ARYNews.tv | Urdu – Har Lamha Bakhabar

Tag: completes

  • پہلے نابینا شخص نے بحر الکاہل عبور کرکے ریکارڈ قائم کردیا

    پہلے نابینا شخص نے بحر الکاہل عبور کرکے ریکارڈ قائم کردیا

    ٹوکیو : جاپان سے تعلق رکھنے والے نابینا شخص نے بغیر قیام کیے 2 ماہ میں بحرالکاہل عبور کرکے عالمی ریکارڈ قائم کردیا، 52 سالہ میٹشرویو الوموٹو نے مجموعی طور پر 14 ہزار کلومیٹر کا سمندری سفر طے کیا۔

    غیر ملکی خبر رساں ادارے کی رپورٹ کے مطابق جاپانی باشندے نے امریکا کی ریاست کیلیفورنیا سے 24 فروری کو اپنی 40 فٹ لمبی کشتی پر سمندری سفر کا آغاز جس کو مکمل کرنے کے لیے انہیں دو مہینے کا عرصہ لگا۔

    غیر ملکی خبر رساں ادارے کا کہنا تھا کہ اس حوالے سے بتایا گیا کہ سمندری راستوں کی رہنمائی کے لیے ان کے ہمراہ امریکی جہاز ران (سمندری راستوں کی آگاہی رکھنے والا) ڈاگ اسمیتھ تھے۔

    واضح رہے کہ میٹشر ویو الوموٹ نے آخری مرتبہ 2013 میں بحرالکاہل عبور کرنے کی کوشش کی تھی تاہم ان کی کشتی وہیل سے ٹکرانے کے بعد تباہ ہوگئی تھی، تاہم جاپانی ملٹری نے ریسکیو کرکے انہیں بیس پر پہنچایا تھا۔

    بحرالکاہل عبور کرنے کے بعد جاپان کی کیڈو نیوز کو انٹرویو دیتے ہوئے انہوں نے کہا کہ دوسری کوشش میں سمندری سفر مکمل کرنا ’خواب کو حقیقت‘ مل جانے کے مترادف ہے۔

    انہوں نے کہا کہ میں پوری دنیا میں سب سے خوش نصیب شخص ہوں، دوسری جانب جاپان کی بلائنڈ سیلنگ ایسوسی ایشن نے دعویٰ کیا کہ وہ پہلے نابینا شخص ہیں جنہوں نے بغیر رکے بحرالکاہل عبور کیا۔

    خیال رہے کہ میٹشرویو الوموٹو 16 برس کی عمر میں بنیائی سے محروم ہو گئے تھے، اس حوالے سے بتایا گیا کہ میٹشرویو الوموٹو نے کشی رانی کے تمام مراحل اکیلے طے کیے تاہم اس دوران ڈاگ اسمیتھ نے صرف ہوا کی سمت اور خطرات سے زبانی آگاہ کیا۔

  • شام کو ایس 300 میزائل سسٹم کی فراہمی مکمل، روسی وزیر دفاع کی تصدیق

    شام کو ایس 300 میزائل سسٹم کی فراہمی مکمل، روسی وزیر دفاع کی تصدیق

    دمشق : روس نے اپنے حلیف شام کو ایس 300 نامی دفاعی میزائل سسٹم کی فراہمی مکمل کردی ہے، جس کے بعد شام کا فضائی دفاعی نظام مزید مستحکم ہوجائے گا۔

    تفصیلات کے مطابق روس صدر پیوٹن کی جانب سے اپنے حلیف خانہ جنگی کا شکار ملک شام کو جدید دفاعی نظام سے لیس ایس 300 میزائل سسٹم فراہمی مکمل ہوگئی ہے، جس کی تصدیق روسی وزیر دفاع بھی کرچکے ہیں۔

    غیر ملکی خبر رساں ادارے کا کہنا تھا کہ زمین سے فضا میں اپنے ہدف کو بخوبی نشانہ بنانے والا ایس 300 میزائل سسٹم کی بیٹریاں شورش زدہ ملک شام کو پہنچا دی گئی ہیں۔

    روسی وزیر دفاع سرگئی شویگو نے کہا ہے کہ گذشتہ شب دفاعی میزائل سسٹم کی فراہمی مکمل کردی گئی تھی،جس کے بعد شام کا فضائی دفاعی نظام پہلے سے زیادہ مستحکم اور طاقتور ہوجائے گا۔

    غیر ملکی خبر رساں ادارے کا کہنا تھا کہ امریکا، اسرائیل سمیت عرب ریاستیں شام کو ایس 300 جیسا حساس میزائل سسٹم دینے کی شدید مخالف تھیں لیکن روس نے کئی ممالک کی مخالفت کے باوجود شام کو دفاعی نظام فراہم کیا ہے۔

    برطانوی میڈیا کا کہنا ہے کہ روس کی جانب سے جدید دفاعی میزائل سسٹم ایسے وقت میں فراہم کرنے کا اعلان کیا گیا تھا شام میں روس کے فوجی طیارے کو گذشتہ ماہ فضا میں تباہ کیا تھا۔

    خیال رہے کہ روسی حکام کی جانب سے فوجی طیارے کو فضا میں نشانہ بنانے کا الزام صیہونی ریاست اسرائیل پر عائد کیا گیا تھا۔

    یاد رہے کہ ماہ ستمبر کے وسط میں شام میں روسی جنگی طیارے کو فضا میں تباہ کیا گیا تھا جس کا الزام روسی حکام نے اسرائیل پر عائد کیا تھا، تاہم اسرائیل نے روس کے عائد کردہ الزامات کی تردید کی تھی۔

    غیر ملکی خبر رساں ادارے کے مطابق روسی حکام نے شامی فوج کو جدید ترین فضائی دفاعی نظام ایس 300 سے دو ہفتے میں لیس کرنے کا اعلان کیا تھا۔

  • دنیا بھر میں مفت انٹرنیٹ کا مشن، فیس بک کا وائی فائی ڈرون کا دوسرا تجربہ کامیاب

    دنیا بھر میں مفت انٹرنیٹ کا مشن، فیس بک کا وائی فائی ڈرون کا دوسرا تجربہ کامیاب

    فرانسسکو: دنیا کے کونے کونے میں مفت انٹرنیٹ پہنچانے کے مشن کے تحت فیس بک کے وائی فائی ڈرون کا دوسرا تجربہ کامیاب رہا۔

    شمسی توانائی سے چلنے والے فیس بک ڈرون ایریزونا میں کامیابی سے لینڈ کرگیا، ڈررون کی مدد سے دنیا کے ایسے دور دراز علاقوں میں وائی فائی کے مدد سے مفت انٹرنیٹ سروس فراہم کی جائے گی، جہاں موجودہ دور میں بھی میں انٹرنیٹ تک رسائی نہیں۔

    آزمائشی پرواز کے دوران انٹرنیٹ ڈرون ایک گھنٹے سے زائد وقت کیلئے فضا میں رہا اور اس نے تین ہزار فٹ کی بلندی پر پرواز کی جبکہ اس کے جدید ترین سینسرز اور دیگر آلات کی جانچ بھی کی گئی۔

    فیس بُک کے بانی مارک زکربرگ کا اس منصوبے کے حوالے سے کہنا تھا کہ یہ ایک طویل المیعاد منصوبہ ہیں اور جب یہ منصوبہ مکمل ہوجائے گا تو شمسی توانائی کے ذریعے اڑنے والے طیاروں کا ایک فلیٹ ہوگا، جس کے زریعے دنیا بھر کے چار ارب سے زائد لوگوں کو مفت انٹرنیٹ تک رسائی حاصل ہوجائے گی۔

    اس سے قبل یہ ڈرون آزمائشی پرواز کے دوران میں گر کر تباہ ہوگیا تھا۔

    خیال رہے کہ فیس بک کے بانی مارک زکربرگ نے اعلان کیا تھا کہ فیس بک پوری دنیا میں انٹرنیٹ کی مفت سہولت مہیا کرے گا

    واضح رہے یہ ڈرون نوے دن تک فضأ میں رہنے اور دس جی بی کی رفتار سے انٹرنیٹ کی سروس فراہم کر سکے گا، اس ڈرون کے پر بوئنگ سیون تھری سیون جیسے ہیں اور یہ نوے ہزار فٹ کی بلندی پر پرواز کر سکتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔