پشاور: صوبہ خیبر پختونخواہ کے وزیر صحت تیمور خان جھگڑا کا کہنا ہے کہ صوبے میں کووڈ 19 کے کیسز مثبت آنے کی شرح 12.3 فیصد رہی، 5 اضلاع میں کرونا کے مثبت کیسز 20 فیصد جبکہ 9 اضلاع میں 10 فیصد رہے۔
تفصیلات کے مطابق صوبہ خیبر پختونخواہ کے وزیر صحت تیمور خان جھگڑا نے سماجی رابطے کی ویب سائٹ ٹویٹر پر اپنے ٹویٹ میں کہا کہ گزشتہ روز صوبے میں 1 ہزار 18 کرونا وائرس کیسز رپورٹ ہوئے۔
تیمور خان جھگڑا کا کہنا تھا کہ گزشتہ روز صوبے میں کیسز مثبت آنے کی شرح 12.3 فیصد رہی۔
انہوں نے بتایا کہ 5 اضلاع میں کرونا کے مثبت کیسز 20 فیصد رہے جن میں پشاور، صوابی، مردان، بونیر اور لوئر دیر شامل ہیں۔ مزید 9 اضلاع میں کرونا وائرس کیسز کے مثبت آنے کی شرح 10 فیصد رہی۔
تیمور خان جھگڑا نے مزید کہا کہ مجموعی طور پر کرونا وائرس مثبت آنے کی شرح مستحکم ہے لیکن پھر بھی زیادہ ہے۔
Pakhtunkhwa’s covid figures from yesterday. 1018 new positive cases; 12.3% positivity. 5 districts with 20%+ (Peshawar, Swabi, Mardan, Buner, Lower Dir); 9 more districts with 10%+ positivity. Overall positivity stable but still very high. Almost 2x HDU beds in use Vs 2nd wave. pic.twitter.com/fJAzE0Emmk
— Taimur Khan Jhagra (@Jhagra) April 8, 2021
پختونخواہ سمیت ملک بھر میں گزشتہ روز کرونا وائرس کے 5 ہزار 329 نئے کیسز رپورٹ ہوئے ہیں جس کے بعد ملک میں مجموعی کیسز کی تعداد 7 لاکھ 5 ہزار 517 ہوچکی ہے۔
نیشنل کمانڈ اینڈ آپریشن سینٹر کے مطابق گزشتہ 24 گھنٹے میں ملک میں کرونا وائرس سے مزید 98 اموات ہوئیں جس کے بعد کووڈ 19 سے اموات کی مجموعی تعداد 15 ہزار 124 ہوگئی۔
ملک میں کرونا وائرس کے فعال کیسز کی تعداد 66 ہزار 994 ہے جبکہ صحت یاب افراد کی تعداد 6 لاکھ 23 ہزار سے تجاوز کرچکی ہے۔
