Tag: conference

پاکستان تحریک انصاف کے رہنما شہباز گل نے کہا ہے کہ سعودی عرب نے کلاشنکوف کا تحفہ دیا تھا جو توشہ خانہ میں پڑی ہے،مجھے شک ہے کہ وہ کلاشنکوف یہ لوگ غائب نہ کردیں۔

پی ٹی آئی رہنما شہباز گل نے پریس کانفرنس کرتے ہوئے کہا کہ اسکیننگ کے بعد انہیں عمران خان کیخلاف کچھ نہیں ملا، انہیں ایسا کچھ نہیں ملا کہ عمران خان کا کوئی رشتےدارحکومت میں ہو یا عمران خان کے توسط سے لگا ہوں، ان کو ایسا کچھ بھی نہیں ملا کہ عمران خان کےاکاؤنٹ سےاربوں نکلےہوں۔

شہباز گل نے کہا کہ توشہ خانہ سوائے شوشہ خانہ کے کچھ نہیں ہے، عمران خان کوملنے والے 1 تحائف کا قانون کے مطابق ریوائس کرایا، توشہ خانہ میں تحائف لےجانے کیلئے ادائیگی 15سے بڑھاکر 50 فیصد کی گئی، عمران خان نے50فیصد کےحساب سےایک ایک پیسہ جمع کرایا، آزادانہ کمیٹی نےان تحائف کی ویلیوایشن کی، عمران خان نے بینک کے ذریعے پیسے جمع کرائے اور تمام تحائف کو ڈکلیئرڈ کرایا۔

انہوں نے مزید کہا کہ عمران خان کو ملائیشیا سے تحفے میں گاڑی ملی تھی، لیکن وہ گاڑی نہیں لی کیونکہ قانون میں اجازت نہیں جبکہ آصف زرداری اور نوازشریف تو گاڑیاں بھی لے گئے تھے، یہ دونوں 10 فیصد پیسے جمع کروا کر گاڑیاں لیکر گئے تھے صرف یہی نہیں بلکہ یہ زلزلہ زدگان کا ہار تک چوری کرکے لے گئے تھے جس کو بعد میں نکلوایا گیا۔

شہباز گل کا کہنا تھا کہ ایک محترمہ پنجاب میں ہیلی کاپٹر کے جھولے لیا کرتی تھیں، آج کل وہ وزیراعظم آفس میں گھوم رہی ہیں، سناہےاس محترمہ نےایک دفتر کا دروازہ پاؤں کی ٹھوکر سے کھولا ہے، کابینہ ڈیژن نے ان سے کہا کہ پی ٹی آئی کا ہر چیز ریکارڈ ہے، باجی کو کیبنٹ ڈویژن نے کہا کہ جھوٹ مت پھیلائیں سبکی ہوگی لیکن محترمہ نے کہا آپ لسٹ تو دیں تمام چیزیں ہمارے کھاتے میں ڈالنی ہیں۔

پی ٹی آئی رہنما نے مزید کہا کہ مجھےشک ہےکہ یہ لوگ اب وہاں سے کچھ چوری نہ کرلیں، سعودی عرب نے کلاشنکوف کا تحفہ دیا تھا 32606کلاشنکوف کا نمبر ہےج وریکارڈ کے مطابق توشہ خانہ میں ہے، مجھے شک ہے کہ وہ کلاشنکوف یہ لوگ غائب نہ کردیں۔

پی ٹی آئی رہنما نے کہا کہ ماضی میں نوازشریف قوم کے پیسے پر ذاتی دورے کرتے تھے، زرداری نے دبئی کےذاتی 51 دورے کیےتھے، کیا عمران خان نے ایک بھی ذاتی دورہ کیا؟ کیا عمران خان نے کوئی پلاٹ بنایا یا خریدا؟ نہیں کیونکہ عمران خان کو قوم اور قوم کے پیسوں کی فکر تھی، اگرعمران خان نہ ہوتا توہم نےبھی باز نہیں آنا تھا لیکن عمران خان کے ڈنڈے کا سب کو ڈر تھا، آپ جوچاہےالزام لگالیں قوم کوپتہ ہے کہ عمران خان وفادار لیڈر ہے، وہ ایک بلا سائن کردے تو اس سے زیادہ مہنگا بک جاتا ہے۔

انہوں نے کہا کہ سب کے سامنے ہے کہ امپورٹڈ حکومت کو لایا گیا ہے اور اس امپورٹڈ حکومت کے وزیراعظم ہاؤس میں آج شام کوٹ لکھپت جیل کے تمام لوگوں کا افطار ہے، جو انہیں اندر چھپا کر موبائل فراہم کرتے تھے وہ بھی افطاریاں کرینگے، پوری جیل کوآج عوام کے پیسوں پرافطاری کرائی جارہی ہے، یہ آپ کےباپ کا پیسہ نہیں عمران خان نے تنکا تنکا کرکے جوڑا تھا۔