پشاور: خیبرایجنسی میں کوئلے کی کان میں گیس بھرنے سے زوردار دھماکہ ہوا جس کے نتیجے میں 8 مزدور جاں بحق جبکہ دو لاپتہ ہوگئے۔
تفصیلات کے مطابق خیبرایجنسی کی تحصیل باڑہ کے علاقے کالا خیل میں کوئلے کی کان میں گیس بھرنے سے دھماکہ ہوا، دھماکے سے کان میں موجود 8 مزدور جان کی بازی ہار گئے۔
حادثے کے وقت کان میں مزدور کام کررہے تھے، دھماکے کے نتیجے میں کان بیٹھ گئی جس کے باعث دم گھٹنے سے 8 مزدور جاں بحق ہوگئے جبکہ دو مزدوروں کی تلاش کا کام جاری ہے۔
ہرنائی میں کان میں پھنسے7 کان کن جاں بحق
خیال رہے کہ گزشتہ سال 21 اکتوبرکو صوبہ بلوچستان کے علاقے ہرنائی میں کان میں پھنسے سات کان کنوں کی لاشیں اور ایک کو زخمی حالت میں نکال لیا گیا تھا۔
حادثے میں جاں بحق ہونے والے مزدوروں میں سے ایک کا تعلق افغانستان جبکہ باقی سوات اور اپردیر کے رہائشی تھی۔
اورکزئی ایجنسی: کوئلے کی کان میں دھماکہ‘3مزدور جاں بحق
یاد رہے کہ 2 اپریل 2016 کو اورکزئی ایجنسی کےعلاقے ڈولی میں کوئلےکی کان میں گیس بھرجانے کے باعث دھماکہ ہوا تھا جس کے نتیجے میں 3 مزدورجان کی بازی ہار گئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
