لاہور: پنجاب بھر میں سی این جی اسٹیشنز کو گیس کی فراہمی ایک بارپھر بند کردی گئی ہے۔
حکومت نے اکتیس مئی سے پنجاب میں گیس کی فراہمی کا اعلان کیا تھا جس کے لیے بارہ لاکھ روپے پیشگی ادائیگی کی شرط رکھی گئی تھی جس پر بیس فیصد سے بھی کم سی این جی اسٹیشنز مالکان نے عمل درآمد کیا تھا۔
سی این جی اسٹیشنز چودہ سے تئیس جون تک دوبارہ کھل جائیں گے، لاہور شیخوپورہ ساہیوال کی جنرل اندسٹری کو بھی گیس کی فراہمی بند کردی گئی، اب نو سے گیارہ جون تک جنرل انڈسٹری کو گیس فراہم کی جائے گی۔
لاہور: حکومت نے پنجاب بھرمیں آج سے سی این جی سٹیشنز کھولنے کا فیصلہ کیا ہے، وزارت پٹرولیم نے آج سے آئندہ سات روز کے لیے سی این جی سٹیشنز کھولنے کی منظوری دے دی۔
تفصیلات کے مطابق وزارتِ پیٹرولیم اورسی این جی ایسوسی ایشن کے درمیان کامیاب مذاکرات کے بعد پنجاب کے سی این جی اسٹیشنزکو گیس فراہمی کا فیصلہ کیا گیا۔
پنجاب کے سی این جی اسٹیشنز آج صبح سےچھ جون تک مسلسل کھلےرہیں گےاورسی این جی کی قیمت فی کلوکی بجائے ستاون روپے فی لیٹرمقررکردی گئی ہے۔
دوسری طرف سوئی گیس حکام کا کہنا ہے کہ وزارت پیٹرولیم کی جانب سے نوٹیکیشن ملنے کے بعد سی این جی اسٹیشنز کھولنے کی اجازت دی جائے گی۔
سوئی گیس حکام کا کہنا ہے کہ بارہ لاکھ روپے کے اضافی سیکیورٹی ڈیپازٹس جمع کرانے والے سی این جی اسٹیشنزکھلیں گے۔