ARYNews.tv | Urdu – Har Lamha Bakhabar

Tag: Contest

  • سری لنکا کا اگلا صدر کون ہوگا؟

    سری لنکا کا اگلا صدر کون ہوگا؟

    کولمبو: سری لنکا میں صدر کے عہدے کے لیے اپوزیشن جماعتوں کے رہنماؤں کے نام کا اعلان کردیا گیا۔

    بین الاقوامی ویب سائٹ کے مطابق سری لنکا کی بائیں بازو کی جماعت جاتھیکا جنبل ویگیا کے رہنما انورا کمارا دسانائیکے کو صدارتی عہدے کے انتخاب کے لیے ان کا نام تجویز کیا ہے۔

    انورا کا نام اپوزیشن لیڈر ساجتھ پریماداسا کے ذریعہ کل شام اسی عہدے کے لیے اپنی امیدواری کے اعلان کے بعد آیا ہے۔

    پارلیمنٹ میں قائد حزب اختلاف ساجتھ پریماداسا نے کہا کہ ووٹنگ 225 ایم پیز تک محدود ہے، جس میں گوٹابایا راجا پاکسے اتحاد کا غلبہ ہے، اگرچہ یہ ایک سخت لڑائی ہے، مجھے یقین ہے کہ سچائی کی جیت ہوگی۔

    پارلیمنٹ کے اسپیکر نے ہفتے کے روز کہا کہ نئے صدر کے انتخاب کا عمل 8 دن کے اندر مکمل کر لیا جائے گا۔

    پارلیمنٹ کے سکریٹری جنرل نے آج باضابطہ طور پر پارلیمنٹ کو مطلع کیا کہ سابق صدر راجا پاکسے نے 14 جولائی سے صدارتی عہدے سے استعفیٰ دے دیا ہے۔

    سپریم کورٹ نے سابق وزیر اعظم مہندا راجا پاکسے اور سابق وزیر خزانہ باسل راجا پاکسے کو بغیر اجازت 28 جولائی تک ملک چھوڑنے پر پابندی بھی عائد کر دی ہے۔

  • گلوبل ولیج تصویری مقابلہ: 50 ہزار درہم جیتنے کا موقع

    گلوبل ولیج تصویری مقابلہ: 50 ہزار درہم جیتنے کا موقع

    ابو ظہبی: گلوبل ولیج متحدہ عرب امارات کے قومی دن کی ایک ماہ طویل تقریبات کا آغاز فوٹوگرافی کے مقابلے کے ساتھ کر رہا ہے جس میں جیتنے والے کو 50 ہزار درہم اور ٹرافی دی جائے گی۔

    حمدان بن محمد بن راشد المکتوم انٹرنیشل فوٹوگرافی ایوارڈ کے ساتھ شراکت میں، گلوبل ولیج نے جمعرات کو 50 سال ایک ساتھ کے نام سے فوٹوگرافی مقابلہ شروع کرنے کا اعلان کیا ہے۔

    مقابلہ شوقیہ اور پیشہ ور فوٹو گرافرز کی طرف سے کثیر ثقافتی، تنوع اور رواداری کا جشن منانے والی گذارشات کا خیر مقدم کرتا ہے۔ انٹریز 2 دسمبر کو متحدہ عرب امارات کے قومی دن تک قبول کی جائیں گی۔

    مقابلے کے اصولوں کے مطابق شرکا کی عمر 18 سال سے اوپر ہونی چاہیئے۔

    پہلا انعام جیتنے والے کو 50 ہزار درہم نقد اور سونے کی ٹرافی ملے گی، دوسرے فاتح کو 26 ہزار درہم، چاندی کی ٹرافی اور گلوبل ولیج گڈی بیگ جبکہ تیسرے فاتح کو 26 ہزار درہم اور شیشے کی ٹرافی دی جائے گی۔

    فاتحین کا اعلان 4 جنوری 2022 کو گلوبل ولیج میں کیا جائے گا۔

  • یوکرائنی اداکار نے صدارتی الیکشن میں‌ واضح برتری حاصل کرلی

    یوکرائنی اداکار نے صدارتی الیکشن میں‌ واضح برتری حاصل کرلی

    کیو : یوکرائن کے صدارتی انتخابات میں پہلی مرتبہ سیاسی پس منظر نہ ہونے کے باوجود مزاحیہ اداکار ولودیمیر زیلنسکی پہلے مرحلے میں فاتح قرار پائے۔

    تفصیلات کے مطابق یوکرائن میں اتوار کے روز منعقد ہونے والے صدارتی انتخابات کے پہلے مرحلے کے سرکاری نتائج کا اعلان پیر کے روز کیا گیا جس میں پہلی مرتبہ بغیر کسی سیاسی پس منظر ایک کامیڈین نے ملک کے سابق صدر و وزیر اعظم پر واضح برتری حاصل کرلی۔

    غیر ملکی خبر رساں ادارے کا کہنا ہے کہ پیر کے روز تمام پولنگ اسٹیشنز سے موصول ہونے والے نتائج کے مطابق ولادمیر زیلنسکی نے مجموعاً 30 فیصد ووٹ حاصل کیے جبکہ ملک کے صدر پیٹرو پوروشینکو صرف 16 فیصد ووٹ حاصل کرسکے۔

    برطانوی میڈیا کا کہنا ہے کہ ولادیمیر زیلنسکی نے اپنے ٹیلی ویژن شو میں ایک شخص کا کردار ادا کیا تھا جو کرپشن کے خلاف جنگ لڑتے ہوئے صدر بن جاتا ہے اور اب ان کا یہ کردار حقیقت کا روپ دھارتا جا رہا ہے۔۔

    ولادمیر زیلنسکی نے برطانوی خبر رساں ادارے سے گفتگو کرتے کہا کہ ’میں بہت خوش ہوں لیکن حتمی کارروائی نہیں ہے‘۔

    میڈیا رپورٹس کے مطابق 41 سالہ اداکار کو بڑی تعداد میں ملنے والے ووٹ اس بات کی عکاسی کرتے ہیں کہ یوکرائن کی عوام اب نیا رہنما چاہتے ہیں جس کا ملک کی کرپشن زدہ سیاسی اشرافیہ سے کوئی تعلق نہ ہو اور جو مشرقی یوکرائن میں روس کے حمایت یافتہ علیحدگی پسندوں کے ساتھ 5سال سے جاری تنازع ختم کرنے میں نئی سوچ پیش کر سکے۔

    غیر ملکی میڈیا کے مطابق یوکرائن کے موجودہ صدر پیٹرو پوروشینکو کا کہنا تھا کہ میری دوسری پوزیشن میرے لیے انتہائی سخت مرحلہ ہے۔

    یوکرائن کی وزارت داخلہ کا کہنا تھا کہ صدارتی انتخابات کے دن سینکڑوں مرتبہ قانون کی خلاف ورزیاں کی گئیں لیکن غیر ملکی مبصرین کا کہنا ہے کہ یہ ووٹنگ بلکل شفاف طریقے سے ہوئی ہے۔.

    غیر ملکی میڈیا کا کہنا ہے کہ صدارتی الیکشن کے دوران کل 39 امیدواروں نے حصّہ لیا اور کسی کو بھی 50 فیصد ووٹ نہیں ہوسکے، اب 21 اپریل کو دو امیدواروں کے درمیان سخت مقابلہ ہوگا جنہیں سب سے زیادہ برتری حاصل ہے۔

    غیر ملکی میڈیا کا کہنا ہے کہ نئے صدارتی نظام کے تحت سیکیورٹی، دفاع اور خارجہ پالیسی کے اختیارات ان کے پاس ہیں۔

  • کولمبیا میں گدھوں کے مقابلہ حسن کا انعقاد

    کولمبیا میں گدھوں کے مقابلہ حسن کا انعقاد

    بوگوٹا : کولمبیا کے شہر مونی قیورا میں منعقد ہونے والے منفرد مقابلہ حسن میں گدھوں میں حسن کے جلوے بکھیرے جس میں سب سے نمایاں نظر آنے والے گدھے کو پہلا انعام دیا گیا۔

    تفصیلات کے مطابق دنیا بھر میں خواتین کے لیے مقابلہ حسن کا انعقاد ہونا عام سی بات ہے، لیکن براعظم امریکا کے ملک کولمبیا کے شہریوں نے حسن کا انوکھا مقابلہ منعقد کیا جس میں گدھوں نے حصّہ لیا۔

    غیر ملکی خبر رساں ادارے کی رپورٹ کے مطابق کولمبیا میں منعقد ہونے والے گدھوں کے مقابلہ حسن میں ہر برس سب سے ممتاز نظر آنے والے گدھے کو مقابلے کا فاتح قرار دیا جاتا ہے۔

    کولمبیا کے خبر رساں اداروں کا کہنا تھا کہ گدھوں کا مقابلہ حسن گذشتہ برسوں سے کولمبیا کے وسطی ٹاؤن مونی قیورا میں منعقد کیا جارہا ہے، جس میں شرکت کرنے والے ججز کا دل جیتنے کے لیے ایک دوسرے پر سبقت لے جانے کو کوشش کرتے ہیں۔

    غیر ملکی خبر رساں ادارے کا کہنا تھا کہ گدھوں کے مقابلہ حسن میں گدھوں کو خوجصورت لباس زیب تن کرواکر، کسی لڑکی کی طرح لمبے بال لگا کر اور میک اپ کا استعمال کرکے عوام کے سامنے لایا جاتا ہے۔

    جب گدھے تیار ہوکر عوام کے سامنے آتے ہیں تو ججز ان کے فیشن اور میک اپ کا جائزہ لیتے ہیں، جس کے بعد سب سے نمایاں نظر آنے والے گدھے کو پہلا انعام دیا جاتا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • الیکشن2018، کئی نومولود سیاستدانوں کیلئے ایک چیلنج

    الیکشن2018، کئی نومولود سیاستدانوں کیلئے ایک چیلنج

    کراچی : عام انتخابات 2018 کئی معروف اور تجربہ کارسیاستدانوں کے درمیان بعض نومولود سیاستدانوں کیلئے پہلا امتحان ثابت ہوگا، جو ان کے سیاسی مستقبل کا تعین بھی کرے گا۔

    تفصیلات کے مطابق الیکشن 2018 کئی نومولود سیاستدانوں کیلئے ایک بڑا چیلنج بن گیا ہے اورعام انتخابات کسی امتحان سے کم نہیں، نوازشریف کی صاحبزادی مریم نوازپہلی بار الیکشن لڑیں گی۔

    مریم نواز نے اپنے والد سابق وزیراعظم نوازشریف کی نااہلی کے بعد میدان سیاست میں قدم رکھا، انھوں نے مریم نوازنے اپنے منفرد انداز میں سیاست کا آغاز کیا، وہ لاہورکے این اے 127 سے الیکشن لڑیں گی۔

    والدہ اور پارٹی چیئرپرسن بینظیربھٹو کی شہادت کے بعد نوجوان بلاول بھٹو زرداری کو خارزار سیاست میں آنا پڑا، بلاول بھٹو اپنی زندگی کا پہلا انتخاب لڑیں گے۔

    بلاول بھٹو این اے 200 لاڑکانہ،این اے 246 کراچی سے الیکشن لڑیں گے۔

    مفتی محمود کے پوتے اور مولانافضل الرحمٰن کے صاحبزادے اسد محمود بھی سیاست کا حصہ بن گئے اور این اے 37 ٹانک ڈی آئی خان سے میدان میں اترے ہیں۔

    تحریک انصاف کے شاہ محمودقریشی کے صاحبزادے زین حسین قریشی اور حافظ سعید کے بیٹے طلحہ سعید بھی سیاستدانوں کی فہرست میں شامل ہوگئے ہیں۔

    زین حسین قریشی این اے ایک سو57 ملتان اور طلحہ سعید این اے91 سرگودھا سے انتخابی اکھاڑے میں اتریں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اسحاق ڈار کو سینیٹ الیکشن میں حصہ لینے کی اجازت مل گئی

    اسحاق ڈار کو سینیٹ الیکشن میں حصہ لینے کی اجازت مل گئی

    لاہور : اسحاق ڈار کو سینیٹ انتخابات میں حصہ لینے کی اجازت مل گئی،لاہور ہائی کورٹ نے سابق وزیر خزانہ اسحاق ڈار کو سینٹ کا الیکشن لڑنے کا اہل قرار دیتے ہوئے ان کے کاغذات نامزدگی کی منظوری کے خلاف درخواست مسترد کر دی۔

    تفصیلات کے مطابق لاہورہائیکورٹ میں  جسٹس عابد عزیز شیخ اور جسٹس جواد حسن پر مشتمل دو رکنی بنچ نے اسحاق ڈار کے کاغذات نامزدگی کی منظوری کیخلاف درخواست پر سماعت کی۔

    درخواست گزار نے مؤقف اختیار کیا کہ اسحاق ڈار عدالتی مفرور ہیں اور الیکشن لڑنے کے اہل نہیں، ریٹرننگ افسر نے ان کے کاغذات نامزدگی مسترد کئے جس کے بعد اسحاق ڈار نے اپیل دائر کی تاہم مفرور اپیل نہیں کر سکتا، الیکشن اپیلٹ ٹربیونل نے حقائق کے برعکس اسحاق ڈار کو جنرل سیٹ پر الیکشن لڑنے کی اجازت دے دی۔

    درخواست میں کہا گیا کہ ٹربیونل کی جانب سے الیکشن لڑنے کی اجازت قوانین کے خلاف ہے لہذا عدالت اپیلیٹ ٹریبونل کے فیصلے کو کالعدم قرار دے اور اسحاق ڈار کو سینٹ انتخابات کے لیے نااہل قرار دیا جائے۔

    اسحاق ڈار کے وکیل نے دلائل دیئے کہ درخواست گزار نے اعتراض ریٹرننگ افسر کے روبرو نہیں کیا،  ایسے میں درخواست قابل سماعت نہیں ہے۔

    عدالت نے درخواست مسترد کرتے ہوئے قرار دیا کہ درخواست گزار انتخابات کے بعد الیکشن پیٹیشن دائر کر سکتا ہے اور اسحاق ڈار کو سینیٹ الیکشن لڑنے کی اجازت دیدی۔

    یاد رہے کہ پیپلز پارٹی کے نوازش علی کی جانب سے اسحاق ڈارکیخلاف درخواست دائر کی گئی تھی ، جس میں کہا گیا تھا کہ اسحاق ڈار مقدمات میں اشتہاری ہے، اشتہاری شخص انتخابات میں حصہ لینے کا اہل نہیں۔

    درخواست میں استدعا کی گئی تھی کہ اسحاق ڈار کے کاغذات نامزدگی کی منظوری کو کالعدم قرار دیا جائے۔

    سینیٹ انتخابات کے لیے اسحاق ڈارکے کاغذات نامزدگی مسترد

    خیال رہے کہ 12 فروری کوالیکشن کمیشن نے سینیٹ انتخابات کے لیے مسلم لیگ (ن) کے رہنما اسحاق ڈار کے کاغذات نامزدگی مسترد کردیے تھے، جس کے بعد لاہور ہائی کورٹ نے سابق وزیرخزانہ اسحاق ڈار کو سینیٹ الیکشن لڑنے کی اجازت دیتے ہوئے ریٹرننگ افسر کا اسحاق ڈار کے خلاف دیا گیا فیصلہ کالعدم قرار دیدیا تھا۔

    واضح رہے کہ آمدن سےزائد اثاثہ جات ریفرنس میں احتساب عدالت کی جانب سے اسحاق ڈار کو اشتہاری قرار دیا جا چکا ہے۔

     نیب نے اسحاق ڈار کو وطن واپس لانے کیلئے آخری حد تک جانے کا فیصلہ کرلیا اور ریڈ وارنٹ جاری کرانے کی کارروائی شروع کردی گئی ہے، اسحاق ڈارکی واپسی کیلئے وزارت داخلہ سے ریڈ وارنٹ کی استدعا کی جائے گی اور اسحاق ڈارکیخلاف ناقابل ضمانت وارنٹ گرفتاری سے انٹرپول کوآگاہ کیا جائے گا۔

    .خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • چوہدری نثار بعض پارٹی رہنماؤں کے رویے سے ناخوش، آئندہ انتخابات میں این اے 53 سے الیکشن لڑنے کا اعلان

    چوہدری نثار بعض پارٹی رہنماؤں کے رویے سے ناخوش، آئندہ انتخابات میں این اے 53 سے الیکشن لڑنے کا اعلان

    ٹیکسلا : سابق وفاقی وزیر داخلہ چوہدری نثار نے آئندہ انتخابات میں این اے ترپن سے الیکشن لڑنے کا اعلان کردیا جبکہ وہ بعض پارٹی رہنماؤں کے رویے سے ناخوش ہے اورمریم نواز کے عدالتوں سے متعلق ریمارکس پر بھی مایوس ہے۔

    تفصیلات کے مطابق سابق وفاقی وزیر داخلہ چوہدری نثار نے ٹیکسلا میں ورکرزکنویشن سے خطاب میں آئندہ انتخابات میں این اے ترپن سے الیکشن لڑنے کا اعلان کیا ہے۔

    دوسری جانب چوہدری نثار بعض پارٹی رہنماؤں کے رویے سے ناخوش ہے جبکہ مریم نواز کے عدالتوں سے متعلق ریمارکس پرمایوسی کا اظہار کیا ، ان کا کہنا ہے ایسے بیانات دینے کے بجائے افہام وتفہیم سے کام لیا جائے، ایسےبیانات پارٹی کیلئےمشکلات پیداکررہےہیں، ایسے رویوں سے اداروں کے ساتھ خلیج بڑھ رہی ہے۔

    چوہدری نثارنے کہا کہ ایسے بیانات انتخابات سے پہلے مشکلات پیدا کرسکتےہیں، نوازشریف میرے قائد ہیں، قائد کی بیٹی قائد نہیں ہوسکتی۔

    یاد رہے چند روز قبل سابق وزیر داخلہ چوہدری نثار علی خان نے رہنماؤں کے اصرار کے باوجود ورکرز کنونشن سے خطاب نہ کیا، وہ وزیراعظم کی تقریر کے دوران خاموشی سے اٹھ کر چلے گئے تھے۔

    اس سے قبل چوہدری نثارسمیت بعض رہنماؤں نے مریم نواز کو اہم ذمہ داری دینے کے مخالفت کی تھی۔

    سابق وزیر داخلہ نے اپنے بیان میں کہا تھا کہ مریم نواز کو لیڈر تسلیم نہیں کرتا، بچے بچے ہوتے ہیں انہیں لیڈر کیسے مانا جاسکتا ہے، اختلافات کے باوجود نواز شریف کے ساتھ چلا جاسکتا ہے۔

    مزید پڑھیں : مریم نوازکو لیڈر تسلیم نہیں کرتا، بچے بچے ہوتے ہیں، چوہدری نثار

    چوہدری نثار کا کہنا تھا کہ مریم نواز کا کردارصرف نوازشریف کی بیٹی کا ہے، جب مریم باضابطہ سیاست میں آئیں گی، ان کا پروفائل بنے گا تو لوگ فیصلہ کرینگے، مریم نواز اور بے نظیر بھٹو میں بہت فرق ہے۔

    انکا کہنا تھا کہ بےنظیر بھٹو کا معاملہ مریم نواز سے قطعاً مختلف ہے، بےنظیر بھٹو نے ذوالفقار علی بھٹو کے قتل کے بعد گیارہ سال تک مصبیتیں جھیلیں۔

    جس کے بعد مریم نواز نے چوہدری نثار کے بیان پر ردعمل کا اظہار کرتے ہوئے کہا تھا کہ چوہدری نثار کے اپنے خیالات ہیں وہ میرے والد کے پرانے ساتھی ہیں اُن کی عزت کرتی ہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جاپان میں مردے سجانے کا انوکھا مقابلہ’ 23 سالہ خاتون گورکن فاتح قرار

    جاپان میں مردے سجانے کا انوکھا مقابلہ’ 23 سالہ خاتون گورکن فاتح قرار

    ٹوکیو: جاپان میں جنازے کی تدفین سے قبل مُردے کو خوبصورت بنا کر پیش کرنے کا ملک گیر مقابلہ 23 سالہ خاتون گورکن رینو تیرائی نے اپنے نام کرلیا۔

    تفصیلات کے مطابق جاپان میں ہونے والے اس انوکھے مقابلے میں سیکڑوں گورکن خواتین نے اپنے فن کا مظاہرہ کیا اور زندہ لوگوں کو مردے کی طرح تیار کر کے بہترین انداز میں پیش کیا۔

    مقابلے کی خصوصیت یہ ہے کہ چار رکنی ججز پر مشتمل پینل بہترین انداز میں مردہ تیار کرنے والے ایک فرد کو فاتح قرار دیتا ہے جس کے بعد اُسے یہ اعزاز دیا جاتا ہے۔

    رواں برس منعقد ہونے والے انوکھے مقابلے میں سیکڑوں خواتین گورکن نے اپنے فن کا مظاہرہ کیا تاہم  یہ مقابلہ 23 سالہ رینو تیرائی نے اپنے نام کیا، اس سال منعقد ہونے والے مقابلے میں ججز اور شرکاء نے فاتح کا انتخاب کیا۔

    ملک گیر مقابلے کا سہرا اپنے سر باندھنے والی خاتون گورکن رینو تیرائی  نے کہا کہ ’’میں نے مقابلے کے لیے بہت تیاری کی اور ہر طرح سے ویڈیو بنا کر مشاہدہ کیا کہ میرا عمل اچھا دکھائی دے رہا ہے یا نہیں، مقابلہ جیتنے کی اصل وجہ یہ ہے کہ میں لاش کے ساتھ نرمی اور احترام کا رویہ رکھتی ہوں‘۔

    واضح رہے کہ جاپان کے شنتو مذہب سے وابستہ افراد کا ماننا ہے کہ کسی بھی شخص کے مرتے ہی اُس کا جسم ناپاک ہوجاتا ہے اور اُس کی تیاری قریبی رشتے داروں کی موجودگی میں کی جاتی ہے تاکہ مُردے کے گناہ دھل سکیں۔

    ویڈیو دیکھیں

     

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔