لاہور : قومی کرکٹ ٹیم کے سابق کپتان شاہد خان آفریدی نے تاریخی کامیابی پر عمران خان کو مبارکباد دیتے ہوئے کہا کہ 22سال کی جدوجہد بالآخر رنگ لے آئی۔
تفصیلات کے مطابق قومی کرکٹ ٹیم کے سابق کپتان شاہد آفریدی نے سماجی رابطے کی ویب سائٹ ٹوئٹر پر تاریخی کامیابی پر عمران خان اور پی ٹی آئی کو مبارکباد دیتے ہوئے کہا کہ 22سال کی جدوجہد بالآخر رنگ لے آئی۔
شاہد آفریدی کا کہنا تھا کہ عمران خان سے عوام کوبہت توقعات ہیں،توقع ہے کہ عمران خان فرنٹ سے لیڈ کریں گے، تمام مخالف پارٹیوں اور میڈیا سے درخواست کرتا ہوں کہ نتائج تسلیم کریں اور پاکستان کی تعمیر نو میں مدد کریں۔
Congrat PTI and @ImranKhanPTI on a truly historic victory! The 22 yr old struggle has finally paid off & deservedly. Pakistanis have a lot of expectations from u I really hope u lead from the front! I request all opposing parties& media to accept the result and help rebuild 🇵🇰
— Shahid Afridi (@SAfridiOfficial) July 26, 2018
مزید پڑھیں : الیکشن 2018: تحریک انصاف وفاق اور کے پی میں حکومت بنانے کی
پوزیشن میں
واضح رہے کہ انتخابات 2018 کے غیر سرکاری اور غیر حتمی نتائج کا سلسلہ جاری ہے، جس میں تحریک انصاف کو واضح برتری حاصل ہیں اور عمران خان وزیراعظم بننےکی پوزیشن میں ہیں۔
قومی اسمبلی میں تحریک انصاف 115 نشستوں کے ساتھ سرفہرست ہیں جبکہ مسلم لیگ ن نے 64 اور پیپلزپارٹی نے 38 نشستیں حاصل کیں۔
