Tag: Company Rules

اسلام آباد: سیکورٹیز اینڈ ایکس چینج کمیشن( ایس ای سی پی ) نے مضاربعہ فنڈز کے غیر قانونی اور سرمایہ کاروں کے تحفظ کے پیش نظر مضاربہ مینجمنٹ کمپنیوں کے ریگولیٹری فریم ورک میں ترامیم تجویز کردی ہیں۔

 ایس ای سی پی کے ایک ترجمان کے مطابق نئے مضاربہ ریگولیشن 2015کو عوامی اور انڈسٹری کے شراکت داروں کی رائے کے لئے جاری کر دیا ہے، مضاربہ کے نئے ریگولیشن لاگو ہونے کے بعد 2004 میں جاری ہونے والے مضاربہ ریگولیشن کالعدم ہو جائیں گے۔

 ترجمان کے مطابق نئے مضاربہ ریگولیشن میں رسک مینجمنٹ کے لئے اقدامات تجویز کئے گئے ہیں، فنڈ کی جانب سے سرمائے کی فراہمی کی شرائط متعین کی گئی ہیں اور مضاربہ کمپنیوں کے چیف ایگزیکٹو اور ڈائریکٹرز کے لئے فٹ اینڈ پراپر کی شرائط مقرر کی گئی ہیں جبکہ مضاربہ فنڈ کے شریعہ آڈٹ کے طریقہ کار کو بھی ریگولیشن کا حصہ بنایا گیا ہے۔

 نئے ریگولیشن میں مضاربہ فنڈکے غیر قانونی استعمال اور منی لانڈرنگ کے لئے استعمال کو روکنے کے لئے بھی معتدد تجاویز دی گئی ہیں، مضاربہ فنڈ کے لئے سرمایہ اکھٹا کرنے کے لئے کم از کم ایکوٹی پچیس کروڑ روپے تجویز کی گئی ہے۔

اسلام آباد: سیکورٹیز اینڈ ایکس چینج کمیشن ( ایس ای سی پی ) میں دیانتداری اور ذمہ داری کے اعلی معیار قائم رکھنے کے لئے پالیسی بورڈ نے ضابطہ کار کی منطوری دی ہے اور ایس ای سی پی کے بورڈ ممبرز، چیئرمین ، کمشنرز اور تمام ملازمین کو اس پر عمل درآمد کا پابند کیا گیا ہے۔

 ایس ای سی پی کے ایک ترجمان کے مطابق یہ کوڈ آف کنڈکٹ جو کہ فوری طور پر نافذ العمل ہے ایس ای سی پی کے ملازمین کو ان کے فرائض کی ادائیگی میں رہنمائی کرے گا اورایک ایسادفتری ماحول فراہم کرے گا ، جس میں ملازمین کسی بھی قسم کے اثر ورسوخ اور دباؤ سے مبراء ہو کر مکمل غیر جانبداری سے کام کر سکیں ۔

یہ ضابطہ کارکمیشن کے ملازمین کو پابند کرتا ہے کہ وہ ہر قسم کی معلومات ’جو کہ کمیشن کا ملازم ہونے کی وجہ سے ان کے علم میںآ ئیں‘ کو صیغہ راز میں رکھیں گے۔

 ایس ای سی پی کے افسران کمیشن کے اند ر ہونے والے کسی ایسے فیصلہ کے عمل میں شامل نہیں ہوں گے جس کے نتیجے میں کسی بھی طرح ان کے ذاتی مفادات کو پورے ہوں۔

 کوڈ آف کنڈکٹ پر عمل درآمد تمام ملازمین کے لئے لازمی قرار دیا گیا ہے اور خلاف ورزی کی صورت میں سخت تادیبی کارروائی عمل میں لائی جائے گی۔

اسلام آباد: سیکورٹیز اینڈ ایکس چینج کمیشن ( ایس ای سی پی ) نے فیوچر ٹریڈنگ بل کا نظر ثانی شدہ مسودہ وزارت خزانہ کو بھجوا دیا ہے تاکہ وزارت اس مجوزہ قانون کا جائزہ لے کر اس کی پارلیمنٹ سے منظوری کے لئے کارروائی عمل میں لائے۔

، ایس ای سی پی کے ایک ترجمان کے مطابق ملک کی اسٹاک ایکس چینجز میں فیوچر ٹریڈنگ کو اس وقت سیکورٹیز اینڈ ایکس چینج آرڈیننس 1969 کے تحت ریگولیٹ کیا جا رہا ہے۔

تاہم فیوچر مارکیٹ میں ہونے والی تبدیلیوں اور جدید دور کے تقاضوں کے مطابق ہونے والی ٹریڈنگ کو ریگولیٹ کرنے کے لئے ایک جامع قانون کی ضرورت ہے۔

فیوچر ٹریڈنگ بل کا مسودہ مارکیٹ کے شراکت داروں کی مشاورت کے ساتھ تیار کیا گیا تھا،جس میں سٹاک ایکس چینجز اور پاکستان مرکنٹائل ایکس چینج کا علیحدہ باب شامل کیا گیا تھا۔

 اس بل میں مارکیٹ میں ہونے والی فیوچر ٹریڈنگ سے متعلقہ تمام امور کا تفصیل سے احاطہ کیا گیا ہے جو کہ ملک میں ایک جدید اور شفاف فیوچر مارکیٹ کے قیام کے لئے مددگار ہو، اس بل میں سرمایہ کاروں کے تحفظ کے لئے موثر اقدامات تجویز کئے گئے ہیں۔

کراچی: سیکورٹیز اینڈ ایکسچینج کمیشن ( ایس ای سی پی ) نے کاروبار کی رجسٹریشن کے لئے متعارف کیا جانے والے نئے تصور،لمیٹیڈ لائیبلٹی پارٹنر شپ کے مسودہ قانون کی منظوری دے دی ہے، نیا مسودہ قانون وزارت خزانہ کو پارلیمنٹ سے منظوری کے لئے بھجوا دیا جائے گا۔

رجسٹریشن کا نیا تصور ملکی معیشت کو دستاویزی شکل دینے میں مددگار ثابت ہو گااور مختلف اقسام کی غیر رجسٹرڈ کاروبار کو ریگولیٹ کرنے میں بھی معاون ہو گا۔

 رجسٹریشن کے اس نئی اور آسان سہولت کا مقصد پاکستان میں باہمی شراکت اور واحد ملکیتی خدمات فراہم کرنے والے افراد اور اداروں کو باقاعدہ رجسٹریشن کی سہولت فراہم کرنا ہے۔

 کاروبار کی رجسٹریشن کا یہ متبادل تصورمختلف شراکت داروں کے تعاون سے تیار کیا گیا ہے، ،لمیٹیڈ لائیبلٹی پارٹنر شپ کمپنی کی رجسٹریشن کمپنیز آرڈیننس 1984کے تحت کی جائے گی۔

اسلام آباد: سیکیورٹیز اینڈ ایکسچینج کمیشن نےگذشتہ پانچ سالوں کے دوران چھ ہزار کمپنوں کی ریجسٹریشن منسوخ کی۔ ایس ای سی پی کی جانب سے فہرست بھی جاری کر دی گئی ہے۔

ایس ای سی پی کے ترجمان کے مطابق ان کمپنیوں کی رجسٹریشن معتدد وجوہات کی بناء پر ختم کی گئی جیسے کہ قوانین میں دی گئی شرائط کو پورا نہ کرنا یا پھر ان کمپنیوں نے رضاکارانہ طور پر خود اپنی رجسٹریشن منسوخ کروائی ہے۔

ایس ای سی پی نے عوام الناس کو ہدایت کی ہے کہ ایسی کمپنیوں کی ساتھ لین دین اور کاروبار میں محتاط رہیں۔

اسلام آباد : سیکورٹیز اینڈ ایکس چینج کمیشن ( ایس ای سی پی ) نے سنگل ممبر کمپنیز رولز2003میں ترامیم تجویز کر دی ہیں۔

کارپوریٹ سیکٹر کی سہولت کو مد نظر رکھتے ہوئے سنگل ممبر کمپنی رجسٹر کرواتے وقت اب نامزد اور متبادل ڈائریکٹرز اور قانونی وارث کی تفصیلات فراہمی کو ختم کرنے تجویز دی گئی ہے،

ایس ای سی پی کے ایک ترجمان کے مطابق اتھارٹی نے سنگل ممبر کمپنی کا تصور 2002میں متعارف کروایا تھا جبکہ سنگل ممبر کمپنی رجسٹر کروانے کا تفصیلی فریم ورک 2003میں جاری کئے گئے سنگل ممبر کمپنی رولز میں دیا گیا تھا۔

کاروباری حضرات اور سرمایہ کاروں کی سہولت کے پیش نظر ایس ای سی پی نے سنگل ممبر کمپنی کی رجسٹریشن کو آسان بنانے کے لئے اس کے رولز میں ترامیم تجویز کیں ہیں۔

ترجمان کے مطابق سنگل ممبر کمپنی کے ترمیمی رولزکا مسودہ عوامی رائے عامہ کے لئے آفیشل گزٹ میں شائع کر دیا گیا ہے جبکہ یہ مسودہ ایس ای سی پی کی ویب سائٹ پر بھی موجود ہے ۔