ARYNews.tv | Urdu – Har Lamha Bakhabar

Tag: controversy

  • رنویر الہٰ آبادیہ نے سمے رائنا کے شو میں جانے کی وجہ بتا دی

    رنویر الہٰ آبادیہ نے سمے رائنا کے شو میں جانے کی وجہ بتا دی

    بھارتی یوٹیوبر و پوڈکاسٹر رنویر الہٰ آبادیہ کا یوٹیوبر سمے رائنا کے شو ’انڈیاز گاٹ لیٹنٹ‘ میں جانے سے متعلق اہم بیان سامنے آگیا ہے۔

    بھارتی میڈیا رپورٹ کے مطابق پیر کے روز بھارتی یوٹیوبر مہاراشٹر سائبر سیل کے ہیڈکوارٹر پہنچے، یوٹیوب شو ’انڈیاز گاٹ لیٹنٹ‘ میں ان کے ریمارکس کے تنازعہ کے بعد وہ پہلے بار عوامی مقام پر آئے، رنویر کے علاوہ یوٹیوبر آشیش چنچلانی کو بھی مہاراشٹر سائبر سیل ہیڈکوارٹر میں دیکھا گیا۔

    خبر رساں ایجنسی نے مہاراشٹر سائبر سیل کے حوالے سے بتایا کہ آشیش چنچلانی اور رنویر الہ بادیا نے مہاراشٹر سائبر سیل کے حکام سے خود رابطہ کیا تھا جہاں دونوں سے  گھٹیا ریمارکس سے متعلق پوچھ گچھ کی گئی۔

    رنویر الہ بادیہ کو قتل کی دھمکیاں، یوٹیوبر موبائل بند کرکے غائب

    بھارتی میڈیا رپوٹس کے مطابق رنویر نے تفتیشی افسر کے سامنے اپنے متنازع بیان دینے سے متعلق اپنی غلطی کا اعتراف کیا اور کہا کہ میں ’انڈیاز گاٹ لیٹنٹ‘ شو میں اس لیے گیا تھا کیونکہ سمے رائنا میرا دوست ہیں۔

    رنویر نے تفتیشی افسر کو دیئے گئے بیان میں کہا کہ میں نے سمے کے شو ہر جانے کے لیے پیسے نہیں لیے تھے، ہم یوٹیوبرز کا ایک دوستی کا تعلق ہے اس لیے ہم ایک دوسرے کے شو میں جاتے رہتے ہیں۔

     

    View this post on Instagram

     

    A post shared by Ranveer Allahbadia (@beerbiceps)

    واضح رہے کہ یوٹیوبر رنویر الہٰ آبادیہ رواں ماہ کے آغاز میں یوٹیوب شو ’انڈیاز گاٹ لیٹنٹ‘ میں والدین سے متعلق متنازع بیانات دینے کے بعد شدید تنقید کی زد میں آ گئے تھے۔

    یہ متنازع واقعہ کامیڈین سمے رائنا کے یوٹیوب شو میں پیش آیا جہاں رنویر الہٰ آبادیہ کے ساتھ ساتھ یوٹیوبر اشیش چنچلانی، اپوروا مکھیجا اور کامیڈین جسپریت سنگھ شامل تھے۔

  • طالب علم نے اپنا اسکول خرید کر کیوں مسمار کردیا ؟

    طالب علم نے اپنا اسکول خرید کر کیوں مسمار کردیا ؟

    بچپن میں شاید ہی کوئی ایسا بچہ ہو جس نے اپنے والدین یا اساتذہ سے مار نہ کھائی ہو لیکن ایک طالب علم ایسا بھی ہے جس نے اساتذہ کی مار کا بدلہ اسکول کی عمارت سے لیا۔

    ترکیہ کے ایک مشہور اداکار نے بچپن میں پیش آنے والے ایک واقعے کو بنیاد بنا کر اپنے اسکول کی عمارت کی اینٹ سے اینٹ بجا ڈالی۔

    غیر ملکی خبر رساں ادارے کی رپورٹ کے مطابق چاگلار ارطغرل نامی اداکار نے اسکول اور اساتذہ سے انوکھا انتقام لیا جس پر اسے مختلف حلقوں کی جانب سے شدید الفاظ میں برا بھلا کہا جارہا ہے۔

    سماجی رابطے کی ویب سائٹ انسٹا گرام پر مذکورہ ادکار نے ایک اسکول کے ملبے کی تصویر جاری کی ہے جسے اس نے خریدنے کے بعد مسمار کرا دیا، مذکورہ اداکار اس پرائمری اسکول کے کھنڈرات پر فاتحانہ انداز میں کھڑے ہوئے نظر آئے۔

     

    View this post on Instagram

     

    A post shared by Caglar Ertugrul (@caglarertugrul)

    اس اداکار کا کہنا ہے کہ جب وہ چھوٹا تھا تب وہ اس اسکول میں پڑھتا تھا، اس کے اساتذہ نے اسے متعدد بار سبق یاد نہ ہونے پر بہت مارا پیٹا تھا۔

    چاگلار ارطغرل نے بتایا کہ یہ ایک پرائمری اسکول ہے جس میں اس نے بچپن میں پڑھا تھا مگر اس اسکول کے ساتھ اس کی ناخوشگوار یادیں وابستہ تھیں۔

    اس کے بقول اساتذہ نے بچپن میں اسے اس اسکول میں مارا پیٹا تھا جس کی وجہ سے اس نے اسکول خرید کر اسے مسمار کر دیا۔

    اس نے کہا کہ میں اساتذہ کی اس زیادتی کا بدلہ لے لیا ہے جنہوں نے مجھے پڑھائی کےدوران مارا پیٹا تھا۔

    ترک اداکار کی پوسٹ پر عوامی حلقوں میں شدید غم وغصے کا اظہار کیا ہے، اس کے انسٹاگرام 3ملین سے زائد فالورز ہے جو اسے شدید تنقید کا نشانہ بنارہے ہیں۔

    سوشل میڈیا پر اس واقعے پر سامنے آنے والے رد عمل میں بعض لوگوں کو چاگلار ارطغرل کی حمایت کرتے دیکھا جا سکتا ہے۔ تاہم زیادہ تر صارفین نے اس کے اس اقدام سے سخت ناراضی کا اظہار کیا ہے۔

    سخت تنقید کے باعث ترک اداکار اپنے انسٹاگرام اکاؤنٹ پر کچھ صارفین کے تبصرے ’چھپادیے‘ تاکہ دوسرے لوگ انہیں نہ دیکھ سکیں۔

    ترک میڈیا کا کہنا ہے کہ شاید ترک اداکار اپنے اس عمل سے صارفین کو ہنسانا چاہتے تھے یا اپنی تعریف کرانا مقصود تھا لیکن وہ ایسا کرنے میں ناکام رہے۔

    دوسری جانب بعض میڈیا پلیٹ فارمز پر ایک الگ کہانی سامنے آرہی ہے جس میں بتایا گیا ہے کہ یہ چاگلار ارطغرل جس اسکول کے کھنڈرات پر کھڑا ہے وہ دو سال قبل آنے والے زلزلے میں تباہ ہوگیا تھا۔

    ایک ہفتے سے بھی کم عرصے سے شدید تنقید کا سامنا کرنے کے باوجود مشہور اداکار کی جانب سے ابھی تک کوئی جواب نہیں دیا گیا ہے۔ واضح رہے کہ اداکار چاگلار ارطغرل نے ’منظمہ‘ سمیت ترکیہ کی کئی فلموں اور ڈراموں میں اداکاری کی ہے۔

  • بھارت میں ہندوؤں کا اذان کی آواز پر تنازعہ، مسلمان اہم قدم اٹھانے پر مجبور

    بھارت میں ہندوؤں کا اذان کی آواز پر تنازعہ، مسلمان اہم قدم اٹھانے پر مجبور

    نئی دہلی: بھارت کے شہر ممبئی میں ہندوؤں کی جانب سے اذان کی آواز پر تنازعہ کھڑا کرنے اور ان کے مطالبے کے بعد سینکڑوں مساجد میں اذان دینے کے لیے لاؤڈ اسپیکرز کی آواز کم کر دی گئی۔

    ممبئی کی سب سے بڑی مسجد کے امام محمد اشفاق قاضی نے اذان دینے سے قبل لاؤڈ اسپیکر سسٹم کے ساتھ نصب آواز کی پیمائش کرنے والے آلے کو دیکھتے ہوئے کہا کہ ہماری اذان کی آواز ایک سیاسی مسئلہ بن گئی ہے، لیکن میں نہیں چاہتا کہ يہ معاملہ مذہبی رخ اختیار کرے۔

    اشفاق قاضی اور انڈین ریاست مہاراشٹرا کے تین دیگر سینیئر مسلم مذہبی رہنماؤں نے اتفاق کیا ہے کہ اس ریاست کے مغربی حصے میں قائم 900 مساجد میں اذان دیتے ہوئے لاؤڈ اسپیکر کی آواز کم رکھی جائے گی۔

    یہ فیصلہ مقامی ہندو رہنماؤں کی طرف سے درج کروائی گئی شکایات کے بعد کیا گیا ہے۔

    ہندو جماعت کے رہنما راج ٹھاکرے نے اپریل میں مطالبہ کیا تھا کہ مساجد اور عبادات کے دیگر مراکز کو اس بات کا پابند کیا جائے کہ وہ شور کو ایک حد کے اندر رکھیں۔

    انہوں نے دھمکی دی تھی کہ اگر ایسا نہ کیا گیا، تو ان کے حامی بطور احتجاج مساجد کے باہر ہندو مذہبی نعرے لگائیں گے۔

    مہا راشٹرا کے ریاستی دارالحکومت ممبئی میں صحافیوں سے گفتگو کرتے ہوئے راج ٹھاکرے کا کہنا تھا کہ اگر مذہب ایک ذاتی معاملہ ہے تو پھر مسلمانوں کو 365 دن لاؤڈ اسپیکر استعمال کرنے کی اجازت کیوں ہے۔

  • برتن دھونے کے معمولی تنازع پر نوجوان قتل

    برتن دھونے کے معمولی تنازع پر نوجوان قتل

    بھارت میں امر بسنت مہوپترا نامی نوجوان کو اس کے فلیٹ میں ساتھ رہنے والے شخص نے برتن دھونے کے معولی تنازع پر قتل کردیا۔ پولیس نے ملزم کو گرفتار کرلیا ہے۔

    دنیا میں لوگوں کی قوت برداشت اتنی کم ہوگئی ہے کہ اب معمولی معمولی باتوں پر ایک ساتھ رہنے اور کھانے پینے والے ایک دوسرے کی جان بھی لینے سے گریز نہیں کرتے ایسا ہی ایک واقعہ پڑوسی ملک بھارت میں پیش آیا ہے جہاں ایک ہی فلیٹ میں مقیم ایک شخص نے اپنے ساتھی کی جان برتن دھونے کے معمولی تنازع پر لے لی۔

    بھارتی میڈیا کی رپورٹ کے مطابق مقتول 28 سالہ امر بسنت مہوپترا، ملزم انیل کمار سرت کمار داس اور ایک اور 40 سالہ برجو ساہو جو بھارت کے مختلف علاقوں کے رہائشی ہیں جو پیشے کے لحاظ سے حجام ہیں اور روزگار کے سلسلے میں ایک ہی فلیٹ میں مقیم تھے۔

    پولیس کے مطابق گزشتہ جمعے کی نصف شب مہاپترا نے داس سے برتن دھونے کو کہا جس کے بعد دونوں میں بحث ہوئی اور مشتعل ہو کر داس نے باورچی خانے کا چاقو اٹھایا اور مہاپترا پر بے دردی سے وار کردیا جس کے نتیجے میں وہ موقع پر ہی جان سے ہاتھ دھو بیٹھا۔

    اس واقعے کی شکایت ملزم اور مقتول کے ساتھ رہنے والے تیسرے شخص 40 سالہ برجو ساہو نے درج کرائی تھی جس پر پولیس نے فوری کارروائی کرتے ہوئے ملزم داس کو حراست میں لے لیا ہے۔

  • آئی پی ایل میچ میں ایسا کیا ہوا؟ چیٹر چیٹر کے نعرے لگ گئے، ویڈیوز دیکھیں

    آئی پی ایل میچ میں ایسا کیا ہوا؟ چیٹر چیٹر کے نعرے لگ گئے، ویڈیوز دیکھیں

    آئی پی ایل 2022 میں گزشتہ روز دہلی کیپیٹلز اور راجھستان رائلز کے درمیان کھیلے نو بال نہ دینے پر کپتان، کھلاڑیوں نے امپائر سے بحث کررہے تھے کہ گراؤنڈ میں چیٹر چیٹر کے نعرے گونجنے اٹھے۔

    آئی پی ایل 2022 میں گزشتہ روز دہلی کیپٹلز اور راجستھان رائلز کے درمیان میچ کھیلا گیا جوکہ راجستھان نے 15 رنز سے جیت لیا لیکن جیت ہار سے بالاتر یہ میچ ایک واقعے کے بعد موضوع بحث بن گیا ہے۔

    ہواں یوں کہ میچ کا آخری اوور جاری تھا اور دہلی کو اس میچ کی آخری 6 گیندوں میں جیت کیلئے 36 رنز درکار تھے۔ روومین پاویل اسٹرائیک پر تھے اور بالر تھے اوبیڈ میکائے، پاویل نے اوور کی پہلی تین گیندوں پر لگاتار تین چھکے لگا کر اسٹیڈیم میں تھرتھلی مچا دی لیکن اوور کی تیسری گیند نے تنازع کھڑا کردیا۔

    اوبیڈ کی جانب سے اوور کی کرائی گئی تیسری گیند فل ٹاس تھی اور بیٹر پاویل نے کمر کے اوپر گیند کھیلتے ہوئے مڈ وکٹ پر چھکا لگایا تھا۔ اس وقت نان اسٹرائیکر اینڈ پر کھڑے کلدیپ امپائر کی جانب سے اس گیند کو نو بال نہ دینے کے فیصلہ سے ناراض ہو گئے اور امپائر سے نو بال چیک کرنے کا مطالبہ کرنے لگے۔ اس کے بعد پاویل بھی امپائر کے پاس پہنچے اور یوں بحث شروع ہوگئی یہ بحث جاری تھی کہ ایک شخص دہلی کیپٹلز کے ڈگ آؤٹ سے نکل کر گراؤنڈ میں پہنچا اور چھکوں چوکوں کی برسات کی جگہ لفظی گولہ باری شروع ہوگئی۔

     

    دہلی کیپیٹلز ٹیم کا موقف تھا کہ اوبیڈ میکائے کی گیند کو اونچائی کی وجہ سے نو بال دینا چاہیے تھا اور فیلڈ امپائر کو نو بال کو چیک کرنے کے لیے تھرڈ امپائر کی مدد لینی چاہیے تھی۔ دہلی کے کپتان ریشبھ پنت بھی نو بال کی بحث میں اتر آئے اور انہوں نے کلدیپ اور پاویل کو ڈگ آؤٹ سے ہی باہر آنے کا اشارہ دیا لیکن تاہم شین واٹسن کے سمجھانے کے بعد پنت نے اپنا فیصلہ بدل لیا اور دونوں بلے باز میدان میں ڈٹے رہے اور ان کی امپائر سے یہ بحث کافی دیر تک جاری رہی۔

    اس دوران دہلی کے اسسٹنٹ کوچ پراوین امرے بھی امپائر سے بات کرنے میدان میں آئے۔ تاہم تمام تر تنازعات اور بھرپور بحث کے باوجود یہ فیصلہ تھرڈ امپائر کے پاس نہیں گیا اور بالآخر دہلی کو میچ 15 رنز سے شکست کا سامنا کرنا پڑا۔

    جب یہ سارا ڈراما گراؤنڈ میں جاری تھا تو اچانک سٹیڈیم میں بیٹھے تماشائیوں نے چیٹر چیٹر کا شور مچانا شروع کر دیا۔ یہ ویڈیو سوشل میڈیا پر وائرل ہو رہی ہے۔

  • کیٹ مڈلٹن کی سیاہ فام خاتون کے ساتھ ویڈیو نے تنازعہ کھڑا کردیا

    کیٹ مڈلٹن کی سیاہ فام خاتون کے ساتھ ویڈیو نے تنازعہ کھڑا کردیا

    جمیکا : مغربی ممالک میں سیاہ فام باشندوں کے ساتھ ناروا سلوک کوئی اچھنبے کی بات نہیں میڈیا پر اکثر ایسے واقعات رپورٹ ہوتے رہتے ہیں جس میں سیاہ فام لوگوں سے متعصبانہ رویہ رکھا جاتا ہے۔

    کچھ ایسا ہی واقعہ جزیرہ نما ملک جمیکا میں پیش آیا جہاں کیٹ مڈلٹن اور شہزادہ ولیم ایک علاقے کے دورے پر پہنچے جہاں ایک سیاہ فام خاتون نے ان کا استقبال کیا۔

    کیٹ مڈلٹن اور شہزادہ ولیم کے دورہ جمیکا کی تصاویر اور ویڈیوز نے سوشل میڈیا پر ایک نئی بحث چھیڑ دی ہے۔ کیٹ مڈلٹن کے سیاہ فام خاتون سے پیچھے ہٹنے کی ویڈیو نے تنازعہ کھڑا کردیا۔

    سماجی رابطے کی ویب سائٹ ٹوئٹر پر وائرل ہونے والی اس ویڈیو پر صارفین کی جانب سے شدید تنقید کی گئی ہے، ویڈیو میں دیکھا جاسکتا ہے کہ جب سیاہ فام خاتون کیٹ مڈلٹن کے استقبال کیلیے ان کا ہاتھ تھامنے کیلیے اپنا ہاتھ پڑھاتی ہے تو کیٹ مڈلٹن احتیاطاً پیچھے ہٹنے کی کوشش کرتی ہیں۔

    ویڈیو کا یہ منظر صارفین کو متعصبانہ لگا جس پر کیٹ مڈلٹن کو شدید تنقید کا نشانہ بنایا جارہا ہے۔

     

    اس حوالے سے پرنس ہیری اور میگھن مارکل کی سوانح عمری “فائنڈنگ فریڈم” کے شریک مصنف امید سکوبی نے کہا کہ میں حیران ہوں کہ ہیل پیلس کے منتظمین ان تصاویراور ویڈیوز کو جاری کرتے ہوئے کیا سوچ رہے تھے۔

    انہوں نے مزید کہا کہ ان مشہور شخصیات کو دیکھنے اور ان سے ملنے کے لیے لوگوں کا جذبات میں آنا لازمی امر ہے۔

  • سابق ملکہ حسن نے موجودہ فاتح سے زبردستی تاج چھین لیا

    سابق ملکہ حسن نے موجودہ فاتح سے زبردستی تاج چھین لیا

    سری لنکا میں مقابلہ حسن کی تقریب اس وقت کسی ڈرامے کے اسٹیج میں تبدیل ہوگئی جب موجودہ ملکہ حسن نے رواں برس کی فاتح کے سر سے زبردستی تاج اتار لیا۔

    سری لنکا میں ہر سال شادی شدہ خواتین کے لیے مسز سری لنکا کا مقابلہ منعقد کیا جاتا ہے جس میں حصہ لینے والی خواتین کے لیے شادی شدہ ہونا ضروری ہے۔

    تاہم رواں برس جب اس مقابلے کی فاتح پشپکا ڈی سلوا نامی حسینہ کو قرار دیا گیا تو سال 2019 کی فاتح کیرولین جوری اسٹیج پر آئیں اور انہوں نے مائیک پر اعلان کیا کہ یہ مقابلہ شادی شدہ خواتین کے لیے ہے، مطلقہ خواتین کے لیے نہیں، اور اس کے بعد انہوں نے ڈی سلوا کو پہنایا گیا تاج زبردستی اتار لیا۔

    مائیک پر سب کے سامنے اعلان کرتے ہوئے کیرولین نے کہا کہ میں انتظامیہ کو مقابلے کا وہ قانون یاد کروانا چاہتی ہوں جس کے تحت مقابلے میں حصہ لینے والی خاتون کو شادی شدہ ہونا چاہیئے، طلاق یافتہ نہیں۔

    اس کے بعد انہوں نے از خود دوسری رنر اپ کو فاتح قرار دیا، خود ہی ڈی سلوا کی طرف بڑھیں اور ان کے سر سے زبردستی تاج اتار کر رنر اپ کو پہنا دیا۔ اس دوران منتظمین میں سے کسی نے انہیں روکنے کی کوشش نہیں کی جبکہ اس ہتک آمیز سلوک کے بعد ڈی سلوا روتی ہوئی اسٹیج سے چلی گئیں۔

    اس چھینا جھپٹی کے دوران ڈی سلوا کو چوٹیں بھی پہنچیں جس کے بعد انہیں اسپتال جانا پڑا، بعد ازاں پولیس نے بھی ہنگامہ آرائی کرنے والی سابق ملکہ حسن کیرولین کو گرفتار کرلیا۔

    معاملے کے ایک روز بعد مقابلے کے منتظمین نے واقعے پر افسوس کا اظہار کرتے ہوئے ڈی سلوا کو ہی فاتح قرار دیا اور کہا کہ ان کے مطلقہ ہونے کی تصدیق نہیں ہوسکی لہٰذا رواں برس کی فاتح وہی ہیں۔

    انتظامیہ نے سابق ملکہ حسن کے رویے پر معافی مانگتے ہوئے یہ بھی کہا کہ اس تمام واقعے کا جائزہ لیا جارہا ہے۔

    دوسری جانب رواں برس کی فاتح ڈی سلوا کا کہنا ہے کہ وہ ذاتی وجوہات کی بنا پر اپنے شوہر سے علیحدہ ضرور رہ رہی ہیں تاہم ابھی طلاق نہیں ہوئی۔

    ایک پریس کانفرنس میں انہوں نے کہا کہ سری لنکا میں میری طرح کی بہت سے سنگل مائیں ہیں جنھیں بہت کچھ سہنا پڑ رہا ہے۔ یہ تاج وہ ایسی ہی خواتین کے نام کرتی ہیں جنہیں اپنے بچوں کی اکیلے پرورش کرنے میں مشکلات کا سامنا کرنا پڑ رہا ہے۔

    انہوں نے یہ بھی کہا کہ وہ اس ہتک آمیز اور غیر مناسب رویے کے خلاف جس کا انہیں اسٹیج پر سامنا کرنا پڑا، قانونی کارروائی کریں گی۔

  • یمنی پارلیمنٹ کا مارٹن گریفیتھس پر عدم اعتماد، بائیکاٹ کا مطالبہ

    یمنی پارلیمنٹ کا مارٹن گریفیتھس پر عدم اعتماد، بائیکاٹ کا مطالبہ

    صنعاء : یمنی پارلیمنٹ نے الزام عائد کیا ہے کہ اقوام متحدہ کے امن ایلچی اقوام متحدہ کی قراردادوں بالخصوص قرارداد 2216 اور سویڈن معاہدے کی خلاف ورزی کرر ہے ہیں۔

    تفصیلات کے مطابق یمن کی پارلیمنٹ نے اپنے حالیہ اجلاس میں حکومت پر زور دیا ہے کہ وہ یمن کے لیے اقوام متحدہ کے جنرل سیکرٹری کے مقرر کردہ مندوب مارٹن گریفیتھس کے ساتھ تعاون نہ کرے کیونکہ مسٹر گریفیتھس اسٹاک ہوم میں طے پائے جنگ بندی معاہدے کے اصولوں کی خلاف ورزی کے مرتکب ہوئے ہیں۔

    عرب ٹی وی کے مطابق یمنی پارلیمنٹ کی طرف سے وزیراعظم معین عبدالملک پر زور دیا گیا ہے کہ وہ اقوام متحدہ کے مندوب کے ساتھ کسی قسم کے تعاون سے انکار کر دیں۔

    پارلیمنٹ کا کہنا تھا کہ ایرانی حمایت یافتہ حوثیوں کا الحدیدہ شہر اور بندرگاہ سے یکطرفہ طور پر انخلاء محض ایک ڈرامہ ہے، اس طرح کا ڈرامہ 29 دسمبر 2018ء کو بھی رچایا جا چکا ہے جسے یمنی حکومت اور جنرل پیٹرک کامیرٹ نے مسترد کر دیا تھا۔

    مکتوب میں مزید کہا گیا ہے کہ الحدیدہ شہر اور بندرگاہ سے حوثیوں کے انخلاء کا مطالبہ سویڈن میں طے پائے جنگ بندی معاہدے میں کیا گیا تھا، معاہدے میں طے تھا کہ حوثی باغی انخلاء سے قبل تمام حکومتی تنصیبات کا کنٹرول سرکاری فوج کے حوالے کریں گے۔

    غیر ملکی خبر رساں ادارے کے مطابق بیان میں یمنی پارلیمنٹ نے اقوام متحدہ کے ایلچی کی طرف سے حوثی ملیشیا کے انخلاء پر مبارک باد کے پیغام کو افسوسناک قرار دیا۔

    مکتوب میں کہا گیا ہے کہ اقوام متحدہ کے امن ایلچی اقوام متحدہ کی قراردادوں بالخصوص قرارداد 2216 اور سویڈن معاہدے کی خلاف ورزی کرر ہے ہیں۔

  • کئی روز سے امریکا میں ہوں: فواد خان نے پولیو مقدمہ پر خاموشی توڑ دی

    کئی روز سے امریکا میں ہوں: فواد خان نے پولیو مقدمہ پر خاموشی توڑ دی

    لاہور: پاکستانی اداکار فواد خان نے پولیو کے قطرے نہ پلانے پر اپنے خلاف دائر ہونے والے مقدمے پر خاموشی توڑتے ہوئے وضاحت پیش کردی۔

    تفصیلات کے مطابق گزشتہ روز پاکستانی اداکار کے خلاف لاہور کے تھانے میں پولیو ورکرز سے تعاون نہ کرنے اور بچوں کو قطرے نہ پلانے کے خلاف مقدمہ درج کیا گیا تھا۔

    وزیراعظم کے فوکل پرسن برائے انسداد پولیو مہم بابر عطا نے سماجی رابطے کی ویب سائٹ پر اداکار اور اُن کی اہلیہ کے نام پیغام جاری کرتے ہوئے کہا تھا کہ ’فواد خان اپنے بچوں کو پولیو کے قطرے پلوائیں کیونکہ ہم چاہتے ہیں پاکستان میں ہر بچہ اس بیماری سے محفوظ رہے‘۔

    پاکستانی اداکار نے اپنے خلاف دائر ہونے والے مقدمے پر خاموشی توڑتے ہوئے وضاحت پیش کی جس میں انہوں نے بتایا کہ وہ اپنی اہلیہ اور بچوں کے ہمراہ امریکا میں گزشتہ کئی روز سے موجود ہیں۔

    فواد خان کا کہنا تھا کہ ’میں ملک میں جاری انسداد پولیو مہم نہ صرف حمایت کرتا ہوں بلکہ ڈبلیو ایچ او کی ہدایات سے بھی بخوبی واقف ہوں، میری بیٹی کو حفاظتی ٹیکے وقت پر لگائے جاتے ہیں جس کا ریکارڈ بھی میرے پاس موجود ہے‘۔

    پاکستانی اداکار نے بتایا کہ وہ دبئی میں ہونے والی پی ایس ایل تقریب کے بعد امریکا آگئے تھے، انہوں نے سوال اٹھایا کہ جب میں گھر  پر موجود نہیں تو رضاکاروں پولیو کے قطرے پلانے سے کس نے انکار کیا؟ ۔

    فواد خان نے اپنے خلاف دائر ہونے والے مقدمے پر کہا کہ اس واقعے سے میری شہرت اور شخصیت کو ٹھیس پہنچی، مجھے اس کے خلاف قانونی ایکشن کا مکمل اختیار ہے جس کا استعمال وہ کریں گے۔

    پاکستانی اداکار کی پبلک ریلیشن ٹیم نے اُن کی گزشتہ روز کی دو تصاویر شیئر کیں جس میں بتایا گیا ہے کہ فواد خان نے کل نیوجرسی میں منعقد ہونے والے پروگرام میں شرکت کی اور مداحوں سے بات چیت کی۔

    ضلعی انتظامیہ نے دعویٰ کیا تھا کہ جب پولیو ٹیم اداکار کے گھر گئی تو فواد خان کی اہلیہ صدف خان نے بچوں کو پولیو قطرے پلانے کی اجازت نہیں دی۔

    ڈپٹی کمشنر لاہور صالحہ سعید کا کہنا ہے تھا کہ فواد خان کی اہلیہ صدف خان کی جانب سے پولیو ویکسین نہ پلوانے پر گھر کے سربراہ فواد خان کے خلاف مقدمہ درج کرلیا گیا۔

    صالحہ سعید کے مطابق اداکار فواد خان کے گھر سارا دن پولیو ورکرز کی ٹیم موجود رہی، لاہور میں بچوں کو پولیو کے قطرے نہ پلوانے پر مزید 6 افراد کے خلاف مقدمہ درج کیا گیا ہے۔

    ترجمان کا کہنا تھاکہ 4 مقدمات تھانہ فیصل ٹاؤن اور 2 مقدمات تھانہ ماڈل ٹاؤن میں درج کرائے گئے ہیں، ضلعی انتظامیہ کے مطابق پولیو ورکرز کے ساتھ تعاون نہ کرنے پر یہ کارروائیاں عمل میں لائی گئی ہیں۔

  • شاہی خاندان کی شادی تنازع کا شکار، میگھن کی تصدیق

    شاہی خاندان کی شادی تنازع کا شکار، میگھن کی تصدیق

    لندن: برطانوی شہزادے ہیری کی شادی تنازع کا شکار ہوگئی،  شاہی خاندان کی بہو بننے والی امریکی اداکارہ میگھن مارکل نے تصدیق کی ہے کہ اُن کے والد شادی کی تقریبات میں شرکت نہیں کریں گے۔

    تفصیلات کے مطابق برطانوی شاہی خاندان کے نواب پرنس ہیری اور میگھن مارکل کی شادی 19 مئی کو منعقد کی جائے گی جس کی تیاریاں حتمی مراحل میں داخل ہوچکیں۔ دلہن دلہا کا لباس ہو یا پھر مہمانوں کی فہرست شاہی خاندان نے تمام ہی چیزوں کو حتمی شکل دے دی تاہم شادی کے حوالے سے ایک نیا تنازعہ کھڑا ہوگیا جس نے سب کو پریشان کر کے رکھ دیا۔

    مزید پڑھیں: میگھن مرکل کا والدہ کے لیے صدیوں پرانی روایت توڑنے کا فیصلہ

    شاہی خاندان کی بہو بننے والی امریکی اداکارہ میگھن مارکل نے جمعرات کے روز انتہائی افسردہ لہجے میں تصدیق کی کہ میرے والد شادی کی تقریب میں شرکت نہیں کریں گے۔ اُن کا کہنا تھا کہ میں نے ہمیشہ والد کا خیال رکھا اُن کی صحت پر خصوصی توجہ دی مگر افسوس ایسی صورتحال پیدا ہوگئی کہ اب میرے سربراہ شادی میں شرکت نہیں کرسکیں گے۔

    ذرائع کے مطابق میگھن مارکل کے والد کے دل کی سرجری ہوئی جس کے باعث ڈاکٹروں نے انہیں سفر کرنے سے منع کیا ہے، اسی وجہ سے وہ شادی کی تقریب میں شرکت نہیں کریں گے۔

    شاہی خاندان نے میگھن مارکل کا بیان جاری کیا جس میں انہوں نے اس بات کی تصدیق کی کہ ’میرے والد میکسیکو میں رہائش پذیر ہیں اور وہ صحت کی وجہ سے ہی شرکت نہیں کرسکیں گے‘۔

    یہ بھی پڑھیں: امریکی شہری برطانوی شاہی شادی کے کیک کھانے لگے

    میگھن مارکل نے اپنے پیغام میں تمام لوگوں کا شکریہ ادا کرتے ہوئے درخواست کی کہ وہ خصوصا شادی کی تقریب اور آئندہ کی زندگی اچھی گزرنے کے لیے مجھے اور ہیری کو دعاؤں میں یاد رکھیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔