ARYNews.tv | Urdu – Har Lamha Bakhabar

Tag: congratulates

  • وزیر اعظم کی کرس ہپکنز کو نیوزی لینڈ کا وزیر اعظم بننے پر مبارکباد

    اسلام آباد: وزیر اعظم شہباز شریف نے نیوزی لینڈ کے نو منتخب وزیر اعظم کرس ہپکنز کو وزارت عظمیٰ کا عہدہ سنبھالنے کی مبارک باد دی ہے۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ کرس ہپکنز کو نیوزی لینڈ کا وزیر اعظم بننے پر مبارک ہو۔

    وزیر اعظم کا کہنا تھا کہ ان کے لیے نیک تمناؤں کا اظہار کرتا ہوں، دونوں دوست ممالک میں تعلقات مضبوط اور وسیع کرنے کے لیے ساتھ کام کرنے کا منتظر ہوں۔

    خیال رہے کہ نیوز لینڈ کی وزیر اعظم جیسنڈا آرڈرن کے وزارت عظمیٰ کے عہدے سے مستعفی ہوجانے کے بعد کرس ہپکنز کو نیا وزیر اعظم نامزد کیا گیا تھا۔

    کرس ہپکنز نے آج وزارت عظمیٰ کے عہدے کا حلف اٹھا لیا ہے۔

  • سعودی سفیر کی شہباز شریف کو مبارکباد

    سعودی سفیر کی شہباز شریف کو مبارکباد

    سعودی سفیر نواف بن سید المالکی نے وزیراعظم شہباز شریف سے ملاقات کی اور انہیں وزارت عظمیٰ کا منصب سنبھالنے پر مبارکباد پیش کی۔

    اے آر وائی نیوز کے مطابق سعودی سفیر نواف بن سید المالکی نے وزیراعظم شہباز شریف سے ملاقات کی اور انہیں وزارت عظمیٰ کا منصب سنبھالنے پر مبارکباد پیش کی۔

    ملاقات کے دوران دونوں ملکوں میں دوستانہ تعلقات کو مزید مستحکم کرنے کے عزم کا اظہار کیا۔

    اس موقع پر وزیراعظم نے مختلف شعبوں میں سعودی عرب کیساتھ تعاون کے فروغ پر زور دیا۔

    اس سے قبل سعودی فرماں روا شاہ سلمان بن عبدالعزیز اور ولی عہد شہزادہ محمد بن سلمان نے وزیراعظم شہباز شریف کو وزارت عظمیٰ کا منصب سنبھالنے پر مبارکباد دی تھی۔

    اس کے علاوہ امریکا، برطانیہ، ترکی، بھارت، قطر کے حکمران بھی شہباز شریف کو وزارت عظمیٰ کا منصب سنبھالنے پر مبارکباد پیش کرچکے ہیں۔

  • وزیراعظم کی 5.37 فیصد جی ڈی پی گروتھ پر حکومت کو مبارک باد

    وزیراعظم کی 5.37 فیصد جی ڈی پی گروتھ پر حکومت کو مبارک باد

    اسلام آباد : وزیراعظم عمران خان نے 5.37 فیصد جی ڈی پی گروتھ پر حکومت کو مبارک باد دیتے ہوئے کہا جی ڈی پی گروتھ کے باعث روزگار کے مواقع پیداہوئے اور فی کس آمدنی بڑھی۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر حکومت کو 3 سال میں 5.37 فیصد جی ڈی پی گروتھ پر مبارکباد دیتا ہوں، جی ڈی پی گروتھ کی وجہ سےروزگارکےخاطر خواہ مواقع پیدا ہوئے اور فی کس آمدنی میں اضافہ ہوا، اقتصادی اصلاحات کی کامیابی کوبین الاقوامی سطح پر تسلیم کیا گیا۔

    بلومبرگ کی پیشگوئی ہے کہ پاکستان ترقی کی بلند رفتار اور روزگار کی سطح برقرار رکھے گا۔

    عمران خان کا کہنا تھا کہ کورونا کے بعد پاکستان نارملسی انڈیکس میں سرفہرست 3 ممالک میں شامل ہے، دی اکانومسٹ نے ملازمتیں،انسانی جانیں بچانےکی کوشش کوتسلیم کیا۔

    یاد رہے معروف جریدے دی اکانومسٹ نے عالمی معیشتوں پر رپورٹ جاری کی تھی ، جس میں بتایا گیا تھا کہ پچاس ملکوں کی نارملیسی انڈیکس میں کوویڈ کے بعد بحالی کے اعداد و شمار کے مطابق پاکستان فہرست میں مصر کے بعد دوسرے نمبر پر رہا۔

    معروف جریدے دی اکانومسٹ نے اعتراف کیا تھا کہ کورونا کے دوران وزیراعظم عمران خان کے متوازن فیصلوں اور این سی او سی کے بہتر اقدامات سے صورتحال معمول پر آئی اور معیشت بحال ہوگئی۔

  • آج نہ صرف بارڈر بلکہ سکھوں کے لئے اپنے دل کھول رہے ہیں، وزیراعظم

    آج نہ صرف بارڈر بلکہ سکھوں کے لئے اپنے دل کھول رہے ہیں، وزیراعظم

    اسلام آباد : وزیراعظم عمران خان نے کہا ہے کہ آج نہ صرف بارڈر بلکہ سکھوں کے لئے اپنے دل کھول رہے ہیں، کرتارپور راہداری منصوبہ ثابت کرتا ہے ہمارے دل تمام مذاہب کے پیروکاروں کے لئے کھلے ہیں۔

    تفصیلات کے مطابق وزیراعظم عمران خان نے کرتارپورراہداری کے افتتاح کے موقع پر سکھ برادری کو مبارک باد دیتے ہوئے کہا ہے کہ مسلمان مقدس مقامات کی زیارت کی اہمیت کو سمجھتے ہیں، آج نہ صرف بارڈر بلکہ سکھوں کےلئےاپنےدل کھول رہے ہیں، منصوبہ ثابت کرتا ہے ہمارے دل تمام مذاہب کے پیروکاروں کے لئے کھلے ہیں۔

    خیال رہے پاکستان میں آج نئی تاریخ رقم ہوگی ، وزیراعظم عمران خان کرتارپور راہداری کا افتتاح کریں گے، تاریخ میں پہلی بار بھارتی سکھ یاتری بغیر ویزا پاکستان آرہے ہیں۔

    زیرو لائن پر سکھ یاتریوں کے استقبال کی تیاریاں مکمل کرلی گئیں ہیں، سکھ یاتریوں کے لئے 76 کاؤنٹر فعال کردیے گئے ہیں، پاک بھارت سرحدی مقام زیرو پوائنٹ پر سکھ یاتریوں کی آمد جاری ہے اور یاتریوں کو زیرو پوائنٹ سے گردوارہ لانے کے لئے بسیں ٹرمینل پر پہنچادی گئیں ہیں۔

    مزید پڑھیں : وزیراعظم عمران خان آج تاریخی منصوبے کرتارپور راہداری کا افتتاح کریں گے

    وزیراعظم کےاعلان کے مطابق سکھ یاتریوں کو پاسپورٹ اور 20 ڈالرفیس کی ادائیگی سے استثنیٰ حاصل ہیں جبکہ کرتارپورراہداری کی افتتاحی تقریب کے پیش نظر نارووال میں چھٹی کا اعلان کیا گیا ہے۔

    و اضح رہے کہ18 اگست 2018ء کو وزیراعظم عمران خان کی تقریب حلف برداری میں آرمی چیف نے سابق بھارتی کرکٹر نوجوت سنگھ سدھو کو کرتارپور راہداری کھولنے کی نوید سنائی تھی۔

    بعد ازاں جذبہ خیرسگالی کے تحت 28 نومبر 2018ء کو وزیراعظم عمران خان نے کرتارپور راہداری کا سنگ بنیاد رکھا تھا اور پاکستان کی جانب سے سکھ برادری کے لیے شاندار انتظامات کئے گئے تھے۔

  • وزیراعظم عمران خان کی جسٹن ٹروڈو کو دوبارہ الیکشن جیتنے پرمبارکباد

    وزیراعظم عمران خان کی جسٹن ٹروڈو کو دوبارہ الیکشن جیتنے پرمبارکباد

    اسلام آباد : وزیراعظم عمران خان نے جسٹن ٹروڈو کو دوبارہ الیکشن جیتنے پر مبارکباد دیتے ہوئے کہا آپ کے ساتھ کام کرنے کا منتظر ہوں، کینیڈا کے انتخابات میں وزیراعظم جسٹن ٹروڈو کی جماعت کو واضح برتری حا صل کرلی ہے۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر جسٹن ٹروڈو کو دوبارہ الیکشن جیتنے پر مبارکباد دی اور آپ کے کیساتھ مل کرکام کرنے کی خواہش ہے۔

    خیال رہے کینیڈا کے انتخابات میں وزیراعظم جسٹن ٹروڈو کی جماعت کو واضح برتری حا صل کرلی ہے ، ابتدائی نتائج کےمطابق جسٹن ٹروڈوکی لبرل پارٹی نےتین سو اڑتیس میں سے ایک سو چھپن نشستیں حاصل کیں۔

    مزید پڑھیں : کینیڈا میں انتخابات، جسٹن ٹروڈو کو واضح برتری حاصل

    حکومت بنانے کیلئے لبرل پارٹی کو ایک سو ستر نشستیں درکارہیں ، جس کے لئے لبرل پارٹی کوحکومت بنانے کیلئے دیگر جماعتوں سے اتحاد کرنا ہوگا۔

    یاد رہے انتخابات میں کامیابی پر امریکی صدر ڈونلڈ ٹرمپ نے جسٹن ٹروڈو کو مبارکباد دی اور ٹویٹ میں کہا کہ وہ دونوں ممالک کی بہتری کے لیے ٹروڈو کے ساتھ مل کر کام کرنے کے منتظرہیں۔

  • وزیراعظم عمران خان کی بورس جانسن کو وزارت عظمیٰ کا منصب سنبھالنے پر مبارکباد

    وزیراعظم عمران خان کی بورس جانسن کو وزارت عظمیٰ کا منصب سنبھالنے پر مبارکباد

    اسلام آباد : وزیراعظم عمران خان نے بورس جانسن کو برطانیہ کے نئے وزیراعظم بننے پر مبارک باد دیتے ہوئے کہا امیدہےبرطانیہ کیساتھ دوطرفہ تعلقات کوبھی جلا ملے گی، میں بورس جانسن کے ساتھ باہم کام کرنے کوتیار ہوں۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر بورس جانسن کو وزارت عظمیٰ کا منصب سنبھالنے پر مبارکباد دیتے ہوئے کہا امیدہےآپ کی قیادت میں برطانیہ اورعوام ترقی کریں گے اور برطانیہ کیساتھ دوطرفہ تعلقات کوبھی جلا ملے گی، میں بورس جانسن کے ساتھ باہم کام کرنے کوتیار ہوں۔

    خیال رہے برطانیہ کےنئےوزیراعظم بورس جانسن کےوزیراعظم عمران خان سےدیرینہ تعلقات اوراچھی دوستی ہے، بورس جانسن نےعمران خان کےساتھ سیلفی بھی بنائی، جوسوشل میڈیا پروائرل ہوئیں تھیں ۔

    بورس جانسن کےآباؤاجداد ترک تھے جبکہ بورس جانسن نے خود اعتراف کیا تھا کہ ان کے پڑدادا سلطنت عثمانیہ کے آخری دورکی اہم شخصیت تھے،ترکی کی اشرافیہ میں ایک اہم مقام رکھتےتھے۔

    نئے برطانوی وزیراعظم کا کہنا تھا کہ پڑ دادا کا برطانیہ آنا اس امرکی گواہی تھی کہ برطانیہ محفوظ ملک ہے، پڑدادا کا نام علی کمال تھا اور وہ مسلمان تھے۔

    یاد رہےبرطانوی حکمران جماعت کنزرویٹو پارٹی کے سربراہ بورس جانسن برطانیہ کے نئے وزیراعظم بن گئے ، بورس جانسن نے ملکہ برطانیہ سے ملاقات کی اورپھروزارت اعظمی کا منصب سنبھالا۔

    برطانوی وزیراعظم کے سرکاری رہائش گاہ اوردفترٹین ڈاؤننگ اسٹریٹ کے باہرمیڈیا سے گفتگو میں بورس جانسن کا کہنا تھا کہ بغیرکسی اگرمگرکے برطانیہ اکتیس اکتوبرکویورپی یونین سے الگ ہوجائے گا۔

    کنزرویٹو پارٹی کے سربراہ اورنئے برطانوی وزیراعظم بورس جانسن دومرتبہ لندن کے مئیر رہ چکے ہیں جبکہ مسلمانوں اور تارکین وطن کیخلاف سخت ریمارکس پرتنقید کا نشانہ بن چکے ہیں۔

  • ان تمام پاکستانیوں کیساتھ کھڑے ہیں، جو دہشت گردی کی مخالفت کرتے ہیں، آسٹریلوی ہائی کمشنر

    ان تمام پاکستانیوں کیساتھ کھڑے ہیں، جو دہشت گردی کی مخالفت کرتے ہیں، آسٹریلوی ہائی کمشنر

    کراچی: آسٹریلوی ہائی کمشنرمارگریٹ ایڈمزسن نے یوم پاکستان پر مبارک باد دیتے ہوئے کہا ان تمام پاکستانیوں کیساتھ کھڑےہیں جودہشتگردی کی  مخالفت کرتے ہیں، دولت مشترکہ اور کرکٹ میں میراث ہمارا وفاقی نظام حکومت ہے۔

    تفصیلات کے مطابق آسٹریلوی ہائی کمشنرمارگریٹ ایڈمزسن نے یوم پاکستان پر  مبارک باد دیتے ہوئے اپنے پیغام میں کہا آسٹریلیا اور پاکستان کی بہت زیادہ چیزیں ملتی جلتی ہیں ، دولت مشترکہ اور کرکٹ میں میراث ہمارا وفاقی نظام حکومت ہے۔

    مارگریٹ ایڈمزسن کا کہنا تھا 60 ہزار سے زائد پاکستانی آسٹریلیا میں قیام پذیر ہیں، ہمارا مشترکہ عزم اور دہشت گردی کے خلاف ہماری مخالفت، نیوزی لینڈمیں مساجدپر دہشت گردی کے حملوں سے ہم غمزدہ اور پریشان ہیں۔

    آسٹریلوی ہائی کمشنر نے مزید کہا ان تمام پاکستانیوں کیساتھ کھڑے ہیں، جو دہشت گردی کی مخالفت کرتے ہیں۔

    مزید پڑھیں : یوم پاکستان پراسلام آباد میں مسلح افواج کی شاندار پریڈ

    خیال رہے آج یوم پاکستان ملی جوش اور جزبے سے منایا جار ہا ہے، دن کا آغاز وطن عزیز کی سلامتی کیلئے خصوصی دعاوں سے ہواجبکہ وفاقی دارلحکومت  اسلام اباد کا کیولری گرائونڈ اکتیس توپوں کی سلامی سے گونج اٹھا۔

    یوم پاکستان کے دن اسلام آباد کے پریڈ گراؤنڈ میں مسلح افواج کی شاندار پریڈ ہوئی ،سعودی عرب اور آذربائیجان کے دستوں نے پریڈ میں شرکت کی،  تقریب کے مہمان خصوصی ملیشیا کے وزیراعظم مہاتیرمحمد تھے۔

     

  • پی ایس ایل میں شاندار کامیابی پر وزیراعظم عمران خان کی کوئٹہ گلیڈی ایٹرزکومبارکباد

    پی ایس ایل میں شاندار کامیابی پر وزیراعظم عمران خان کی کوئٹہ گلیڈی ایٹرزکومبارکباد

    اسلام آباد : وزیراعظم عمران خان نے پی سی بی منتظمین اور سیکیورٹی فورسز کو پی ایس ایل کے انعقاد اور شاندار کامیابی پر کوئٹہ گلیڈی ایٹرز کو مبارکباد دیتے ہوئے کہا انشاللہ اگلاپورااپی ایس ایل پاکستان میں ہوگا۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں پی سی بی منتظمین اور سیکیورٹی فورسز کو پاکستان میں پی ایس ایل کے انعقاد پر مبارکباد دی۔

    وزیراعظم نے کہا کوئٹہ گلیڈی ایٹرز ، ان کے منیجر اور میرے دوست ویوین رچرڈ کو شاندارجیت پر مبارکباد دیتا ہوں، انشاللہ اگلا پورا اپی ایس ایل پاکستان میں ہوگا۔

    یاد رہے آرمی چیف جنرل قمر جاوید باجوہ نے پی ایس ایل فائنل کے کامیاب انعقاد پر سیکیورٹی اداروں، ٹیموں اور کراچی کے عوام کو مبارک باد پیش کرتے ہوئے کہا ہے تھا کہ اللہ کے فضل و کرم سے یہ ممکن ہوا، اللہ پاکستان کو اپنی رحمتوں کے سائے میں رکھے اور اللہ ہمیشہ پاکستان پر اپنی نعمتیں نازل کرتا رہے، آمین

    مزید پڑھیں : پی ایس ایل کا کامیاب انعقاد، اللہ ہمیشہ پاکستان پر اپنی نعمتیں نازل کرتا رہے، آرمی چیف

    واضح رہے کہ پی ایس ایل فائنل میچ میں کوئٹہ گلیڈی ایٹرز کی ٹیم نے پشاور زلمی کو 8 وکٹوں سے شکست دے کر پی ایس ایل سیزن فور کا ٹائٹل اپنے نام کرلیا ہے۔

    خیال رہے کہ پاکستان سپر لیگ سیزن فور کے آٹھ میچز کراچی میں کھیلے گئے، غیرملکی کھلاڑیوں نے بھی پاکستان کو پر امن ملک قرار دیا اور کراچی میں کھیلے جانے والے میچز میں شرکت کی ، پی ایس ایل میچز کے دوران سیکیورٹی کے سخت انتظامات کیے گئے تھے۔

    اس سے قبل وزیراعظم پاکستان عمران خان نے اعلان کیا ہے کہ آئندہ سال پی ایس ایل کے تمام میچز پاکستان میں کھیلے جائیں گے۔

  • لگاتار گیارہویں کرکٹ سیریز جیتنا بڑا اعزاز ہے، وزیراعظم عمران خان

    لگاتار گیارہویں کرکٹ سیریز جیتنا بڑا اعزاز ہے، وزیراعظم عمران خان

    اسلام آباد : وزیراعظم عمران خان نے قومی کرکٹ ٹیم کو ٹی 20کرکٹ سیریز میں کامیابی پر مبارکباد دیتے ہوئے کہا لگاتار گیارہویں کرکٹ سیریز جیتنا بڑا اعزاز ہے۔

    تفصیلات کے مطابق وزیراعظم عمران خان نے قومی کرکٹ ٹیم کو شاندار کارکردگی دکھانے پر مبارکباد دی اور کہا قومی کرکٹرز نے میچز میں بہترین کھیل پیش کیا، لگاتار گیارہویں کرکٹ سیریز جیتنا بڑا اعزاز ہے۔

    وزیر اعظم کا کہنا تھا کہ آسٹریلیا اورنیوزی لینڈکیخلاف بہترین ٹیم اسپرٹ نظر آئی ، امید ہے قومی ٹیم کارکردگی کے تسلسل کو برقرار رکھے گی، پاکستان کی مزید کامیابیوں کے لیے پر امید ہوں۔

    یاد رہے گذشتہ روز پاکستان نے نیوزی لینڈ کو دوسرے ٹی ٹوئنٹی میں بھی شکست دی اور شاہینوں نے سرفراز احمد کی قیادت میں مسلسل گیارہویں سیریز اپنے نام کرلی تھی۔

    مزید پڑھیں : دوسرا ٹی ٹوئنٹی : سرفراز الیون نے نیوزی لینڈ کو شکست دے کر سیریز اپنے نام کرلی

    دبئی میں نیوزی لینڈ نے ٹاس جیتا اور اوپنر کولن منرو نے ٹیم کو جارحانہ آغاز فراہم کیا۔ منرو نے 28 گیندوں پر 44رنز بنائے، منرو آؤٹ ہوئے پاکستان میچ میں چھا گیا۔

    کورے اینڈرسن نے گرتے پڑتے نیوزی لینڈ کے اسکور کو 150 کے پار لگایا، جس کے بعد اوپنر فخرزمان اور بابر اعظم نے پاور پلے میں کام دکھادیا، فخر آؤٹ ہوئے تو بابر اعظم اور آصف علی کی شراکت نے جیت کی بنیاد رکھی۔

    بابر 40 اور آصف 38رنز کے ساتھ نمایاں رہے اور آخری اوور کی چوتھی گیند پر حفیظ نے چوکا لگا کرپاکستان کو جیت دلوائی۔

  • نیا پاکستان امیر اور غریب کا فرق مٹا دے گا، وزیر اعلیٰ پنجاب عثمان بزدار

    نیا پاکستان امیر اور غریب کا فرق مٹا دے گا، وزیر اعلیٰ پنجاب عثمان بزدار

    لاہور : وزیر اعلیٰ پنجاب سردار عثمان بزدار نے کہا ہے کہ چند عاقبت نااندیش عناصر تبدیلی سے خوفزدہ ہیں، نیا پاکستان امیر اور غریب کا فرق مٹا دے گا، وزیراعظم عمران خان اس پاکستان کی بنیاد رکھ رہے ہیں جس کا خواب بانیان پاکستان نے دیکھا تھا۔

    تفصیلات کے مطابق وزیر اعلٰی پنجاب عثمان بزدار نے تحریک انصاف کے نو منتخب سینیٹر ڈاکٹر شہزاد وسیم سے ملاقات میں کامیابی پر مبارکباد دی اور نیک خواہشات کا اظہار کیا۔

    اس موقع پر وزیر اعلٰی نے کہا کہ آپ کی کامیابی عمران خان کے نئے پاکستان کی جیت ہے، نئے پاکستان کی تعمیر میں ہم سب نے ٹیم ورک کے طور پر آگے بڑھنا ہے۔

    سردار عثمان بزدار کا کہنا تھا کہ نیا پاکستان امیر اور غریب کا فرق مٹا دے گا، وزیراعظم عمران خان اس پاکستان کی بنیاد رکھ رہے ہیں جس کا خواب بانیان پاکستان نے دیکھا تھا۔

    انھوں نے مزید کہا کہ چند عاقبت نا اندیش عناصر تبدیلی سے خوفزدہ ہیں، فرسودہ اور بوسیدہ نظام سے عوام کو کچھ نہیں ملا، اب عوام کی خاطر سب کچھ بدلنا ہے۔

    مزید پڑھیں : پی ٹی آئی کے شہزاد وسیم پنجاب سے سینیٹ کی نشست پر کامیاب

    یاد رہے گذشتہ روز گورنر پنجاب چوہدری سرور کے استعفیٰ سے پنجاب میں خالی ہونے والی سینیٹ کی نشست پرانتخاب ہوا، پی ٹی آئی کے شہزاد وسیم نےایک سو اکاسی ووٹ حاصل کرکے کامیابی حاصل کی جبکہ مسلم لیگ ن کے خواجہ حسان کو ایک سو انہتر ووٹ ملے۔

    یہ نشست پی ٹی آئی کے رہنما چوہدری سرور کے استعفے کےبعد خالی ہوئی تھی، چوہدری سروراس وقت پنجاب کے گورنرہیں۔