ARYNews.tv | Urdu – Har Lamha Bakhabar

Tag: COAS

  • پاک چین بین الاقوامی فضائی مشقوں سے دونوں ملکوں کی دوستی کومزید استحکام ملے گا: آرمی چیف

    پاک چین بین الاقوامی فضائی مشقوں سے دونوں ملکوں کی دوستی کومزید استحکام ملے گا: آرمی چیف

    راولپنڈی: آرمی چیف جنرل قمر جاوید باجوہ نے  پاک چین بین الاقوامی فضائی مشقوں شاہین 7 کا جائزہ لیا.

    پاک فوج کے شعبہ برائے تعلقات عامہ (آئی ایس پی آر) کے مطابق شاہین 7 مشقیں پاک فضائیہ کی آپریشنل ایئربیس پرجاری ہیں. سپہ سالار نے مشقوں کا جائزہ لیا.

    اس موقع پر پاک فضائیہ کے سربراہ ایئرچیف مارشل مجاہد انورخان نے آرمی چیف کا استقبال کیا.

    آرمی چیف نے  اس موقع پر  پاک فضائیہ اورچینی ایئرفورس کے شرکا کی پیشہ ورانہ مہارتوں کو سراہا.

    https://www.facebook.com/OfficialDGISPR/videos/2095311147436755/

    آرمی چیف جنرل قمر جاوید باجوہ نے کہا کہ مشقوں سے دونوں ملکوں کی دوستی کومزید تقویت اور استحکام ملے گا.

    انھوں نے کہا کہ مشقیں دونوں مسلح افواج اوراقوام کومزید قریب لائیں گی.

    یاد رہے کہ آج  آرمی چیف جنرل قمر جاوید باجوہ نے گدرا سیکٹر سندھ میں اگلے مورچوں کا دورہ کیا تھا۔

    مزید پڑھیں: داخلی صورتحال بہتر ہونے سے بیرونی سرمایہ کاری کی راہ ہموار ہوئی: آرمی چیف

    اس موقع پر  آرمی چیف نے جوانوں کی پیشہ ورانہ تیاریوں اور بلند حوصلے کو سراہا۔

    انھوں نے کہا کہ  پاک فوج سرحدوں کے دفاع کے لیے مکمل طور پرعزم ہے۔ داخلی صورتحال بہتر ہونے سے بیرونی سرمایہ کاری کی راہ ہموار ہوئی ہے۔

  • داخلی صورتحال بہتر ہونے سے بیرونی سرمایہ کاری کی راہ ہموار ہوئی: آرمی چیف

    داخلی صورتحال بہتر ہونے سے بیرونی سرمایہ کاری کی راہ ہموار ہوئی: آرمی چیف

    تھر پارکر: آرمی چیف جنرل قمر جاوید باجوہ کا کہنا ہے کہ پاک فوج سرحدوں کے دفاع کے لیے مکمل طور پر پرعزم ہے۔ داخلی صورتحال بہتر ہونے سے بیرونی سرمایہ کاری کی راہ ہموار ہوئی ہے۔

    تفصیلات کے مطابق آرمی چیف جنرل قمر جاوید باجوہ نے گدرا سیکٹر سندھ میں اگلے مورچوں کا دورہ کیا۔ آرمی چیف نے جوانوں کی پیشہ ورانہ تیاریوں اور بلند حوصلے کو سراہا۔

    آرمی چیف نے تھرکول پروجیکٹ کا بھی دورہ کیا۔ تھر کول پہنچنے پر مینیجنگ ڈائریکٹر فوجی فرٹیلائزر لیفٹیننٹ جنرل ریٹائرڈ طارق خان نے ان کا استقبال کیا۔ آرمی چیف کو منصوبوں پر ہونے والی پیشرفت پر بریفنگ دی گئی۔

    دورے کے موقع پر کور کمانڈر کراچی لیفٹیننٹ جنرل ہمایوں عزیز بھی آرمی چیف کے ہمراہ تھے۔

    اس موقع پر آرمی چیف کا کہنا تھا کہ پاک فوج سرحدوں کے دفاع کے لیے مکمل طور پر پرعزم ہے، ملک میں سیکیورٹی کی صورتحال بہتر ہو رہی ہے۔ داخلی صورتحال بہتر ہونے سے بیرونی سرمایہ کاری کی راہ ہموار ہوئی ہے۔

    آرمی چیف نے کہا کہ تاجروں اور صنعت کاروں کو محفوظ ماحول دینے کے لیے کردار ادا کرتے رہیں گے۔ پاکستانی اور غیر ملکی سرمایہ کاروں کو محفوظ فضا کی فراہمی یقینی بنائیں گے۔

    اس سے قبل آج صبح آرمی چیف نے ایئر ڈیفنس سینٹر کراچی کا دورہ کیا تھا۔ آرمی چیف کا کہنا تھا کہ دہشت گردی کے خلاف جنگ میں آرمی ایئر ڈیفنس کا کردار قابل تحسین ہے۔

  • آرمی چیف سے چینی نائب وزیرخارجہ کی ملاقات

    آرمی چیف سے چینی نائب وزیرخارجہ کی ملاقات

    راولپنڈی: آرمی چیف جنرل قمر جاوید باجوہ سے چینی نائب وزیرخارجہ نے ملاقات کی ہے.

    پاک فوج کے شعبہ برائے تعلقات عامہ (آئی ایس پی آر) کے مطابق چین کے نائب وزیر خارجہ کونگ ژوان یو نے جی ایچ کیو میں‌سپہ سالار سے ملاقات کی.

    [bs-quote quote=”دہشت گردی کے خلاف پاکستانی عوام اور فوج کی قربانیاں قابل قدر ہیں” style=”style-7″ align=”left” author_name=”چینی نائب وزیر خارجہ”][/bs-quote]

    اس ملاقات میں دوطرفہ تعاون بڑھانے پربات چیت ہوئی، باہمی دل چسپی اور علاقائی سیکیورٹی امورپر تبادلہ خیال کیا.

    ڈی جی آئی ایس پی آر کے مطابق اس موقع آرمی چیف جنرل قمر  جاوید باجوہ نے کہا کہ پاک چین مثالی تعلقات باہمی اعتماد پرمبنی ہیں.

    مزید پڑھیں: وزیر خارجہ شاہ محمود قریشی سے چین کے معاون وزیر خارجہ کی ملاقات

     چینی نائب وزیرخارجہ کونگ ژوان یو نے اس موقع پر کہا کہ دہشت گردی کے خلاف پاکستانی عوام اور فوج کی قربانیاں قابل قدر ہیں.

    یاد رہے کہ آج وزیر خارجہ شاہ محمود قریشی اور چین کے نائب وزیر خارجہ کی ملاقات ہوئی تھی، جس میں علاقائی سیکیورٹی سمیت باہمی دلچسپی کے امور پر تبادلہ خیال کیا گیا۔

  • آرمی چیف جنرل قمر باجوہ سے مصر کے سفیر فدل یعقوب کی ملاقات

    آرمی چیف جنرل قمر باجوہ سے مصر کے سفیر فدل یعقوب کی ملاقات

    راولپنڈی : آرمی چیف جنرل قمر باجوہ سے مصر کے سفیر نے ملاقات کی ہے ملاقات میں علاقائی سیکیورٹی، باہمی دلچسپی کے امور پر تبادلہ خیال کیا گیا۔ 

    پاک فوج کے شعبہ برائے تعلقاتِ عامہ (آئی ایس پی آر) کے مطابق پاکستان میں متعین مصری سفیر احمد محمد فدل یعقوب نے جی ایچ کیو کا دورہ کیا.


    اس موقع پر انہوں نے چیف آف  آرمی اسٹاف جنرل قمر جاوید باجوہ سے ملاقات کی، یہ ملاقات جی ایچ کیو راولپنڈی میں ہوئی، ملاقات میں پاک مصر تعلقات سمیت علاقائی سیکیورٹی، باہمی دلچسپی کے امور پر تبادلہ خیال کیا گیا۔

  • فوج ہرطرح کے روایتی خطرات سے نمٹنے کے لئے تیار ہے:‌ آرمی چیف

    فوج ہرطرح کے روایتی خطرات سے نمٹنے کے لئے تیار ہے:‌ آرمی چیف

    راولپنڈی: آرمی چیف جنرل قمر جاوید باجوہ نے کہا ہے کہ ردالفساد کے باوجود روایتی جنگ کی تیاریوں سے غافل نہیں رہ سکتے.

    پاک فوج کے شعبہ برائے تعلقات عامہ (آئی ایس پی آر) کے مطابق  آج آرمی چیف جنرل قمر جاوید باجوہ نے  سیالکوٹ کور کا دورہ کیا، جہاں انھوں نے سرمائی مشترکہ تربیتی مشقوں کامعائنہ کیا.

    پاک فوج کے ترجمان کے مطابق اس موقع پر آرمی چیف جنرل قمرجاوید باجوہ نے کہا کہ سرحدوں پرمادر وطن کا بھرپور دفاع کریں گے.

    آرمی چیف کا کہنا تھا کہ روایتی جنگ کی تیاریوں سےغافل نہیں، پاک فوج کی قیادت کرنے پر فخر ہے،  فوج ہرطرح کے روایتی خطرات سے نمٹنے کے لئے تیار ہے.

    https://www.facebook.com/OfficialDGISPR/videos/1930876897217644/

    انھوں‌نے کہا کہ پیشہ ورفوج بہترین ہتھیاروں سے لیس ہے، پاک فوج چیلنجزسےبہتراندازمیں نمٹ سکتی ہے.

    آرمی چیف جنرل قمرجاویدباجوہ کا کہنا تھا کہ پاک فوج نے کامیابی سے دہشت گردی کے خلاف جنگ لڑی ہے۔

  • ایس ایس جی دنیا کی بہترین اسپیشل فورس ہے: آرمی چیف

    ایس ایس جی دنیا کی بہترین اسپیشل فورس ہے: آرمی چیف

    راولپنڈی: آرمی چیف جنرل قمرجاوید باجوہ کا کہنا ہے کہ ایس ایس جی دنیاکی بہترین اسپیشل فورس ہے.

    ان خیالات کا اظہار انھوں نے اسپیشل سروس گروپ (ایس ایس جی) ہیڈ کوارٹرز میں خطاب کرتے ہوئے کیا.

    پاک فوج کے شعبہ برائے تعلقات عامہ (آئی ایس پی آر) کے مطابق آج آرمی چیف کی ایس ایس جی ہیڈکوارٹرز آمد ہوئی، آرمی چیف نے کرنل کمانڈنٹ کی انسٹالیشن تقریب میں شرکت کی.

    اس موقع پر میجر جنرل عابد رفیق کو پہلے کرنل کمانڈنٹ ایس ایس جی کے بیجز بھی لگائے گئے.

    آئی ایس پی آر کے مطابق آرمی چیف نے انسداد دہشت گردی آپریشن میں ایس ایس جی کی خدمات کو سراہا.

    آرمی چیف جنرل قمر جاوید باجوہ نے کہا کہ ایس ایس جی دنیا کی بہترین اسپیشل فورس ہے، ایس ایس جی نے ماہرانہ کارکردگی سے خود کو بہترین فورس ثابت کیا ہے.

    مزید پڑھیں: دہشت گردی اور انتہاپسندی کے خاتمے کے لیے پرعزم ہیں، آرمی چیف

    آرمی چیف نے کہا کہ ایس ایس جی کی پیشہ ورانہ قربانیاں قابل قدرہیں، ایس ایس جی نے اپنی محنت،عظیم قربانیوں کی بدولت یہ مقام حاصل کیا.

    ایس ایس جی ہیڈکوارٹرز  آمد کے موقع  آرمی چیف نے  پر یادگار شہدا پر پھول چڑھائے۔

  • دہشت گردی اور شدت پسندی کے خلاف جنگ ابھی ختم نہیں ہوئی: آرمی چیف

    دہشت گردی اور شدت پسندی کے خلاف جنگ ابھی ختم نہیں ہوئی: آرمی چیف

    ملتان: آرمی چیف جنرل قمر جاوید باجوہ نے ملتان گیریژن کا دورہ کرتے ہوئے کہا کہ دہشت گردی اور شدت پسندی کے خلاف جنگ ابھی ختم نہیں ہوئی۔ دہشت گردی اور شدت پسندی کی بنیادی وجوہات ختم کرنے کی ضرورت ہے۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے ملتان گیریژن کا دورہ کیا۔ دورے کے دوران آرمی چیف نے آرمر فارمیشن کی تربیتی مشقیں دیکھیں۔

    آرمی چیف کا کہنا تھا کہ شدت پسندی کے خلاف آپریشنز کے بعد استحکام کے لیے آپریشنز کیے جا رہے ہیں۔ دہشت گردی اور شدت پسندی کے خلاف جنگ ابھی ختم نہیں ہوئی۔

    انہوں نے کہا کہ دہشت گردی اور شدت پسندی کی بنیادی وجوہات ختم کرنے کی ضرورت ہے۔

    آرمی چیف کا کہنا تھا کہ ہم شر پسند عناصر اور غیر ملکی دشمن قوتوں سے نبرد آزما ہیں۔ سماجی اور اقتصادی ترقی کی کوششوں کی حمایت کریں گے۔

    انہوں نے مزید کہا کہ کچھ عناصر دانستہ اور غیر دانستہ طور پر ملک کو تصادم کی طرف لے جا رہے ہیں۔ ریاست میں مذہب، لسانیت اور کسی اور بنیاد پر انتشار پھیلنے نہیں دیں گے۔ امن و ترقی اور استحکام قانون کی پاسداری سے ہی ممکن ہے۔

  • آرمی چیف سے کیمبرین پیٹرول میں گولڈ میڈل جیتنے والی ٹیم کی ملاقات

    آرمی چیف سے کیمبرین پیٹرول میں گولڈ میڈل جیتنے والی ٹیم کی ملاقات

    راولپنڈی: پاک فوج کے شعبۂ تعلقاتِ عامہ (آئی ایس پی آر) کا کہنا ہے کہ آرمی چیف جنرل قمر جاوید باجوہ سے کیمبرین پیٹرول میں گولڈ میڈل جیتنے والی ٹیم نے ملاقات کی۔

    تفصیلات کے مطابق آرمی چیف جنرل قمر جاوید باجوہ سے ’ایکسرسائز کیمبرین پیٹرول‘ میں گولڈ میڈل جیتنے والی ٹیم نے ملاقات کی، یہ مقابلہ برطانیہ میں 8 تا 22 اکتوبر منعقد ہوا۔

    [bs-quote quote=”پاک فوج کی ٹیم نے مجموعی طور پر چھٹی بار اور مسلسل چوتھی بار گولڈ میڈل حاصل کیا ہے۔” style=”style-7″ align=”left” color=”#dd3333″][/bs-quote]

    آئی ایس پی آر کا کہنا ہے کہ پاک فوج کی ٹیم نے اکتوبر میں برطانیہ میں ہونے والے مقابلوں میں گولڈ میڈل حاصل کیا۔ پاک فوج کی ٹیم 3 افسران سمیت 11 ارکان پر مشتمل تھی۔

    اس موقع پر آرمی چیف جنرل قمر جاوید باجوہ نے بہترین کارکردگی پر پاک فوج کی ٹیم کو سراہا۔ خیال رہے کہ پاک فوج کی ٹیم نے مجموعی طور پر چھٹی بار اور مسلسل چوتھی بار گولڈ میڈل حاصل کیا ہے۔

    یہ بھی پڑھیں:  اب ہائبرڈ تنازعے کا چیلنج درپیش ہے، پروپیگنڈے سے عوام کو تقسیم کیا جارہا ہے: آرمی چیف

    ایکسرسائز کیمبرین پیٹرول مقابلے میں مجموعی طور پر ایک سو ٹیموں نے حصہ لیا۔

    خیال رہے کہ گزشتہ روز آرمی چیف جنرل قمر جاوید باجوہ نے کہا ہے کہ اب ہائبرڈ تنازعے کا چیلنج درپیش ہے، قوم بالخصوص نوجوانوں کو ان مسائل سے بچانے کے لیے ذمہ داری کا مظاہرہ کرنا ہوگا۔

  • اب ہائبرڈ تنازعے کا چیلنج درپیش ہے، پروپیگنڈے سے عوام کو تقسیم کیا جارہا ہے: آرمی چیف

    اب ہائبرڈ تنازعے کا چیلنج درپیش ہے، پروپیگنڈے سے عوام کو تقسیم کیا جارہا ہے: آرمی چیف

    راولپنڈی:  آرمی چیف جنرل قمر جاوید باجوہ نے کہا ہے کہ اب ہائبرڈ تنازعے کا چیلنج درپیش ہے، قوم بالخصوص نوجوانوں کو  ان مسائل سے بچانے کے لئے ذمہ داری کا مظاہرہ کرنا ہوگا.

    پاک فوج کے شعبہ برائے تعلقات عامہ (آئی ایس پی آر) کے مطابق آرمی چیف نے ان خیالات کا اظہار جی ایچ کیو میں نیشنل سیکیورٹی ورکشاپ کے شرکا سے خطاب کرتے ہوئے کیا.

    آرمی چیف جنرل قمر جاوید باجوہ نے اس موقع پر کہا کہ گذشتہ دو دہائیوں میں پاکستان کو مختلف خطرات کا سامنا رہا، قوم اور مسلح افواج نے بہادری، کامیابی سے چیلنجز کا سامنا کیا.

    انھوں نے کہا کہ جس مقصد کے لئے بے پناہ قربانیاں دیں، اسے حاصل کرنے کا وقت آگیا ہے، ضرورت ہے کہ اب ہم کھڑے ہوں اورترقی کریں۔

    https://www.facebook.com/OfficialDGISPR/videos/540343729771436/

    جنرل قمر جاوید باجوہ نے کہا کہ قوم اور مسلح افواج نےان خطرات کوشکست دی ہے، اب ہم ہائبرڈعسکریت سے نبرد آزما ہیں، اس جنگ میں مذہبی، فرقہ ورانہ، لسانی، سماجی ایشوز کو دیکھ رہے ہیں، ہائبرڈ شکل میں قومی اور مربوط جواب دینے کی ضرورت ہے.

    ان کا کہنا تھا کہ پروپیگنڈے کے ذریعے عوام کو تقسیم کیا جا رہا ہے، قوم بالخصوص نوجوانوں کو ان مسائل سے بچانے کے لئے ذمہ داری کا مظاہرہ کرنا ہوگا.

  • تجارتی سرگرمیوں کے فروغ کے لیے کراچی میں سیکورٹی صورتِ حال مزید بہتر بنائیں گے: آرمی چیف

    تجارتی سرگرمیوں کے فروغ کے لیے کراچی میں سیکورٹی صورتِ حال مزید بہتر بنائیں گے: آرمی چیف

    کراچی: آرمی چیف جنرل قمرجاوید باجوہ نے رینجرز ہیڈ کوارٹرز سندھ کا دورہ کیا، ڈی جی رینجرز نے آرمی چیف کو صوبے کی سیکورٹی صورتِ حال پر بریفنگ دی۔

    تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کے ڈائریکٹر جنرل نے سوشل میڈیا پر کہا ہے آرمی چیف جنرل قمر جاوید باجوہ نے رینجرز ہیڈ کوارٹرز سندھ کا دورہ کیا۔

    [bs-quote quote=”کراچی قومی معیشت میں انجن کی حیثیت رکھتا ہے۔” style=”style-7″ align=”left” color=”#dd3333″ author_job=”آرمی چیف”][/bs-quote]

    آئی ایس پی آر کے ڈائریکٹر جنرل میجر جنرل آصف غفور کے مطابق آرمی چیف کو صوبے میں سیکورٹی بشمول کراچی میں امن و امان کی صورتِ حال پر بریفنگ دی گئی۔

    آئی ایس پی آر کے مطابق آرمی چیف جنرل قمر جاوید باجوہ نے اس موقع پر کہا کہ کراچی قومی معیشت میں انجن کی حیثیت رکھتا ہے، تجارتی سرگرمیوں کو تقویت دینے کے لیے کراچی میں سیکورٹی کی صورتِ حال کو مزید بہتر بنائیں گے۔

    یہ بھی پڑھیں:  افغان رویے سے لگتا ہے، طاہر داوڑ کا قتل صرف دہشت گرد تنظیم کا کام نہیں: پاک فوج

    اس موقع پر کور کمانڈر کراچی لیفٹیننٹ جنرل ہمایوں عزیز بھی آرمی چیف کے ہم راہ تھے۔ میجر جنرل آصف غفور نے کہا کہ آرمی چیف نے صوبے میں امن و امان کی صورتِ حال کو بہتر بنانے کے لیے پاکستان رینجرز سندھ اور قانون نافذ کرنے والے دیگر تمام اداروں کی کوششوں کو سراہا۔