہا وزیر اعظم کی مایوسی آج جھلک رہی تھی، عجیب و غریب زبان استعمال کر رہے تھے، میں یہی کہہ سکتا ہوں مایوس نہ ہوں عوام سے معافی مانگیں۔ خیال رہے کہ وزیر اعظم نے آج تقریر میں کہا پیٹرول اور ڈیزل کی قیمتیں کم کرنے کے حوالے سے کہا کہ میں نے عوام کے لیے پیٹرول اور فضل الرحمان کو کم کر دیا ہے۔

    وزیر اعلیٰ سندھ نے کہا آپ نے آصف زرداری، فریال تالپور، سراج درانی، اور خورشید شاہ کو جیل میں ڈلوایا، آپ نے جو کچھ کرنا تھا وہ کر چکے، اب ہمارا عوام کی خدمت کا وقت آیا ہے۔

    مراد علی شاہ نے کہا ہمارے کہے بغیر آج پی ٹی آئی کے 4 ارکان نے سینیٹ نشست پر ووٹ دیا ہے، ہم تو آپ کو چھوڑ دیں گے لیکن اب جو کرنا ہے عوام آپ کے ساتھ کرے گی۔

    وزیر اعلیٰ سندھ نے کہا آئین نے فلور کراس کی اجازت دی ہے، الیکشن کمیشن کا ووٹ ہوتا تو وہ بھی عدم اعتماد میں ساتھ دیتے، کچھ دنوں سے یہ کارروائی چل رہی تھی، ہم سے زیادہ ان کے اپنے لوگ فلور کراس کر رہے ہیں، انھیں پتا ہے کہ ڈس کوالیفائی ہو جائییں گے پھر بھی رسک لیا۔

  • جن وزیروں کو ایوارڈ نہیں ملا وہ سندھ پہنچ گئے، مرادعلی شاہ

    جن وزیروں کو ایوارڈ نہیں ملا وہ سندھ پہنچ گئے، مرادعلی شاہ

    کراچی : وزیراعلیٰ سندھ مرادعلی شاہ نے کہا ہے کہ تحریک انصاف کے جن وزراء کو حکومتی ایوارڈ سے نہیں نوازا گیا انہوں نے سندھ کا رخ کرلیا۔

    پنجاب کے شہر صادق آباد میں جاری پیپلزپارٹی کے عوامی لانگ مارچ کے موقع پر میڈیا سے گفتگو کرتے ہوئے مراد علی شاہ نے کہا کہ وفاقی وزراء ایوارڈ کے چکر میں سندھ میں اترے ہوئے ہیں۔

    پی ٹی آئی کے سندھ حقوق مارچ میں عوام کی شمولیت پر ان کا کہنا تھا کہ پی ٹی آئی وزراء عوام کے بجائے ایک دوسرے سے خطاب کررہے ہیں۔

    انہوں نے کہا کہ پنجاب میں رکاوٹوں سے ہمارا مارچ رک نہیں سکتا، پی پی کے لانگ مارچ کا سمندر ہر صورت اسلام آباد پہنچے گا۔

    سید مراد علی شاہ نے بتایا کہ رحیم یار خان پولیس نے رکاوٹیں کھڑی کیں، وزیراعلیٰ پنجاب سے بات ہوئی، وزیر اعلیٰ پنجاب کا شکریہ کہ انہوں نے فوری ایکشن لیا۔

    سانگھڑ میں پی ٹی آئی ریلی میں گڑبڑ کی اطلاع آئی میں نے فوری ایکشن لیا، عدم اعتماد کی تحریک سے حکومت کا خاتمہ کردیں گے۔ پنجاب کے عوام بلاول بھٹو کے مارچ کا والہانہ استقبال کررہے ہیں، یہ مارچ کسی رکاوٹوں سے رکنے والا نہیں، حکومت کو ہٹا کر دم لیں گے۔

  • سندھ میں گندم خریداری کا ہدف 14 لاکھ ٹن مقرر

    سندھ میں گندم خریداری کا ہدف 14 لاکھ ٹن مقرر

    کراچی : وزیراعلیٰ سندھ مراد علی شاہ کی زیر صدارت کی زیر صدارت گندم کی خریداری سے متعلق اجلاس ہوا جس میں اہم فیصلے کیے گئے۔

    وزیراعلیٰ سندھ نے کہا کہ اس سال گندم خریداری کا ہدف 14 لاکھ ٹن مقرر کیا گیا ہے، انہوں نے بتایا کہ گندم کی خریداری کے لیے2200 روپے فی من قیمت مقرر کی ہے۔

    اس موقع پر سیکریٹری خوراک کی جانب سے وزیراعلیٰ سندھ کو تفصیلی بریفنگ دی گئی جس میں بتایا گیا کہ گندم کی خریداری کےلیے167 مراکز قائم کئے گئے ہیں۔

    بریفنگ کے دوران اجلاس کو بتایا گیا کہ صوبہ سندھ کی ضروریات کو پوار کرنے کیلئے رواں سال گندم کی پیداوار کا ہدف 42لاکھ ٹن رکھا گیا ہے۔

    سیکریٹری خوراک سے بریفنگ کے بعد وزیراعلیٰ سندھ نے 5.6 ارب روپے گندم کی خریداری کیلئے آج ہی جاری کرنے کی ہدایت کی۔

    سید مراد علی شاہ کا کہنا تھا کہ گندم کی خریداری کا کام بھرپور طریقے سے کیا جائے، کاشت کاروں کو بروقت رقم ادا کرنے کو یقینی بنایا جائے۔

  • مجھے کراچی اسٹریٹ کرائم سے پاک چاہیے، وزیراعلیٰ سندھ کی پولیس افسران کو سخت ہدایات

    مجھے کراچی اسٹریٹ کرائم سے پاک چاہیے، وزیراعلیٰ سندھ کی پولیس افسران کو سخت ہدایات

    کراچی : وزیراعلیٰ سندھ مراد علی شاہ نے پولیس افسران کو ہدایت کی کہ مجھے کراچی اسٹریٹ کرائم سے پاک چاہیے اور کام نہ کرنے والے پولیس افسر کو فارغ کریں۔

    تفصیلات کے مطابق وزیراعلیٰ سندھ مراد علی شاہ کی زیرصدارت امن و امان سےمتعلق اجلاس ہوا، جس میں چیف سیکریٹری، آئی جی سندھ، ایڈیشنل آئی جی کراچی،سیکریٹری داخلہ ودیگر نے شرکت کی۔

    اجلاس میں وزیراعلیٰ سندھ نے ہدایت کی کہ نشے کے عادی افرادکواٹھانا شروع کریں اور انھیں گلشن معمار کی طرف بحالی کے مراکزپر رکھا جائے۔

    اجلاس میں ایڈیشنل آئی جی کراچی نے بتایا کہ شہرمیں7500 ایسےاسٹریٹ کرمنلز ہیں جو باربار کرائم کرتے ہیں، یہ 7500 کرمنلزیا تو ضمانت پر ہیں یا مفرور ہیں، جس پر مشیر قانون کا کہنا تھا کہ کرمنلزکی ای ٹریکنگ کے لیے مسودہ قانون تیار ہے۔

    مراد علی شاہ نے کہا کہ وکلا ہائی پروفائل کیسز اوراسٹریٹ کرمنلز کی بیل رد کرائیں، مجھے کراچی اسٹریٹ کرائم سے پاک چاہیے۔

    وزیراعلیٰ سندھ کا کہنا تھا کہ میں نے پولیس کو ہر قسم کے وسائل دیےہیں، کام نہ کرنے والے پولیس افسر کو فارغ کریں،مجھےنتیجہ چاہیے اور شہر میں پیٹرولنگ اور دیگر کارروائیوں کی روزرپورٹ چاہیے۔

  • تھرپاکر میں کوئلہ نکل آیا، وزیراعلیٰ سندھ عوام کو مبارکباد

    تھرپاکر میں کوئلہ نکل آیا، وزیراعلیٰ سندھ عوام کو مبارکباد

    تھر پارکر : صوبہ سندھ میں محنت کشوں کی دن رات کی محنت کے بعد کوئلے کے ذخائر نکل آئے، وزیر اعلیٰ سندھ نے قوم کو مبارکباد دی ہے۔

    تفصیلات کے مطابق تھرکول منصوبے بلاک ون پر کام کرنی والی کمپنی کی کھدائی کا کام مکمل ہوگیا، کمپنی کی انتظامیہ نے کول تک پہنچ کر اہم سنگ میل عبور کرلیا۔

    ذرائع کے مطابق آج صبح کان کی145میٹر کھدائی کا کام مکمل ہونے کے بعد کوئلہ نکل آیا، بلاک ون سائٹ پر پاکستانی انتظامیہ و چینی ماہرین کی جانب سے کامیابی پر جشن منایا گیا۔

    ماہرین کا کہنا ہے کہ بلاک ون میں 3 بلین ٹن یا 5 بلین بیرل خام تیل کے مساوی ذخائر ہیں، تھر کول بلاک ون انتظامیہ کا کہنا ہے کہ پہلے مرحلے میں سالانہ پیداوار7.8 ملین ٹن ہے، انتظامیہ کے مطابق بلاک ون کی سی پیک کے تحت درجہ بندی کی گئی ہے۔

    اس حوالے سے وزیراعلیٰ سندھ سید مراد علی شاہ کی جانب سے تھرکول فیلڈ بلاک ون سے کوئلہ برآمد ہونے پر عوام کومبارکباد پیش کی ہے، ان کا کہنا ہے کہ شہید بینظیر بھٹو کے وژن کے مطابق یہ سندھ حکومت کی دوسری بڑی کامیابی ہے۔

    مراد علی شاہ نے کہا کہ تھر کول فیلڈ بلاک ون میں 3ارب ٹن کوئلہ کے ذخائر موجود ہیں، کوئلے کے مذکورہ ذخائر5ارب بیرل خام تیل کے برابر ہیں۔

    وزیراعلیٰ سندھ کا کہنا تھا کہ ہم ہمیشہ سے یہ کہتے آئے ہیں کہ تھر بدلے گا پاکستان۔ آج یہ نعرہ حقیقت بنتا جارہا ہے۔

    آج صبح بلاک ون میں 145 میٹر کھدائی کے بعد کوئلہ نکلا ہے، میں چین کی کمپنی کو بھی ان کی کامیابی پر مبارکباد پیش کرتا ہوں۔

  • وزیراعلیٰ سندھ کا دعا منگی کیس کے ملزم کی پولیس حراست سے فرار کا نوٹس

    وزیراعلیٰ سندھ کا دعا منگی کیس کے ملزم کی پولیس حراست سے فرار کا نوٹس

    کراچی : وزیراعلیٰ سندھ مراد علی شاہ نے دعا منگی کیس کے ملزم کی پولیس حراست سے فرار کا نوٹس لیتے ہوئے سیکریٹری داخلہ کو سخت کارروائی کرنے کی ہدایت کردی۔

    تفصیلات کے مطابق وزیراعلیٰ سندھ مراد علی شاہ نے دعا منگی کیس کے ملزم کی پولیس حراست سے فرار کا نوٹس لے لیا اور آئی جی اورسیکریٹری داخلہ کو سخت کارروائی کرنے کی ہدایت کردی ہے۔

    وزیراعلیٰ سندھ نے ایس ایس پی کورٹ پولیس کو معطل کرنےکی بھی ہدایت کردی جبکہ دونوں پولیس اہلکاروں کوگرفتارکرلیا گیا ہے۔

    مراد علی شاہ کو معاملے پر بریفنگ میں بتایا گیا واقعہ کی ایف آئی آردرج کرکےتفتیش کی جارہی ہے اور پولیس نےملزم کی گرفتاری کے لیے پولیس پارٹی تشکیل دے دی ہے۔

    وزیراعلیٰ سندھ نے پولیس کوہدایت دی کہ ملزم کوگرفتارکرکے رپورٹ دی جائے۔

    یاد رہے ملزم ذوہیب قریشی کو کل عدالت میں پیش کیا گیا تھا ، حاضری کےبعدپولیس کےساتھ خریداری کےبہانےملزم مارکیٹ سے فرارہوا، ملزم کو واپس جیل پہنچانے کی ذمہ داری ہیڈ کانسٹیبل نوید اور کانسٹیبل ظفر کی تھی۔

    ملزم ذوہیب قریشی کو ایک کیس میں 3 سال کی سزا اور جرمانہ ہوچکا ہے۔

  • وزیراعلیٰ سندھ کا ایم کیو ایم کارکنوں پر تشدد کے واقعے کی انکوائری کا حکم

    وزیراعلیٰ سندھ کا ایم کیو ایم کارکنوں پر تشدد کے واقعے کی انکوائری کا حکم

    کراچی : وزیراعلیٰ سندھ مراد علی شاہ نے ایم کیوایم کارکنوں پر تشدد کے واقعے کی انکوائری کا حکم دیتے ہوئے 3 دن میں رپورٹ طلب کرلی۔

    تفصیلات کے مطابق کراچی کے ایڈمنسٹریٹر مرتضیٰ وہاب نے سماجی رابطے کی ویب سائٹ ٹوئٹر پر اپنے بیان میں کہا کہ وزیراعلیٰ سندھ نے ایم کیوایم کارکنوں پر تشددکےواقعےکی انکوائری کا حکم دے دیا اور سیکریٹری داخلہ سے 3 دن میں رپورٹ طلب کرلی ہے۔

    مرتضیٰ وہاب کا کہنا تھا کہ ذمہ داری کے تعین کے لیے جامع ٹی او آرز بنائے گئے ہیں۔

    اس سے قبل ایم کیو ایم ریلی پر رونما واقعہ کے حوالے سے کمشنر کراچی اور آئی جی سندھ نے وزیراعلیٰ سندھ کو بریفنگ دی ، کمشنر کراچی نے بتایا کہ وزیراعلیٰ سندھ مرادعلی شاہ نے واقعےکی تحقیقات کا حکم دیا ہے اور سیکریٹری داخلہ کو ہدایت کی کہ اپنی سربراہی میں کمیٹی قائم کریں۔

    وزیراعلیٰ سندھ نے ہدایت کی کہ انکوائری کمیٹی کو زیادتی کے ثبوت ملے تو ایکشن ہوگا۔

    گذشتہ روز سندھ کے نئے بلدیاتی نظام کے خلاف ایم کیو ایم کے وزیراعلیٰ ہاؤس پہنچنے والی ریلی پر پولیس نے لاٹھی چارج کیا ، جس کے نتیجے میں متحدہ کے ایم پی اے، خاتون رکن سمیت کئی افراد زخمی ہوئے جب کہ متعدد کارکنوں کو گرفتار کرلیا گیا تھا۔

    بعد ازاں پولیس کے لاٹھی چارج میں زخمی ہونے والا ایک کارکن اسلم اسپتال میں دم توڑ گیا تھا ، جس پر ایم کیو ایم نے یوم سیاہ کا اعلان کیا تھا۔

  • کراچی میں اومیکرون کی مقامی سطح پر منتقلی، وزیراعلی ٰ سندھ کی عوام سے احتیاط کی اپیل

    کراچی میں اومیکرون کی مقامی سطح پر منتقلی، وزیراعلی ٰ سندھ کی عوام سے احتیاط کی اپیل

    کراچی : وزیراعلی ٰ سندھ مراد علی شاہ نے خبردار کیا ہے کہ کراچی میں اومیکرون کی مقامی سطح پرمنتقلی ہورہی ہے، عوام سے اپیل ہے کہ نئی لہر سے بچاؤ کیلئے سخت احتیاط کریں۔

    تفصیلات کے مطابق وزیراعلی ٰ سندھ مراد علی شاہ نے کورونا صورتحال کے حوالے سے اپنے بیان میں کہا ہے کہ 28دسمبرسے 2جنوری کے دوران اومی کرون کے نئےکیس سامنےآئے ، تاحال 268 کیس ظاہر ہوچکے ہیں۔

    وزیراعلیٰ سندھ کا کہنا تھا کہ 28دسمبر سے2 جنوری کےدوران 133 نمونے ٹیسٹ کیے گئے، 133 نمونوں میں 95 اومی کرون کےکیس سامنے آئے۔

    مراد علی شاہ نے خبردار کیا کہ کراچی میں اومیکرون کی مقامی سطح پرمنتقلی ہورہی ہے، اومیکرون کے کچھ کیسز کی ٹریول ہسٹری ہے جبکہ دیگرکیسز مقامی ہیں۔

    انھوں نے عوام سے اپیل کی کہ نئی لہر سے بچاؤ کیلئے سخت احتیاط کرنا ہوگی۔

    یاد رہے کراچی میں کورونا کے مثبت کیسز کی شرح 9.23 فیصد تک پہنچ گئی ، ماہرین صحت نے ایک مرتبہ پھر ایس او پیز پر عمل درآمد کا مشورہ دے دیا ہے۔

    ماہرین صحت نے بھی خبردار کیا ہے کہ کراچی میں اومی کرون کے ساتھ ڈیلٹا ویرینٹ بھی پھیل رہا ہے، انفیکشن ریٹ بڑھتاہےتولاک ڈاؤن کی طرف جاسکتے ہیں۔

  • کراچی میں کورونا کیسز میں اضافہ، وزیراعلیٰ سندھ نے اہم ہدایت جاری کردی

    کراچی میں کورونا کیسز میں اضافہ، وزیراعلیٰ سندھ نے اہم ہدایت جاری کردی

    کراچی : وزیراعلیٰ سندھ مراد علی شاہ نے کراچی میں کورونا کیسز میں اضافے کے پیش نظر 7 ہزار سے زائد ٹیسٹ کرنے اور ویکسی نیشن بڑھانے کی ہدایت کردی۔

    تفصیلات کے مطابق وزیراعلیٰ سندھ مراد علی شاہ کی زیرصدارت میں کورونا ٹاسک فورس کا اجلاس ہوا ، اجلاس میں بریفنگ دیتے ہوئے بتایا گیا کہ 3دسمبر 2021 کو سندھ میں 261 کوویڈ کیسزتھے اور 2 جنوری 2022 کو403 کیسزرپورٹ ہوئے۔

    وزیراعلیٰ سندھ نے کہا کہ ظاہر ہوتا ہے کہ کیسز میں اضافہ ہو رہا ہے، دسمبر 2021 میں اومی کرون ٹیسٹ کےلیے351 ٹیسٹ کیے گئے، 315ٹیسٹ میں 175 اومی کرون کیسز ظاہر ہوئے ، ہمارے لوگوں کو مزید احتیاط کرنے ہوں گی۔

    اجلاس کو بتایا گیا گزشتہ 30 یوم میں 51 کوویڈ مریض انتقال کرگئے، 51میں سے 40 مریضوں کا اسپتال میں وینٹی لیٹرز پر انتقال ہوا جبکہ 6 انتقال کرنے والے مریض وینٹ پر نہیں تھے۔

    وزیراعلیٰ سندھ نے کراچی اور حیدرآباد میں 7 ہزار سے زائد ٹیسٹ کرنے اور ویکسی نیشن بھی زیادہ کرنے کی ہدایت دے دی۔

    دوسری جانب ذرائع محکمہ صحت کا کہنا ہے کہ کراچی میں اومی کرون کے مزید 10کیسز رپورٹ ہوئے ، اس سےقبل کراچی میں 44کیس پہلے سامنے آچکے ہیں۔