Tag: congrates to judicial commision formation

اسلام آباد: اپوزیشن لیڈر خورشید شاہ نے جوڈیشل کمیشن کے قیام پر وزیرِاعظم کو مبارکباد کا خط لکھ دیا۔

قومی اسمبلی میں اپوزیشن لیڈر سید خورشید نے عام انتخابات میں مبینہ دھاندلی کی تحقیقات کیلئے جوڈیشل کمیشن کے قیام کو خوش آئند قرار دیتے ہوئے وزیرِاعظم کو اس اقدام پر مبارکباد دی ہے۔

انہوں نے وزیرِاعظم نواز شریف کے نام ایک خط میں لکھا ہے، جس میں کہا گیا ہے کہ پیپلزپارٹی محاز آرائی کے خلاف ہے اور مفاہمت کی پالیسی پریقین رکھتی ہے، غیر جمہوری رویے ملک کے مفاد میں نہیں ہوسکتے۔

خورشیدشاہ نے کہا یہ بات افسوسناک ہے کہ جب سےدھرنا شروع ہوا انتخابی اصلاحات کے عمل پر حکومت کی توجہ کم ہوگئی ہے، یہ وقت کی اہم ضرورت ہے۔

اپوزیشن لیڈر نے زور دیا کہ اس مقصد کیلئے پارلیمانی کمیٹی جلد تشکیل دی جائے تاکہ اسکی سفارشات کی روشنی میں قانون سازی ہوسکے۔

انہوں نے انتخابی اصلاحات پر کل جماعتی کانفرنس بلانے کی بھی تجویز دی ہے خورشید شاہ نے کہا کہ ہمیں قومی معاملات پر ملک کر آگے بڑھنے کی ضرورت ہے ۔