ARYNews.tv | Urdu – Har Lamha Bakhabar

Tag: condolences

  • پاکستانی کرکٹرز کا راشد خان کے بھائی کے انتقال پر اظہار تعزیت

    پاکستانی کرکٹرز کا راشد خان کے بھائی کے انتقال پر اظہار تعزیت

    (30 اگست 2025): لاہور(30 اگست 2025): پاکستان کرکٹ ٹیم کے کھلاڑیوں نے افغانستان کے کپتان راشد خان سے ان کے بھائی کے انتقال پر ملاقات کر کے اظہارِ تعزیت کی ہے۔

    پاکستان کرکٹ بورڈ(پی سی بی) کی جانب سے ایک ویڈیو شیئر کی ہے جس میں پاکستانی کھلاڑیوں کو راشد خان سے ملتے ہوئے اور تعزیت کرتے ہوئے دیکھا جاسکتا ہے۔

    پی سی بی نے بتایا کہ ٹیم کے کھلاڑیوں اور مینجمنٹ نے راشد خان سے دلی ہمدردی کا اظہار کیا اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے۔

    اس موقع پر پاکستانی کھلاڑیوں سے راشد خان نے پاکستانی ٹیم کے جذبہ ہمدردی کا شکریہ ادا کیا، افغان آل راؤنڈر راشد خان کے بڑے بھائی حاجی عبدالحلیم شنواری چند روز قبل انتقال کر گئے تھے۔

    واضح رہے کہ تین ملکی سیریز کا پہلا میچ پاکستان نے افغانستان کے خلاف 39 رنز سے اپنے نام کیا اور اب سیریز کا اگلا میچ آج پاکستان اور متحدہ عرب امارات (یو اے ای) کے درمیان کھیلا جائے گا جو پاکستانی وقت کے مطابق رات 8 بجے شروع ہوگا۔

  • ماں کو کھونے سے بڑا کوئی نقصان نہیں: وزیر اعظم کا بھارتی ہم منصب سے اظہار افسوس

    اسلام آباد: وزیر اعظم شہباز شریف نے بھارتی ہم منصب نریندر مودی کی والدہ کے انتقال پر اظہار افسوس کرتے ہوئے کہا کہ ماں کو کھونے سے بڑا کوئی نقصان نہیں۔

    تفصیلات کے مطابق وزیر اعظم شہباز شریف نے بھارتی ہم منصب نریندر مودی کی والدہ کے انتقال پر اظہار افسوس کیا۔

    سماجی رابطے کی ویب سائٹ ٹویٹر پر ٹویٹ کرتے ہوئے شہباز شریف نے کہا کہ ماں کو کھونے سے بڑا کوئی نقصان نہیں ہے۔

    انہوں نے نریندر مودی سے اظہار تعزیت بھی کیا۔

    خیال رہے کہ نریندر مودی کی والدہ ہیرا بین مودی آج صبح 99 سال کی عمر میں چل بسیں۔

  • ڈاکٹرعبدالقدیر تاریخ کا روشن باب ہیں، فضل الرحمان کی مرحوم کے اہلخانہ سے ملاقات

    ڈاکٹرعبدالقدیر تاریخ کا روشن باب ہیں، فضل الرحمان کی مرحوم کے اہلخانہ سے ملاقات

    اسلام آباد : جمیعت علمائے اسلام کے سربراہ مولانا فضل الرحمان نے کہا ہے کہ ایٹمی سائنسدان ڈاکٹرعبدالقدیر خان مرحوم یقیناً ملکی تاریخ کا بڑا روشن باب ہیں۔

    یہ بات انہوں نے اسلام آباد میں مرحوم ڈاکٹرعبدالقدیر خان کی رہائش گاہ آمد کے موقع پر ان کے اہل خانہ سے اظہار تعزیت کرتے ہوئے کہی ۔

    اس موقع پر مولانا فضل الرحمان نے مرحوم ڈاکٹر عبدالقدیر خان کے لئے دعائے مغفرت وفاتحہ خوانی بھی کی، ان کا کہنا تھا کہ ڈاکٹرصاحب نے پاکستان اور قوم کو بہت کچھ دیا۔

    انہوں نے کہا کہ اس دور میں بہت سے لوگ دنیا میں اپنا نصب العین اور مشن لے کر آتے ہیں، ڈاکٹر صاحب ان خوش قسمت لوگوں میں سے ہیں جو اپنا مشن پورا کرکے اس دنیا سے رخصت ہوئے۔

    میڈیا سے گفتگو کرتے ہوئے مولانا فضل الرحمان نے کہا کہ پاک فوج ہمارے ملک کا منظم ادارہ ہے، جبکہ ملک کے موجودہ حکمران پاکستان کو ڈبونے کے لئے آئے ہیں۔

    جے یو آئی کے سربراہ کا کہنا تھا کہ وطن عزیز پر مسلط لوگوں سے قوم کو آزاد کرانا چاہیے، ہم سمجھتے ہیں کہ سب چیزیں مشاورت سے چلتی ہیں، اللہ کرے تمام معاملات خوش اسلوبی سے طے ہوں۔

  • دلیپ کمار کا شوکت خانم اسپتال کی فنڈ نگ کیلئے وقت دینا نہیں بھول سکتا، وزیراعظم

    دلیپ کمار کا شوکت خانم اسپتال کی فنڈ نگ کیلئے وقت دینا نہیں بھول سکتا، وزیراعظم

    اسلام آباد : وزیراعظم عمران خان نے لیجنڈ اداکار دلیپ کمار کے انتقال پر اظہار افسوس کرتے ہوئے کہا ہے کہ دلیپ کمارکا شوکت خانم اسپتال کی فنڈ نگ کیلئے وقت دینا نہیں بھول سکتا۔

    سماجی رابطے کی ویب سائٹ ٹوئٹر پر اپنے ایک پیغام میں وزیراعظم کا کہنا ہے کہ دلیپ کمار کی شوکت خانم اسپتال کی فنڈ نگ کی تقریب میں شرکت سے ابتدائی طور پر فنڈ کا 10 فیصد حصہ جمع کیا گیا تھا۔

    انہوں نے کہا کہ پاکستان اور لندن میں دلیپ کمار نے امداد میں جمع کرنے میں ہماری بہت مدد کی میری نسل کے لیے دلیپ کمار سب سے بڑے اور ورسٹائل اداکار تھے۔

    واضح رہے کہ اداکار دلیپ کمار نے ایک موقع پر وزیراعظم عمران خان کے کرکٹ کیرئیر اور خیراتی کاموں کا ذکر کرتے ہوئے مزید کامیابیوں کی دعا کی تھی۔

    گفتگو کے دوران دلیپ کمار کا کہنا تھا کہ آپ سب پاکستان کے رہنے والے اور عمران کے عزیز و اقارب عظیم ہیں کہ ان کے اندر اس قدر شجاعت والا، ہمت والا ایک شخص ہے جو بولنگ اور بیٹنگ کرتے کرتے اپنے آپ کو کہاں سے کہاں لے آیا ہے۔انہوں نے عمران خان کے لیے دعا کرتے ہوئے کہا تھا کہ اللہ تعالیٰ کا کرم آپ کے شامل حال ہو۔

    پی ٹی آئی کے سینیٹر فیصل جاوید نے بالی ووڈ اداکار دلیپ کمار کی وزیراعظم عمران خان کے ہمراہ مختلف مواقعوں کی یادگار تصاویر جاری کی ہیں۔

    واضح رہے کہ  بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے ہیں وہ گزشتہ کئی برسوں سے بیمار تھے جس کی وجہ سے اُنہیں اکثر معائنے کے لیے اسپتال منتقل کیا جاتا تھا۔

  • امریکی سفارتخانے کا حسینہ معین اور کنول نصیر کے انتقال پراظہارِ افسوس

    امریکی سفارتخانے کا حسینہ معین اور کنول نصیر کے انتقال پراظہارِ افسوس

    اسلام آباد: امریکی سفارتخانے نے حسینہ معین اور کنول نصیر کے انتقال پرافسوس کا اظہار کرتے ہوئے کہا حسینہ معین بہترین ڈارمہ نگار اور کنول نصیر پہلی پریزینٹر تھیں۔

    تفصیلات کے مطابق امریکی سفارتخانے کی جانب سے سماجی رابطے کی ویب سائٹ ٹوئٹر پر حسینہ معین اور کنول نصیر کے انتقال پرافسوس کا اظہار کرتے ہوئے لواحقین سےاظہار تعزیت کیا۔

    امریکی سفارتخانے کا کہنا تھا کہ ہم نے پاکستانی ٹی وی انڈسٹری کی دو ناقابل یقین خواتین حسینہ معین اور کنول نصیر کو کھودیا ہے، حسینہ معین بہترین ڈارمہ نگار تھیں ، جو اپنے ڈراموں میں خواتین کے کرداروں کو بااختیار بنانے کے لئے مشہور تھیں جبکہ کنول نصیر پاکستان کی پہلی پریزینٹرتھیں۔

    خیال رہے آج پاکستان کی معروف ڈرامہ نگار و مصنفہ حسینہ معین 79 برس کی عمر میں حرکت قلب بند ہونے پر انتقال کرگئیں ۔

    حسینہ معین نے پاکستانی ڈرامہ انڈسٹری کو بہترین اور مشہور ڈراموں سے نوازا، ان کے مشہور ڈراموں میں ان کہی، تنہایاں، دھوپ کنارے، آنسو،آئینہ اور بندش جیسے کئی یادگار ڈرامے شامل ہیں۔

    گذشتہ روز پاکستان ٹیلی ویژن کی پہلی خاتون اناؤنسر کنول نصیرانتقال کرگئیں تھیں ، چند روز قبل انہیں دل کے دورے کے باعث اسلام آباد کے نجی اسپتال میں داخل کیا گیا تھا، جہاں وہ آئی سی یو میں زیرعلاج تھیں۔

    کنول نصیر پانچ دہائیوں سے زائد عرصہ تک پی ٹی وی اورریڈیو پاکستان کے ساتھ وابستہ رہیں۔

  • ترکی میں زلزلہ: صدر مملکت کا جانی و مالی نقصان پر اظہار افسوس

    ترکی میں زلزلہ: صدر مملکت کا جانی و مالی نقصان پر اظہار افسوس

    اسلام آباد: صدر مملکت ڈاکٹر عارف علوی نے ترکی میں زلزلے سے جانی و مالی نقصان پر افسوس کا اظہار کرتے ہوئے متاثرہ خاندانوں سے تعزیت کا اظہار کیا۔

    تفصیلات کے مطابق صدر مملکت ڈاکٹر عارف علوی نے سماجی رابطے کی ویب سائٹ ٹویٹر پر ٹویٹ کرتے ہوئے ترکی میں زلزلے سے جانی و مالی نقصان پر افسوس کا اظہار کیا۔

    اپنے ٹویٹ میں صدر مملکت کا کہنا تھا کہ ازمیر میں زلزلے کی خبر سن کر نہایت افسوس ہوا، برادر طیب اردگان متاثرہ افراد کے اہلخانہ کو پاکستان کا اظہار تعزیت پہنچائیں۔

    انہوں نے متاثرہ افراد سے افسوس کا اظہار کرتے ہوئے کہا کہ زلزلے میں زخمیوں کی جلد صحت یابی کے لیے دعاگو ہیں۔

    خیال رہے کہ گزشتہ روز ترکی کے مختلف شہروں میں 6.6 شدت کا زلزلہ آیا، ترک میڈیا کے مطابق زلزلہ ترکی کے مغربی صوبے ازمیر کے ساحل سے 17 کلو میٹر دور آیا جس نے یونان کے جزیرے سیموس کو بھی متاثر کیا۔

    زلزلے کے بعد ازمیر اور سیموس میں چھوٹے درجے کا سونامی بھی آیا، زلزلے سے ازمیر میں متعدد عمارتیں منہدم ہوچکی ہیں، شہر میں بڑے پیمانے پر امدادی کارروائیاں جاری ہیں۔

    وزیر خارجہ شاہ محمود قریشی نے زلزلہ زدگان کی بحالی کے لیے ترکی میں ٹیمیں اور فیلڈ اسپتال بھجوانے کی پیشکش کی جس پر ترک وزیر خارجہ نے شکریہ ادا کرتے ہوئے کہا کہ سر دست ہمیں کسی مالی معاونت کی ضرورت نہیں۔

    ترک وزیر خارجہ کا کہنا تھا کہ ضرورت محسوس ہوئی تو پاکستان کی پیشکش کو سب سے پہلے قبول کریں گے۔

  • وزیر اعظم عمران خان کا کرکٹرآصف علی سے بیٹی کی موت پراظہارافسوس

    وزیر اعظم عمران خان کا کرکٹرآصف علی سے بیٹی کی موت پراظہارافسوس

    اسلام آباد : وزیر اعظم عمران خان نے قومی کرکٹرآصف علی سے بیٹی کی موت پر اظہار تعزیت کیا اور کہا کہ اللہ آصف علی اورفیملی کومشکل کی گھڑی میں صبر اور ہمت دے۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹوئٹر پر قومی کرکٹرآصف علی سے بیٹی کی موت پرتعزیت کا اظہار کرتے ہوئے کہا اللہ آصف علی اورفیملی کومشکل کی گھڑی میں صبر اور ہمت دے

    یاد رہے قومی کرکٹر آصف علی کی بیٹی امریکا میں انتقال کرگئیں تھیں، ننھی فاطمہ امریکا میں زیر علاج تھی، آصف علی اپنی بیٹی سے دور انگلینڈ میں تھے، جہاں انہیں بچی کےانتقال کی خبرملی۔

    مزید پڑھیں : قومی کرکٹرآصف علی کی کمسن بیٹی انتقال کرگئی

    آصف علی انگلینڈ سے امریکہ گئے اورمیت کے ہمراہ کل پاکستان پہنچیں گے۔

    نور فاطمہ کے انتقال پر وزیرخارجہ شاہ محمود قریشی اور اے آر وائی ڈیجیٹل نیٹ ورک کے صدر اور سی ای اوسلمان اقبال نے افسوس کا اظہار کیا اور کہا میری تمام تر ہمدردیاں آصف علی اور ان کے اہلخانہ کے ساتھ ہیں۔

    قومی کرکٹ ٹیم کےکھلاڑیوں نے بھی آصف علی سے دکھ کی اس گھڑی میں اظہار یکجہتی کیا۔

  • وزیراعظم اورصدر سمیت سیاسی رہنماؤں کا ائیرچیف مارشل اصغرخان کےانتقال پر اظہارتعزیت

    وزیراعظم اورصدر سمیت سیاسی رہنماؤں کا ائیرچیف مارشل اصغرخان کےانتقال پر اظہارتعزیت

    اسلام آباد : صدرممنون حسین اور وزیراعظم نے ائیرچیف مارشل اصغرخان کے انتقال پر اظہار تعزیت کرتے ہوئے کہا کہ قومی دفاع اورفضائیہ کیلئےاصغرخان کی خدمات کویاد رکھا جائیگا۔

    تفصیلات کے مطابق صدرممنون حسین سمیت سیاسی رہنماؤں وزیراعلیٰ پنجاب شہباز شریف، طاہرالقادری نے ائیرچیف مارشل اصغرخان کے انتقال پر تعزیت کا اظہار کیا۔

    صدرممنون حسین نے ائیرچیف مارشل اصغرخان کے انتقال پر اظہار تعزیت کرتے ہوئے کہا اصغرخان ایمانداراور بہادر شخصیت تھے، قومی دفاع اورفضائیہ کیلئےاصغرخان کی خدمات کو یاد رکھا جائیگا۔

    صدرممنون حسین نے اصغرخان کے درجات کی بلندی کے لئے دعا بھی کی۔

    وزیراعظم شاہد خاقان عباسی نے اصغرخان کے انتقال پر اظہارافسوس کرتے ہوئے اصغرخان کو فضائیہ کے لئے خدمات کو خراج عقیدت پیش کیا۔

    وزیراعلیٰ پنجاب شہباز شریف نے ایئرمارشل (ر) اصغر خان کے انتقال پر اظہارافسوس کرتے ہوئے کہا کہ اصغر خان کی پاک فضائیہ کے لئے خدمات ناقابل فراموش ہیں، اصغر خان محب وطن اور سچے پاکستانی تھے۔

    گورنرپنجاب رفیق رجوانہ نے بھی ائیرمارشل(ر)اصغرخان کی وفات پر افسوس کا اظہار کرتے ہوئے مرحوم کےدرجات کی بلندی اورلواحقین کیلئے صبرجمیل کی دعا کی اور کہا کہ اصغر خان فرض شناس آفیسراورمحب وطن سیاستدان تھے، اصغرخان کی خدمات مدتوں یاد رکھی جائیں گی۔

    پاکستان عوامی تحریک کے سربراہ طاہرالقادری نے ایئرمارشل(ر)اصغرخان کے انتقال پر اظہار افسوس کرتے ہوئے کہا کہ اصغر خان محب وطن پاکستانی،ایک سیاسی عہدکی تاریخ تھے۔

    پاک سرزمین پارٹی کے سربراہ مصطفی کمال نے ایئرمارشل (ر) اصغر خان کے انتقال پر افسوس کا اظہار کرتے ہوئے کہا کہ  اصغر خان کی ملک کےلیے خدمات ہمیشہ یاد رکھی جائیں گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔