Tag: Corona virus

ممبئی : بھارت میں کورونا وائرس کی وبا سے ہلاکتوں کی تعداد میں اضافے سے بہت سے شہروں میں شمشان گھاٹوں اور قبرستانوں میں آخری رسومات کی ادائیگی میں دشواریاں پیش آرہی ہیں۔

اس وقت دنیا بھر میں کورونا وائرس سے سب سے زیادہ متاثر ہونے والے ملکوں کی فہرست میں بھارت دوسرے نمبر پر ہے، کورونا وائرس کے مریضوں کی تعداد کے اعتبار سے بھارت نے برازیل کی جگہ لے لی ہے اور حکومت اس وبا کی دوسری لہر سے نمٹنے کی کوششیں کر رہی ہے۔

دوسری وبا کی شدت کی وجہ سے اس کو "سونامی” سے تشبہہ دی جا رہی ہے جبکہ اسپتالوں میں مریضوں کی گنجائش ختم ہو گئی ہے اور ہر روز ایک ہزار مریض ہلاک ہو رہے ہیں۔

ان دنوں کورونا وائرس سے یومیہ کیسز اور ہلاکتوں میں ریکارڈ اضافے کے ساتھ بھارت آکسیجن کی قلت کے باعث شدید بحرانی صورتحال کا شکار ہے۔ آکسیجن کی قلت سے متعلق تصاویر وائرل ہونے کے بعد پاکستانی ٹوئٹر صارفین نے پڑوسی ملک کی صورتحال پر تشویش کا اظہار کیا تھا۔

پاکستان میں ٹوئٹر صارفین نے وزیراعظم عمران خان پر زور دیا تھا کہ وہ انسانی بنیادوں پر بھارت کے لیے امداد بھیجیں۔ اس حوالے سے کئی ٹرینڈز بھی سامنے آئے جن میں سے ‘IndiaNeedsOxygen’ اور ‘PakistanStandsWithIndia’ کے ہیش ٹیگز بھی شامل تھے۔

دوسری جانب ایدھی فاؤنڈیشن کے چیئرمین فیصل ایدھی نے بھارتی وزیر اعظم نریندر مودی کے نام خط میں کورونا سے پیدا ہونے والے بحران پر تشویش کا اظہار کرتے ہوئے انہیں مدد کی پیشکش کی تھی جبکہ پاکستان نے بھی بھارت سے یکجہتی کا اظہار کرتے ہوئے باضابطہ طور پر امداد کی پیشکش کی تھی۔

اس کے علاوہ وزیر خارجہ شاہ محمود قریشی نے سماجی رابطے کی ویب سائٹ ٹوئٹر پر اپنے پیغام میں کہا تھا کہ کوویڈ-19 کی موجودہ وبا کے دوران بھارت کے عوام سے اظہار یکجہتی کرتے ہوئے پاکستان باضابطہ طور پر امداد کی پیشکش کرتا ہے۔

Heartwarming to see top trend from Pakistan #PakistanstandswithIndia #भारत_का_वीर_पुत्र_मोदी provided the country with vaccine nice to see them appreciate his kindness and reciprocate with love, we too acknowledge their empathy in these testing times #भारत_का_वीर_पुत्र_मोदी

— Kangana Ranaut (@KanganaTeam) April 24, 2021

پاکستان کی جانب سے اظہار یکجہتی، ہمدردی اور خیر سگالی کے پیغامات پر گزشتہ روز اداکارہ کنگنا رناوٹ نے بھی سوشل میڈیا پر خوشی کا اظہار کیا تھا، جس کے بعد ایک اور بالی ووڈ اداکارہ سوارا بھاسکر نے اظہارِ یکجہتی کرنے پر پاکستانی عوام کا شکریہ ادا کیا ہے۔

سماجی رابطے کی ویب سائٹ ٹوئٹر پر کی گئی ٹوئٹ میں سوارا بھاسکر نے کہا کہ اس تباہ کن وقت میں پاکستانی سول سوسائٹی اور سوشل میڈیا کی جانب سے بھارت سے اظہارِ یکجہتی اور ہمدردی دیکھ کر خوشی ہوئی۔

Heartening to see Pakistani civil society & social media reach out in solidarity & kindness to India, during this devastating time.. this despite the fact that our media & mainstream public discourse have consistently mocked & vilified Pakistanis.. Thank u 4 ur bada dil Padosi 💙

— Swara Bhasker (@ReallySwara) April 24, 2021

سوارا بھاسکر نے کہا کہ اس حقیقت کے باوجود کہ ہمارے میڈیا اور مین اسٹریم پر پاکستانیوں کا مسلسل مذاق اڑایا جاتا ہے اور ان سے متعلق غلط معلومات پھیلائی جاتی ہیں انہوں نے مزید لکھا کہ آپ کے بڑے دل کے لیے شکریہ پڑوسی۔

یاد رہے کہ اس سے قبل سوارا بھاسکر نے بھارت کے لیے تشویش کا اظہار کرنے پر پاکستانی کرکٹر شعیب اختر کا بھی شکریہ ادا کیا تھا۔ انہوں نے کہا کہ تھا شعیب اختر جی ہم، آپ کی ہمدردی اور جذبہ انسانی کے بہت مشکور ہیں۔