ARYNews.tv | Urdu – Har Lamha Bakhabar

Tag: COAS

  • لیفٹننٹ جنرل شاہد بیگ مرزا کورکمانڈر کراچی مقرر

    لیفٹننٹ جنرل شاہد بیگ مرزا کورکمانڈر کراچی مقرر

    راولپنڈی: آرمی چیف آف اسٹاف کے تعینات ہونے کے بعد پاک فوج میں تقرریاں و تبادلوں کا سلسلہ جاری ہے‘ آئی ایس پی آر کے مطابق لیفٹینٹ جنرل شاہد بیگ مرزا کا کو کور کمانڈر کراچی جبکہ جنرل غیور کو ملٹری سیکریٹری مقرر کردیا گیا ہے۔

    آئی ایس پی آر کی جانب سے جاری کردہ اعلامیے میں کہا گیا ہے کہ ’’پاک فوج میں تقرریوں و تبادلوں کا سلسلہ شروع کردیا گیا ہے، جس کے مطابق کورکمانڈر کراچی نوید مختار کی جگہ لیفٹیننٹ جنرل شاہد بیگ مرزا کو مقرر کردیا گیا ہے‘‘۔

    پاک فوج کے شعبہ تعلقات عامہ آئی ایس پی آر کے مطابق لیفٹیننٹ جنرل شاہد بیگ جنرل ہیڈ کوارٹرز راولپنڈی (جی ایچ کیو) میں ملٹری سیکریٹری اور لیفٹیننٹ جنرل غیور محمود چیف آف لاجسٹک اسٹاف کے عہدے پر فرائض انجام دے رہے تھے۔

    پڑھیں: ’’ جنرل قمر جاوید باجوہ نے پاک فوج کی کمان سنبھال لی ‘‘

    خیال رہے کہ جنرل راحیل شریف کی مدتِ ملازمت مکمل ہونے کے بعد وزیر اعظم پاکستان نے آئینی طریقہ کار کو مدنظر رکھتے ہوئے چار سنیئر آرمی افسران میں سے لیفٹینٹ جنرل قمر باجوہ کو چیف آف آرمی اسٹاف جبکہ لیفٹیننٹ جنرل زبیر حیات کو چیئرمین جوائنٹ چیفس اسٹاف مقرر کرنے کی منظوری دی تھی۔ وزیر اعظم کی جانب سے منظوری کے بعد نئے آرمی چیف نے 29 نومبر کو پاک فوج کی قیادت سنبھالی تھی۔

    واضح رہے نیشنل ایکشن پلان کی منظوری کے بعد کراچی میں آپریشن شروع کیا گیا، جس میں جنرل نوید مختار نے متعدد بار سیاسی جماعتوں کے الزمات کو مسترد کرتے ہوئے رینجرز کو بلاتفریق آپریشن کی ہدایات کیں۔

  • راحیل شریف کی حمایت، بھوک ہڑتال پر بیٹھا شخص انتقال کرگیا

    راحیل شریف کی حمایت، بھوک ہڑتال پر بیٹھا شخص انتقال کرگیا

    کراچی: سابق آرمی چیف راحیل شریف کی ریٹائرمنٹ کے خلاف پریس کلب کے باہر تادم مرگ بھوک ہڑتال کرنے والے لطف امین شبلی آغا خان اسپتال میں انتقال کرگئے، اہل خانہ نے نمازِ جنازہ کل بعد نماز ظہر پریس کلب کے باہر ادا کرنے کا اعلان کردیا۔

    تفصیلات کے مطابق سابق آرمی چیف سے اپنی محبت کا اظہار کرنے والے اور راحیل شریف کی مدتِ ملازمت کا مطالبہ کرنے والے کراچی کے رہائشی عمیم شبلی  گزشتہ  3 ہفتے سے پریس کلب کے تادمِ مرگ بھوک ہڑتال پر بیٹھے ہوئے تھے۔

    عمیم شبلی کا مطالبہ تھا کہ ’’سابق آرمی چیف راحیل شریف نے ملک کو کئی بحرانوں سے نکالا اور کرپشن کے خلاف اقدامات کیے اگر ان کی مدتِ ملازمت میں توسیع نہیں کی گئی تو میں زندہ نہیں رہوں گا‘‘۔

    پڑھیں: ’’ قمرباجوہ آرمی چیف، زبیر حیات چیئرمین جوائنٹ چیفس مقرر ‘‘

     نمائندہ اے آر وائی ارباب چانڈیو کے مطابق جس روز نئے آرمی چیف کی تعیناتی کا اعلان کیا گیا، اس دن مزدور رہنما لطف امین شبلی کی حالت بہت خراب ہوگئی تھی جس کے بعد انہیں نجی اسپتال منتقل کیا گیا تھا۔

    تین روز اسپتال میں داخل رہنے کے باوجود مزدور رہنماء کے اہل خانہ پریس کلب پر آکر اُن کے مشن کو جاری رکھے ہوئے تھے، اس دوران اُن کے 8 سالہ بچے نے حکومت سے اپیل کی کہ وہ بڑا ہوکر راحیل شریف بننا چاہتا ہے اور اگر اُن کی مدتِ ملازمت میں توسیع نہ کی گئی اور میرے والد کو کچھ ہوا تو اس کی ذمہ داری حکومت پر عائد ہوگی۔

    ameem-1

    دوسری جانب اہل خانہ نے مزدور رہنماء کے انتقال کی تصدیق کردی ہے جبکہ اُن کے بیٹے نے اعلان کیا ہے کہ کل بعد نماز ظہر لطف امین شبلی کا نماز جنازہ پریس کلب کے باہر ہی ادا کیا جائے گا۔

  • آصف زرداری کا آرمی چیف کو فون، قیادت سنبھالنے پر مبارک باد

    آصف زرداری کا آرمی چیف کو فون، قیادت سنبھالنے پر مبارک باد

    اسلام آباد: سابق صدر آصف علی زرداری نے آرمی چیف آف اسٹاف جنرل قمر جاوید باجوہ کو ٹیلی فون کرکے پاک فوج کی کمان سنبھالنے پر مبارک باد پیش کی اور دہشت گردی کے خلاف جاری آپریشن پر اپنے تعاون کی یقین دہانی کروائی۔

    تفصیلات کے مطابق دبئی میں مقیم سابق صدر پاکستان آصف علی زرداری نے نئے آرمی چیف کو ٹیلی فون کیا اور انہیں پاک فوج کی کمان سنبھالنے پر مبارک باد پیش کی۔

    آصف علی زرداری نے آرمی چیف کو یقین دہانی کروائی کہ بھارتی جارحیت کے خلاف پیپلزپارٹی اور پوری قوم پاک فوج کے شانہ بشانہ کھڑی ہے۔

    سابق صدر نے کہا کہ پیپلزپارٹی ہر قسم کی دہشت گردی کی مخالفت کرتی ہے اور ملک سے دہشت گردی کے خاتمے اور اس کے خلاف جاری آپریشن میں مکمل حمایت کا اعادہ بھی کرتی ہے۔

    پڑھیں: ’’ میڈیا کوساتھ لےکر چلوں گا،آرمی چیف قمرجاویدباجوہ ‘‘

    دوسری جانب وزیر اعلیٰ سندھ مراد علی شاہ نے بھی آرمی چیف آف اسٹاف کو ٹیلی فون کر کے عہدہ سنھالنے پر مبارک باد پیش کرتے ہوئے کہا کہ دہشت گردوں کے خلاف جاری آپریشن میں فوج اور سویلین ایک صفحے پر موجود ہیں اور اپنے اتحاد سے ملک کو نقصان پہنچانے والوں کو شکست دیں گے‘‘۔
  • نئے آرمی چیف کی تقرری، نوازشریف کے لیے ایک اور اعزاز

    نئے آرمی چیف کی تقرری، نوازشریف کے لیے ایک اور اعزاز

    وزیرعظم نواز شریف کو تیسری بار وزیر اعظم کا اعزاز ہونے کے ساتھ یہ اعزاز بھی حاصل ہوگیا ہے کہ وہ ملک کے واحد وزیراعظم ہیں جن کی منظوری سے چھٹے آرمی چیف کی تعیناتی عمل میں آرہی ہے۔

    تفصیلات کے مطابق نوازشریف نے سب سے پہلے جنرل آصف نواز جنجوعہ کو 1991 میں جنرل وحید کاکڑ کو 1993، جنرل پرویز مشرف کو 1998 اور جنرل راحیل شریف کو 2013 جبکہ جنرل عاصم قمر باجوہ کو 2016 میں بطور آرمی چیف نامزد کیا ہے۔ جنرل قمر جاوید باجودہ کی بحیثیت نئے آرمی چیف کی تقرری کے بعد میاں محمد نوازشریف کو سب سے زیادہ مرتبہ آرمی چیفس کی تقرری کا اعزاز  حاصل ہوگیا۔

    پڑھیں: ’’ جنرل قمرباجوہ آرمی چیف اورجنرل زبیرحیات چیئرمین جوائنٹ چیفس مقرر ‘‘

    نوازشریف کو تیسری بار وزیر اعظم بننے کے ساتھ ساتھ ایک اور بڑا اعزاز نئے آرمی چیف کی تقرری کا حاصل ہوا اگر 1999 میں نوازشریف کی جانب سے جنرل مشرف کو ضیاء الدین بٹ سے تبدیل کرنے کی ناکام کوشش کرلی جائے تو یہ چھٹا موقع ہوگا جب نوازشریف کے دستخط سے فوج کا نیا سپہ سالار مقرر کیا گیا۔

    خیال رہے جنرل ضیاء الحق کے بعد آنے والے  8 بشمول نئے آرمی چیف کے وزیر اعظم نے 6 کا انتخاب کیا ہے۔ واضح رہے آرمی چیف آف اسٹاف جنرل راحیل شریف کی مدتِ ملازمت رواں ماہ کی 29 تاریخ کو ختم ہورہی ہے، اس ضمن میں وزارتِ دفاع کی جانب سے چار سینئر افسران کی فہرست وزیر اعظم کو ارسال کی گئی تھی۔

    وزارتِ دفاع کی جانب سے بھیجی جانے والی سینیئر  افسران کی فہرست میں چیف آف جنرل اسٹاف لیفٹیننٹ جنرل زبیر حیات کا شمار سب سےپہلے سینیئر افسران میں سے ہوتا ہے جبکہ دوسرے نمبر پر کورکمانڈر ملتان لیفٹیننٹ جنرل اشفاق ندیم احمد ہیں۔

    سینیراٹی کے لحاظ سے کورکمانڈر بہاولپور لیفٹیننٹ جنرل جاوید اقبال رمدے کا تیسرا اور جنرل قمر جاوید باجودہ کا چوتھا نمبر ہے۔

  • الوداعی دورہ، آرمی چیف کورہیڈ کواٹر کراچی پہنچ گئے

    الوداعی دورہ، آرمی چیف کورہیڈ کواٹر کراچی پہنچ گئے

    کراچی: آرمی چیف جنرل راحیل شریف نے کہا ہے کہ دشمن کراچی کے امن کو تباہ کرنا چاہتا ہے مگر ہم اُسے کسی صورت کامیاب نہیں ہونے دیں گے، کراچی میں کاروبار کی بحالی میں سیکیورٹی فورسز نے بہت اہم کردار ادا کیا۔

    تفصیلات کے مطابق آرمی چیف آف اسٹاف جنرل راحیل شریف کے الوداعی دوروں کا سلسلہ جاری ہے، اس ضمن میں سپہ سالار آج کراچی کور ہیڈکوارٹر پہنچے اور وہاں موجود فوجی جوانوں، رینجرز افسران سے الوداعی خطاب کیا۔

    آرمی چیف کے پہنچنے پر کور کمانڈر کراچی لیفٹینٹ جنرل نوید مختار نے اُن کا استقبال کیا، اس موقع پر آرمی چیف نے جوانوں سے خطاب کرتے ہوئے کہا کہ ’’قانون نافذ کرنے والے اداروں اور سندھ حکومت کے تعاون سے صوبے میں امن و امان قائم ہوا ہے، اس سلسلے کو جاری رہنا چاہیے۔

    پڑھیں: ’’ چیئرمین جوائنٹ چیفس آف اسٹاف کمیٹی نے بھی الوداعی دورے شروع کردیئے ‘‘

    جنرل راحیل شریف نے کراچی اور اندرونِ سندھ میں قائم ہونے والے امن پر جوانوں کو خراج تحسین پیش کیا اور اقتصادی سرگرمیوں کی صورتحال کو واپس لانے اور اس کو برقرار رکھنے کے عزم کا اعادہ کیا۔

    مزید پڑھیں: ’’ آرمی چیف جنرل راحیل شریف نے الوداعی ملاقاتوں کا سلسلہ شروع کردیا ‘‘

    سپہ سالار نے کراچی اور اندرونِ سندھ میں قائم ہونے والے امن کو سراہا اور مربوط سیکیورٹی سسٹم قائم ہونے پر جوانوں کو مبارک باد بھی پیش کی۔ انہوں نے کہا کہ دشمن کراچی کے امن کو تباہ کرنا چاہتا ہے ہم اُسے کامیاب نہیں ہونے دیں گے، کراچی میں کاروبار کی بحالی میں فورسز کا کردار بہت اہم ہے۔

  • اب تک 40 سے زائد بھارتی فوجی مار چکے ہیں، راحیل شریف

    اب تک 40 سے زائد بھارتی فوجی مار چکے ہیں، راحیل شریف

    اسلام آباد: آرمی چیف جنرل راحیل شریف نے کہا ہے کہ ہمارے 7 جوانوں کی شہادت والے دن بھارت کے 11 فوجی مارے گئے، ایل او سی پر اب تک 40 تا 45بھارتی فوجی مارے جا چکے ہیں،بھارت مردانگی کا ثبوت دیتے ہوئے اپنے فوجیوں کی ہلاکت کا بتایا کرے۔

    اسلام آباد میں صحافیوں سے غیر رسمی بات چیت کرتے ہوئے جنرل راحیل شریف نے کہا کہ بہترین دفاع کا سہرا فوج کے سر ہے، فوج نے ملکی دفاع کے معاملے پر بہترین نتائج دیے ہیں۔

    army-1

    انہوں نے کہا کہ ہم اپنے فوجی جوانوں کی شہادت کو تسلیم کرتے ہیں مگر بھارت اپنے فوجیوں کی ہلاکت کو چھپاتا ہے، بھارتی فوج کو چاہیے کہ وہ مردانگی کا مظاہرہ کرتے ہوئے فوجیوں کی ہلاکت سے سب کو آگا کرے۔

    army-2

    جنرل راحیل شریف کا کہنا تھا کہ بھارت کی جانب سے سرجیکل اسٹرائیک کا دعویٰ بھی جھوٹا نکلا، بھارت کو اپنے دعووں پر ہمیشہ ہی شرمندگی کا سامنا کرنا پڑتا ہے۔

    army-3

    سپہ سالار نے کہا کہ بھارتی وزیر اعظم کو ہماری بات سمجھ آگئی ہے کہ جارحیت سے کچھ نہیں ملے گا، بھارتی فوج مردانگی کا مظاہرہ کرتے ہوئے ہلاک فوجیوں کا بتائے۔

    انہوں نے مزید کہا کہ خیرپور ٹامی والی میں مشقیں آج کامیاب رہیں۔

  • راحیل شریف کو فیلڈ مارشل بنانے کی درخواست قابل سماعت یا مسترد؟ فیصلہ محفوظ

    راحیل شریف کو فیلڈ مارشل بنانے کی درخواست قابل سماعت یا مسترد؟ فیصلہ محفوظ

    اسلام آباد: آرمی چیف جنرل راحیل شریف کو فیلڈ مارشل بنانے کے لیے ہائی کورٹ میں دائر درخواست کو قابل سماعت یا مسترد کرنے کے لیے فیصلہ محفوظ کرلیا گیا۔

    تفصیلات کے مطابق اسلام آباد ہائی کورٹ میں شہری سردار عدنان سلیم کی جانب سے آرمی چیف آف اسٹاف جنرل راحیل شریف کو فیلڈ مارشل بنانے کی درخواست پر سماعت ہوئی۔

    دورانِ سماعت درخواست گزار نے موقف اختیار کیا کہ ’’سپہ سالار کی خدمات کے پیش نظر انہیں فیلڈ مارشل بنایا جائے‘‘۔ جج نے استفسار کیا کہ ’’کیا آئین میں فیلڈ مارشل بنائے جانے کی گنجائش موجود ہے؟‘‘۔

    پڑھیں:  مدت ملازمت میں توسیع نہیں چاہتا، آرمی چیف راحیل شریف

    عدالت کے استفسار پر شہری کی جانب سے درخواست کی پیروی کرنے والے وکیل نے کہا کہ ’’آئین میں تو کوئی گنجائش موجود نہیں تاہم جنرل ایوب کو بھی فیلڈ مارشل کا عہدہ دیے جانے کی مثال موجود ہے‘‘۔

    مزید پڑھیں: کون ہوگا ملک کا اگلا آرمی چیف؟

    یاد رہے رواں سال نومبر میں آرمی چیف آف اسٹاف جنرل راحیل شریف کی مدتِ ملازمت ختم ہورہی ہے ، اس ضمن میں مختلف حلقوں کی جانب سے مختلف قیاس آرائیں سامنے آئیں تاہم فوج کے تعلقاتِ عامہ نے ان باتوں کو مسترد کرتے ہوئے ایک اعلامیہ جاری کیا تھا۔

    یہ بھی پڑھیں:  جنرل راحیل شریف کی مدت ملازمت میں توسیع کی جائے، امریکی سینیٹرجان مِکین

    آئی ایس پی آر کی جانب سے جاری کردہ اعلامیے میں کہا گیا تھاکہ ’’جنرل راحیل شریف کی مدتِ ملازمت میں توسیع کے حوالے سے کی جانے والی باتوں سے گریز کیا جائے تاہم اس حوالے سے جو بھی فیصلہ ہوگا آگاہ کردیا جائے گا‘‘۔

    دوسری جانب ڈی جی آئی ایس پی آر نے سماجی رابطے کی ویب سائٹ پر ٹوئٹ کرتے ہوئے کہا تھاکہ ’’آرمی چیف نے مدتِ ملازمت میں توسیع لینے سے انکار کردیا ہے، اُن کا ماننا ہے کہ فوج ایک عظیم ادارہ ہے، مدتِ ملازمت میں توسیع پر یقین نہیں رکھتا وقت آنے پر ریٹائرڈ ہوجاؤں گا‘‘۔

  • کور کمانڈر کانفرنس، متنازع خبر قومی سلامتی کے منافی قرار

    کور کمانڈر کانفرنس، متنازع خبر قومی سلامتی کے منافی قرار

    راولپنڈی: آرمی چیف آف اسٹاف کی زیر صدارت کور کمانڈر کانفرنس منعقد کی گئی جس میں اس عزم کا اظہار کیا گیا کہ اگر بھارت کی جانب سے کسی بھی جارحیت کی کوشش کی گئی تو منہ توڑ جواب دیا جائے گا تاہم اعلیٰ سطح سیکیورٹی مٹینگ کے حوالے سے من گھڑت خبر شائع کرنے پر بھی تشویش کا اظہار کیا گیا۔

    آئی ایس پی آر کی جانب سے جاری کردہ اعلامیے میں کہا گیا ہے کہ جی ایچ کیو میں آرمی چیف آف اسٹاف کی زیر صدارت اعلیٰ سطح مٹینگ منعقد کی گئی جس میں آئی ایس آئی، ایم آئی اور ڈی جی آئی ایس پی آر سمیت دیگر اعلیٰ افسران نے شرکت کی۔

    پڑھیں:  متنازع خبر کا معاملہ، صحافی سرل کا تعاون کرنے سے انکار

     اس موقع پر بھارت کی جانب سے سرجیکل اسٹرائیک کے دعوے کو مسترد کیا گیا اور اسے مقبوضہ کشمیر میں جاری بھارتی مظالم سے توجہ ہٹانے کی کوشش بھی قرار دیا گیا تاہم ملک کو درپیش اندورنی و بیرونی چیلنجز سے نمٹنے کے لیے مختلف امور پر بھی تبالہ خیال اور پیشہ ورانہ تیاریوں پر تفصیلی غور کیا گیا۔

    مزید پڑھیں:  صحافی سرل المیڈا کی خبر مفروضے پر مبنی ہے، ترجمان دفترخارجہ

    مٹینگ میں شریک تمام کور کمانڈرز اور افسران نے اتفاق رائے سے فیصلہ کیا گیا کہ ’’بھارت کی جانب سے سرجیکل اسٹرائیک کا دعویٰ عالمی رائے عامہ کو گمراہ کرنے کی کوشش قرار دیتے ہوئے اسے مقبوضہ کشمیر میں جاری ریاستی مظالم پر سے توجہ ہٹانے کی سازش قرار دیا گیا‘‘۔

    یہ بھی پڑھیں:  تحقیقات ہونے تک صحافی کا نام ای سی ایل میں رہے گا، وزارت داخلہ

     آرمی چیف آف اسٹاف جنرل راحیل شریف نے فوج کی پیشہ ورانہ صلاحیتوں پر اطمینان کا اظہار کرتے ہوئے کہا کہ ’’مادرِ وطن کی حفاظت کے لیے تمام وسائل بروئے کار لائے جائیں گے اگر کسی ملک کی جانب سے غیر ذمہ دارانہ اقدام اٹھایا گیا تو بھرپور دفاع کیا جائے گا‘‘۔

    خبر پڑھیں: پاکستان نے کشمیر میں بھارتی مظالم کے ثبوت اقوام متحدہ کو فراہم کردیے

    علاوہ ازیں اندرونی سیکیورٹی کو بہتر بنانے اور دہشت گردوں کے سہولت کاروں کے خلاف اقدامات کرنے سمیت نیشنل ایکشن پلان کے اقدمات کا جائزہ لیا گیا، مٹینگ میں آپریشنز کا دائرہ وسیع کرنے کا بھی فیصلہ کیا گیا۔
  • پاکستان اور روس کی افواج کا شمار دنیا کی بہترین فوجوں میں ہوتا ہے، راحیل شریف

    پاکستان اور روس کی افواج کا شمار دنیا کی بہترین فوجوں میں ہوتا ہے، راحیل شریف

    راولپنڈی: آرمی چیف آف اسٹاف جنرل راحیل شریف نے کہا ہے کہ روسی فوج کا شمار دنیا میں بہترین افواج تاہم پاکستان آرمی کو بھی سب سے زیادہ جنگیں لڑنے کا تجربہ حاصل ہے، مشترکہ مشقوں سے دونوں ممالک کو فائدہ ہوگا۔

    فوج کے شعبہ تعلقات عامہ سے جاری کردہ اعلامیہ میں کہا گیا ہے کہ آرمی چیف آف اسٹاف جنرل راحیل شریف پاک روسی فوجی مشقوں کا معائنہ کرنے اٹک فیلڈ ایریا پہنچے اور حصہ لینے والے جوانوں سے ملاقات کی اور انہیں خراج تحسین پیش کرتے ہوئے مشقوں پر اطمینان کا اظہار کیا۔

    پڑھیں:  پاکستان اور روس رواں سال پہلی بار فوجی مشقیں 

     اس موقع پر آرمی چیف نے جوانوں سے خطاب کرتے ہوئے کہا کہ ’’پاکستان اور روس کی افواج کا شمار دنیا کی بہترین آرمی ہوتا ہے، دونوں ممالک کی  افواج کے مابین جاری فوجی مشقوں سے نہ صرف سیکھنے کا موقع ملا بلکہ ان تجربات سے دہشت گردی کے خلاف جاری جنگ سے فائدہ اٹھائیں گے‘‘۔

    مزید پڑھیں: پاک روس فوجی مشقوں سے بھارت پریشان نہ ہو،روسی وزارت خارجہ

    انہوں نے کہا کہ ’’روسی فوج کا شمار دنیا کی بہترین فوجوں میں ہوتا ہے تاہم پاکستان کی فوج کو جنگ کا سب سے زیادہ تجربہ ہے، دونوں ممالک کی مشترکہ مشقوں سے یہ بات ثابت ہوگئی کہ پاکستانی فوج کے جوان دنیا کے بہترین جنگجو ہیں‘‘۔

    یہ بھی پڑھیں: کورکمانڈر پشاور کا پاک روس فوجی تاریخی مشقوں کا جائزہ

    آرمی چیف نے مزید کہا کہ مشترکہ مشقوں کے کامیاب انعقاد پر جوانوں کو مبارک باد پیش کرتے ہوئے کہا کہ ’’مشترکہ مشقوں سے انسداد دہشت گردی کے خلاف لڑنے کی صلاحیتوں میں مزید اضافہ ہوگا اور دونوں ممالک کی افواج کو اس کے ذریعے کئی نئے تجربات کا موقع حاصل ہوگا‘‘۔
  • را معصوم لوگوں‌ کا خون بہا رہی ہے، راحیل شریف، جرمنی میں خطاب

    را معصوم لوگوں‌ کا خون بہا رہی ہے، راحیل شریف، جرمنی میں خطاب

    برلن: آرمی چیف جنرل راحیل شریف نے کہا ہے کہ بھارت نہیں چاہتا کہ مسئلہ کشمیر حل ہو، بھارتی خفیہ ادارے را سمیت دشمن ایجنسیاں معصوم افراد کا خون بہانے کی حکمت عملی پر عمل پیرا ہیں۔

    آئی ایس پی آر کے مطابق آرمی چیف راحیل شریف جرمنی پہنچ گئے جہاں یو ایس سینٹ کام کے زیر اہتمام کانفرنس سے خطاب کرتے ہوئے ان کا کہنا تھا کہ بھارت مقبوضہ  کشمیر کی صورتحال پر دنیا بھر میں غلط فہمیاں پیدا کررہا ہے اور نہیں چاہتا کہ کشمیر جیسا تاریخی مسئلہ حل ہو درحقیقت را سمیت دشمن ایجنسیاں خون بہانے کی حکمت عملی پر عمل پیرا ہیں۔

    اے آر وائی نیوز کے نمائندے لئیق الرحمان کے مطابق راحیل شریف کا کہنا تھا کہ قوم دہشت گردوں کے نظریات کو مسترد کرچکی ہے،دہشت گردوں کی پناہ گاہیں اور کمین گاہیں ختم کرد ی ہیں،پاکستانی فورسز دہشت گردی کے خلاف جواں مردی سے لڑ رہی ہیں۔

    افغنستان کے معاملے پر بات کرتے ہوئے انہوں نے کہا کہ افغانستان میں دیرپا امن و استحکام کے لیے موثر اقدامات کرنے ہوں گے،ہمسایہ ممالک کے مخلص تعاون کے بغیر دہشت گردی کا خاتمہ ممکن نہیں۔