چکوال : پنجاب کے شہر چکوال میں ڈپٹی ڈسٹرکٹ ایجوکیشن آفیسر نے چکوال کے تمام سرکاری اسکولوں میں لڑکوں اور لڑکیوں کے ساتھ تعلیم حاصل کرنے پر پابندی کے حوالے سے وضاحت کردی۔
چکوال کے ڈپٹی ڈسٹرکٹ ایجوکیشن آفیسر ایلیمینٹری کا کہنا ہے کہ کوایجوکیشن پر پابندی لگائی گئی نہ ہی اسکول سے طالبات کو نکالا گیا ہے۔
ڈی ای او ایلیمینٹری نے اپنے ایک بیان میں کہا ہے کہ بوائز اسکول میں مڈل کلاس کی طالبات بٹھانے پر کارروائی کی گئی تھی۔
انہوں نے بتایا کہ قانون کےمطابق پرائمری اسکولوں میں "کوایجوکیشن” کی اجازت ہے، طالبات کو بوائز ایلیمینٹری اسکول میں داخل کیا گیا تھا۔
ڈپٹی ڈسٹرکٹ ایجوکیشن آفیسر نے وضاحت کی کہ مذکورہ طالبات کو نکالا نہیں گیا بلکہ گرلز ہائرسیکنڈری اسکول شفٹ کیا گیا ہے، صرف دو اسکولوں میں کوایجوکیشن کی خلاف ورزی پائی گئی۔
