کراچی: سندھ رینجرز کے ترجمان کا کہنا ہے کہ عوام کے تعاون کو سراہتے ہیں، ہم کراچی میں امن قائم کرکے رہیں گے۔
رینجرز کے ترجمان کرنل طاہرمحمود کا کہنا تھا کہ لوگ کسی بھی قسم کے دہشت گرد عناصرسے مت ڈریں۔
انہوں نے کہا کہ اگرکسی بھی شخص یا جماعت کی جانب سے بھتے کا مطالبہ کیا جائے تو اس کی اطلاع رینجرز کی ہیلپ لائن پردیں۔
انہوں نے اس عزم کا اعادہ کیا کہ سندھ رینجرزکراچی میں امن قائم کرکے رہے گی اور اس کے لئے عوام کا تعاون قابلِ تعریف ہے۔
رینجرز کا ہیلپ لائن نمبر 1101 ہے اور رینجرز کے مطابق دہشت گرد اور جرائم پیشہ عناصر کی اطلاع دینے والے کا نام صیغۂ رازرکھا جائے گا۔
