Tag: columbo test

بریسبن: پاکستان ٹیم کے تجربہ کار اسپنر سعید اجمل کے بولنگ ایکشن کا ٹیسٹ آج برسبین کے نیشنل کرکٹ سینٹر میں لیا جائیگا۔

سعید اجمل کے بولنگ ایکشن کی جانچ پڑتال آئی سی سی اور کرکٹ آسٹریلیا کی ٹیم کریگی جس کے بعد رپورٹ آئندہ دو ہفتوں تک جاری کی جائیگی، آئی سی سی کے مطابق سعید اجمل کو بھی اسی طریقہ کار سے گزرنا پڑے گئے جس سے سری لنکن بولر سیانائیکے اور کیوی کرکٹر کین ولیمسن گزر چکے ہیں، گال ٹیسٹ میں سعید اجمل کے بولنگ ایکشن پر فیلڈ امپائر اور میچ ریفری نے اعتراض اٹھایا تھا اور رپورٹ ٹیم مینجر کو بھجوادی تھی، بولنگ ایکشن کے ٹیسٹ کے سبب سعید اجمل پہلا ون ڈے نہیں کھیل سکے، اجمل اس سے پہلے بھی بولنگ ایکشن کے ٹیسٹ سے گزر چکے ہیں۔ جس میں وہ کلئیر ہوگئے تھے۔

کولمبو:  کولمبو ٹیسٹ میں آئی سی سی نے ضابطہ اخلاق کی خلاف ورزی پر سعید اجمل پر فرد جرم عائد کردی، ادھر کولمبو ٹیسٹ میں شکست کے بعد پاکستان کی آئی سی سی رینکنگ میں تین درجہ تنزلی  ہوگئی، قومی ٹیم چھٹے نمبر پر چلی گئی۔

کولمبو ٹیسٹ میں آئی سی سی نے سعید اجمل پر کوڈ آف کنڈکٹ کی خلاف ورزی پر فرد جرم عائد کردی۔ سعید اجمل نے کھیل کے چوتھے روز سری لنکن کھلاڑیوں کے خلاف نازیبا الفاظ استعمال کئے، الزام ثابت ہونے پر سعید اجمل پر میچ فیس کا پچاس فیصد جرمانہ عائد ہوگا۔

دوسری جانب پاکستان آئی سی سی رینکنگ میں تیسری پوزیشن زیادہ عرصے برقرار نہ رکھ سکا، سری لنکا کے خلاف سیریز ایک ایک سے برابر کرکے بھی پاکستان تیسری پوزیشن بچاسکتا تھا لیکن بیٹسمینوں کی ناکامی نے پاکستان کو تین درجہ تنزلی کے بعد چھٹے نمبر پر پہنچادیا، سری لنکا کی ٹیم رینکنگ میں چوتھے نمبر پر آگئی۔