ہالی وڈ: کامیڈی سے بھرپور ہالی وڈ فلم مینینزامریکہ بھر میں نمائش کیلئے پیش کردی گئی۔
فلم مینینز کی کہانی رنگا رنگ دنیا سے شہر کی دنیا میں آنے والے ننھے کارٹون کرداروں کے گرد گھوم رہی ہے جن کو اپنے نئے ماسٹر کی تلاش ہے۔
اپنے ماسٹر کی کھوج کیلئے وہ بہت سارے خطروں کا سامنا کرتے ہیں، فلم کی ہدایتکاری کیل بالڈا اور پیئیرکوفن نے کی ہے اور فلم میں مختلف کرداروں کے ڈائیلاگ ہالی ووڈ کے نامور اداکاروں کی آواز میں ریکارڈ کئے گئے ہیں۔
بھرپور مزاح پر مبنی فلم ڈمب اینڈ ڈمبرٹو کے سیکیوئل نےامریکی باکس آفس پر ہلچل مچادی، 1.38 ملین ڈالر کا بزنس سمیٹتے ہوئے کامیڈی فلم نےمیدان مارلیا۔
ڈمب اینڈ ڈمبرٹوانیس سو چورانوے میں بننے والی فلم ڈمب اینڈ ڈمبر کا سیکوئیل ہے،فلم کی کہانی بیس سال آگے بڑھنے کے بعد دوبارہ دونوں بیسٹ فرینڈز ہینری اور لولائیڈ کے گرد گھوم رہی ہے جو ہیری کی گمشدہ بیٹی کی تلاش میں ہیں۔
فلم کے مرکزی کرداروں میں مشہور فنکار جم کیری اورجیف ڈینیئل شامل ہیں ۔
