Tag: converts to Islam

  • ہالینڈ کے معروف اداکار دائرہ اسلام میں داخل

    ہالینڈ کے معروف اداکار دائرہ اسلام میں داخل

    ہالینڈ کے معروف اداکار اور سوشل میڈیا انفلوئنسر ڈونی رول وِنک دائرہ اسلام میں داخل ہوگئے، انہوں نے ایک   مقامی مسجد میں کلمہ طیبہ پڑھ کر دین اسلام کو قبول کرلیا۔

    سوشل میڈیا پر متاثر کن عوامی شخصیت اور ماڈل کے طور پر پہچانے جانے والے ڈونی کو انسٹاگرام پر ایک وائرل ویڈیو میں مسجد کے اندر کلمہ شہادت پڑھتے ہوئے دکھایا گیا ہے۔

    غیر ملکی خبر رساں ادارے کی رپورٹ کے مطابق اداکار اور گلوکار ڈونی رولونک نے 19 اپریل بروز جمعہ کو ایک مقامی مسجد میں مائیک پر کلمہ شہادت کی تلاوت کرکے باقاعدہ اسلام قبول کیا جس کی ویڈیو انسٹاگرام پر وائرل ہوگئی۔

    ان کے اسلام قبول کرنے کی خبر نے سوشل پلیٹ فارمز پر تہلکہ مچا دیا ہے، ان کے تمام مسلمان پرستار کھلے دل سے دین اسلام میں ان کا استقبال کر رہے ہیں۔

    ایک مداح نے لکھا ’’ماشااللہ۔‘‘ دوسرے نے لکھا کہ "ماشاءاللہ اسلام ہی واحد بڑھتا ہوا مذہب ہے الحمدللہ۔” تیسرے صارف نے تبصرہ کیا۔”کتنی اچھی خبر ہے، چوتھے نے اظہار کیا کہ”خوش آمدید بھائی،” ۔

    جیسا کہ ان کے انسٹاگرام پروفائل سے ظاہر ہوتا ہے، ڈونی گزشتہ چند ہفتوں سے اکثر مساجد کا دورہ کر رہے ہیں، ماہ رمضان کی سرگرمیوں کا مشاہدہ کر رہے ہیں اور قرآن پاک پڑھ رہے ہیں جو ان کے ایمان کی واضح علامت ہے۔

    islam

    یاد رہے کہ گزشتہ سال ون چیمپئن شپ فلائی ویٹ موئے تھائی چیمپئن نے بھی اسلام قبول کیا تھا۔

    سال 2022میں اداکار ڈونی رول ونک حادثے کا شکار ہوکر اپنی پانچ پسلیاں تڑوا بیٹھے تھےاور ان کے پھیپھڑے بھی متاثر ہوئے جبکہ ان کو کینسر کی تشخیص بھی ہوئی تھی۔

    اس حالت میں وہ اللہ کے قریب ہوئے جس کے بعد انہوں نے اسلام قبول کرنے کا فیصلہ کیا۔ اسلام قبول کرنے پر پوری دنیا میں مسلمانوں کی جانب سے غیر ملکی اداکار کو سوشل میڈیا پر مبارکباد کے پیغامات بھیجے جارہے ہیں۔

     

  • اسلامی تعلیمات سے متاثر ہو کر یوکرینی نوجوان نے اسلام قبول کر لیا

    اسلامی تعلیمات سے متاثر ہو کر یوکرینی نوجوان نے اسلام قبول کر لیا

    خارکیف: اسلامی تعلیمات سے متاثر ہو کر ایک یوکرینی نوجوان نے اسلام قبول کر لیا۔

    تفصیلات کے مطابق اسلام کی تعلیمات نے یوکرینی کے دل میں جگہ بنالی، خارکیف کے معذور لڑکے ورونکو نے اسلام قبول کر لیا۔

    روسی حملے میں خارکیف کے رہائشی ورونکو نہ صرف اپنا گھر کھو بیٹھے تھے بلکہ اہلیہ اور 2 بیٹیوں سے بھی جدا ہو گئے تھے۔

    ایسے وقت میں مسجد کے امام نے ورونکو کو مسجد میں پناہ دی، جس کے بعد دین اسلام سے متاثر ہو کر ورونکو اُرکو نے اسلام قبول کر لیا۔

    مسجد کے امام کا کہنا ہے جب صورت حال خراب تھی تو ورونکو نے مدد مانگی، اس کے بعد ورونکو ہمارے ساتھ مسجد میں رہتے ہیں اور اب ہم بھائی ہیں۔

    ایک ویڈیو میں ورونکو نے بتایا کہ جب 8 مارچ کو رضاکار میری فیملی کو کہیں لے گئے، تو میں بالکل اکیلا رہ گیا تھا۔

    انھوں نے کہا کہ جب حملہ ہوا تو میں 9 ویں فلور سے شیلٹر جایا کرتا تھا، عمارت میں کوئی گیس، بجلی اور پانی کچھ بھی نہیں تھا، تب امام محمد علی نے مسجد میں مجھے رہنے کی پیش کش کر دی۔

    رپورٹ کے مطابق ورونکو نے کچھ دنوں بعد اسلام قبول کر لیا، امام نے بتایا کہ جب حالات ناقابل برداشت ہو گئے تو ورونکو نے مجھ سے رابطہ کر کے کہا ’علی مجھے لے جاؤ۔‘ تب سے وہ مسجد میں رہائش پذیر ہیں، اور ہم اب بھائی بھائی ہیں۔

  • مشہور و معروف آئرش  گلوکارہ شنیڈ اوکانر نے اسلام قبول کرلیا

    مشہور و معروف آئرش گلوکارہ شنیڈ اوکانر نے اسلام قبول کرلیا

    آئر لینڈ : مشہور و معروف آئرش راک اسٹار شنیڈ اوکانر نے اسلام قبول کرکے اپنا نام شہدا رکھ لیا اور کہا میرا اسلام قبول کرنا بغیر کسی دباو کہ ایک فطری عمل ہے۔

    تفصیلات کے مطابق 51 سالہ مشہور و معروف آئرش راک اسٹار شنیڈ اوکانر نے اسلام قبول کرنے کے بعد سماجی رابطے کی ویب سائٹ ٹوئٹر پر اپنے پیغام میں کہا مسلمان ہونے پر بے حد فخر محسوس کررہی ہیں، یہ کسی بھی ذہین نظریاتی سفر کا فطری نتیجہ ہے اور تمام تحریری مطالعے اسلام کی طرف جاتے ہیں، میں نے اپنا نام بھی تبدیل کر لیا ہے، اب مجھے نئے نام شہداء سے ہی پکارا جائے۔

    اسلام قبول کرنے کے ساتھ ہی گلوکارہ کی جانب سے ٹوئٹر پیج پر نام اور تصویر بھی تبدیل کردی گئی۔

    شنیڈ اوکانر نے حجاب کے ساتھ تصویر اور ویڈیو بھی سوشل میڈیا پر شئیر کی۔

    ایک اور ٹوئٹ میں آئرش گلوکارہ نے اذان کی ادائیگی کی ویڈیو شیئر کی اور ادائیگی میں ہونے والی غلطیوں پر معافی مانگی۔

    مغربی میڈیا کے مطابق آئرش گلوکارہ شنیڈ اوکانر جنہیں مگدا داویت کے نام سے بھی جانا جاتا ہے ،ان کو 80 کی دہائی میں اس وقت شہرت ملی، جب انہوں نے اپنی پہلی میوزک البم لانچ کی اور میوزل البم "دی لائن اینڈ دی کوبرا” نے ریلیز کے ساتھ ہی کئی ریکارڈز قائم کیے۔

    بعد ازاں 90 کی دہائی میں معروف گلوکار کو گلوکار پرنس کے گانے "ناتھنگ کپمیریس ٹو یو” کے ری مکس نے شہرت کی بلندیوں پر پہنچا دیا۔

  • جرمنی کی اسلام مخالف پارٹی کے رہنما نے اسلام قبول کرلیا

    جرمنی کی اسلام مخالف پارٹی کے رہنما نے اسلام قبول کرلیا

    برلن : جرمنی کی اسلام مخالف پارٹی کے رہنما رتھر واگنر نے اسلام قبول کرلیا اور اپنے عہدے سے استعفیٰ دے دیا ہے۔

    تفصیلات کے مطابق جرمنی میں اسلام مخالف پارٹی آلٹرنیٹیو فار جرمنی (اے ایف ڈی) سے تعلق رکھنے والے ایک رہنما نے اسلام قبول کرلیا ہے، رتھر واگنر نے اسلام قبول کرنے کے بعد پارٹی کی نیشنل ایگزیکٹو کمیٹی کی رکنیت سے استعفیٰ دے دیا ہے۔

    رتھر واگنر روسی نژاد جرمن شہری ہیں اور جرمنی کی ریاست برانڈنبرگ سے انکا تعلق ہے، انھوں نے 2015 میں اسلام مخالف جماعت اے ایف ڈی میں شمولیت اختیار کی تھی۔

    اے ایف ڈی میں شمولیت سے قبل وہ چانسلر انگیلا میرکل کی جماعت سی ڈی یو کے ساتھ منسلک رہے۔

    پارٹی ترجمان نے واگنر کے اسلام قبول کرنے کی تصدیق کرتے ہوئے یہ کہا انھوں نے ذاتی وجوہات کی بنا پر استعفیٰ دیا ، ہماری جماعت کو رتھر واگنر کے اسلام قبول کرنے سے کوئی مسئلہ نہیں۔

    واضح رہے کہ اے ایف ڈی جرمنی میں مسلمان تارکین وطن اور اسلام کے خلاف کام کرنے والی سب سے بڑی سیاسی جماعت ہے ، اسلام مخالف جماعت نے جرمنی میں ایک ملین سے زیادہ مہاجرین اور تارکین وطن کی آمد کے بعد اسلامائزیشن کے خطرے کا خدشہ ظاہر کرتے ہوئے حکومت سے ملکی سرحدوں کی نگرانی سخت کرنے کا مطالبہ کیا تھا۔

    خیال رہے کہ اس سے قبل ہالینڈ کی مسلمان مخالف سیاسی جماعت فریڈم پارٹی کے رہنما آرنوڈ فان ڈورن نے بھی اسلام قبول کرچکے ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔