راولپنڈی : آرمی چیف جنرل قمر جاوید باجوہ نے لاہور کی باہمت بیٹی فجر کو نوکری اور مزید تعلیم کا موقع دینے کا اعلان کردیا اور کہا کہ فجر جیسی بچیاں ہمارے لیے مشعل راہ اور ہمت کا نشان ہیں۔
تفصیلات کے مطابق ڈی جی آئی ایس پی آر نے سماجی رابطے کی ویب سائٹ ٹوئٹر پر بیان میں کہا کہ آرمی چیف جنرل قمر جاوید باجوہ نے لاہور کی باہمت بیٹی کیلئے خصوصی اقدام کرتے ہوئے فجر کو فوج کے زیرانتظام نوکری دے دی۔
آئی ایس پی آر کا کہنا ہے کہ آرمی چیف کی ہدایت پرفجر کو مزید تعلیم کا موقع بھی فراہم کیا جائے گا، لاہور کی باہمت بیٹی فجر کا پیغام سوشل میڈیا پر وائرل ہوا تھا۔
آرمی چیف کا لاہور کی باہمت بیٹی فجر کیلیۓ خصوصی اقدام۔ فوج کے زیر انتظام نوکری دے دی گئی۔ فجر کا پیغام سوشل میڈیا پر وائرل ہوا تھا
فجر کو مزید تعلیم کا موقعہ بھی فراہم کیا جاتے گا۔
“فجر جیسی بچیاں ہمارے لیے مشعل راہ اور ہمت کا نشان ہیں”، آرمی چیف pic.twitter.com/wIKfdQJHp8— Asif Ghafoor (@peaceforchange) July 31, 2018
ترجمان کے مطابق آرمی چیف جنرل قمر جاوید باجوہ کا کہنا ہے کہ فجرجیسی بچیاں ہمارے لیے مشعل راہ اور ہمت کا نشان ہیں۔
یاد رہے کہ الیکشن 2018 سے جہاں کروڑوں پاکستانیوں کی امید وابستہ تھی وہیں لاہور کی باہمت بیٹی فجر بھی تمام مشکلات اور معذوری کو پیچھے چھوڑتے ہوئے ووٹ ڈالنے آئی۔
اس موقع پر فجر کا کہنا تھا کہ ووٹ اپنے اورملک کی مستقبل کیلئے ڈالیں، گھر بیٹھیں گے تو ووٹ ضائع ہوجائے گا، ووٹ دینا لازمی ہے۔
فجرنے شکوہ کیا تھا کہ ملک میں انصاف اور روزگار نہیں ملتا، تعلیم حاصل کرنے کا کوئی فائدہ نہیں ہے۔
