کراچی : سندھ حکومت نویں تابارہویں جماعت کے طلبا کی کورونا ویکسینیشن پر غور کررہی ہے ، اس سلسلے میں محکمہ تعلیم سندھ نے نویں تا بارہویں جماعت کے طلبا کا ڈیٹا مرتب کرلیا ہے۔
تفصیلات کے مطابق سندھ حکومت نے کورونا کے بڑھتے کیسز کے پیش نظر نویں تابارہویں جماعت کے طلبا کی کورونا ویکسینیشن پرغور شروع کردیا ہے ، طلباکی کورونا ویکسی نیشن سےمتعلق اجلاس آج کراچی میں ہوگا ، اجلاس میں طلباکی کورونا ویکسی نیشن سے متعلق طریقہ کار پر فیصلہ ہوگا۔
محکمہ تعلیم سندھ نے نویں تا بارہویں جماعت کے طلبا کا ڈیٹا مرتب کرلیا ہے ، سندھ میں نویں تا بارہویں جماعت کے طلبا کی تعداد 5 لاکھ سےزائد ہے۔
خیال رہے حکومت سندھ کی جانب سے بغیر شناختی کارڈ افراد کی ویکسینیشن کا عمل شروع کرنے کی اطلاعات سامنے آئیں تھی تاہم بعد ازاں محکمہ صحت سندھ کا کہنا تھا کہ یہ عمل چند روز میں شروع ہو گا۔
اس فیصلے کے تحت بغیر قومی شناختی کارڈ کے افراد اپنی کوئی بھی تصدیق شدہ شناختی دستاویز دکھا کر ویکسین لگوا سکیں گے ، کراچی کے ایکسپو سینٹر سے اس کا آغاز کیا جائے گا جو کہ شہر کا سب سے بڑا اور 24 گھنٹے فعال رہنے والا ویکسی نیشن سینٹر ہے۔
