اسلام آباد: قومی اسمبلی کے اجلاس کے دوران رکن اسمبلی ریاض مزاری کا کہنا تھا کہ بجٹ میں راجن پور کے لیے کچھ نہیں رکھا گیا، صوبہ پنجاب کے کئی علاقوں میں گرلز کالج نہیں، کئی یو سیز میں اسکول بھی نہیں۔
تفصیلات کے مطابق قومی اسمبلی کا اجلاس ڈپٹی اسپیکر زاہد اکرم درانی کی صدارت میں ہوا۔
اجلاس میں رکن اسمبلی ریاض مزاری نے اظہار خیال کرتے ہوئے کہا کہ یہاں بجٹ پر کم اور سیاسی تقاریر زیادہ ہو رہی ہیں، ہرکوئی اپنے اپنے لیڈروں کو خوش کرنے میں لگا ہے۔
ریاض مزاری کا کہنا تھا کہ ابھی خزانہ کے وزیر مملکت موجود نہیں ورنہ بجٹ پر بات کرتے، جس نے الیکشن لڑنا ہے اس نے اپنے حلقے کا کام کرنا ہے۔
انہوں نے مزید کہا کہ بجٹ میں راجن پور کے لیے کچھ نہیں رکھا گیا، صوبہ پنجاب کے کئی علاقوں میں گرلز کالج نہیں، کئی یو سیز میں اسکول بھی نہیں۔
