ARYNews.tv | Urdu – Har Lamha Bakhabar

Tag: colours

  • تصویر میں کتنے رنگ دکھائی دے رہے ہیں؟ جواب جان کر آپ حیران رہ جائیں گے

    تصویر میں کتنے رنگ دکھائی دے رہے ہیں؟ جواب جان کر آپ حیران رہ جائیں گے

    بصری دھوکا ایک ایسی چیز ہے جس میں آنکھ کو کچھ اور دکھائی دیتا ہے لیکن اصل میں وہ ہوتا کچھ اور ہے۔

    ایسی ہی ایک تکنیک منکر وائٹ الوژن کی بھی ہے جس میں رنگوں کو اس طرح سے پیش کیا جاتا ہے جس میں وہ اپنے اصل سے ہٹ کر کچھ اور دکھائی دیتے ہیں۔

    آج ہم بھی آپ کو ایسی ہی ایک تصویر دکھانے جارہے ہیں۔

    اس تصویر میں آپ کو مختلف رنگوں کے گیس اسٹیشن دکھائی دے رہے ہیں، آپ نے گن کر بتانا ہے کہ یہ کل کتنے رنگ ہیں۔

    کیا آپ نے جواب ڈھونڈ لیا؟

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    ⬇

    اس کا صحیح جواب ہے، پانچ رنگ۔

    اور آپ کو جان کر حیرت ہوگی کہ یہ وہی پانچ رنگ ہیں جو پہلی سطر میں دکھائی دے رہے ہیں۔

    بقیہ 3 سطروں میں موجود حاشیوں کی وجہ سے رنگ اپنے اصل سے مختلف دکھائی دے رہے ہیں، ورنہ حقیقت میں یہ یہی پہلی سطر والے سرخ، سیاہ، سبز، نیلا اور زرد رنگ ہیں۔

  • کویت کا 58واں قومی دن، کویتی پرچم برج خلیفہ کی زینت بن گیا

    کویت کا 58واں قومی دن، کویتی پرچم برج خلیفہ کی زینت بن گیا

    دبئی/کویت: کویت کے 58 ویں قومی دن کے موقع پر اماراتی حکام نے برج خلیفہ کو کویتی پرچم سے سجا دیا، اس موقع اماراتی صدر شیخ خلیفہ بن زید نے امیر کویت شیخ صبح الاحمد کو مبارک باد پیش کی۔

    تفصیلات کے مطابق متحدہ عرب امارات کے صدر اور حاکم ابو ظبی نے کویت کے قومی دن کے حوالے سے کویتی شہریوں کو ہدیہ تبریک و تہنیت پیش کرتے ہوئے کہا ہے کہ ’کویت کی عوام نگینے کی طرح ہماری زمین، ہمارے دل اور ہماری تاریخ سے جڑے ہوئے ہیں‘۔

    اماراتی خبر رساں ادارے کا کہنا تھا کہ یو اے ای کے وزیر اعظم و حاکم دبئی شیخ محمد بن راشد المکتوم نے کویت کے قومی دن 25 فروری کے حوالے سے نیک تمناؤں کا اظہار کرتے ہوئے کویت عوام اور ریاست کے دائمی استحکام اور ترقی کی دعا کی۔

     

    متحدہ عرب امارات کی مسلح افواج کے ڈپٹی سپریم کمانڈر اور ابوظبی کے ولی عہد شیخ محمد بن زید النہیان نے کویتی امیر اور عوام کو قومی دن کے موقع پر مبارک باد دیتے ہوئے کہا کہ ’دونوں ملکوں کی عوام ملک کر کام کریں گے تاکہ مشترکا طور پر ترقی حاصل کریں‘۔

    اماراتی خبر رساں ادارے کا کہنا ہے کہ امارتی حکام نے اتوار کے روز کویت کے 58 ویں قومی دن کے موقع پر کویتی پرچم کو دنیا کی بلند ترین عمارت برج خلیفہ کی زینت بناکر کویتی عوام سے اظہار یکجہتی کیا ہے۔

    مزید پڑھیں : کویت کے قومی دن پر دبئی کے حاکم کا تاریخ ساز تحفہ

    یاد رہے کہ ایک روز قبل حاکم دبئی شیخ محمد نے سماجی رابطے کی ویب سائٹ ٹویٹر پر کویت کے قومی دن 25 فروری کے حوالے امیر کویت کے بنائے گئے دنیا کا سب سے بڑے پورٹریٹ کی ویڈیو کی ویڈیو شیئر کی تھی۔

    اماراتی خبر رساں ادارے کا کہنا تھا کہ متحدہ عرب امارات کی مٹی پر 1 لاکھ 70 ہزار اسکوائر فٹ کے رقبے پر بنائی کی امیر کویت شیخ صبح ال احمد الجبیر الصبح کی تصویر دنیا کی سب سے بڑی تصویر ہے اور اس تصویر کے ساتھ ’امیر انسانیت‘ بھی تحریر ہے۔

    اماراتی میڈیا کا کہنا ہے کہ شیخ صبح کی تصویر دبئی کے قدرا صحرا میں سرخ مٹی سے بنائی گئی ہے جسے تقربیاً 2400 گھنٹوں میں مکمل کیا گیا ہے۔

  • سعودی عرب کا قومی دن، برج خلیفہ سعودی پرچم کے رنگ میں رنگ گیا

    سعودی عرب کا قومی دن، برج خلیفہ سعودی پرچم کے رنگ میں رنگ گیا

    ابوظہبی/ریاض: سعودی عرب کے  88 ویں قومی دن کے موقع پر اماراتی حکام نے سعودی پرچم کو برج خلفیہ کی زینت بنا دیا، اماراتی وزیر داخلہ انور قرقاش نے کہا ہے کہ ہماری کامیابی کے لیے سعودی ریاست کی کامرانی ضروری ہے۔

    تفصیلات کے مطابق متحدہ عرب امارات کے وزیر داخلہ انور قرقاش نے سعودی عرب کے قومی دن کے حوالے سے سعودی شہریوں کو ہدیہ تبریک و تہنیت پیش کرتے ہوئے کہا ہے کہ یو اے ای کی کامرانی کے لیے سعودی عرب  کا کامیاب ہونا لازمی ہے۔

    عربی خبر رساں ادارے کا کہنا تھا کہ وزیر داخلہ انور قرشاش نے سماجی رابطے کی ویب سائٹ ٹویٹر سعودی عرب کے قومی دن 23 ستمبر کے حوالے سے نیک تمناؤں کا اظہار کرتے ہوئے سعودی عوام اور ریاست کے دائمی استحکام اور ترقی کی دعا کی۔

    اماراتی وزیر داخلہ کا کہنا تھا کہ اماراتی اور سعودی حکام مل کر کام کریں گے تاکہ ساتھ کامرانی حاصل کریں اور مشترکا طور پر ترقی کی سیڑھیاں چڑھیں کیوں ہم جانتے ہیں کہ ہماری کامیابی کی بنیاد سعودی عرب پر منحصر ہے۔

    واضح رہے کہ اماراتی حکام کی جانب سے سعودی عرب کے 88 ویں قومی دن کے موقع پر خصوصی مہر تیار کی گئی ہے جو متحدہ عرب امارات آنے والے سعودی شہریوں کا استقبال کرنے کے لیے 23 ستمبر تک ان کے پاسپورٹ پر لگائی جائے گی۔

    عرب میڈیا کا کہنا تھا کہ اماراتی حکام کی جانب سے سعودی عرب کے 88ویں قومی دن کے موقع پر دنیا کی بلند ترین عمارت برج خلفیہ پر روشنیوں کی مدد سے سعودی پرچم بنایا گیا تھا۔