راولپنڈی: آرمی چیف جنرل راحیل شریف نے کہا ہے کہ ملکی سرحدیں محفوظ ہاتھوں میں ہیں،دشمن کے ناپاک عزائم کو خاک میں ملادینگے۔
پچاسویں یوم دفاع پر اپنے پیغام میں جنرل راحیل شریف نے کہا ہے کہ پاک فوج کے جوان ہرخطرے سے نمٹنے کیلئے تیار ہیں،ملکی سرحدیں محفوظ ہاتھوں میں ہیں ۔
ان کامزید کہاکہ وہ دن دورنہیں جب پاک سرزمین دہشت گردوں سے پاک ہو جائیگی، انہوں نے کہا کہ پچاس سال قبل چھپ کروارکرنےوالوں کو منہ توڑ جواب دیا اور آج بھی ان کے ناپاک عزائم کو خاک ملانے کی بھرپورصلاحیت رکھتے ہیں ۔
راولپنڈی : آرمی چیف جنرل راحیل شریف کا کہنا ہے کہ پاک چین اقتصادی راہداری کا منصوبہ ہرقیمت پرمکمل کیاجائےگا، منصوبے کے راہ میں حائل ہر رکاوٹ ختم کردی جائے گی۔
چین کا دشمن پاکستان کا دشمن ہے۔ آرمی چیف جنرل راحیل شریف نے چین کے دشمنوں کو انتباہ کر دیا، آرمی چیف جنرل راحیل شریف نے چینی فوج کی اٹھاسیویں سالانہ تقریب میں شرکت کی۔
اس موقع پر اُن کا کہنا تھا کہ پاک چین دوستی ہمالیہ سے بلند، سمندر سے گہری اور شہد سے میٹھی ہے، اُن کا کہنا تھا پاک چین اقتصادی راہداری کا منصوبہ ہرقیمت پرمکمل کیاجائےگا۔
آرمی چیف نے دشمنوں کو خبردار کرتے ہوئے کہا کہ چین کے ساتھ دشمنی پاکستان سے دشمنی کے مترادف سمجھی جائے گی اور منصوبے کی راہ میں حائل ہونے والی ہر رکاوٹ ختم کردیں گے۔
اسلام آباد: چین کے صدر شی جن پنگ سے ملک کے سیاسی رہنماؤں نے ملاقاتیں کیں ، جن میں دوطرفہ امور پر تبادلہ خیال کیا گیا۔
ملاقات میں چینی صدر نے کہا کہ چین دہشت گردی کے خلاف جنگ میں پاکستان کی مکمل حمایت کرتا ہے تاکہ خطے میں امن و استحکام ممکن ہوسکے ۔
ملک کی سیاسی قیادت نے چین کےصدرشی چن پنگ سے ملاقاتیں کیں،جن میں سابق صدر آصف زرداری ،عمران خان ، مولانا فضل الرحمان،چوہدری شجاعت ،پرویزالٰہی،فاروق ستار،شاہ محمودقریشی ، شیری رحمان ، رحمان ملک ،لیاقت بلوچ اور دیگر شامل ہیں ۔
سیاسی رہنماؤں سے ملاقاتوں میں صدر شی جن پنگ نے پاکستان کے ساتھ تعاون کو نئی بلندیوں تک پہنچانے کے عزم کا اعادہ کیا۔
اس سے قبل چیرمین جوائنٹ چیفس آف اسٹاف کمیٹی جنرل راشد محمود کی سربراہی میں آرمی چیف جنرل راحیل شریف، چیف آف نیول اسٹاف ایڈمرل محمد ذکا اللہ اور ائر چیف مارشل سہیل امان نے چینی صدر شی چن پنگ سے ملاقات کی۔
اسلام آباد: چینی صدر نے پاکستان کی عسکری قیادت کو ہر قسم کے چیلنجز سے نبر دآزما ہونے کے لیے مکمل تعاون کی یقین دہانی کرادی ہے۔
چیرمین جوائنٹ چیفس آف اسٹاف کمیٹی جنرل راشد محمود کی سربراہی میں آرمی چیف جنرل راحیل شریف، چیف آف نیول اسٹاف ایڈمرل محمد ذکا اللہ اور ائر چیف مارشل سہیل امان نے چینی صدر شی چن پنگ سے ملاقات کی۔
ملاقات میں چینی صدر نے پاکستان کی دہشت گردی کے خلاف کوششوں کو سراہتے ہوئے اس امر کا اعادہ کیا ہے کہ ہر گھڑی میں چین پاکستان کے ساتھ ہے اور دہشت گردی کے خلاف جنگ میں پاکستان کی مکمل حمایت کرتا ہے تاکہ خطے میں امن و استحکام ممکن ہوسکے ۔
انہوں نے کہا کہ آپریشن ضرب عضب امن کے قیام کے لیے گیم چینجر کی حیثیت رکھتاہے جس سے پاکستان میں اقتصادی ترقی ہوگی اور خوشحالی آئے گی۔
راولپنڈی : آرمی چیف جنرل راحیل شریف نے آج واہ کے علاقے میں واقع پاکستان آرڈیننس فیکٹریز کا دورہ کیا۔
آئی ایس پی آر کی جانب سے جاری کردہ اعلامیے کے مطابق چیئرمین آرڈیننس فیکٹریزنے آرمی چیف کو اسلحہ ساز فیکٹریوں کی کارکردگی اور2020 تک کے توسیعی منصوبوں کے بارے میں مکمل بریفنگ دی۔
آرمی چیف کو بتایا گیا کہ پیداواری صلاحیت میں اضافے سے ناصرف غیر ملکی زرمبادلہ کی بچت ہوگی بلکہ پیداوار کے معیار میں بھی اضافہ ہوگا۔
اس موقع پر انتظامیہ اوراسٹاف سے گفتگو کرتے ہوئے آرمی چیف نے تفاخر کا اظہار کرتے ہوئے کہا کہ آرڈیننس فیکٹری پاکستان کے دفاع کا ایک اعلیٰ ادارہ ہے جو کہ پاکستانی فوج کی پیشہ ورانہ صلاحیتوں میں بے پناہ اضافہ کرتی ہے۔
انہوں نے آپریشن ضربِ عضب میں پاکستانی افواج کی ضرورت کے اسلحے اور گولہ بارود کی بروقت فراہمی کو بے پناہ سراہا۔
آرمی چیف نے انتظامیہ کی کاوشوں کو سراہتے ہوئے تکنیکی صلاحیتوں کو بڑھانے پر زور دیا کہ پاکستان دفاعی پیداوار کے شعبے میں خودمختارہوسکے۔
کراچی: وزیراعظم نواز شریف سے آرمی چیف جنرل راحیل شریف نے ملاقات کی ہے،ملاقات میں کراچی آپریشن اور قومی ایکشن پلان پر تفصیلی تبادلہ خیال کیا گیا ۔
وزیراعظم ہاوس میں ہو نے والی اس ملاقات میں آپریشن ضرب عضب آئی ڈی پیز کی بحالی ،مغربی سرحد پر ایف سی کی اضافی نفری کی تعیناتی اور کراچی اپریشن میں پیش رفت اور قومی ایکشن پلان پر عمل درآمد کا جائزہ لیا گیا۔
اس سے پہلے وزیر اعظم سے مختلف اراکین اسمبلی نے بھی ملاقات کی، وزیر اعظم کا اس موقع پر کہنا تھا کراچی میں آپریشن شروع کرنےسےقبل تمام سیاسی جماعتوں کواعتمادمیں لیاگیا تھا۔ پاکستان کےمعاشی حب کراچی کو پرامن بناناملکی مفادمیں ہے ۔
ان کا کہنا تھا غیرقانوی ہتھیاررکھنےکاکسی کےپاس کوئی جواز نہیں،سنگین جرائم میں ملوث ملزمان کوکٹہرےمیں لایاجائےگا۔
نوشہرہ: پاک فوج کے سربراہ جنرل راحیل شریف نے ایک بار پھر اس عزم کا اعادہ کیا ہے کہ پاکستان سے ہر قسم کی دہشتگردی کا خاتمہ یقینی بنایا جائے گا۔
آرمی چیف جنرل راحیل شریف پبی کی پہاڑیوں پر قائم کردہ قومی انسداد دہشت گردی کے تربیتی مرکز میں خصوصی تربیت حاصل کرنے والے پانچ سو اہلکاروں کے پہلے بیج کی تقریب میں مہمان خصوصی تھے، جس میں صوبائی پولیس کے دو سو ،ایف سی رینجرز ،ایس پی ڈی اور اے این ایف کے دو سو اہلکاروں سمیت فضائیہ اور بحریہ کے سو سابق اہلکار شامل ہیں۔
#COAS:We have resolved to cleanse Pak from all kinds of terrorism.Lets join hands,Ops must continue fearlessly-6 pic.twitter.com/UzRBRhBxOu
— AsimBajwaISPR (@AsimBajwaISPR) March 18, 2015
اس موقع پر خطاب کرتے ہوئے آرمی چیف جنرل راحیل شریف نے کہا کہ پاک فوج دہشت گردی کے خاتمے کیلئے موثر انداز میں قانون نافذ کرنے والے اداروں کے اہلکاروں کی تربیت کررہی ہے تاکہ دہشت گردوں کا پیچھا کرکے ان کا خاتمہ کیا جاسکے۔
#COAS at newly established National Ctr Terrorism Trg Centre Pabbi Hills:1st batch of mixed LEAs trained by Army-1/6 pic.twitter.com/nURCfYlvIh
— AsimBajwaISPR (@AsimBajwaISPR) March 18, 2015
آرمی چیف نے زور دیا کہ تربیت کے ساتھ ساتھ موئثر انٹلیجنس میکنزم بھی ضروری ہے تاکہ دہشتگردی کے واقعات کو رونما ہونے سے پہلے روکا جاسکے، اس سلسلے میں ابہام مشتبہ عناصر کی نشاندہی کرے۔
Snr mil,police Ldrship,home secys provinces present.#COAS impressed.Such Trg to rid Pak of terrorism-3/6 pic.twitter.com/B4IZPCs2fz
— AsimBajwaISPR (@AsimBajwaISPR) March 18, 2015
انہوں نے کہا کہ آئیں سب ملکر بلاخوف و خطر اس سلسلے میں اپنا کردار ادا کریں، جنر ل راحیل شریف نے کہا ہے کہ دہشگرد شہروں میں ہوں یا دور دراز علاقوں میں انہیں دھونڈ نکالیں گے، دہشتگردی کے خاتمے کا تہیہ کر رکھا ہے ۔
#COAS:Batch of 500 completes anti terror trg.200 police,elite from provinces,200 FC/Rangers,SPD,ANF,100 ex PAF,PN-2/6 pic.twitter.com/NrpQmMRU6M — AsimBajwaISPR (@AsimBajwaISPR) March 18, 2015
اس موقع پر آرمی چیف کو بریفنگ دیتے ہوئے بتایا گیا کہ دہشتگردی کے خلاف لڑنے کیلئے پاک فوج نے پانچ سو جوانو ں پر مشتمل دستے کو تربیت دی ہے، تربیت حاصل کرنے والے دو سو اہلکاروں کا تعلق مختلف صوبوں کی پولیس سے جبکہ ایف اسی اے این ایف اور رینجرز کے دو سو اور بحریہ اور فضائیہ کے سو جوان شامل ہیں ۔
راولپنڈی: پاکستان کا ملکی طور پرتیارکردہ ڈرون کا کامیاب تجربہ کرلیا گیا۔
آئی ایس پی آرکےمطابق براق ڈرون کےذریعے لیزر گائیڈڈ میزائل کا بھی تجربہ کیا گیا ۔
#COAS commends Engrs,scientists for untiring efforts to acquire state of art tech,put Pak in different league-3/5 pic.twitter.com/qdNgmRKs5b
— AsimBajwaISPR (@AsimBajwaISPR) March 13, 2015
ڈرون کے کامیاب تجربہ کی تقریب میں آرمی چیف جنرل راحیل شریف نے مہمان خصوصی کے طور پر شرکت کی، اس موقع پر آرمی چیف کا کہناتھا کہ پوری قوم کےلیے یہ تجربہ بڑی کامیابی ہے۔ آرمی چیف نے کہا کہ پاکستان نے آج دفاعی شعبے میں اہم سنگ میل عبور کرلیا, انہوں نے کہا کہ یہ صلاحتی انسداد دہشتگردی کی کوششوں میں اضافہ کردے گی ۔
#COAS witnessed test fire on static&moving tgt.Impressive Pin point accuracy,all weather.Multiplies capability against terrorists-2/5
— AsimBajwaISPR (@AsimBajwaISPR) March 13, 2015
آرمی چیف نے براق ڈرون کا مکمل جائزہ بھی لیا جبکہ ڈرون تیار کرنے والے سائنسدانوں اور انجینیئرز کی تعریف کی اورہی ساتھ ہاتھ اُٹھاکر یکجحتی کا اظہار کیا۔
#COAS congrats nation,scientist,tech,involved in dev own drone.Lets join hands to take Pak frwd in respective field-5 pic.twitter.com/xWH7nUNdiz
— AsimBajwaISPR (@AsimBajwaISPR) March 13, 2015
راولپنڈی: جنرل راحیل شریف نے کہا ہے کہ پوری قوم مادر وطن کے دفاع کے لیے متحد ہو ہے۔ ہر قسم کی اشتعال انگیزی کا منہ توڑ جواب دیا جائے گا ۔
پاک فوج کے سربراہ جنرل راحیل شریف نے سیالکوٹ ورکنگ باوٴنڈری کا دورہ کیا جہاں پر انہیں ورکنگ باوٴ نڈ ری اور لائن آف کنٹرول کی مجموعی صورتحال بالخصوص بھارت کی جانب سے کی گئی سیز فائر کی خلاف ورزیوں سے آگا ہ کیا گیا۔
اس موقع پر خطاب کرتے ہوئے آرمی چیف نے کہا کہ بھارت کی جانب سے لائن آف کنٹرول اور ورکنگ باوٴنڈری پر بار بار سیز فائر کی خلاف ورزیوں سے دہشت گردی کے خلاف پاکستان کی کوششیں متاثر ہورہی ہیں اور خطے میں عدم استحکام کی صورتحال برقرار ہے۔
انہوں نے واضح کیا کہ ہر قسم کی اشتعال انگیزی کا منہ توڑ جواب دیا جائے گا اور اس سلسلے میں کوئی کسر نہیں اٹھا رکھی جائے گی۔
جنرل راحیل شریف نے علاقے کے لوگوں کے ساتھ اظہار یکجہتی کرتے ہوئے کہا کہ پوری قوم مادر وطن کے دفاع کے لیے متحد ہو ہے، انہوں نے وہاں پر تعینات سیکورٹی اہلکاروں اور مقامی آبادی سے ملاقات کی اور ان کے حوصلے اور جذبے کو سراہا۔
دبئی: چیف آف آرمی سٹاف جنرل راحیل شریف نے اتوار کو بین الاقوامی دفاعی نمائش اور کانفرنس (آئی ڈی ای ایکس) کا دورہ کیا جو ابوظہبی نیشنل ایگزی بیشن سنٹر میں منعقد ہوئی۔
چیف آف آرمی سٹاف نے نمائش میں چین، روس، متحدہ عرب امارات اور پاکستان سمیت مختلف ممالک کے سٹالوں کا دورہ کیا۔
آرمی چیف جنرل راحیل شریف نےعالمی دفاعی نمائش کےدورے کےموقع پرچین،عرب امارات،روس اورپاکستان کےاسٹالزکامعائنہ کیا۔
اپنے ایک روزہ دورہ کے دوران جنرل راحیل شریف نے متحدہ عرب امارات مسلح افواج کے چیف آف سٹاف جنرل حماد محمد اور متحدہ عرب امارات کے سینئر فوجی افسران سے علیحدہ علیحدہ ملاقاتیں بھی کیں۔
آئی ایس پی آر کے مطابق ملاقاتوں کے دوران دفاع، سیکیورٹی آپریشن اور تعاون اور علاقائی سلامتی کے دوطرفہ دلچسپی کے امور زیربحث آئے۔
اس موقع پر متحدہ عرب امارات کی قیادت نےآپریشن ضرب عضب میں مسلح افواج کی کامیابیوں کوسراہا۔