ARYNews.tv | Urdu – Har Lamha Bakhabar

Tag: Coronavirus death

  • کرونا وائرس سے موت، تدفین پر عائد بڑی پابندی ختم

    کرونا وائرس سے موت، تدفین پر عائد بڑی پابندی ختم

    لاہور : محکمہ صحت پنجاب نے کرونا سے جاں بحق ہونے والوں کی تدفین کے طریقہ کار میں تبدیلی کردی، جس کے بعد جنازہ میں بھی ورثاء، عزیز، رشتہ دار شامل ہو سکیں گے۔

    تفصیلات کے مطابق کرونا وائرس کا پھیلاو روکنے کی خاطر دیگر ممالک کی طرح پاکستانی حکام نے بھی کرونا سے مرنے والوں کی تدفین و جنازے میں عوام کو شرکت سے منع کیا تھا تاہم اب محکمہ صحت پنجاب سے تدفین کے طریقہ کار میں تبدیلی کردی ہے۔

    نئے طریقہ کار کی کیبنٹ کمیٹی سے منظوری کے بعد سیکرٹری پرائمری اینڈ سیکنڈری ہیلتھ کیئر کیپٹن (ر) محمد عثمان نے نوٹیفکیشن بھی جاری کردیا۔

    نمائندہ اے آر وائی نیوز کا کہنا تھا کہ وزیر اعلی پنجاب سردار عثمان بزدار کی سربراہی میں کابینہ کمیٹی برائے انسداد کورونا نے نئے طریقہ کار کی منظوری دی۔

    سیکرٹری پرائمری اینڈ سکینڈری ہیلتھ کیئر نے نوٹیفکیشن میں بتایا کہ اب کورونا وائرس سے جاں بحق ہونے والی میت کو غسل دیا جا سکے گا اور لوکل گورنمنٹ کی تربیت یافتہ ٹیمیں تمام حفاظتی انتظات کے ساتھ میت کو غسل دیں گے۔

    انہوں نے بتایا کہ مرد اور خواتین میت کو غسل دینے کے لیے متعلقہ جنس کی علیحدہ علیحدہ ٹیمیں ہوں گی جبکہ ورثاء بھی مکمل حفاظتی لباس پہن کر غسل دینے میں شامل ہو سکیں گے۔

    کیپٹن (ر) محمد عثمان کا کہنا تھا کہ میت کی تدفین کے لیے تابوت کی لازمی شرط بھی ختم کر دی گئی ہے، میت کا فاصلے سے آخری دیدار کرنے کی اجازت بھی ہو گی تاہم میت کو بغیر حفاظتی لباس پہنے براہ راست چھونے کی اجازت نہیں ہو گی۔

    سیکرٹری پرائمری اینڈ سکینڈری ہیلتھ کیئر نے کہا کہ سابقہ ایس او پیز میں علماء کرام نے تیمم کی اجازت دی اور فتوی بھی جاری کیا تھا، ایس او پیز کی تیاری میں تمام مکتبہ فکر کے علماء کرام نے انتہائی اہم کردار ادا کیا جس کے لیے ان کے شکر گزار ہیں۔

    ان کا مزید کہنا تھا کہ تدفین کے طریقہ میں تبدیلی ڈبلیو ایچ او، جدید ریسرچ اور اسلامی ممالک میں رائج طریقہ کار کے مطابق کی گئی ہے۔

  • مردہ شخص کرونا وائرس کا شکار نکلا، آخری رسومات میں شریک رشتے دار خوف میں مبتلا

    مردہ شخص کرونا وائرس کا شکار نکلا، آخری رسومات میں شریک رشتے دار خوف میں مبتلا

    نئی دہلی: بھارتی شہر بھوپال میں بزرگ شخص کی آخری رسومات میں شرکت کے بعد رشتہ داروں میں اس وقت تشویش کی لہر دوڑ گئی جب مرحوم کا کرونا وائرس ٹیسٹ پازیٹو نکل آیا۔

    بھارتی میڈیا کے مطابق ریاست مدھیہ پردیش کے دارالحکومت بھوپال میں کرونا وائرس کے مشتبہ مریض جگن ناتھ میتھل کی آخری رسومات میں سینکڑوں افراد نے شرکت کی۔

    موت کے 3 دن بعد آنجہانی شخص کی کرونا وائرس ٹیسٹ کی رپورٹ آئی جس میں اس شخص کا کرونا وائرس پازیٹو نکلا، رپورٹ سامنے آتے ہی اس کے رشتہ داروں میں تشویش کی لہر دوڑ گئی۔

    بھارتی میڈیا کا کہنا ہے کہ بزرگ کا علاج بھوپال کے حمیدیا اسپتال میں ہوا اور اب اسپتال کا عملہ بھی پریشانی کا شکار ہے کیونکہ مریض کو بغیر کسی احتیاطی تدابیر کے عام مریضوں کی طرح ٹریٹ کیا گیا تھا۔

    بھوپال میں کرونا وائرس سے یہ دوسری موت ہے، اس سے قبل پہلی موت بھی 6 اپریل کو حمیدیا اسپتال میں ہی ہوئی تھی۔

    خیال رہے کہ بھارت میں اب تک کرونا وائرس سے 9 ہزار افراد متاثر ہوچکے ہیں جبکہ گزشتہ 24 گھنٹوں میں مزید 35 افراد کی موت کے بعد اموات کی تعداد 331 تک پہنچ گئی ہے۔

  • سندھ میں کرونا وائرس کا ایک اور مریض جاں بحق

    سندھ میں کرونا وائرس کا ایک اور مریض جاں بحق

    کراچی: صوبہ سندھ میں کرونا وائرس کا ایک اور مریض جاں بحق ہوگیا، ملک بھر میں اب تک کرونا وائرس سے 31 افراد کی اموات ہوچکی ہے۔

    تفصیلات کے مطابق محکمہ صحت سندھ کا کہنا ہے کہ سندھ میں کرونا وائرس سے ایک اور مریض جاں بحق ہوگیا جس کے بعد سندھ میں کرونا وائرس سے جاں بحق افراد کی تعداد 10 ہوگئی۔

    محکمہ صحت کے مطابق مریض کی عمر 65 سال تھی اور اس کا تعلق ٹنڈو محمد خان سے تھا، مریض کو 28 مارچ کو حیدر آباد اسپتال منتقل کیا گیا تھا۔

    خیال رہے کہ ملک بھر میں کرونا وائرس کے کیسز کی تعداد 2200 سے تجاوز کر گئی ہے جبکہ اب تک 31 افراد جاں بحق ہوچکے ہیں۔

    نیشنل کمانڈ اینڈ کنٹرول سینٹر کے مطابق 24 گھنٹے کے دوران پاکستان میں 76 نئے کیس رپورٹ ہوئے، پنجاب میں کرونا وائرس کے سب سے زیادہ 845 کیسز ہیں جبکہ سندھ میں کرونا وائرس کے کیسز کی تعداد 743 ہوگئی ہے۔

    اعداد و شمار کے مطابق خیبر پختونخواہ میں 276، گلگت بلتستان میں 187، بلوچستان میں 169، اسلام آباد میں 62 اور آزاد کشمیر میں 9 کیسز ہیں۔

    کمانڈ اینڈ کنٹرول سینٹر کا کہنا ہے کہ ملک میں کرونا وائرس کے 107 مریض صحت یاب بھی ہو چکے ہیں۔

  • عمان میں کرونا وائرس سے پہلی موت

    عمان میں کرونا وائرس سے پہلی موت

    مسقط: سلطنت عمان میں کرونا وائرس کا 72 سالہ مریض زندگی کی بازی ہار گیا، یہ عمان میں کرونا وائرس سے ہونے والی پہلی موت ہے۔

    عمان کی وزارت صحت کی جانب سے جاری کردہ بیان میں کہا گیا ہے کہ 72 سالہ کرونا وائرس کا مریض عمان کے اسپتال میں زیر علاج تھا جو منگل کے روز دم توڑ گیا۔

    وزارت صحت کے مطابق یہ عمان میں کرونا وائرس سے ہونے والی پہلی موت ہے۔ ملک بھر میں اس وقت 210 افراد میں کرونا وائرس کی تصدیق ہوئی ہے جو مختلف اسپتالوں میں زیر علاج یا قرنطینہ میں ہیں۔

    عمان میں ایک روز قبل 90 کے قریب ہوٹلز مالکان نے اپنے ہوٹلز وزارت صحت کے حوالے کیے ہیں تاکہ وہاں قرنطینہ سمیت دیگر طبی سہولیات قائم کی جاسکیں۔

    فی الحال ان ہوٹلز کے کمرے اسکالر شپ پر موجود غیر ملکی طلبا کو رہائش کے لیے دیے جارہے ہیں جو ہاسٹلز بند ہوجانے کی وجہ سے مشکلات کا شکار ہیں، طلبا کو ان کمروں میں رہائش دینے کا فیصلہ وزارت سیاحت نے کیا ہے۔

    عمان سمیت دنیا بھر میں کرونا وائرس کے متاثرہ افراد کی تعداد 8 لاکھ 58 ہزار سے تجاوز کر چکی ہے جبکہ وائرس سے متاثرہ 42 ہزار مریض جان کی بازی ہار گئے ہیں۔

  • کروناوائرس تیزی سےانسانی زندگیاں نگلنے لگا، ہلاکتوں کی تعداد 563 تک جا پہنچی

    کروناوائرس تیزی سےانسانی زندگیاں نگلنے لگا، ہلاکتوں کی تعداد 563 تک جا پہنچی

    بیجنگ : چین میں کروناوائرس تیزی سےانسانی زندگیاں نگلنےلگا، چوبیس گھنٹے میں 73 افراد جان سے گئے،جس کے بعد وائرس سے ہلاکتوں کی تعداد 563 ہوگئی جبکہ اٹھائس ہزارافرادزندگی و موت کی کشکمش میں ہیں ۔

    تفصیلات کے مطابق کرونا وائرس نے چین میں نظام زندگی مفلوج کردیاہے، جان لیواوائرس اب تک563 سے زائدافراد کی جان لے چکا ہے، مہلک وائرس سےصرف چین میں 28 ہزار سے زائد افراد متاثر ہوچکے ہیں۔

    اسپتال مریضوں سے بھرے پڑے ہیں اور متاثرین کی تعداد بڑھنے کے باعث اسپتالوں میں جگہ کم پڑگئی، ووہان میں اسٹیڈیم اور کنونشن سینٹرز میں بیڈز لگادئیے گئےجبکہ ووہان میں مسلسل دس روز سے اسپتال میں کام کرنے والا ساتئیس سالہ ڈاکٹر دل کا دوہ پڑنے سے ہلاک ہوگیا۔

    چین میں نومولود بچےمیں پیدائش کےصرف تیس گھنٹےبعدکورونا وائرس کی تشخیص ہوئی ہے، بچی کی والدہ بھی وائرس سے متاثر ہیں۔

    مزید پڑھیں : چین نے کرونا وائرس سے نمٹنے میں کوتاہیوں کا اعتراف کرلیا

    اب تک پچس ممالک میں کرونا وائرس کے 190 کیسز سامنے آئے ہیں جبکہ جاپان کی بندرگاہ پر روکےگئے کروزشپ میں مزید دس کیسز رپورٹ ہوئے،مریضوں کی تعداد20 ہوچکی ہے ، وائرس کےخوف کے باعث تائیوان نے بندرگاہ پر کروز شپ کا داخلہ روک دیا ہے۔

    خیال رہے چین کی اعلیٰ قیادت نے کرونا وائرس سے نمٹنے میں کوتاہیوں کا اعتراف کیا تھا، چینی صدر شی جن پنگ کی سربراہی میں پولیٹبر و اسٹینڈنگ کمیٹی کا کہنا ہے حکومت کو اس بڑے امتحان سے سبق سیکھنا ہوگا، ایمرجنسی مینیجمینٹ کے قومی نظام میں بہتری لانے کی ضرورت ہے اور جنگلی حیات کی غیرقانونی تجارت پرمستقل طور پر پابندی عائد کرنا ہوگی۔

    کرونا چین کی معیشت کو بھی متاثر کر رہا ہے اور چین میں معیشت مندی کا شکارہیں۔

    واضح رہے کرونا وائرس سانس کےنظام میں شدید انفیکشن کا باعث بنتا ہے، اس کی علامات میں بخار اور خشک کھانسی شامل ہے۔