ARYNews.tv | Urdu – Har Lamha Bakhabar

Tag: COAS

  • وزیر اعظم عمران خان سے آرمی چیف کی ملاقات

    وزیر اعظم عمران خان سے آرمی چیف کی ملاقات

    اسلام آباد: وزیر اعظم عمران خان سے آرمی چیف جنرل قمر جاوید باجوہ نے ملاقات کی۔ ملاقات میں قومی سلامتی کی صورتحال اور اہم امور پر تبادلہ خیال کیا گیا۔

    تفصیلات کے مطابق وزیر اعظم عمران خان سے آرمی چیف جنرل قمر جاوید باجوہ کی ملاقات ہوئی۔

    ملاقات میں قومی سلامتی کی صورتحال پر تبادلہ خیال کیا گیا۔

    آرمی چیف جنرل باجوہ نے عمران خان کو وزارت عظمیٰ کا منصب سنبھالنے پر مبارک باد بھی دی۔

    ملاقات میں ملک میں پائیدار امن اور استحکام کے عزم کا اظہار کیا گیا جبکہ خطےمیں امن کے لیے کوششیں جاری رکھنے کے عزم کا اعادہ بھی کیا گیا۔

    خیال رہے کہ پاکستان تحریک انصاف کے الیکشن جیتنے، نئی حکومت بننے اور عمران خان کے بطور وزیر اعظم حلف اٹھانے کے بعد دونوں اہم ترین شخصیات کی یہ پہلی باضابطہ ملاقات ہے۔

  • اہلِ وطن کو عید مبارک ہو، آرمی چیف جنرل قمر جاوید باجوہ

    اہلِ وطن کو عید مبارک ہو، آرمی چیف جنرل قمر جاوید باجوہ

    راولپنڈی: آرمی چیف جنرل قمر جاوید باجوہ نے اہلِ وطن کو بقرِ عید کی مبارک باد دیتے ہوئے کہا ہے کہ عید الاضحیٰ پر مسلح افواج کے جوانوں کی بے پناہ قربانیوں کو بھی یاد رکھا جائے۔

    تفصیلات کے مطابق پاک فوج کے شعبۂ تعلقات عامہ (آئی ایس پی آر) کے ڈائریکٹر جنرل نے ٹوئٹ کرتے ہوئے مسلح افواج کی جانب سے اہلِ وطن کوعید کی مبارک باد دی۔

    دیگر مسلح افواج کے سربراہان چیئرمین جوائنٹ اسٹاف، نیول چیف اور ایئر چیف کی جانب سے بھی قوم کو عید کی مبارک باد دی گئی۔

    آرمی چیف جنرل قمر جاوید باجوہ نے عید کے موقع پر دعا کرتے ہوئے کہا ’اللہ پاکستان کو امن اور ترقی عطا کرے۔‘

    خیال رہے کہ آج پاک فوج کے سربراہ جنرل قمر جاوید باجوہ نے اپنے اہلِ خانہ کے ہم راہ حج بیت اللہ کی سعادت بھی حاصل کی، انھوں نے پاکستان، امن و استحکام اور شہدا کے لیے خصوصی دعائیں کیں۔

    آرمی چیف جنرل قمرجاوید باجوہ نے حج کی سعادت حاصل کرلی

    اس سے قبل آرمی چیف جنرل قمر جاوید باجوہ نے دہشت گردی سے متاثرہ افراد کے عالمی دن کے موقع پر متاثرین کو خراج تحسین پیش کرتے ہوئے کہا کہ قوم اور مسلح افواج نے بہادری، کام یابی سے دہشت گردی کا مقابلہ کیا، پاکستانی قوم اور مسلح افواج نے متحد ہو کر دہشت گردی کو شکست دی۔

  • دہشت گردی کے خلاف جنگ میں جانیں دینے والے شہدا اور اہل خانہ کو سلام: آرمی چیف

    دہشت گردی کے خلاف جنگ میں جانیں دینے والے شہدا اور اہل خانہ کو سلام: آرمی چیف

    راولپنڈی: آرمی چیف جنرل قمر جاوید باجوہ کا کہنا ہے کہ دہشت گردی کے خلاف جنگ میں جانیں دینے والے شہدا اور اہل خانہ کو سلام، بہادری سے لڑ کر دہشت گردی کا شکار افراد اور خاندان والوں کے ساتھ ہیں۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے ڈی جی میجر جنرل آصف غفور کے مطابق آرمی چیف نے دہشت گردی سے متاثرہ افراد کے عالمی دن کے موقع پر پیغام دہشت گردی سے متاثر ہونے والوں کو خراج عقیدت پیش کیا۔

    اس موقع پر آرمی چیف جنرل قمر جاوید باجوہ کا کہنا تھا کہ پاکستانی قوم اور مسلح افواج نے بہادری اور کامیابی سے دہشت گردی کا مقابلہ کیا، پاکستانی قوم اور مسلح افواج نے متحد ہو کر دہشت گردی کو شکست دی۔

    انہوں نے کہا کہ دہشت گردی کے خلاف جنگ میں جانیں دینے والے شہدا اور اہل خانہ کو سلام، ملک دشمن عناصر کو ہر صورت میں شکست دے کر دم لیں گے۔

    آرمی چیف کا کہنا تھا کہ ہر طرح کی دہشت گردی کی شدید مذمت کرتے ہیں، تمام فورسز کی امن و استحکام کی کوششوں کی حمایت کرتے ہیں۔

    انہوں نے مزید کہا کہ پاکستان دیرپا امن اور سلامتی کے لیے تمام قوتوں کی حمایت کرتا ہے، بہادری سے لڑ کر دہشت گردی کا شکار افراد اور خاندان والوں کے ساتھ ہیں۔ پاکستان کو اندھیروں میں جھونکنے کی کوشش کرنے والوں کے خلاف لڑیں گے۔

    آرمی چیف کا کہنا تھا کہ قوم کے عزم اور حوصلے کے ساتھ مخالف قوتوں کو شکست دیں گے، دہشت گردی عالمی مسئلہ ہے جس سے مل کر لڑنا ہوگا۔ پاکستان گزشتہ دو دہائیوں سے دہشت گردی کے ناسور کا شکار رہا ہے۔

  • وطن کے دفاع میں اقلیتی بھائی کسی سے پیچھے نہیں، آرمی چیف

    وطن کے دفاع میں اقلیتی بھائی کسی سے پیچھے نہیں، آرمی چیف

    راولپنڈی: آرمی چیف آف اسٹاف جنرل قمر جاوید باجوہ نے کہا ہے کہ قومی ترقی میں مسیح بھائیوں کا کردار قابلِ قدر ہے، وطن کے دفاع میں اقلیتی بھائی کبھی کسی سے پیچھے نہیں رہے۔

    پاک فوج کے شعبہ تعلقاتِ عامہ (آئی ایس پی آر) کی جانب سے جاری کردہ اعلامیے کے مطابق آرمی چیف نے مسیح برادری کےاعزاز میں عشائیہ دیا جس میں کارڈینل جوزف اورسرفرازپیٹرسمیت معروف شخصیات نے شرکت کی۔

    اس موقع پر مہمانوں سے گفتگو کرتے ہوئے آرمی چیف کا کہنا تھا کہ ’کارڈینل جوزف کی تقرری سےقومی ہم آہنگی کوفروغ ملےگا، قومی ترقی میں مسیح بھائیوں کاکردارقابل قدرہے‘۔

    جنرل قمر جاوید باجوہد کا کہناتھا کہ ’مسیح بھائیوں نے تعلیم، صحت اور سماجی خدمات میں بڑھ چڑھ کر حصہ لیا، وطن کے دفاع میں اقلیتی بھائی کسی سے پیچھے نہیں ہیں‘۔ آرمی چیف کا کہنا تھا کہ بین المذاہب ہم آہنگی اوربھائی چارےکے لیے کوشاں ہیں۔

    مزید پڑھیں: کراچی سے تعلق رکھنے والے جوزف کوٹس کارڈینل بن گئے

    ترجمان پاک فوج کے مطابق تقریب سےکارڈنل جورف اورسرفرازپیٹرنےبھی خطاب کیا۔

    واضح رہے کہ پوپ فرانسس نے رواں سال مئی کے ماہ میں دنیا بھر کے 14 گرجا گھروں میں موجود بشپس کو کارڈیلنز مقرر کرنے کا اعلان کیا تھا جن میں کراچی سے تعلق رکھنے والے  آرچ بشپ جوزف کوٹس بھی شامل تھے۔

    کونسل کی مٹینگ میں پاکستان، عراق، مڈغاسکر اور جاپان سمیت دنیا کے مختلف ممالک سے تعلق رکھنے والے منتخب کردہ بیشپس کو کارڈینلز کے عہدے پر ترقی دی گئی۔

    کراچی سے تعلق رکھنے والے جوزف کوٹس پوپ فرانسس کی جانب سے کارڈینل کا اعزاز پانے والے پاکستان کی تاریخ کے دوسرے مسیحی پیشوا ہیں، ااس سے قبل جوزف کورڈیرو کارڈینل رہ چکے ہیں۔ جوزف کوٹس نے جون کے ماہ میں حلف اٹھایا تھا۔

  • آرمی چیف نے 15 دہشت گردوں کی سزائے موت کی توثیق کر دی

    آرمی چیف نے 15 دہشت گردوں کی سزائے موت کی توثیق کر دی

    راولپنڈی: آرمی چیف جنرل قمر جاوید باجوہ نے دہشت گردی کی سنگین وارداتوں میں ملوث پندرہ دہشت گردوں کی سزائے موت کی توثیق کر دی۔

    تفصیلات کے مطابق آرمی چیف نے شہریوں کے قتل اور دہشت گردی کی سنگین وارداتوں میں ملوث 15 دہشت گردوں کی سزائے موت کی توثیق کر دی ہے، ان دہشت گردوں کو فوجی عدالتوں نے سزائے موت سنائی تھی۔

    پاک فوج کے شعبۂ تعلقات عامہ (آئی ایس پی آر) کے مطابق سزائے موت پانے والے دہشت گردوں میں خوال محمد، صدام اللہ ،اظہار، سید اللہ، مجاہد، طارق علی، اسرار، کلیم اللہ، محمد رحمان اور فیاض اللہ شامل ہیں۔

    آئی ایس پی آر کا کہنا ہے کہ یہ دہشت گرد 45 افراد کی موت اور 103 کو زخمی کرنے کے واقعات میں ملوث ہیں۔ دہشت گرد سیکورٹی فورسز اور تعلیمی اداروں پر حملوں میں ملوث تھے۔

    پاک فوج کے پائلٹس نے روسی کوہ پیما کو بچالیا،آئی ایس پی آر

    پاک فوج کے شعبۂ تعلقات عامہ نے مزید کہا کہ آرمی چیف جنرل قمر جاوید باجوہ نے 6 دہشت گردوں کی قید کی سزاؤں کی بھی توثیق کی ہے۔

  • درخت زندگی ہیں، سب شجرکاری مہم میں بڑھ چڑھ کر حصہ لیں، آرمی چیف

    درخت زندگی ہیں، سب شجرکاری مہم میں بڑھ چڑھ کر حصہ لیں، آرمی چیف

    راولپنڈی: پاک فوج نے سرسبزو شاداب پاکستان مہم میں بھرپور شرکت کی، آرمی چیف اور ان کی اہلیہ نے پودا لگا کر شجرکاری مہم کا آغاز کردیا ہے۔

    پاک فوج کے شعبہ تعلقات عامہ (آئی ایس پی آر) کے مطابق پاک فوج کے جوانوں نے سرسبز و شاداب پاکستان مہم میں بھرپور شرکت کی، پاک فوج نے قومی شجرکاری مہم کے تحت آج 20 لاکھ پودے لگائے، آرمی چیف اور ان کی اہلیہ نے پودا لگا کر شجرکاری مہم کا آغاز کیا۔

    آرمی چیف جنرل قمر جاوید باجوہ نے کہا کہ درخت زندگی ہیں، سب شجرکاری مہم میں بڑھ چڑھ کر حصہ لیں، ملک میں مون سون کے دوران ایک کروڑ پودے لگائیں گے اور شجرکاری مہم کو کامیاب بنائیں گے۔

    آرمی چیف کا سرسبز و شاداب پاکستان مہم کی تقریب سے خطاب کرتے ہوئے کہنا تھا کہ ماحولیاتی ادارے، محکمہ جنگلات، محکمہ زراعت سے مل کر کام کریں گے، تقریب میں فوجی افسران و اہل خانہ سمیت اسکول کے بچوں نے بھرپور شرکت کی۔

    مزید پڑھیں: پاک فوج مون سون کے دوران ایک کروڑ پودے لگائے گی، ڈی جی آئی ایس پی آر

    واضح رہے کہ ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹویٹر پر اپنے پیغام میں کہا تھا کہ پاک فوج ارض وطن کو سرسبز و شاداب بنانے کے لیے ایک کروڑ پودے لگائے گی۔

    ان کا کہنا تھا کہ اس شجرکاری مہم کو ’سرسبز و شاداب پاکستان‘ کا نام دیا گیا ہے، پاک فوج مون سون کے دوران ایک کروڑ پودے لگائے گی، خیال رہے کہ اس سال مون سون کے دوران قومی سطح پر چار کروڑ 71 لاکھ 40 ہزار پودے لگانے کا ہدف مقرر کیا گیا ہے۔

  • روسی نائب وزیر دفاع کی آرمی چیف سے ملاقات، سیکیورٹی تعاون کو وسعت دینے پر تبادلہ خیال

    روسی نائب وزیر دفاع کی آرمی چیف سے ملاقات، سیکیورٹی تعاون کو وسعت دینے پر تبادلہ خیال

    راولپنڈی: روسی نائب وزیر دفاع نے جی ایچ کیو کا دورہ کیا، جہاں انھوں نے آرمی چیف جنر ل قمرجاویدباجوہ سے ملاقات کی.

    پاک فوج کے شعبہ برائے تعلقات عامہ (آئی ایس پی آر) کے مطابق کرنل جنرل الیگزینڈر فومن نے آرمی چیف سے جی ایچ کیو میں ملاقات کی.

    ڈی جی آئی ایس پی آر کے مطابق اس اہم ملاقات میں علاقائی سیکیورٹی کی صورت حال، باہمی دلچسپی کے امور پر تفصیلی گفتگو ہوئی.

    روسی نائب وزیردفاع اور آرمی چیف کے درمیان باہمی دفاعی، سیکیورٹی تعاون کو وسعت دینے پر تبادلہ خیال ہوا.

    اس موقع پر روسی نائب وزیردفاع کرنل جنرل الیگزینڈر فوین کی دہشت گردی کے خلاف پاک فوج کی کامیابیوں کی تعریف کی.

    ریاست انتہا پسندی، دہشت گردی کے خاتمے کے لیے پرعزم ہے، آرمی چیف

    روسی نائب وزیر دفاع کی جانب سے دہشت گردی اور انتہاپسندی کے سدباب کے لیے پاک فوج کی پیشہ ورانہ قابلیت کو  سراہا.

    یاد رہے کہ گذشتہ روز آرمی چیف قمر جاوید باجوہ نے آئی ایس پی آر کا دورہ کیا تھا، اس موقع پر آرمی چیف کی انٹرن شپ مکمل کرنے پر طلبا کو مبارک باد دی تھی۔

    آرمی چیف جنرل قمر جاوید باجوہ کا کہنا تھا کہ نوجوان ملک کو اصل منزل تک پہنچانے میں کردار ادا کریں، ریاست انتہا پسندی، دہشت گردی کے خاتمے کے لیے پرعزم ہے۔

  • ریاست انتہا پسندی، دہشت گردی کے خاتمے کے لیے پرعزم ہے، آرمی چیف

    ریاست انتہا پسندی، دہشت گردی کے خاتمے کے لیے پرعزم ہے، آرمی چیف

    راولپنڈی: آرمی چیف جنرل قمر جاوید باجوہ نے کہا ہے کہ نوجوان ملک کو اصل منزل تک پہنچانے میں کردار ادا کریں، ریاست انتہا پسندی، دہشت گردی کے خاتمے کے لیے پرعزم ہے۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف قمر جاوید باجوہ نے آئی ایس پی آر کا دورہ کیا، آرمی چیف کی انٹرن شپ مکمل کرنے پر طلبا کو مبارکباد دی۔

    آرمی چیف نے کہا کہ نوجوان قیادت متحد ہوکر تمام خطرات کو شکست دے، پاکستان کا مستقبل نوجوانوں کے ہاتھوں میں ہے، پاکستان کے نوجوان پرجوش اور باصلاحیت ہیں، نوجوان ملک کو امن اور ترقی کی راہ پر لے کر جائیں۔

    جنرل قمر جاوید باجوہ نے کہا کہ فاٹا کے پی انضمام سے علاقے میں امن و استحکام، دیرپا ترقی ہوگی، تعلیم ہماری قومی ترجیح ہے، بلوچستان میں بھی معیاری تعلیم کے فروغ کے لیے کوشاں ہیں۔

    آرمی چیف کے مطابق جنگ کی نوعیت اور طریقہ کار بدل گئے ہیں، ہائیبرڈ جنگ میں دشمنوں کا مرکزی ہدف نوجوان ہیں، نوجوان پرعزم رہتے ہوئے درپیش خطرات کو شکست دیں، مجھے ہماری نوجوان نسل پر بھرپور اعتماد ہے۔

    جنرل قمر جاوید باجوہ نے کہا کہ بلوچستان میں بھی معیاری تعلیم کے فروغ کے لیے کوشاں ہیں، نسٹ کیمپس کا قیام خوشحال بلوچستان پروگرام کے تحت ہے، فاٹا طویل عرصے سے دہشت گردی کا شکار رہا ہے۔

  • قومی جدوجہد میں پولیس کے شانہ بشانہ کھڑے ہیں، آرمی چیف

    قومی جدوجہد میں پولیس کے شانہ بشانہ کھڑے ہیں، آرمی چیف

    راولپنڈی: پاک فوج کے سربراہ جنرل قمر جاوید باجوہ نے یومِ شہدائے پولیس کے موقع پر اپنے پیغام میں کہا ہے کہ فوج قومی جدوجہد میں پولیس کے شانہ بشانہ کھڑی ہے۔

    تفصیلات کے مطابق پاک فوج کے شعبہ تعلقاتِ عامہ (آئی ایس پی آر) کے ڈائریکٹر جنرل میجر جنرل آصف غفور کی طرف سے جاری ہونے والے ٹویٹ میں کہا گیا ہے کہ آرمی چیف نے یوم شہدا کے موقع پر پولیس کے شہدا کو خراج عقیدت پیش کیا۔

    آرمی چیف نے کہا ہے کہ پولیس نے دہشت گردی کے خاتمے کے لیے بے پناہ قربانیاں دی ہیں، دہشت گردی کے خلاف جنگ میں پولیس نے بھرپور کردار ادا کیا۔

    جنرل قمر جاوید باجوہ کا کہنا تھا کہ شہدا ہی ہمارے اصل ہیرو ہیں، ہم انھیں سلام پیش کرتے ہیں، انھوں نے مزید کہا کہ دہشت گردی کو شکست دینے میں پولیس کا کردار نمایاں رہا۔

    ملک بھرمیں یوم شہدائے پولیس آج منایا جارہا ہے

    واضح رہے کہ وطن کی خاطر اپنی جانوں کا نذرانہ پیش کرنے والے پولیس افسران اور اہل کاروں کو خراجِ عقیدت پیش کرنے کے لیے ملک بھر میں آج یومِِ شہدائے پولیس منایا جا رہا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آرمی چیف جنرل قمر جاوید باجوہ کی روسی کوہ پیما کی عیادت

    آرمی چیف جنرل قمر جاوید باجوہ کی روسی کوہ پیما کی عیادت

    راولپنڈی:‌ آرمی چیف جنرل قمر جاوید باجوہ نے سی ایم ایچ میں روسی کوہ پیما کی عیادت کی ہے.

    پاک فوج کے شعبہ برائے تعلقات عامہ (آئی ایس پی آر) کے مطابق آرمی چیف نے روسی کوہ پیما الیگزینڈر گوکوف سے اسپتال میں‌ ملاقات کی.

    یاد رہے کہ روسی کوہ پیما الیگزینڈر گوکوف شمالی علاقہ جات کے بیاؤف گلیشئر کی لتوک چوٹی پر 20 ہزار 650 فٹ کی بلندی پر پچیس جولائی کو پھنس گئے تھے، ان کے پاس تین دن قبل خوراک بھی ختم ہوگئی تھی۔

    پاک فوج کے شعبہ ایوی ایشن کے پائلٹس نے 26 تا 30 جولائی سات بار کوہ پیما کو نکالنے کی کوششیں کیں، تاہم شدید موسمی حالات اور بلندی کے باعث انھیں شدید مشکلات کا سامنا کرنا پڑا۔

    بالآخر پاک فوج کے پائلٹس کو کامیابی ملی اور روسی کوہ پیما کوچوٹی سے نکال کر سی ایم ایچ منتقل کردیا گیا، جہاں آرمی چیف جنرل قمر جاوید باجوہ نے روسی کوہ پیما کی عیادت کی.

    پاک فوج کا بیاؤف گلئشیر کا ریسکیو آپریشن اتنی بلندی پر کیا گیا پہلا ریسکیو آپریشن ہے۔

    یاد رہے چند روز قبل کینیڈین کوہ پیما دنیا کی دوسری بلند ترین چوٹی ’کے ٹو‘ سر کرنے کے دوران اونچائی سے گر کر جان کی بازی ہار گیا تھا۔روسی کوہ پیماالیگزینڈر نے اس موقع پر پاکستان آرمی کا شکریہ ادا کیا اور کہا کہ پاک آرمی دنیا کی بہترین فوج ہے۔

    ان کا کہنا تھا کہ ہیلی کاپٹرکاپائلٹ بہترین تھا، پاکستانی عوام کےدوستانہ رویے سے بہت متاثر ہوا، پاکستان روس ہمیشہ زندہ باد رہے۔

    پاک فوج کے پائلٹس نے روسی کوہ پیما کو بچالیا،آئی ایس پی آر

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔