لاہور : کوٹ لکھپت جیل میں قتل کے مجرم مشتاق کو پھانسی دے دی گئی ہے.
تفصیلات کے مطابق قتل کے جرم میں سزائے موت پانے والے مجرم مشتاق کو آج علی الصبح کوٹ لکھپت جیل میں پھانسی دے دی گئی، مجرم مشتاق نےسال 2000 میں عبداللہ نامی شخص کو قتل کیا تھا۔ مجرم کی گذشتہ روز ورثا سے آخری ملاقات بھی کروانے کے بعد ڈیتھ سیل میں منتقل کر دیا گیا تھا۔
پھانسی کے بعد میت کو ضابطے کی کارروائی کرکے اہل خانہ کے حوالے کردیا گیا۔
گزشتہ روز بھی پنجاب میں سزائے موت کے دو مجرموں کو تختہ دار پر لٹکایا گیا تھا، گوجرنوالہ سینٹرل جیل میں سزائے موت کے قیدی انور کو پھانسی دیدی گئی، مجرم انور نے تیرہ سالہ قبل اپنی بیوی اوربیٹی کو گھریلو تنازعہ پر قتل کیا تھا جبکہ سرگودھا ڈسٹرکٹ جیل میں قتل کے مجرم انصر اقبال کو پھانسی پر لٹکایا گیا، مجرم نے نو جون انیس سو چورانوے میں بھلوال میں صفدر نامی شخص کو دیرینہ دشمنی پرقتل کیا تھا.
خیال رہے کہ پاکستان میں سزائے موت کے قیدیوں کی سزا پر عمل درآمد پر سات سال سے غیر اعلانیہ پابندی عائد تھی، گذشتہ برس دسمبر میں پشاور میں آرمی پبلک اسکول پر طالبان کے حملے کے بعد ختم کر دی گئی تھی، پابندی کے خاتمے کے بعد سے اب تک 240 سے زائد مجرموں کو پھانسی دی جاچکی ہے۔
