لاہور: وزیر اعلیٰ پنجاب شہباز شریف کی زیر صدارت اعلیٰ سطح کا اجلاس ہوا جس میں عوام کو ریلیف دینے کے لیے رمضان پیکیچ 2018 کی منظوری دے دی گئی۔
تفصیلات کے مطابق رمضان کی آمد کے پیش نظر شہباز شریف کی زیر صدارت اعلیٰ سطح کا اجلاس ہوا جس میں اشیائے ضروریہ کی دستیابی سمیت قیمتوں کا بھی جائزہ لیا گیا۔
اجلاس سے متعلق میڈیا سے گفتگو کرتے ہوئے شہباز شریف نے کہا کہ رمضان میں پنجاب میں 300 سے زائد سستے بازار لگائے جائیں گے جہاں سے شہری سستے دوموں اشیا خرید سکیں گے، اور رمضان المبارک میں خصوصی ریلیف بھی فراہم کی جائے گی۔
دن رات کام کرکے کراچی کی روشنیاں واپس لائیں گے: شہباز شریف
انہوں نے کہا کہ آٹے کی فراہمی پر 11 ارب روپے کی سبسڈی دی جائے گی، دالیں، گھی، چینی، پھل اور سبزیاں سستے داموں میں دستیاب ہوں گی اور 20 کلو آٹے کا تھیلہ 500 اور 10 کلو کا تھیلہ 250 روپے میں دستیاب ہوگا۔
وزیر اعلیٰ پنجاب کا کہنا تھا کہ 32 ماڈل بازار بھی سستے رمضان بازاروں کے طور پر کام کریں گے، جبکہ فری سحر وافطار کے لیے صوبے میں 2 ہزار دستر خوان لگائے جائیں گے جہاں روزے دار باآسان صحر وافطار کر سکیں گے۔
حکومت نےدل و جان سے عوام کی خدمت کی ہے، شہباز شریف
ان کا مزید کہنا تھا کہ رمضان بازاروں میں زرعی فیئر پرائس شاپس بھی قائم کی جائیں گی اور عام آدمی کو ریلیف کی فراہمی ہمارا مشن ہے، رمضان میں کسی بھی چیز کی قلت کی شکایت نہیں ہوگی، عوام کو سہولیات فراہم کرنے کے لیے موثر حکمت عملی تیار کی گئی ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
