Tag: complete

پاکستان سپر لیگ 7، ٹیموں کے اسکواڈ مکمل

پاکستان سپر لیگ کے ساتویں سیزن کے لیے تمام ٹیموں نے متبادل اور سپلیمنٹری کھلاڑیوں کا انتخاب مکمل کر لیا ہے۔

کراچی کنگز نے قومی انڈر 19 کپتان قاسم اکرم کی جگہ اسپنر محمد طحٰہ خان اور ٹام ایبل کی جگہ سری لنکا کے اویشیکا فرنینڈو کو اسکواڈ میں شامل کیا ہے۔

دفاعی چیمپیئن ملتان سلطانز نے اوڈین اسمتھ کی جگہ جانس چارلز جب کہ رون پاول کی جگہ ڈومنیک ڈریکز کو دی ہے۔

کوئٹہ گلیڈی ایٹرز نے نوید الحق کی جگہ لیوک ووڈ ، جیمز ونس کی جگہ ول سمتھ، جیسن رائے کی جگہ شمرون ہیٹمائر اور افغانستان کے نور احمد کی جگہ علی عمران لیں گے۔

لاہور قلندرز کو ابتدائی چند میچز میں انگلش وکٹ کیپر بیٹر فل سالٹ دستیاب نہیں ہوں گے جس کے باعث بین ڈک کو منتخب کیا۔

ڈرافٹ میں خیبرپختون خوا کے صاحبزادہ فرحان کو اپنے اسکواڈ میں شامل کیا۔

لاہور قلندرز نے فاسٹ باؤلر محمد عمران رندھاوا، اسلام آباد یونائیٹڈ نے فاسٹ باؤلر موسی خان، اور ملتان سلطانز نے انگلینڈ کے فاسٹ بولر ڈیوڈ ولی جبکہ پشاور زلمی نے محمد عمر کا انتخاب کیا۔

دوسرے راؤنڈ میں کراچی کنگز نے جارڈن تھامسن، ملتان سلطانز نے رضوان حسین، کوئٹہ گلیڈی ایٹرز نے ابھرتے ہوئے نوجوان کھلاڑی غلام مدثر، اسلام آباد یونائیٹڈ نے ظاہر خان جبکہ لاہور قلندرز نے عاکف جاوید کو اسکواڈ کا حصہ بنایا ہے۔

واضح رہے کہ پی ایس ایل سیون کا آغاز 27 جنوری سے ہوگا، نیشنل اسٹیڈیم کراچی میں پہلا ٹاکرا کراچی کنگز اور دفاعی چیمپئن ملتان سلطانز کے درمیان ہوگا۔

جنوری 9, 2022
باچا خان انٹرنیشنل ائیر پورٹ پر عازمین حج کو سعودی عرب پہنچانے کا آپریشن مکمل

پشاور : باچا خان انٹرنیشنل ائیر پورٹ پر عازمین حج کو سعودی عرب پہنچانے کا آپریشن مکمل ہو گیا، ائیر پورٹ انتظامیہ نے پی آئی اے سمیت تمام ائیر لائن اور ایجنسیوں کی کارکردگی کو سراہا۔

تفصیلات کے مطابق باچا خان انٹرنیشنل ائیر پورٹ پشاور پر عازمین حج آپریشن کامیابی سے مکمل کر لیا گیا جس کے بعد ائیر پورٹ پر منعقد ہ اجلاس کے دوران باچا خان انٹرنیشنل ائیرپورٹ کے سی ای او عبیدالرحمان عباسی نے آپریشن کے دوران تمام ایجنسیوں کی کارکردگی کو سراہا۔

اجلاس کے دوران ائیر پورٹ پر موجود تمام اداروں کو ہدایات جاری کر دی گئی کہ کسی بھی کمی کو جلد از جلد پورا کیا جائے تاکہ حجاج کرام کی واپسی آپریشن بھی اسی طرح کامیابی کے ساتھ مکمل کیا جائے۔

اجلاس میں ائیر پورٹ انتظامیہ نے بتایا کہ حجاج کرام کی واپسی17 اگست سے شروع کی جائے گی جس میں تقریباً اٹھائیس ہزار حجاج کرام باچا خان انٹرنیشنل ائیر پورٹ پر اتریں گے۔

اگست 8, 2019
پی آئی اے کا قبل از حج آپریشن مکمل،82300 عازمین سعودی عرب پہنچ گئے

کراچی : پی آئی اے نے قبل ازحج آپریشن کامیابی سے مکمل کرلیا، آخری پرواز لاہور سے جدہ روانہ ہوئی، تاریخ میں پہلی بار پی آئی اے نے حج آپریشن میں کوئی طیارہ لیز پر حاصل نہیں کیا۔

تفصیلات کے مطابق پی آئی اے نے کامیابی سے قبل از حج آپریشن مکمل کرلیا، پی آئی اے نے ایک ماہ طویل قبل ازحج آپریشن میں292 پروازوں کے ذریعے82300 عازمین کو سعودی عرب پہنچایا۔

پی آئی اے کی آخری حج پرواز لاہور سے جدہ روانہ ہوئی، پرواز پی کے739 کے400 سے زائد عازمین کو اسٹیشن مینجر افسر زیدی نے رخصت کیا۔

پی آئی اے نے حج آپریشن میں اپنے بوئنگ777 اور ایئربس 320طیاروں کے ذریعے آپریشن مکمل کیا، یہ بات یہاں قابل ذکر ہے کہ پی آئی اے کی تاریخ میں پہلی بار حج آپریشن میں کوئی طیارہ لیز پر حاصل نہیں کیا گیا۔

اس حوالے سے سی ای او ایئرمارشل ارشد ملک نے بتایا کہ پی آئی اے نے دس مقامات سے عازمین حج کو سعودی عرب پہنچایا جو ایک مشکل مرحلہ تھا، حج آپریشن کی سب سے بڑی کامیابی حال میں کار آمد بنائے جانے والے طیاروں نے نمایاں کردار ادا کیا۔

ایئرمارشل ارشد ملک کا مزید کہنا تھا کہ حج کے بعد حجاج کرام کی وطن واپسی کیلئے آپریشن17 اگست سے شروع ہو کر14 ستمبر کو اختتام پذیر ہو گا۔

اس سلسلے میں جدہ اور مدینہ کے حج ٹرمینل پر حجاج کرام کی واپسی کیلئے خصوصی انتظامات کیے گئے ہیں، حجاج کرام کی وطن واپسی کے حوالے سے ایئرپورٹس پر پی آئی اے رضاکار اپنے فرائض انجام دیں گے

اگست 6, 2019
مختلف ملکوں کے سائیکل سوار حج کیلئے مدینہ منورہ پہنچ گئے

ریاض : حج کے لیے سعودی عرب جانے والے سائیکل سواروں نے 17 ملکوں سے ہوتے ہوئے حجاز مقدس کا یہ سفر 60 دن میں طے کیا۔

تفصیلات کے مطابق پاکستان سمیت مختلف ملکوں کے سائیکل سوار حج کی ادائیگی کے لیے 4 ہزار میل کا سفر طے کر کے برطانیہ سے سعودی شہر مدینہ منورہ پہنچ گئے۔

غیر ملکی خبر رساں ادارے کا کہنا تھا کہ ان سائیکل سواروں نے 17 ملکوں سے ہوتے ہوئے حجاز مقدس کا یہ سفر 60 دن میں طے کیا، جن میں برطانیہ کے سائیکل سوار عازمینِ حج بھی شامل ہیں۔

مدینہ منورہ پہنچنے پر سعودی وزارتِ حج اور شعبہ سیاحت کے حکام نے سائیکل سوار عازمینِ حج کا پرتپاک استقبال کیا۔تمام سائیکل سواروں کو تحائف دیے گئے اور ان کا طبی معائنہ بھی کیا گیا۔

غیر ملکی میڈیا کا کہنا تھا کہ ارضِ مقدس میں شہرِ نبوی صلی اللّٰہ علیہ وسلم پہنچنے اور اپنے شاندار استقبال پر متعدد سائیکل سواروں کے خوشی کے باعث آنسو رواں ہو گئے اور سب نے ایک دوسرے کو گلے لگ کر مبارک باد بھی دی۔

اگست 5, 2019
کراچی سمیت سندھ کے تعلیمی اداروں میں موسم گرما کی تعطیلات ختم

کراچی : صوبہ سندھ میں گرمیوں کی تعطیلات ختم ہونے کے بعد آج سے اسکول دوبارہ سے کھل گئے، بچوں نے اسکول جانے کی تیاری کرلی۔

تفصیلات کے مطابق کراچی سمیت سندھ بھر کے اسکولوں میں گرمیوں کی چھٹیاں اپنے اختتام کو پہنچ گئیں، تعلیمی ادارے موسم سرما کی چھٹیوں کے بعد آج سے دوبارہ کھل جائیں گے۔

موسم سرما کی تعطیلات ختم ہونے پراسکولوں کی رونقیں لوٹ آئیں گی، بچے صبح کے وقت اپنی اسکول وینز اور والدین کے ساتھ اسکول پہنچیں گے، اس سلسلے میں بچوں نے اپنے بیگ یونیفارم ریڈی کرلیے تاکہ صبح صبح کسی وجہ سے اسکول پہنچنے میں تاخیر نہ ہو۔

قبل ازیں روز مرہ کا سخت شیڈول شروع ہونے سے پہلے بچوں نے آخری چھٹی کے دن تفریح کی ٹھان لی، سیر سپاٹے کرنے تفریحی مقامات پر پہنچ گئے، بچوں نے اپنے والدین کے ساتھ چھٹی کا آخری دن گھوم پھر کر گزارا۔

مزید پڑھیں: سندھ میں موسم گرما کی چھٹیاں یکم مئی سے 30 جون تک ہوں گی

یاد رہے جنوری 2019 میں بھی محکمہ تعلیم سندھ کی اسٹیئرنگ کمیٹی کے اجلاس میں رواں برس صوبے میں امتحانات 20 مارچ سے 30 اپریل اور چھٹیاں یکم مئی سے 30 جون تک کرنے کا فیصلہ کیا گیا تھا۔

جولائی 1, 2019
حرم شریف کی تیسری توسیع کا افتتاح رمضان میں ہو گا‘ ڈپٹی گورنر

مکہ مکرمہ : ڈپٹی گورنر مکہ مکرمہ ریجن شہزادہ بدر بن سلطان نے حرم الشریف کے تیسرے توسیعی مرحلے کا جائزہ لیا اور اپنے اطمینان کا اظہار کیا۔

سعودی خبر رساں ایجنسی کے مطابق ڈپٹی گورنر کو بتایا گیا کہ جاری ترقیاتی کام رمضان المبارک کے آغاز تک مکمل ہو جائے گا جبکہ مسجد نبوی الشریف میں ادارہ امور حرمین کی جانب سے استقبال رمضان کے حوالے سے جاری تیاریوں کے ضمن میں اسمارٹ قالین بچھانے کا آغاز کر دیا گیا-

حرم مکی شریف کے تیسرے توسیعی منصوبے کی تکمیل کے بعد یہاں بیک وقت 2 لاکھ 80 ہزار افراد نماز ادا کرسکیں گے۔ ماہ رمضان المبارک میں دنیا بھر سے معتمرین کی آمد جاری رہتی ہے۔ بڑی تعداد میں لوگ اس ماہ مبارک میں عمرہ کی سعاد ت حاصل کرتے ہیں۔

عرب خبر رساں ادارے کا کہنا تھا کہ حرم مکی الشریف کے تیسرے توسیعی مرحلے کی تکمیل سے معتمرین اور زائرین کو کافی سہولت ہو گی۔

حرم مکی شریف کی تیسری توسیع کا سب سے بڑا مرحلہ شاہ عبد العزیز گیٹ اور اسکے سامنے بس اسٹینڈ کا ہے جہاں رمضان المبارک کے دروان سب سے زیادہ اژدھام رہتا ہے۔

مقامی میڈیا کا کہنا تھا کہ بس اسٹینڈ سے فی گھنٹہ 50 ہزار افراد مستفیض ہوتے ہیں جو حرم شریف سے تقریبا 10 سے 15 کلو میٹر دور کدی کی پارکنگ میں گاڑی کھڑی کر کے شٹل بس سروس کے ذریعے حرم شریف آتے ہیں۔

واضح رہے رمضان المبارک اور حج سیزن میںدیگر شہروں سے اپنی گاڑیوں میں مکہ مکرمہ آنے والوں کیلئے کدی کے علاقے میں وسیع و عریض پارکنگ لاٹس مخصوص ہیں جہاں وہ اپنی گاڑیاں پارک کرکے بس کے ذریعے حرم شریف آتے ہیں۔

ادارہ امور مسجد نبوی الشریف کے ڈائریکٹر بندر الحسینی نے سعودی خبر رساں ایجنسی کو بتایا کہ نئے قالین مکمل طور پر سعودی عرب میں تیار کئے گئے ہیں جن میں اسمارٹ چپ لگائی ہے۔

عرب خبر رساں ادارے کا کہنا تھا کہ نئے تیار کئے گئے خصوصی قالینوں کو مخصوص انداز میں بنایا گیا ہے جو موسمی اثرات سے محفوظ رہیں گے اور انکے استعمال کی مدت بھی زیادہ ہو گی۔ نئے بچھائے جانے والے قالینوں کی تعداد 20ہزار 700 ہو گی۔

اپریل 25, 2019
امریکی افواج کا انخلاء ایرانی فوجیں پورا کریں گی، ترکی الفیصل

ریاض : سعودی شہزادہ ترکی الفیصل کا کہنا ہے کہ شام سے امریکی افواج کے انخلاء کے بعد مشرق وسطیٰ میں ایران کی مداخلت مزید بڑھ جائے گی۔

تفصیلات کے مطابق سعودی عرب کی خفیہ ایجنسی کے سربراہ شہزادہ ترکی الفیصل کا میڈیا سے گفتگو کرتے ہوئے کہنا تھا کہ شام سے امریکی افواج کے انخلاء کے بعد خطے میں ایک خلا پیدا ہوجائے گا جسے ایران پورا کرے گا۔

ترکی الفیصل کا کہنا تھا کہ امریکی صدر ڈونلڈ ٹرمپ شام سے امریکی افواج کی واپسی کے فیصلے پر نظر ثانی کریں، ایک طرف امریکا کہتا ہے کہ شام سے ایران کو نکال رہے ہیں جبکہ دوسری طرف خود اپنی افواج واپس بلا رہا ہے، امریکی افواج کے نکلتے ہی شام میں ایرانی فوجیں موجود ہوں گی۔

سعودی خفیہ ایجنسی کے سربراہ کا کہنا تھا کہ عرب ریاستوں بشار الااسد پر بھروسہ نہیں کرنا چاہیے کیوں بشار الااسد ایران سے دستبردار نہیں ہوگا۔

[bs-quote quote=”امریکی افواج کے انخلاء کے بعد شام میں ایک خلاء پیدا ہوگا جسے اگلے ہی روز ایرانی فورسز پورا کردیں گی” style=”style-8″ align=”left” author_name=”شہزادہ ترکی الفیصل” author_job=”سربراہ سعودی خفیہ ایجنسی” author_avatar=”https://arynewsudweb.wpengine.com/wp-content/uploads/2019/03/Tukey-Al-Faisal.jpg”][/bs-quote]

شہزادہ ترکی الفیصل کا کہنا تھا کہ شامی حکومت نے شامی شہریوں کے معیار زندگی کو بہتر بنانے کے بجائے انہیں ظلم و تشدد کا نشانہ بنایا اور ایران کی مدد سے انہیں دربدر کردیا۔

ان کا مزید کہنا تھا کہ ’عرب حکومتوں یہ سوچنا بھی نہیں چاہیے کہ روس شام پر ایران کی مداخلت کم کرنے کےلیے دباؤ ڈالے گا کیوں کہ گزشتہ تین برسوں میں شامل میں ایرانی مداخلت میں اضافہ ہی ہوا ہے۔

مزید پڑھیں: صدر ٹرمپ نے شام سے امریکی فوج واپس بلانے کا اعلان کردیا

یاد رہے کہ ڈونلڈ ٹرمپ نے 19 دسمبر کو اعلان کیا تھا کہ ہم نے داعش کو شکست دے دی، اور آئندہ 30 دنوں میں امریکی فورسز شام سے نکل جائیں گی۔

مزید پڑھیں : صدر ٹرمپ سے اختلافات، امریکی وزیر دفاع مستعفی ہوگئے

شام سے امریکی فوج کے انخلا سے متعلق ٹرمپ کے بیان پر امریکی وزیر دفاع جیمزمیٹس اور دولت اسلامیہ مخالف اتحاد کے خصوصی ایلچی بریٹ میکگرک نے ناراضگی کا اظہار کرتے ہوئے اپنے عہدے سے استعفیٰ دے دیا تھا۔

خیال رہے کہ داعش کے خلاف شام میں صدر باراک اوبامہ نے پہلی مرتبہ سنہ 2014 میں فضائی حملوں کا آغاز کیا تھا اور 2015 کے اواخر میں اپنے 50 فوجی بھیج کر باضابطہ شام کی خانہ جنگی میں حصّہ لیا تھا۔

مارچ 6, 2019
سو سالہ اماراتی شہری تعلیم مکمل کرنے اسکول پہنچ گیا

دبئی : سیکھنے کی کوئی عمر نہیں ہوتی ، مہد سے لحد تک علم حاصل کرو جیسے محاورے کو امارتی شہری نے 100 برس کی عمر میں تعلیم دوبارہ شروع کرکے درست ثابت کردیا ہے۔

اماراتی خبر رساں ادارے کا کہنا ہے کہ متحدہ عرب امارات کی ریاست دبئی کے رہائشی بزرگ شہری کا 100 سال سے زائد عمر میں تعلیم حاصل کرنے کے عمل نے ثابت کردیا کہ حصول تعلیم کی کوئی عمر نہیں ہوتی۔

مقامی خبر رساں ادارے کا کہنا تھا کہ 100 برس سے زائد عمر کے حامل بزرگ شہری کی ویڈیو اور تصاویر سوشل میڈیا پر شیئر ہوئی وہ دیکھتے ہی دیکھتے وائرل ہوگئی، جس میں دیکھا جاسکتا ہے کہ بزرگ شہری تدریسی کمرے میں دیگر طاب علموں کے ہمراہ نظم پڑھ رہے ہیں۔

اماراتی خبر رساں ادارے کا کہنا ہے کہ اماراتی حکومت کی جانب سے بزرگ شہریوں کو تعلیم کی سہولت دینا بہترین اقدام ہے کیوں کہ متحدہ عرب امارات میں نا خواندہ بزرگ شہریوں کی آبادی بہت زیادہ ہے۔

View this post on Instagram

تجاوز عمره 100 عام.. وعاد لمقاعد الدراسة ليكمل تعليمه . . هديّان.. مسن تجاوز عمره المائة عام يلتحق بمقاعد الدراسة في فصول محو الأمية لتعلم القراءة والكتابة، في منطقة حائل، حيث ضرب مثالاً في الإصرار على التعلم، فلم يمنعه التقدم الكبير في العمر أو وهن جسده من تحقيق حلمه | أخبار 24 #برق_الإمارات

A post shared by برق الإمارات (@uae_barq) on Jan 9, 2019 at 2:18am PST

عرب لیگ ایجوکیشنل، کلچرلر اور سائنٹیفک آرگنائزیشن (اے ایل ای سی ایس او) کی شماریات کے مطابق سنہ 2018 میں پوری دنیا بھر میں ناخواندگی کی شرح 13.6 فیصد تھی جس کےمقابلے میں عرب ممالک میں 15 سال اور اس سے زائد عمر کے ناخواندہ افراد کی شرح 21 فیصد تھی۔

مقامی خبر رساں ادارے کا کہنا ہے کہ کچھ عرب ممالک میں تعلیم کے لیے عائد شرائط کی وجہ سے ناخواندگی کی شرح میں مزید اضافہ ہوا ہے۔

مزید پڑھیں : اماراتی شہری نے 75 برس کی عمر میں ماسٹرز کی ڈگری حاصل کرلی

شماریات کے مطابق ناخواندہ عرب مردوں کی شرح 14.6 فیصد جبکہ ناخواندہ عرب خواتین کی شرح 25.9 فیصد ہے۔

اماراتی خبر رساں ادارے کا کہنا ہے کہ سنہ 2016 میں عرب دنیا 6 کروڑ 50 لاکھ ناخواندہ افراد کا گھر تھی، جس کی وجہ کم عمری میں شادی، اہل خانہ میں علیحدگی اور طلاق، خاندان کے مالی معاملات اور بے روزگاری تھی۔

جنوری 10, 2019
مرحوم پروفیسر کو ہتھکڑی : آئی جی جیل کی رپورٹ مکمل، سی سی ٹی وی فوٹیج آگئی

لاہور : پروفیسر جاوید اقبال مرحوم کو ہتھکڑی لگانے کے معاملے پر تحقیقاتی رپورٹ آئی جی جیل خانہ جات نے مکمل کرلی، ان کو جیل سے اسپتال منتقل کیے جانے کی سی سی ٹی وی فوٹیج بھی منظر عام پر آگئی۔

تفصیلات کے مطابق سرگودھا یونیورسٹی کے پروفیسر میاں جاوید اقبال کی ہلاکت اور ہتھکڑیاں لگانے کا معاملہ آئی جی جیل خانہ جات کی ہدایت پر ڈی آئی جی جیل نے تحقیقات مکمل کرلیں۔

آئی جی جیل خانہ جات رپورٹ وزیر اعلیٰ پنجاب کو ارسال کریں گے، اس حوالے سے انکوائری کمیٹی کی رپورٹ میں کہا گیا ہے کہ پروفیسر جاوید اقبال کو طبیعت ناساز ہونے پر پولیس کے حوالے کیا گیا تھا۔

ان کو بغیر ہتھکڑی پولیس کے حوالے کیا گیا تھا، بعد میں کانسٹیبل عمران اور خلیل نے پروفیسر جاوید کو ایمرجنسی وارڈ میں داخلے سے پہلے ہتھکڑی لگائی۔

پولیس کانسٹیبلز کا کہنا ہے کہ ایس او پی کے مطابق ہتھکڑی لگائی گئی تھی، احکامات دیئے گئے تھے کہ مجسٹریٹ کی اجازت کے بغیر ہتھکڑی نہ ہٹائی جائے۔

ریسکیو کے مطابق پروفیسر جاوید کو بغیر ہتھکڑی جیل سے اسپتال منتقل کیا گیا تھا، جیل حکام کا مؤقف ہے کہ پروفیسر جاوید کو ہتھکڑی لگانے کےالزامات بے بنیاد ہیں۔

دوسری جانب سرگودھا یونیورسٹی لاہور کیمپس کیس کے ملزم میاں جاوید کی جیل سے اسپتال منتقلی کی سی سی ٹی وی فوٹیج بھی منظر عام پر آگئی ہے۔

فوٹیج میں دیکھا جاسکتا ہے کہ جیل کے مرکزی دروازے سے ایمبولینس ایک داخل ہوئی، اس موقع پر ایک شخص میاں جاوید کی حرکت قلب بحال کرنے کی کوشش کررہا تھا جبکہ پروفیسر جاوید کو ایمبوبیگ سے مصنوعی سانس بھی دیا جارہا تھا۔

دسمبر 22, 2018
پی آئی اے اور نجی ایئرلائن کا حج آپریشن مکمل،68ہزار سے زائد حجاج کی واپسی

کراچی : پی آئی اے اور نجی ایئرلائن نے بعد از حج آپریشن مکمل کرلیا، دو سو اکتالیس حج پروازوں کے ذریعے اڑسٹھ ہزار سے زائد حجاج کرام کو وطن پہنچایا۔

تفصیلات کے مطابق قومی ایئر لائن پی آئی اے اور ایک نجی ایئر لائن نے حج کے بعد حجاج کرام کو وطن واپس لانے کا مرحلہ خیریت سے مکمل کرلیا، مجموعی طور پر68ہزار حاجیوں کی واپسی ہوئی۔

اس حوالے سے ذرائع کا کہنا ہے کہ پی آئی اے نے حج آپریشن کے دوران95فیصد پروازیں اپنے وقت مقررہ پر جدہ اور مدینہ سے روانہ ہوئی، پی آئی اے نے حج آپریشن کے دوران اضافی سامان کی مد میں خطیر رقم کا ریوینیو بھی حاصل کیا، جدہ اور مدینہ سے اضافی سامان کی مد میں چودہ لاکھ ریال ریوینیو حاصل کیا۔

مزید پڑھیں: پی آئی اے حج آپریشن، حجاج کرام کی وطن واپسی کا عمل27اگست سے شروع ہوا

پی آئی اے کے علاوہ نجی ایئرلائن نے بھی اپنا بعد از حج آپریشن مکمل کرلیا ہے، ترجمان نجی ایئرلائن کا کہنا ہے کہ ایئر بلو نے149پروازوں کے ذریعے28ہزار سے زائد حجاج کرام کو وطن پہنچایا، نجی ایئرلائن (شاہین ایئر) نے بھی چار ہزار آٹھ سو سے زائد حجاج کرام کو وطن واپس پہنچایا۔

ستمبر 25, 2018