لاہور : بقر عید قریب ہے مگر کانگو وائرس کے خوف سے خریدار پریشان ہیں، لاہور میں بارہ سالہ لائبہ ہلاک ہوگئی ،ڈاکٹروں کو کانگو وائرس کا شبہ ہے، تصدیق کے لئے خون کے نمونے حاصل کر لیے گئے ہیں۔
ملک بھر میں مویشی منڈیاں سج گئیں ہیں، خریداراور بیوپار دونوں ہی خوفزدہ ہیں، لاہور کے میو اسپتال میں بارہ سالہ لائبہ کی جان چلی گئی، ڈاکٹروں کو کانگو وائرس کا شبہ ہے ۔
اسپتال ذرائع کے مطابق لائبہ نارنگ منڈی کی رہائشی تھی، نمونے تصدیق کے لئے نیشنل انسٹی ٹیوٹ آف ہیلتھ بھیج دیے گئے ہیں اور رپورٹ کا انتظار ہے۔
دوسرے شہروں سے آنے والے جانوروں کے بیوپاریوں کا بھی کانگو وائرس سے متاثر ہونے کا خطرہ ہے۔
رواں سال کانگو وائرس سے سب سے زیادہ متاثرہ کوئٹہ سمیت بلوچستان بھر میں وائرس کے ڈسے نو افراد جان کی بازی ہار چکے ہیں، کانگو وائرس سے بچاؤ کی ویکسین موجود نہیں۔
ہاد رہے کہ حال ہی میں جاں بحق ہونے والوں میں دو کا تعلق بہاولپور سے، دو کا افغانستان اور ایک کا کراچی سے ہے، کراچی کی انتظامیہ نے شہر کی سب سے بڑی مویشی منڈی کو کانگو وائرس فری قرار دیا ہے۔
