ARYNews.tv | Urdu – Har Lamha Bakhabar

Tag: coronavirus-cases

  • پنجاب میں کرونا وائرس کے مزید 200 سے زائد نئے کیسز

    پنجاب میں کرونا وائرس کے مزید 200 سے زائد نئے کیسز

    لاہور: صوبہ پنجاب میں کرونا وائرس کے مزید 9 مریض جاں بحق ہوگئے جس کے بعد صوبے میں مجموعی ہلاکتوں کی تعداد 2 ہزار 125 ہوگئی، صوبائی دارالحکومت لاہور میں کرونا کے مزید 70 کیسز سامنے آئے۔

    تفصیلات کے مطابق ترجمان پرائمری اینڈ سیکنڈری ہیلتھ کیئر کا کہنا ہے کہ صوبہ پنجاب میں کرونا وائرس کے 206 نئے کیسز سامنے آئے ہیں، پنجاب میں کرونا وائرس کے مصدقہ مریضوں کی تعداد 92 ہزار 279 ہوچکی ہے۔

    ترجمان کے مطابق لاہور میں کرونا وائرس کے 70، راولپنڈی میں 64 اور ملتان میں 14 کیسز کی تصدیق ہوئی۔

    اسی طرح فیصل آباد اور گجرات میں 8، سیالکوٹ میں 6، گوجرانوالہ میں 5، بہاولپور میں 4، جھنگ، رحیم یار خان، میانوالی، ڈیرہ غازی خان اور منڈی بہاؤ الدین میں 3، 3، بہاولنگر، مظفر گڑھ، اوکاڑہ، سرگودھا اور وہاڑی میں 2، 2، ننکانہ صاحب، جہلم، نارروال، اور بھکر میں 1، 1 کیس کی تصدیق ہوئی۔

    ترجمان کا کہنا ہے کہ کرونا وائرس سے گزشتہ 24 گھنٹوں میں مزید 9 اموات ہوئی ہیں جس کے بعد صوبے میں کرونا وائرس سے جاں بحق افراد کی تعداد 2 ہزار 125 ہوگئی۔

    ترجمان کے مطابق اب تک 7 لاکھ 6 ہزار 650 ٹیسٹ کیے جاچکے ہیں، اب تک کرونا وائرس سے صحت یاب ہونے والے افراد کی تعداد 81 ہزار 265 ہوچکی ہے۔

    ترجمان کی جانب سے مزید کہا گیا کہ عوام سے گزارش ہے کہ حفاظتی تدابیر اختیار کر کے خود کو محفوظ بنائیں، کرونا وائرس کی علامات ظاہر ہونے پر فوراً 1033 پر رابطہ کریں۔

    خیال رہے کہ ملک بھر میں کرونا وائرس کے کیسز میں کمی واقع ہورہی ہے، گزشتہ 24 گھنٹوں کے دوران کرونا وائرس کے 936 کیسز سامنے آئے جس کے بعد مجموعی کیسز کی تعداد 2 لاکھ 75 ہزار 225 ہوگئی۔

    گزشتہ 24 گھنٹوں کے دوران کرونا وائرس کے 23 مریض جاں بحق ہوئے جس کے بعد مجموعی ہلاکتوں کی تعداد 5 ہزار 865 ہوگئی۔

  • پنجاب میں کرونا وائرس کے 300 سے زائد نئے کیسز

    پنجاب میں کرونا وائرس کے 300 سے زائد نئے کیسز

    لاہور: صوبہ پنجاب میں گزشتہ 24 گھنٹوں کے دوران کرونا وائرس کے 372 نئے کیسز سامنے آگئے جبکہ 5 مریض جاں بحق ہوگئے، کرونا وائرس کیسز کی سب سے زیادہ تعداد لاہور میں ہے۔

    تفصیلات کے مطابق ترجمان پرائمری اینڈ سیکنڈری ہیلتھ کیئر کا کہنا ہے کہ صوبہ پنجاب میں کرونا وائرس کے 372 نئے کیسز کی تصدیق ہوئی ہے جس کے بعد صوبے میں کرونا وائرس کے مریضوں کی تعداد 90 ہزار 816 ہوگئی ہے۔

    ترجمان کا کہنا ہے کہ صوبائی دارالحکومت لاہور میں 182، گوجرانوالہ میں 49، فیصل آباد میں 21، راولپنڈی میں 20، بہاولپور میں 19، ٹوبہ ٹیک سنگھ میں 14 اور راجن پور میں 11 کیسز رپورٹ ہوئے۔

    ترجمان کے مطابق ملتان میں 8، گجرات، مظفر گڑھ، ڈیرہ غازی خان اور میانوالی میں 5، 5، اٹک میں 4، جہلم اور سرگودھا میں 3، سیالکوٹ، منڈی بہاؤ الدین، شیخوپورہ، بہاولنگر اور ساہیوال میں 2، 2 کیس رپورٹ ہوئے۔

    اسی طرح ننکانہ صاحب، وہاڑی، چنیوٹ، رحیم یار خان، خوشاب، بھکر، لودھراں، لیہ اور اوکاڑہ میں 1، 1 کیس رپورٹ ہوا۔

    ترجمان کا کہنا ہے کہ گزشتہ 24 گھنٹے میں کرونا وائرس سے مزید 5 اموات ہوئی ہیں جس کے بعد صوبے میں مجموعی اموات کی تعداد 2 ہزار 95 ہوچکی ہے۔

    صوبے میں اب تک 6 لاکھ 63 ہزار 539 ٹیسٹ کیے جاچکے ہیں جبکہ اب تک 66 ہزار 425 مریض وائرس سے صحتیاب ہوچکے ہیں۔

  • امریکا اور بھارت سمیت دنیا بھر میں کرونا وائرس کی تباہ کاریاں جاری

    امریکا اور بھارت سمیت دنیا بھر میں کرونا وائرس کی تباہ کاریاں جاری

    واشنگٹن / برازیلیا / نئی دہلی: دنیا بھر میں کرونا وائرس کے مریضوں کی تعداد میں اضافہ جاری ہے، امریکا میں ایک روز میں ریکارڈ 57 ہزار 683 نئے کیسز جبکہ بھارت میں 22 ہزار نئے کیسز رپورٹ کیے گئے۔

    تفصیلات کے مطابق دنیا بھر میں کرونا وائرس کے متاثرین کی تعداد 1 کروڑ 11 لاکھ سے تجاوز کر گئی، مہلک وائرس اب تک دنیا بھر میں 5 لاکھ 29 ہزار افراد کی جان لے چکا ہے۔

    امریکا کرونا وائرس کا پھیلاؤ روکنے میں ناکام ہوچکا ہے جہاں گزشتہ ایک روز میں ریکارڈ 57 ہزار 683 نئے کیسز سامنے آئے ہیں۔ امریکی ریاستوں الباما، الاسکا، اڈاہو، مسیسپی اور شمالی کیرولینا میں ریکارڈ کیسز رپورٹ کیے گئے ہیں۔

    نئے کیسز کے بعد امریکا میں کرونا وائرس کے مریضوں کی تعداد 28 لاکھ 90 ہزار سے تجاوز کر گئی ہے، جبکہ ہلاکتوں کی تعداد 1 لاکھ 32 ہزار ہوچکی ہے۔

    دوسری طرف برازیل میں بھی کرونا وائرس بے قابو ہوچکا ہے، برازیل کرونا وائرس کیسز کے حوالے سے دنیا میں دوسرے نمبر پر آچکا ہے جہاں اب تک کرونا وائرس سے 63 ہزار افراد ہلاک اور 15 لاکھ متاثر ہوچکے ہیں۔

    برطانیہ میں بھی کرونا وائرس سے اموات کی تعداد 44 ہزار سے تجاوز کر گئی۔

    بھارت میں کرونا وائرس کے ایک دن میں ریکارڈ 22 ہزار کیسز رپورٹ کیے گئے ہیں جس کے بعد بھارت میں مجموعی کیسز کی تعداد ساڑھے 6 لاکھ جبکہ ہلاکتوں کی تعداد 18 ہزار ہوگئی۔

    ادھر چین میں کرونا وائرس کے مزید 3 نئے کیس سامنے آگئے۔

    اٹلی میں صورتحال بہتری کی جانب گامزن ہے، سخت حکومتی اقدامات کی وجہ سے کیسز کی شرح اور اموات میں کمی جاری ہے، تاہم ابھی اٹلی 2 لاکھ 41 ہزار کیسز کے ساتھ دسویں نمبر پر ہے۔

  • پنجاب میں کرونا وائرس سے مزید 22 افراد جاں بحق

    پنجاب میں کرونا وائرس سے مزید 22 افراد جاں بحق

    لاہور: صوبہ پنجاب میں کرونا وائرس سے مزید 22 افراد جاں بحق ہوگئے جبکہ متاثرہ افراد کی مجموعی تعداد 77 ہزار 740 ہوگئی۔

    تفصیلات کے مطابق صوبہ پنجاب میں کرونا وائرس کے مزید 14 سو 78 نئے کیسز سامنے آگئے، ترجمان پرائمری اینڈ سیکنڈری ہیلتھ کیئر کا کہنا ہے کہ صوبہ پنجاب میں کرونا وائرس کے مصدقہ مریضوں کی تعداد 77 ہزار 740 ہوگئی۔

    ترجمان کا کہنا ہے کہ صرف لاہور میں 1 ہزار 85، راولپنڈی میں 54، فیصل آباد میں 51، گوجرانوالہ میں 44، گجرات میں 42، ملتان میں 27، جھنگ میں 26، ٹوبہ ٹیک سنگھ میں 25 اور بہاولپور میں 19 کیسز سامنے آئے۔

    اسی طرح رحیم یار خان میں 17، ساہیوال میں 12، راجن پور میں 10، مظفر گڑھ اور اٹک میں 9، 9، بہاولنگر میں 7، شیخوپورہ میں 6، ننکانہ صاحب، سرگودھا اور خانیوال میں 5، 5، وہاڑی اور لودھراں میں 4، حافظ آباد، خوشاب اور منڈی بہاؤ الدین میں 3، 3، بھکر، لیہ اور پاکپتن میں 1، 1 کیس سامنے آیا۔

    ترجمان کا کہنا ہے کہ صوبے میں کرونا وائرس سے مزید 22 اموات ہوئی ہیں۔

    صوبے میں اب تک 5 لاکھ 9 ہزار 505 ٹیسٹ کیے جاچکے ہیں، کرونا وائرس کو شکست دینے والوں کی تعداد بھی 28 ہزار سے تجاوز کرچکی ہے۔

    پنجاب سمیت ملک بھر میں کرونا وائرس کے متاثرہ مریضوں کی تعداد 2 لاکھ 13 ہزار 500 ہوچکی ہے، جبکہ اموات بھی 4 ہزار 500 کے قریب پہنچ چکی ہیں۔

    ملک میں کرونا وائرس سے صحتیاب افراد کی تعداد بھی 1 لاکھ سے تجاوز کرچکی ہے۔

  • متحدہ عرب امارات: کرونا وائرس کے نئے کیسز کی شرح ایک فیصد سے بھی کم

    متحدہ عرب امارات: کرونا وائرس کے نئے کیسز کی شرح ایک فیصد سے بھی کم

    ابو ظہبی: متحدہ عرب امارات میں کرونا وائرس کے نئے کیسز کی شرح ایک فیصد سے بھی کم ہوگئی، وائرس سے صحتیابی کی شرح 57 فیصد سے بھی زائد ہے۔

    اماراتی نیوز ایجنسی کے مطابق اماراتی وزارت صحت کا کہنا ہے کہ گزشتہ 14 دن کے اعداد و شمار کا جائزہ لینے سے معلوم ہوا ہے کہ ملک میں کورونا کے پھیلاؤ میں خاطر خواہ کمی ہوئی ہے۔

    وزارت صحت کے مطابق ملک بھر میں گذشتہ 14 دنوں کے دوران 5 لاکھ 70 ہزار افراد کا معائنہ ہوا ہے جس کے نتیجے میں صفر اعشاریہ 96 فیصد لوگوں کا ٹیسٹ مثبت آیا ہے۔

    حکام کے مطابق روزانہ کی بنیاد پر مریضوں کی تصدیق کی شرح 25 فیصد رہ گئی ہے جبکہ کرونا وائرس سے ہلاک ہونے کی شرح 0.1 ہوگئی ہے۔

    وزارت صحت کا کہنا ہے کہ گزشتہ 14 دنوں میں 5 ہزار 474 افراد میں کرونا وائرس کی تصدیق ہوئی ہے جبکہ اس کے مقابلے میں 9 ہزار 523 افراد شفا یاب ہوئے ہیں، اس عرصے کے دوران 22 مریض جاں بحق ہوئے مگر اس کے مقابلے میں صحتیابی کی شرح میں 57.5 فیصد کا اضافہ ہوا ہے۔

    وزارت کا مزید کہنا تھا کہ ملک میں عام افراد کے معائنے کی شرح میں بھی اضافہ ہوا ہے، اس سے پہلے روزانہ 25 ہزار افراد کا معائنہ ہورہا تھا، اب 40 ہزار کا ہورہا ہے۔

  • بلوچستان میں ایک روز کے اندر کرونا وائرس کے مزید 357 کیسز رپورٹ

    بلوچستان میں ایک روز کے اندر کرونا وائرس کے مزید 357 کیسز رپورٹ

    کوئٹہ: صوبہ بلوچستان میں گزشتہ 24 گھنٹے میں کرونا وائرس کے 357 کیسز رپورٹ ہوئے ہیں جبکہ اس عرصے میں کرونا وائرس سے مزید 4 اموات ہوئی ہیں۔

    تفصیلات کے مطابق ترجمان محکمہ صحت کا کہنا ہے کہ صوبہ بلوچستان میں گزشتہ 24 گھنٹے میں 357 کیسز رپورٹ ہوئے ہیں جس کے بعد بلوچستان میں کرونا وائرس کیسز کی تعداد 8 ہزار 794 ہوگئی۔

    ترجمان محکمہ صحت کا کہنا ہے کہ گزشتہ 24 گھنٹے میں کرونا وائرس سے مزید 4 اموات ہوئی ہیں اور صوبے میں مجموعی اموات کی تعداد 93 ہوگئی ہے۔

    ترجمان کے مطابق گزشتہ 24 گھنٹے میں کرونا وائرس کے 14 سو 34 ٹیسٹ کیے گئے ہیں، اس عرصے میں 28 مریض صحتیاب بھی ہوئے ہیں جس کے بعد صحتیاب مریضوں کی تعداد 3 ہزار 51 ہوگئی۔

    مجموعی طور پر بلوچستان سمیت ملک بھر میں کرونا وائرس کے کیسز کی تعداد 1 لاکھ 60 ہزار 118 ہوگئی ہے، صرف گزشتہ روز 5 ہزار 358 نئے کیسز رپورٹ ہوئے۔

    گزشتہ 24 گھنٹے میں کرونا وائرس کے 118 مریض دم توڑ گئے جس کے بعد اموات کی مجموعی تعداد بھی 3 ہزار سے تجاوز کر گئی ہے۔

    ملک میں 10 لاکھ کی آبادی میں اموات کی شرح 12 سے بڑھ کر 13 فیصد ہو چکی ہے، جبکہ 10 لاکھ آبادی میں کیسز کی تعداد بھی بڑھ کر 701 ہوگئی۔

  • سندھ میں 24 گھنٹے کے دوران کرونا وائرس کے 14 سو سے زائد کیسز کی تصدیق

    سندھ میں 24 گھنٹے کے دوران کرونا وائرس کے 14 سو سے زائد کیسز کی تصدیق

    کراچی: وزیر اعلیٰ سند مراد علی شاہ کا کہنا ہے کہ سندھ میں گزشتہ 24 گھنٹے کے دوران کرونا وائرس کے 14 سو 47 نئے کیسز سامنے آئے ہیں جس کے بعد صوبے میں مجموعی کیسز کی تعداد 39 ہزار 555 ہوگئی ہے۔

    تفصیلات کے مطابق وزیر اعلیٰ سندھ مراد علی شاہ کا کہنا ہے کہ سندھ میں گزشتہ 24 گھنٹے کے دوران 14 سو 47 نئے کیسز سامنے آئے ہیں۔ صرف کراچی میں 24 گھنٹے میں 963 نئے کیسز رپورٹ ہوئے۔

    وزیر اعلیٰ کا کہنا تھا کہ سندھ میں گزشتہ 24 گھنٹے میں 8 ہزار 513 ریکارڈ ٹیسٹ کیے گئے، صوبے میں مجموعی طور پر 2 لاکھ 39 ہزار 522 ٹیسٹ کیے گئے ہیں۔ سندھ میں کرونا وائرس کے کیسز کی مجموعی تعداد 39 ہزار 555 ہوگئی ہے۔

    انہوں نے بتایا کہ سندھ میں گزشتہ 24 گھنٹے میں مزید 29 مریض انتقال کر گئے جس کے بعد صوبے میں کرونا وائرس سے جاں بحق افراد کی تعداد 679 ہوگئی۔

    وزیر اعلیٰ کا کہنا تھا کہ آج 468 مریض صحت یاب ہو کر گھروں کو چلے گئے، سندھ میں صحتیاب مریضوں کی تعداد 19 ہزار 137 ہوگئی۔

    انہوں نے بتایا کہ سندھ میں اس وقت 19 ہزار 739 مریض زیر علاج ہیں، 18 ہزار 263 ہوم آئسولیشن میں، 60 آئسولیشن سینٹرز میں زیر علاج ہیں۔ 14 سو 16 مریض مختلف اسپتالوں میں زیر علاج ہیں، 435 مریضوں کی حالت تشویشناک ہے جبکہ 83 وینٹی لیٹرز پر ہیں۔

  • پارلیمنٹ ہاؤس کے 5 ملازمین میں کرونا وائرس کی تصدیق

    پارلیمنٹ ہاؤس کے 5 ملازمین میں کرونا وائرس کی تصدیق

    اسلام آباد: پارلیمنٹ ہاؤس کے 5 ملازمین میں کرونا وائرس کی تصدیق ہوگئی، کرونا کا شکار پانچوں ملازمین کو گھر پر قرنطینہ کر دیا گیا ہے۔

    تفصیلات کے مطابق پارلیمنٹ ہاؤس ذرائع کا کہنا ہے کہ بجٹ اجلاس سے پہلے پارلیمنٹ ہاؤس کے ملازمین کرونا وائرس سے متاثر ہوگئے ہیں اور 5 ملازمین میں کرونا وائرس کی تصدیق ہوگئی ہے۔

    ذرائع پارلیمنٹ ہاؤس کے مطابق قومی اسمبلی کے 3 اور سینیٹ سیکریٹریٹ کے 2 ملازمین میں کرونا وائرس کی تصدیق ہوئی ہے، کرونا کا شکار پانچوں ملازمین کو گھر پر قرنطینہ کر دیا گیا ہے۔

    اس سے قبل پارلیمنٹ کے مشترکہ اجلاس کے حوالے سے پہلے ہی خدشات کا اظہار کیا جاچکا ہے، وفاقی وزیر سائنس اینڈ ٹیکنالوجی فواد چوہدری پارلیمان کے براہ راست سیشن سے گریز کا مشورہ دے چکے ہیں۔

    فواد چوہدری نے کہا تھا کہ ایک ہفتے میں کرونا وائرس صوبائی وزیر سمیت 4 ارکان اسمبلی کی جان لے چکا ہے، ہمیں احتیاط کا دامن نہیں چھوڑنا چاہیئے۔

    انہوں نے کہا تھا کہ ہم پارلیمان کے مواصلاتی سیشن کر کے احتیاط کا مظاہرہ کر سکتے ہیں کیونکہ پارلیمنٹ کے براہ راست سیشنز کے نتائج سامنے آرہے ہیں، متعدد ارکان پارلیمنٹ براہ راست سیشن کے بعد کرونا کا شکار ہو چکے ہیں۔

    وفاقی وزیر کا مؤقف تھا کہ ہوٹلوں میں یا براہ راست سیشن بلانے کی بجائے ورچوئل اجلاس کیے جائیں۔

    دوسری جانب ملک بھر میں کرونا وائرس کے کیسز اور اس کی اموات میں ہولناک اضافہ ہورہا ہے، نیشنل کمانڈ اینڈ آپریشن سینٹر کے مطابق صرف گزشتہ 24 گھنٹوں کے دوران کرونا وائرس سے 82 افراد انتقال کر گئے جبکہ 4 ہزار 688 نئے کرونا کیسز بھی رپورٹ ہوئے۔

    مذکورہ اموات کے بعد ملک بھر میں کرونا وائرس سے مجموعی ہلاکتوں کی تعداد 17 سو 70 ہوگئی ہے جبکہ کرونا وائرس کے مصدقہ کیسز کی تعداد 85 ہزار 264 ہوچکی ہے۔

  • کرونا وائرس: گزشتہ 24 گھنٹے میں سندھ میں مزید 699 کیسز کی تصدیق

    کرونا وائرس: گزشتہ 24 گھنٹے میں سندھ میں مزید 699 کیسز کی تصدیق

    کراچی: وزیر اعلیٰ سندھ مراد علی شاہ کا کہنا ہے کہ گزشتہ 24 گھنٹے میں سندھ میں مزید 699 کیسز کی تصدیق ہوئی ہے، صوبے میں مصدقہ کیسز کی تعداد 24 ہزار 206 ہوچکی ہے۔

    تفصیلات کے مطابق وزیر اعلیٰ سندھ مراد علی شاہ کا کہنا ہے کہ سندھ میں 24 گھنٹے میں کرونا وائرس کے 2 ہزار 177 مزید ٹیسٹ کیے گئے، 24 گھنٹے میں مزید 699 کیسز کی تصدیق ہوئی ہے۔

    وزیر اعلیٰ کا کہنا تھا کہ سندھ میں اب تک 1 لاکھ 63 ہزار 805 ٹیسٹ کیے گئے ہیں، مصدقہ کیسز کی تعداد 24 ہزار 206 ہوچکی ہے۔ گزشتہ 24 گھنٹے میں مزید 6 مریض انتقال کر گئے جس کے بعد سندھ میں کرونا وائرس سے اموات کی تعداد 380 ہوگئی۔

    انہوں نے کہا کہ 235 مریضوں کی حالت تشویشناک ہے، 42 مریض اس وقت وینٹی لیٹر پر ہیں جبکہ صوبے میں 14 ہزار 556 مریض زیر علاج ہیں۔

    وزیر اعلیٰ کا کہنا تھا کہ 12 ہزار 836 مریض گھروں میں اور 793 آئسولیشن سینٹرز میں ہیں، صوبے کے 699 نئے کیسز میں سے 559 کراچی کے ہیں۔

    مراد علی شاہ نے مزید کہا کہ آج 755 مریض صحت یاب ہوکر گھروں کو چلے گئے، صحت یاب ہونے والوں کی تعداد 9 ہزار 270 ہوگئی ہے، عوام سے اپیل ہے احتیاطی تدابیر اپنائیں، آپ کا تعاون کرونا وائرس سے نجات کا ضامن ہے۔

  • لاک ڈاؤن میں نرمی کے بعد پنجاب میں کرونا کیسز میں اضافہ

    لاک ڈاؤن میں نرمی کے بعد پنجاب میں کرونا کیسز میں اضافہ

    لاہور: صوبہ پنجاب میں لاک ڈاؤن میں نرمی کے بعد کرونا وائرس کے کیسز کی شرح اور اموات میں اضافہ ہورہا ہے، صرف 5 روز میں صوبے میں 2 ہزار سے زائد افراد وائرس میں مبتلا ہوگئے۔

    تفصیلات کے مطابق لاک ڈاؤن میں نرمی کے بعد لاہور سمیت پنجاب میں کرونا وائرس کے کیسز اور اموات میں اضافہ ہوگیا ہے، لاک ڈاؤن میں نرمی کے پہلے 5 روز میں پنجاب میں 2 ہزار 824 کیسز رپورٹ ہوئے ہیں۔

    محکمہ صحت پنجاب کا کہنا ہے کہ صرف لاہور میں 16 سو 18 کیسز سامنے آئے ہیں، رواں ہفتہ کے پہلے 5 دن پنجاب میں 37 جبکہ لاہور میں 19 اموات رپورٹ ہوئی ہیں۔

    محکمہ صحت کا کہنا ہے کہ پنجاب میں روز اوسطاً کیسز کی تعداد 564.8 جبکہ لاہور میں 323.6 رہی، یومیہ اموات کی شرح پنجاب میں 7.4 اور لاہور میں 3.8 ہے۔

    محکمہ صحت کی جانب سے کہا گیا ہے کہ 60 سے 69 سال کے 35 جبکہ 50 سے 59 سال کے 25 فیصد افراد متاثر ہو رہے ہیں۔

    محکمہ صحت کی جانب سے 5 دن میں 20 ہزار 701 ٹیسٹ کیے گئے ہیں۔

    پنجاب میں وائرس کے 40 جبکہ لاہور میں 30 فیصد مریضوں کو ڈسچارج کیا جاچکا ہے، پنجاب میں 4 ہزار 720 جبکہ لاہور میں 15 سو 92 مریض ڈسچارج کیے گئے۔

    صوبے میں رپورٹ ہونے والے کیسز میں 22.48 فیصد کیسز خواتین جبکہ 77.52 مرد ہیں، رپورٹ میں کہا گیا ہے کہ خواتین کا بازاروں میں احتیاطی تدابیر کے بغیر جانے سے خواتین کے کیسز میں ممکنہ اضافہ ہوسکتا ہے۔

    پروفیسر جاوید اکرام کے مطابق خواتین بازاروں میں غیر ضروری طور پر مت نکلیں اور احتیاطی تدابیر اپنائیں، عید کی شاپنگ کے لیے نکلنے والے افراد وائرس کیریئر بن رہے ہیں۔

    ان کے مطابق بلاوجہ نکلنے سے گھر بیٹھے ضعیف اور بیمار افراد بھی شدید متاثر ہو سکتے ہیں۔