ARYNews.tv | Urdu – Har Lamha Bakhabar

Tag: coronavirus-cases

  • کرونا وائرس: امریکا، برازیل اور بھارت میں روزانہ ہزاروں نئے کیسز رپورٹ

    کرونا وائرس: امریکا، برازیل اور بھارت میں روزانہ ہزاروں نئے کیسز رپورٹ

    واشنگٹن / برازیلیا / نئی دہلی: دنیا بھر میں کرونا وائرس کیسز کی تعداد 2 کروڑ 25 لاکھ سے تجاوز کر گئی، امریکا، برازیل اور بھارت میں روزانہ ہزاروں نئے کیسز رپورٹ ہونے کا سلسلہ جاری ہے۔

    بین الاقوامی میڈیا کے مطابق امریکا میں کرونا وائرس کے مریضوں کی تعداد 53 لاکھ 5 ہزار سے زائد ہوگئی، امریکا میں کرونا وائرس سے اب تک 1 لاکھ 67 ہزار ہلاکتیں ہوچکی ہیں۔

    دوسرے نمبر پر برازیل ہے جہاں کرونا وائرس کے متاثرین کی تعداد 31 لاکھ 12 ہزار ہوگئی جبکہ اموات 1 لاکھ 4 ہزار ہوگئی ہیں۔

    بھارت کرونا وائرس کیسز کے لحاظ سے دنیا بھر میں تیسرے نمبر پر ہے، بھارت میں اب تک 23 لاکھ 30 ہزار سے زائد کیسز سامنے آچکے ہیں جبکہ کرونا وائرس سے ہلاکتوں کی تعداد 46 ہزار 197 ہوچکی ہے۔

    کرونا وائرس کیسز کے حوالے سے روس اور جنوبی افریقہ بالترتیب چوتھے اور پانچویں نمبر پر ہیں، وبا کے آغاز میں سب سے زیادہ متاثر ملک اٹلی میں کئی روز سے کرونا وائرس کا کوئی کیس رپورٹ نہیں ہوا۔

    دوسری جانب چین میں ایک بار پھر کرونا وائرس سر اٹھاتا دکھائی دے رہا ہے، گزشتہ 24 گھنٹوں میں چین میں 25 نئے کیسز رپورٹ ہوئے ہیں، اس سے گزشتہ روز نئے کیسز کی تعداد 44 تھی۔

    مجموعی طور پر دنیا بھر میں کرونا وائرس کے کیسز کی تعداد 2 کروڑ 5 لاکھ سے تجاوز کر گئی ہے، دنیا بھر میں کرونا وائرس کے فعال کیسز کی تعداد 63 لاکھ 32 ہزار سے زائد ہے۔

    اب تک دنیا بھر میں کرونا وائرس سے ہونے والی اموات کی تعداد 7 لاکھ 45 ہزار 971 ہوچکی ہے جبکہ 1 کروڑ 34 لاکھ سے زائد کرونا کے مریض صحتیاب ہو چکے ہیں۔

  • پنجاب میں کرونا وائرس کے مزید 4 مریض جاں بحق

    پنجاب میں کرونا وائرس کے مزید 4 مریض جاں بحق

    لاہور: صوبہ پنجاب میں گزشتہ 24 گھنٹوں کے دوران کرونا وائرس کے 109 نئے کیسز رپورٹ ہوئے جبکہ 4 مزید اموات کے بعد صوبے میں اموات کی مجموعی تعداد 2 ہزار 174 ہوگئی۔

    تفصیلات کے مطابق صوبہ پنجاب میں کرونا وائرس کے 109 نئے کیسز سامنے آگئے جس کے بعد صوبے میں کرونا مریضوں کی تعداد 94 ہزار 586 ہوگئی۔

    ترجمان پرائمری اینڈ سیکنڈری ہیلتھ کیئر کا کہنا ہے کہ لاہور میں 55، گوجرانوالہ میں 13، گجرات میں 6 اور راولپنڈی میں 5 کیسز رپورٹ ہوئے۔

    ترجمان کا کہنا ہے کہ سیالکوٹ اور ملتان میں 4، 4، نارروال، جہلم، اور رحیم یار خان میں 3، 3، فیصل آباد اور میانوالی میں 2، 2، جبکہ چکوال، حافظ آباد، منڈی بہاؤ الدین، خانیوال، ٹوبہ ٹیک سنگھ، جھنگ، سرگودھا، بہاولپور اور ڈیرہ غازی خان میں 1، 1 کیس رپورٹ ہوا۔

    پرائمری اینڈ سیکنڈری ہیلتھ کیئر کے ترجمان کے مطابق گزشتہ 24 گھنٹوں میں کرونا وائرس سے مزید 4 اموات ہوئی ہیں جس کے بعد صوبے میں کرونا وائرس سے ہونے والی مجموعی اموات 2 ہزار 174 ہوچکی ہیں۔

    ترجمان کا کہنا ہے کہ اب تک 7 لاکھ 88 ہزار 860 ٹیسٹ کیے جاچکے ہیں، صوبے میں کرونا وائرس سے صحتیاب افراد کی تعداد 86 ہزار 289 ہوچکی ہے۔

    ترجمان نے مزید کہا کہ عوام سے گزارش ہے کہ حفاظتی تدابیر اختیار کر کے خود کو محفوظ بنائیں۔

    خیال رہے کہ پنجاب سمیت ملک بھر میں گزشتہ 24 گھنٹوں کے دوران کرونا وائرس کے 531 نئے کیسز کی تصدیق ہوئی ہے جس کے بعد ملک میں مجموعی کیسز کی تعداد 2 لاکھ 85 ہزار 191 ہوچکی ہے۔

    نیشنل کمانڈ اینڈ کنٹرول سینٹر کا کہنا ہے کہ ملک میں فعال کیسز کی تعداد 1 لاکھ 78 ہزار 83 ہے۔

    این سی او سی کے مطابق گزشتہ 24 گھنٹے میں ملک میں کرونا وائرس کے 15 مریض جاں بحق ہوئے جس کے بعد مجموعی اموات کی تعداد 6 ہزار 112 ہوگئی ہے۔

  • دنیا بھر میں کرونا وائرس کی تباہ کاریاں جاری، امریکا اور بھارت سرفہرست

    دنیا بھر میں کرونا وائرس کی تباہ کاریاں جاری، امریکا اور بھارت سرفہرست

    واشنگٹن / برازیلیا / نئی دہلی: دنیا بھر میں کرونا وائرس کیسز کی تعداد 2 کروڑ 2 لاکھ سے تجاوز کر گئی، امریکا، برازیل اور بھارت کرونا وائرس کیسز کے لحاظ سے بدستور پہلے، دوسرے اور تیسرے نمبر پر ہیں۔

    تفصیلات کے مطابق دنیا بھر میں کرونا وائرس کے کیسز کی تعداد 2 کروڑ 2 لاکھ سے تجاوز کر گئی، دنیا بھر میں کرونا وائرس کے فعال کیسز کی تعداد 64 لاکھ 56 ہزار سے زائد ہے۔

    اب تک دنیا بھر میں کرونا وائرس سے ہونے والی اموات کی تعداد 7 لاکھ 37 ہزار 135 ہوچکی ہے جبکہ 1 کروڑ 30 لاکھ سے زائد کرونا کے مریض صحتیاب ہو چکے ہیں۔

    کرونا وائرس کے کیسز اور اموات کے لحاظ سے امریکا سب سے زیادہ متاثر ہے، امریکا میں اب تک کرونا وائرس سے 1 لاکھ 66 ہزار 44 اموات ہوچکی ہیں۔

    امریکا میں کرونا وائرس کے 23 لاکھ 90 ہزار سے زائد فعال کیسز ہیں جبکہ 17 ہزار سے زائد زیر علاج مریضوں کی حالت تشویشناک ہے۔

    امریکا میں کرونا وائرس کے اب تک 52 لاکھ سے زائد کیسز رپورٹ ہو چکے ہیں جبکہ 26 لاکھ سے زائد کرونا مریض صحتیاب ہو چکے ہیں۔

    دوسرے نمبر پر برازیل ہے جہاں کرونا وائرس کے اب تک 30 لاکھ سے زائد کیسز رپورٹ ہوچکے ہیں جبکہ اموات 1 لاکھ 1 ہزار 752 ہوگئی ہیں۔

    بھارت کرونا وائرس کیسز کے لحاظ سے دنیا بھر میں تیسرے نمبر پر ہے، بھارت میں اب تک 22 لاکھ 67 ہزار سے زائد کیسز سامنے آچکے ہیں جبکہ کرونا وائرس سے ہلاکتوں کی تعداد 45 ہزار 353 ہوچکی ہے۔

    کرونا وائرس کیسز کے حوالے سے روس اور جنوبی افریقہ بالترتیب چوتھے اور پانچویں نمبر پر ہیں، وبا کے آغاز میں سب سے زیادہ متاثر ملک اٹلی میں کئی روز سے کرونا وائرس کا کوئی کیس رپورٹ نہیں ہوا۔

    دوسری جانب چین میں ایک بار پھر کرونا وائرس سر اٹھاتا دکھائی دے رہا ہے، گزشتہ 24 گھنٹوں میں چین میں 44 نئے کیسز رپورٹ ہوئے ہیں۔

  • ملک بھر میں کرونا وائرس کے 500 سے زائد نئے کیسز رپورٹ

    ملک بھر میں کرونا وائرس کے 500 سے زائد نئے کیسز رپورٹ

    اسلام آباد: ملک بھر میں کرونا وائرس کے 500 سے زائد نئے کیسز سامنے آگئے، گزشتہ 24 گھنٹے کے دوران ملک میں کرونا وائرس کے 15 مریض جاں بحق ہوئے۔

    تفصیلات کے مطابق گزشتہ 24 گھنٹوں کے دوران ملک بھر میں کرونا وائرس کے 531 نئے کیسز کی تصدیق ہوئی ہے جس کے بعد ملک میں مجموعی کیسز کی تعداد 2 لاکھ 85 ہزار 191 ہوچکی ہے۔

    نیشنل کمانڈ اینڈ کنٹرول سینٹر کا کہنا ہے کہ ان میں سے ایکٹو کیسز کی تعداد 1 لاکھ 78 ہزار 83 ہے۔

    این سی او سی کے مطابق گزشتہ 24 گھنٹے میں ملک میں کرونا وائرس کے 15 مریض جاں بحق ہوئے جس کے بعد مجموعی اموات کی تعداد 6 ہزار 112 ہوگئی۔

    24 گھنٹے میں کرونا وائرس کے 18 ہزار 227 ٹیسٹ کیے گئے، جبکہ مجموعی طور پر اب تک 21 لاکھ 65 ہزار 811 ٹیسٹ ہوچکے ہیں، اب تک کرونا وائرس کے 2 لاکھ 61 ہزار 246 مریض صحتیاب ہو چکے ہیں۔

    این سی او سی کا کہنا ہے کہ ملک بھر میں کرونا وائرس کے لیے مختص 18 سو 59 وینٹی لیٹرز میں سے صرف 146 پر مریض موجود ہیں۔

  • کرونا وائرس: بھارت میں ایک دن میں ریکارڈ 64 ہزار سے زائد کیسز رپورٹ

    کرونا وائرس: بھارت میں ایک دن میں ریکارڈ 64 ہزار سے زائد کیسز رپورٹ

    نئی دہلی: بھارت میں کرونا وائرس کے ایک دن میں ریکارڈ 64 ہزار سے زائد کیسز رپورٹ ہوگئے، وائرس سے اب تک 43 ہزار افراد ہلاک ہوچکے ہیں۔

    بھارتی میڈیا کے مطابق گزشتہ 24 گھنٹے کے دوران بھارت میں کرونا وائرس کے 64 ہزار سے زائد نئے کیسز رپورٹ ہوئے ہیں جس کے بعد ملک میں کرونا متاثرین کی مجموعی تعداد 21 لاکھ 56 ہزار 756 ہوگئی ہے۔

    یکم اگست کو بھارت میں 57 ہزار سے زائد نئے کیسز سامنے آئے تھے جبکہ صرف جولائی میں 11 لاکھ سے زائد کیسز کی تصدیق ہوئی تھی۔

    اب تک پورے ملک میں وائرس سے ہلاک ہونے والے افراد کی تعداد 43 ہزار 498 ہوچکی ہے، جبکہ 14 لاکھ سے زائد افراد صحتیاب ہوچکے ہیں۔

    بھارت اس وقت دنیا بھر میں کرونا وائرس کے متاثرین کے حوالے سے تیسرے نمبر پر ہے۔

    بھارت کی وزارت سول ایوی ایشن نے بین الااقوامی پروازوں کی معطلی میں 31 اگست تک توسیع کر دی ہے تاہم امریکا، یورپ اور مشرق وسطیٰ میں پھنسے بھارتی باشندوں کو واپس لانے والی پروازیں معمول کے مطابق جاری ہیں۔

    ملک بھر میں انڈر گراؤنڈ ریلوے اسٹیشنز، سنیما ہالز، سوئمنگ پولز، پارکس، بارز، تھیٹرز اور دیگر عوامی مقامات بھی 31 اگست تک بند ہیں۔

    بھارتی وزیر صحت کا کہنا ہے کہ بھارت میں 24 گھنٹوں کے دوران 6 لاکھ 40 ہزار سے زائد ٹیسٹس کیے جا رہے ہیں۔

  • پنجاب میں کرونا وائرس سے مزید 5 اموات

    پنجاب میں کرونا وائرس سے مزید 5 اموات

    لاہور: صوبہ پنجاب میں کرونا وائرس کے کیسز اور اموات میں کمی جاری ہے، گزشتہ 24 گھنٹوں کے دوران 277 نئے کیسز کی تصدیق ہوئی جبکہ 5 مزید اموات ہوئیں۔

    تفصیلات کے مطابق صوبہ پنجاب میں کرونا وائرس کے کیسز کی تعداد میں مزید کمی آرہی ہے، پنجاب میں نئے سامنے آنے والے کیسز کی تعداد 277 ہے۔

    ترجمان پرائمری اینڈ سیکنڈری ہیلتھ کیئر کے مطابق صوبے میں کرونا وائرس کے مجموعی کیسز کی تعداد 93 ہزار 847 ہوگئی ہے، لاہور میں 100، راولپنڈی میں 58 اور گوجرانوالہ میں 25 کیسز رپورٹ ہوئے۔

    ترجمان کے مطابق ملتان میں 13، سیالکوٹ میں 11، گجرات میں 8، ٹوبہ ٹیک سنگھ اور ڈیرہ غازی خان میں 6، 6، منڈی بہاؤ الدین، بہاولپور اور ساہیوال میں 5، 5 جبکہ فیصل آباد میں 4 کیسز سامنے آئے۔

    اسی طرح نارووال، رحیم یار خان، خوشاب، لودھراں اور اٹک میں 3، 3، سرگودھا، میانوالی، ننکانہ صاحب اور بہاولنگر میں 2، 2 جبکہ قصور، جہلم، حافظ آباد، خانیوال، مظفر گڑھ، راجن پور اور اوکاڑہ میں 1، 1 کیس رپورٹ ہوا۔

    ترجمان کا کہنا ہے کہ کرونا وائرس سے گزشتہ 24 گھنٹوں میں مزید 5 اموات ہوئیں جس کے بعد صوبے میں مجموعی اموات کی تعداد 2 ہزار 162 ہوگئی۔

    ترجمان کے مطابق صوبے میں اب تک 7 لاکھ 54 ہزار 559 ٹیسٹ کیے جاچکے ہیں جبکہ اب تک کرونا وائرس کو شکست دینے والوں کی تعداد 85 ہزار 232 ہوچکی ہے۔

  • پنجاب میں کرونا وائرس کے 200 سے زائد نئے کیسز کی تصدیق

    پنجاب میں کرونا وائرس کے 200 سے زائد نئے کیسز کی تصدیق

    لاہور: صوبہ پنجاب میں کرونا وائرس کے کیسز اور اموات میں کمی جاری ہے، گزشتہ 24 گھنٹوں کے دوران 235 نئے کیسز کی تصدیق ہوئی جبکہ 4 مزید اموات ہوئیں۔

    تفصیلات کے مطابق صوبہ پنجاب میں کرونا وائرس کے کیسز کی تعداد میں مزید کمی آرہی ہے، پنجاب میں نئے سامنے آنے والے کیسز کی تعداد 235 ہے۔

    ترجمان پرائمری اینڈ سیکنڈری ہیلتھ کیئر کے مطابق صوبے میں کرونا وائرس کے مجموعی کیسز کی تعداد 93 ہزار 571 ہوگئی ہے۔ راولپنڈی میں 54، لاہور میں 52 اور گوجرانوالہ میں 30 کیسز رپورٹ ہوئے۔

    ترجمان کے مطابق سیالکوٹ میں 22، گجرات میں 18، ملتان میں 11، راجن پور اور جہلم میں 8، 8، سرگودھا اور بہاولپور میں 6، 6 کیسز سامنے آئے۔

    اسی طرح فیصل آباد میں 3، وہاڑی، بہاولنگر، لیہ، ساہیوال اور پاکپتن میں 2، 2 جبکہ نارووال، خانیوال، لودھراں، ننکانہ صاحب، قصور اور اوکاڑہ میں 1، 1 کیس رپورٹ ہوا۔

    ترجمان کا کہنا ہے کہ کرونا وائرس سے گزشتہ 24 گھنٹوں میں مزید 4 اموات ہوئیں جس کے بعد صوبے میں مجموعی اموات کی تعداد 2 ہزار 157 ہوگئی۔

    ترجمان کے مطابق صوبے میں اب تک 7 لاکھ 49 ہزار 135 ٹیسٹ کیے جاچکے ہیں جبکہ اب تک کرونا وائرس کو شکست دینے والوں کی تعداد 85 ہزار 180 ہوچکی ہے۔

  • کرونا وائرس: سندھ میں گزشتہ 24 گھنٹوں کے دوران ایک مریض جاں بحق

    کرونا وائرس: سندھ میں گزشتہ 24 گھنٹوں کے دوران ایک مریض جاں بحق

    کراچی: وزیر اعلیٰ سندھ مراد علی شاہ کا کہنا ہے کہ سندھ میں گزشتہ 24 گھنٹوں کے دوران کرونا وائرس کے 177 نئے کیسز کی تصدیق ہوئی ہے جبکہ اس عرصے میں صرف ایک ہلاکت ہوئی ہے۔

    تفصیلات کے مطابق وزیر اعلیٰ سندھ مراد علی شاہ کا کہنا ہے کہ گزشتہ 24 گھنٹوں میں سندھ میں 5 ہزار 272 کرونا وائرس کے ٹیسٹ ہوئے، جن میں سے 177 میں وائرس کی تصدیق ہوئی۔

    وزیر اعلیٰ کا کہنا تھا کہ سندھ میں کرونا وائرس کے مجموعی کیسز کی تعداد 1 لاکھ 21 ہزار 486 ہوچکی ہے، اب تک 7 لاکھ 67 ہزار 712 ٹیسٹ ہوچکے ہیں۔

    انہوں نے بتایا کہ گزشتہ 24 گھنٹے میں کرونا وائرس کا مزید 1 مریض جاں بحق ہوگیا جس کے بعد کرونا سے جاں بحق مریضوں کی مجموعی تعداد 2 ہزار 224 ہو گئی۔

    وزیر اعلیٰ کے مطابق گزشتہ 24 گھنٹے میں 453 مریض صحت یاب ہو چکے ہیں، اب تک 1 لاکھ 11 ہزار 6 مریض صحتیاب ہوگئے ہیں، اس وقت 8 ہزار 256 مریض زیر علاج ہیں جن میں سے 453 مختلف اسپتالوں میں زیر علاج ہیں۔

    انہوں نے بتایا کہ 369 مریضوں کی حالت تشویشناک بتائی جارہی ہے جبکہ 64 مریض وینٹی لیٹرز پر ہیں۔

    خیال رہے کہ سندھ سمیت ملک بھر میں کرونا وائرس کے مجموعی فعال کیسز کی تعداد 2 لاکھ 51 ہزار 146 ہوچکی ہے جبکہ مرض سے جاں بحق افراد کی تعداد 5 ہزار 976 ہوگئی۔

    ملک میں اب تک کرونا وائرس کے 2 لاکھ 48 ہزار 577 مریض صحتیاب ہو چکے ہیں۔

  • پنجاب کے 19 اضلاع کرونا فری بن گئے ہیں: ڈاکٹر یاسمین راشد

    پنجاب کے 19 اضلاع کرونا فری بن گئے ہیں: ڈاکٹر یاسمین راشد

    لاہور: صوبائی وزیر صحت ڈاکٹر یاسمین راشد کا کہنا ہے کہ پنجاب کے 19 اضلاع کرونا فری بن گئے ہیں، لوگ عید الاضحیٰ ایس او پیز پر عملدر آمد کرتے ہوئے منائیں۔

    تفصیلات کے مطابق صوبہ پنجاب کی وزیر صحت ڈاکٹر یاسمین راشد کا کہنا ہے کہ پنجاب کے 19 اضلاع کرونا فری بن گئے ہیں، باقی اضلاع میں بھی کرونا وائرس کے کیسز کم ہو رہے ہیں۔

    یاسمین راشد کا کہنا تھا کہ لوگ عید الاضحیٰ ایس او پیز پر عملدر آمد کرتے ہوئے منائیں۔

    خیال رہے کہ پنجاب میں کرونا وائرس کے کیسز اور اموات میں کمی جاری ہے، گزشتہ 24 گھنٹوں کے دوران 116 نئے کیسز کی تصدیق ہوئی جس کے بعد صوبے میں کرونا وائرس کے مجموعی کیسز کی تعداد 93 ہزار 173 ہوگئی ہے۔

    ترجمان پرائمری اینڈ سیکنڈری ہیلتھ کیئر کے مطابق کرونا وائرس سے گزشتہ 24 گھنٹوں میں مزید 2 اموات ہوئیں جس کے بعد صوبے میں مجموعی اموات کی تعداد 2 ہزار 144 ہوگئی ہے۔

    ترجمان کے مطابق صوبے میں اب تک 7 لاکھ 35 ہزار 699 ٹیسٹ کیے جاچکے ہیں جبکہ اب تک کرونا وائرس کو شکست دینے والوں کی تعداد 82 ہزار 552 ہوچکی ہے۔

    ڈاکٹر یاسمین راشد کا مزید کہنا تھا کہ لوگ لاہور ویسٹ مینجمنٹ سے تعاون کریں اور عید الاضحیٰ پر صفائی ستھرائی کے انتظامات کو یقینی بنائیں۔

    شہر میں صفائی کے حوالے سے وزیر اعلیٰ پنجاب عثمان بزدار نے بھی وارننگ دے دی ہے کہ صفائی پر کوئی سمجھوتہ نہیں کیا جائے گا، شکایت آنے پر عملے کے خلاف تادیبی کارروائی ہوگی۔

  • پنجاب میں کرونا وائرس کے کیسز اور اموات میں کمی جاری

    پنجاب میں کرونا وائرس کے کیسز اور اموات میں کمی جاری

    لاہور: صوبہ پنجاب میں کرونا وائرس کے کیسز اور اموات میں کمی جاری ہے، گزشتہ 24 گھنٹوں کے دوران 116 نئے کیسز کی تصدیق ہوئی جبکہ 2 مزید اموات ہوئیں۔

    تفصیلات کے مطابق صوبہ پنجاب میں کرونا وائرس کے کیسز کی تعداد میں مزید کمی آرہی ہے، پنجاب میں نئے سامنے آنے والے کیسز کی تعداد 116 ہے۔

    ترجمان پرائمری اینڈ سیکنڈری ہیلتھ کیئر کے مطابق صوبے میں کرونا وائرس کے مجموعی کیسز کی تعداد 93 ہزار 173 ہوگئی ہے۔ لاہور میں 39، گوجرانوالہ میں 13، ملتان میں 11، سیالکوٹ میں 9 اور راولپنڈی، فیصل آباد اور گجرات میں 5، 5 نئے کیسز کی تصدیق ہوئی۔

    اسی طرح بہاولپور میں 4، بہاولنگر میں 3، ننکانہ صاحب، ٹوبہ ٹیک سنگھ، ڈیرہ غازی خان، سرگودھا، اٹک اور مظفر گڑھ میں 2، 2 نئے کیسز کی تصدیق ہوئی۔

    علاوہ ازیں شیخو پورہ، جہلم، چکوال، نارروال، حافظ آباد، منڈی بہاؤ الدین، خانیوال، جھنگ، اوکاڑہ اور رحیم یار خان میں 1، 1 نیا کیس سامنے آیا۔

    ترجمان کا کہنا ہے کہ کرونا وائرس سے گزشتہ 24 گھنٹوں میں مزید 2 اموات ہوئیں جس کے بعد صوبے میں مجموعی اموات کی تعداد 2 ہزار 144 ہوگئی۔

    ترجمان کے مطابق صوبے میں اب تک 7 لاکھ 35 ہزار 699 ٹیسٹ کیے جاچکے ہیں جبکہ اب تک کرونا وائرس کو شکست دینے والوں کی تعداد 82 ہزار 552 ہوچکی ہے۔