ARYNews.tv | Urdu – Har Lamha Bakhabar

Tag: Coronavirus

  • کرونا وائرس: یوم پاکستان پر قومی تقسیم اعزازات کی تقریب منسوخ

    کرونا وائرس: یوم پاکستان پر قومی تقسیم اعزازات کی تقریب منسوخ

    اسلام آباد: ملک میں کرونا وائرس کے سلسلے میں حفاظتی اقدامات کے پیش نظر کل یوم پاکستان کے موقع پر قومی تقسیم اعزازات کی تقریب منسوخ کر دی گئی ہے۔

    اے آر وائی نیوز کے مطابق 23 مارچ یوم پاکستان کے موقع پر تقریب تقسیم اعزازات منسوخ کر دی گئی ہے، یہ فیصلہ کرونا وائرس کے سلسلے میں حفاظتی اقدامات کے پیش نظر کیا گیا ہے۔

    قومی اعزازات کی مرکزی تقریب کل ایوان صدر میں ہونی تھی، ذرایع کا کہنا ہے کہ گورنر ہاؤسز میں ہونے والی تقسیم اعزازات کی تقاریب بھی نہیں ہوں گی، کابینہ ڈویژن کے حکام کا مؤقف ہے کہ تقریب صورت حال بہتر ہونے پر منعقد کی جائے گی۔

    کروناوائرس: وزیر اعظم کی ہدایات پر فضائی آپریشن معطل

    ایوان صدر کے ترجمان کی طرف سے بھی مرکزی تقریب منسوخ کیے جانے کی تصدیق کر دی گئی ہے۔ اس سے قبل یوم پاکستان پر ہونے والی سرکاری تقریب بھی منسوخ کی جا چکی ہے۔

    خیال رہے کہ گزشتہ روز پاکستان نے وزیر اعظم عمران خان کی ہدایت پر فضائی آپریشن دو ہفتے کے لیے معطل کر دیا ہے، اس سے قبل کئی ممالک میں حفاظتی اقدامات کی خاطر فلائٹ آپریشن معطل کیا جا چکا ہے، پاکستان بھی ان ممالک میں شامل ہو گیا ہے۔

    پاکستان ایئرلائن نے وائرس کا پھیلاؤ روکنے کےلیے 22 مارچ (آج سے) اندورن و بیرون ملک جانے والی پروازوں کا آپریشن مکمل طور پر معطل کر دیا ہے۔

  • فلائٹ آپریشن معطل، 10 لاکھ سے زائد برطانوی مختلف ممالک میں پھنس گئے

    فلائٹ آپریشن معطل، 10 لاکھ سے زائد برطانوی مختلف ممالک میں پھنس گئے

    مانچسٹر: فلائٹ آپریشن معطلی کے سبب ایک ملین سے زائد برطانوی شہری مختلف ممالک میں پھنس گئے ہیں۔

    اے آر وائی نیوز کے مطابق برطانیہ سمیت دنیا بھر میں فلائٹ آپریشنز معطلی کے باعث دس لاکھ سے زائد برطانوی دیگر ممالک میں پھنس گئے ہیں، فارن سیکریٹری ڈومنیک راب نے اس سلسلے میں کہا ہے کہ حکومت اپنے شہریوں کو واپس لانے کی پوری کوشش کر رہی ہے۔

    فارن سیکریٹری کا کہنا تھا کہ مسافروں کو واپس لانے کے لیے خصوصی پروازیں چلانے پر غور کیا جا رہا ہے۔ دوسری طرف مسافروں کا کہنا ہے کہ ان سے دوسری ایئر لائنز نے واپسی کے لیے 10 گنا زیادہ کرایا مانگا۔

    کرونا وائرس، برطانیہ میں میتیں حکومتی اختیار میں دینے کی تیاری

    ادھر جیٹ ٹو نے اپنا فلائٹ پروگرام چھ ہفتوں کے لیے منسوخ کر دیا ہے، رائن ایئر ویز نے 80 فی صد پروازیں منسوخ کر دی ہیں، ایزی جیٹ نے اعلان کیا ہے کہ اپنے مسافروں کو واپس لانے کے لیے خصوصی پروازیں چلائے گا۔

    یورپ اور مشرق وسطیٰ میں برطانوی مسافر گزشتہ کئی دنوں سے پھنسے ہیں، مسافروں کا کہنا ہے کہ ایئر لائنز کی جانب سے انھیں کوئی معلومات نہیں دی جا رہی ہیں۔

    خیال رہے کہ برطانیہ میں کووڈ 19 سے ہلاکتوں کی تعداد 233 ہو گئی ہے، سلطنت میں کرونا وائرس سے ہلاکتیں روز بروز بڑھتی جا رہی ہیں، برطانیہ بھر میں گزشتہ روز کرونا سے ہلاک ہونے والوں کی تعداد 56 ہے، وبا شروع ہونے سے برطانیہ میں سب سے زیادہ ہلاکتیں گزشتہ روز ہوئیں۔

  • کرونا وائرس کی مریضہ ٹیسٹ کی رپورٹ آنے سے قبل ہی ہلاک

    کرونا وائرس کی مریضہ ٹیسٹ کی رپورٹ آنے سے قبل ہی ہلاک

    امریکی شہر نیو اورلینز کی رہائشی 39 سالہ خاتون نے کرونا وائرس کے شبے میں اپنا ٹیسٹ کروایا لیکن ٹیسٹ کی رپورٹ آنے سے قبل ہی وہ ہلاک ہوگئیں۔

    نتاشا اوٹ نامی یہ خاتون ایک مقامی اسپتال میں کام کرتی تھیں، 10 مارچ کو انہیں وائرس کی پہلی علامت ظاہر ہوئی۔ انہوں نے اسپتال انتظامیہ کو اس سے آگاہ کیا تاہم انہیں کہا گیا کہ ان کی علامات بے حد معمولی ہیں۔

    اس کے بعد اگلے ہفتے سوموار تک انہیں نزلہ اور بخار بھی شروع ہوگیا جس کے بعد انہوں نے اپنا ٹیسٹ کروایا۔

    جمعرات کے روز انہیں پھیپھڑوں میں معمولی سی چبھن کا احساس ہوا لیکن انہوں نے کوئی خاص توجہ نہیں دی۔ تاہم اگلے روز ان کے پارٹنر نے کچن میں انہیں مردہ حالت میں پایا۔

    پارٹنر کے مطابق ایک روز قبل وہ معمول کے مطابق ان کے ساتھ واک کرنے کے لیے نکلی تھیں۔ نتاشا کے ٹیسٹ کا زرلٹ آنے تک اسپتال ان کی موت کو کرونا وائرس کا نتیجہ قرار دینے میں تذبذب کا شکار ہے۔

    نتاشا کی موت کے بعد ان کے پارٹنر نے اپنی فیس بک پوسٹ میں لکھا کہ جیسے ماہرین کہتے ہیں کہ یہ وائرس جان لیوا نہیں ہے، تو ایسا ہرگز نہیں۔

    انہوں نے شہر نیو اورلینز میں ناقص طبی سہولیات پر تنقید کرتے ہوئے کہا کہ ریاست لوزیانا میں اب تک 600 سے زائد افراد میں کرونا وائرس کی تصدیق ہوچکی ہے جبکہ 16 افراد جان کی بازی ہار گئے ہیں، اس کے باوجود اسپتال اس سے نمٹنے کے لیے تیار نہیں۔

    ریاست لوزیانا میں فی الحال مقامی انتظامیہ نے صرف بیرون ملک سے سفر کر کے آنے والے ان افراد کا ٹیسٹ کرنے کی ہدایت کی ہے جو سانس کی تکلیف یا بخار کے شکار ہیں تاہم انہوں نے ڈاکٹرز کو بھی صوابدیدی اختیار دے دیا ہے کہ وہ اس کے علاوہ بھی کسی کا ٹیسٹ ضروری سمجھیں تو کرسکتے ہیں۔

    نیو اورلینز میں 2 ڈرائیو تھرو ٹیسٹنگ سائٹس بھی کھولی جارہی ہیں تاہم یہ صرف واضح علامات رکھنے والوں کا ٹیسٹ کریں گی، اسی نوعیت کی تیسری سائٹ بھی کھولی جارہی ہے جو ہر مشتبہ شخص کا ٹیسٹ کرے گی۔

  • بلوچستان حکومت نے فوج تعیناتی کے لیے وفاق کو خط لکھ دیا

    بلوچستان حکومت نے فوج تعیناتی کے لیے وفاق کو خط لکھ دیا

    کوئٹہ: کرونا وائرس کے پھیلاؤ کو روکنے کے لیے بلوچستان حکومت نے فوج تعیناتی کے لیے وفاق کو خط لکھ دیا ہے۔

    تفصیلات کے مطابق بلوچستان کی حکومت نے وفاقی کو خط لکھ کر درخواست کی ہے کہ بلوچستان میں فوج تعینات کی جائے۔

    صوبائی حکومت کی جانب سے وزارت داخلہ کو لکھے گئے خط میں کہا گیا ہے کہ آرٹیکل 245 کے تحت کرونا سے بچاؤ کے لیے فوج کی مدد درکار ہے، فوج کو آئین کے آرٹیکل 245 کے تحت سول اختیارات دیے جائیں۔

    ادھر کرونا وائرس کے پیش نظر بلوچستان حکومت نے سرکاری دفاتر کی تعطیلات میں توسیع کر دی ہے، 7 کے سوا تمام محکموں کے دفاتر تاحکم ثانی بند رکھنے کا حکم دے دیا گیا ہے۔

    کرونا وائرس: سندھ حکومت کا لاک ڈاؤن کا فیصلہ، فوج سے مدد طلب

    خیال رہے کہ گزشتہ روز سندھ حکومت نے بھی کرونا کا پھیلاؤ روکنے کے لیے لاک ڈاؤن کا فیصلہ کرتے ہوئے فوج سے مدد طلب کر لی ہے، لاک ڈاؤن کا فیصلہ اعلیٰ سطح اجلاس میں کیا گیا، بعد ازاں سندھ حکومت نے وفاقی وزیر داخلہ کو خط لکھا جس میں کہا گیا کہ آرٹیکل 245 کے تحت فوج کو سول انتظامیہ کی مدد کا کہا جائے۔

    اس سلسلے میں وزیر اعلیٰ سندھ مراد علی شاہ نے سول اور عسکری قیادت کو اعتماد میں لیا، صوبے میں لاک ڈاؤن کرنے کا اعلان آج فائنل میٹنگ میں فیصلے کے بعد کیا جائے گا۔

  • کرونا وائرس: سعودی شہریوں کو پانی کی فراہمی بڑھا دی گئی

    کرونا وائرس: سعودی شہریوں کو پانی کی فراہمی بڑھا دی گئی

    ریاض: کرونا وائرس کے پیش نظر پانی کے زیادہ استعمال کے سبب سعودی نیشنل واٹر کمپنی نے مملکت میں پانی کی فراہمی میں اضافہ کردیا ہے۔

    سعودی ویب سائٹ کے مطابق سعودی عرب میں نیشنل واٹر کمپنی نے مملکت کے مختلف علاقوں میں پانی کی بڑھتی ہوئی طلب کو پورا کرنے کے لیے جامع حکمت عملی اختیار کرلی ہے۔

    کرونا کے حوالے سے موجودہ صورتحال کے پیش نظر پانی کی بڑھتی ہوئی طلب کو دیکھتے ہوئے واٹر کمپنی کی جانب سے 9.3 ملین مکعب میٹر پانی فراہم کیا جارہا ہے۔

    واٹر کمپنی کی جانب سے جاری بیان میں کہا گیا ہے کہ کرونا وائرس کی موجودہ صورتحال کو دیکھتے ہوئے مملکت کے تمام شہروں میں پانی کی طلب کو پورا کرنے کے لیے جامع حکمت عملی مرتب کی گئی ہے تاکہ کسی کو پانی کی قلت کا سامنا نہ کرنا پڑے۔

    کمپنی کے ذرائع کا کہنا ہے کہ نیشنل واٹر کمپنی کی جانب سے پانی کی ترسیل کے بہتر انتظامات کیے گئے ہیں۔

    واٹر ٹریٹمنٹ پلانٹس کی پیداواری صلاحیت میں بھی اضافہ کیا جا رہا ہے جبکہ اضافی طلب کو پورا کرنے اور صارفین کی شکایات کو دور کرنے کے حوالے سے بھی 24 گھنٹے آپریشن سسٹم کا آغاز کیا گیا ہے۔

    نیشنل واٹر کمپنی کے مطابق موجودہ ہنگامی حالات کے پیش نظر کمپنی نے ہر طرح کی پیش بندی کی ہے تاکہ کسی قسم کے بریک ڈاؤن کی صورتحال کا سامنا نہ کرنا پڑے۔

  • کرونا وائرس: ٹی وی میزبان پروگرام کے دوران آبدیدہ ہوگئیں

    کرونا وائرس: ٹی وی میزبان پروگرام کے دوران آبدیدہ ہوگئیں

    مناما: بحرین میں ایک ٹی وی پروگرام کی میزبان کرونا وائرس کے بارے میں گفتگو کرتے ہوئے رونے لگیں، انہوں نے کہا کہ لوگ کرونا وائرس کا شکار افراد کے لیے کڑوے تبصرے کر رہے ہیں۔

    بین الاقوامی ویب سائٹ کے مطابق کرونا وائرس پر پروگرام کے دوران بحرینی اناؤنسر ولا الفایق زار و قطار رونے لگی، پروگرام کے دوران بحرین کی خاتون فنکارہ ہند کے کرونا وائرس میں مبتلا ہونے کا تذکرہ بھی ہوا۔

    ولا الفایق نے اس پر دکھ کا اظہار کرتے ہوئے کہا کہ بعض لوگ کرونا میں مبتلا افراد کے لیے نازیبا زبان استعمال کر رہے ہیں، وہ ایسے کڑوے کسیلے تبصرے کرتے ہیں جنہیں سن کر رونا آتا ہے۔ یہ کہہ کر وہ رونے لگیں۔

    ولا الفایق نے ایم بی سی فور چینل پر پروگرام میں مزید کہا کہ کئی لوگوں نے کرونا کے مریضوں پر نامناسب تبصرے کیے ہیں، وطن عزیز بحرین کی فن کارہ ہند کے حوالے سے جو تبصرے کیے گئے وہ ایک مثال ہیں۔

    بحرینی اناؤنسر نے مزید کہا کہ بعض لوگوں نے بحرینی فنکارہ کے کرونا وائرس میں مبتلا ہونے کے بعد یہ کہا کہ انہوں نے پلاسٹک سرجری کرواتے وقت یہ نہیں سوچا کہ انہیں کرونا وائرس کا شکار ہونا پڑے گا۔

    انہوں نے مزید کہا کہ یہ بے پر کی باتیں ہیں حقیقت سے اس کا کوئی تعلق نہیں۔

    یاد رہے کہ بحرین میں اب تک کرونا وائرس کے 310 کیسز کی تصدیق ہوچکی ہے، جبکہ وائرس سے ایک موت ہوچکی ہے۔

  • عالمی برادری کرونا کے آگے بے بس، ہلاکتیں 12 ہزار 955 تک پہنچ گئیں

    عالمی برادری کرونا کے آگے بے بس، ہلاکتیں 12 ہزار 955 تک پہنچ گئیں

    روم: دنیا بھر میں کرونا وائرس کے باعث ہونے والی اموات کی تعداد 12 ہزار 955 تک پہنچ گئیں، اٹلی میں چوبیس گھنٹوں کے دوران مزید 793 مریض ہلاک ہوئے۔

    خبررساں ادارے کی رپورٹ کے مطابق دنیا بھر میں کرونا وائرس کے باعث اموات کی تعداد 12ہزار 955 تک پہنچ گئی جبکہ نئے کیسز کی تصدیق ہونے کے بعد مریضوں کی تعداد 3 لاکھ 1 ہزار 630 تک پہنچ گئی۔ رپورٹ کے مطابق دنیا بھر میں اب تک94ہزار625مریض صحت یاب ہوئے ہیں۔

    مزید پڑھیں: چین میں کرونا وائرس کو شکست دینے والے ڈاکٹرز کا پرتپاک استقبال

    اٹلی میں چوبیس گھنٹوں کے دوران 793 مریض ہلاک ہوئے جس کے بعد کل اموات 4 ہزار 825 سے تجاوز کرگئی جبکہ مزید 6 ہزار 557 کیسز رپورٹ ہوئے جس کے بعد مریضوں کی تعداد 53 ہزار 578 تک پہنچی۔

    یورپ میں اٹلی کے بعد اسپین میں کرونا سے بڑی تعداد میں اموات ہوئی ہیں، چوبیس گھنٹوں کے دوران ہونے والی ہلاکتوں کے بعد ہلاک افراد کی تعداد 1326 تک پہنچ گئی۔ اسی طرح برطانیہ میں کرونا وائرس کے باعث مزید 56 افراد موت کی وادی میں چلے گئے۔

    ایران میں کرونا وائرس سے مزید 100 سے زائد افراد کی ہلاکت ہوئی جس کے بعد وہاں مرنے والے کی تعداد ایک ہزار 556 ہو گئی اور متاثرہ افراد کی تعداد 20 ہزار سے زائد ہوگئی۔

    یہ بھی پڑھیں: اٹلی میں کرونا وائرس سے اتنی ہلاکتیں کیسے ہوئیں؟ ڈاکٹر نے بتا دیا

    یاد رہے کہ چین کے شہر ووہان سے پھیلنے والا مہلک وائرس دنیا کے 167 سے زائد ممالک میں پہنچ چکا ہے، ڈبلیو ایچ او کی جانب سے وبا قرار دیے جانے والے وائرس کی ویکیسن کے لیے ماہرین کاوشیں کررہے ہیں البتہ انہیں اب تک کوئی خاطر خواہ کامیابی نہیں مل سکی۔

  • کرونا وائرس،ورلڈ بینک اور ایشیائی ترقیاتی بینک پاکستان کو 588 ملین ڈالر دے گا

    کرونا وائرس،ورلڈ بینک اور ایشیائی ترقیاتی بینک پاکستان کو 588 ملین ڈالر دے گا

    اسلام آباد : معاون خصوصی برائے اطلاعات فردوس عاشق اعوان کا کہنا ہے کہ کرونا وائرس سے نمٹنے کیلئے ورلڈبینک اور ایشیائی ترقیاتی بینک پاکستان کو 588 ملین ڈالر فراہم کرے گا۔

    تفصیلات کے مطابق معاون خصوصی فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا چیلنج سے نبردآزما ہونے کیلئے عوام کو مثالی نظم و ضبط کامظاہرہ کرناہے، عزم وہمت، استقامت اوریکسوئی سےاس عفریت کامقابلہ کرنا ہے۔

    فردوس عاشق اعوان کا کہنا تھا کہ ہجوم والی جگہوں پر نہ جائیں، ہوٹلوں میں بیٹھنےکی بجائےٹیک اوےکوترجیح دیں، ایسے چیلنجز سے عوام اور حکومتیں مل کرنبردآزما ہوتی ہیں، کروناوائرس سے نمٹنے کیلئے ورلڈبینک پاکستان کو238 ملین ڈالر اور ایشیائی ترقیاتی بینک 350ملین ڈالر کی امدادفراہم کرے گا۔

    معاون خصوصی نے مزید کہا کہ قوم کی صحت کا تحفظ وزیراعظم عمران خان کی اولین ترجیح ہے، کسی قسم کی کوتاہی یا لاپرواہی برداشت نہیں کی جائے گی، وزیر اعظم ذاتی طور پر ساری صورتحال پر نظر رکھے ہوئے ہیں۔

  • گھر پر رہنے کے دوران کیا کرنا چاہیئے؟ صبا قمر نے بتا دیا

    گھر پر رہنے کے دوران کیا کرنا چاہیئے؟ صبا قمر نے بتا دیا

    کرونا وائرس نے لوگوں کی زندگیوں کو گھروں تک محدود کردیا ہے اور لوگ وقت گزاری کے لیے نئے نئے مشغلے اپنا رہے ہیں، معروف فنکار بھی سب کچھ چھوڑ کر گھروں میں بیٹھ گئے ہیں۔

    مشہور پاکستانی اداکارہ صبا قمر بھی انہی میں سے ایک ہیں جنہوں نے سماجی تعلقات تو قطع کرلیے ہیں لیکن سماجی رابطوں کی ویب سائٹس یعنی سوشل میڈیا کا استعمال بڑھا دیا ہے۔

    اپنی حالیہ انسٹاگرام پوسٹ میں انہوں نے اپنے مداحوں کو مشورے دیے کہ قرنطینیہ یا سوشل ڈسٹنسنگ کے دوران گھر میں رہتے ہوئے کیا کرنا چاہیئے۔

     

    View this post on Instagram

     

    Dear world, we are in a situation where we need to be together to fight this pandemic. #Covid19 is growing rapidly and we have to play our part. So what to do now? Well, the part we can play is to self quarantine and contain ourself at our places. By this we are doing great favour to the humanity! We just not have to protect ourselves but our community as well. While doing that don’t forget those in need, we all can help them by donating a little amount to the people who cannot sit back home without working, so if we pay them some amount they can also save themselves and their families from this serious issue that we are facing right now. A huge round applause to all the doctors around the globe for serving the patients and still working for all of us, let’s all just help them by sitting back at our homes and maintaining the social distance. A little precaution can save us from a big trouble. Here are some tips to make yourself busy in self isolation. (this is also what I am doing these days) – Wash hands regularly -Take Shower – Pray – Do Yoga – Watch movies/Seasons – Learn new better things from YouTube informative videos Remember we all can beat this pandemic just by fighting with this together, we are all in this together and let’s all get out of this TOGETHER, this too shall pass ~ Insha Allah 🙂

    A post shared by (@sabaqamarzaman) on

    اپنی پوسٹ میں صبا قمر نے کہا کہ اس وبا کے دنوں میں ہم سب کو اپنا کردار ادا کرنا چاہیئے، اور ہم خود کو گھروں تک محدود کر کے ہی بہترین کردار ادا کرسکتے ہیں۔

    انہوں نے کہا کہ گھروں پر رہ کر اور سماجی تعلقات قطع کر کے ہم انسانیت پر احسان کریں گے۔

    صبا کا کہنا تھا کہ جن افراد کو روزگار کمانے کے لیے باہر جانا ضروری ہے ان کی امداد کرنی بہت ضروری ہے تاکہ وہ بھی اس مشکل وقت میں اپنا بچاؤ کرسکیں۔

    انہوں نے دنیا بھر کے ڈاکٹرز کو خراج تحسین پیش کرتے ہوئے کہا کہ وہ اس مشکل وقت سے لڑ رہے ہیں اور ہم گھر پر رہ کر ان کی بہترین طور پر مدد کرسکتے ہیں۔ معمولی احتیاط ہمیں بڑی مشکل سے بچا سکتی ہے۔

    صبا نے گھر پر رہنے کے دوران مختلف مشغلے اپنانے کی تجویز دی اور کہا کہ وہ خود بھی یہی سب کر رہی ہیں۔ انہوں نے کہا کہ باقاعدگی سے ہاتھ دھوئیں، غسل کریں۔ عبادت کریں، یوگا کریں، موویز دیکھیں، اور یوٹیوب کی معلوماتی ویڈیوز سے کچھ نیا سیکھیں۔

    آخر میں انہوں نے کہا کہ ہم سب مل کر اس مشکل وقت سے نمٹ سکتے ہیں،یہ وقت بھی انشا اللہ جلد گزر جائے گا۔

  • کرونا کیخلاف جنگ، بلوچستان حکومت کا چین کے طرز پر ہیلتھ سٹی قائم کرنے کا فیصلہ

    کرونا کیخلاف جنگ، بلوچستان حکومت کا چین کے طرز پر ہیلتھ سٹی قائم کرنے کا فیصلہ

    کوئٹہ : بلوچستان حکومت نے چین کے طرز پر ہیلتھ سٹی بسانے کا فیصلہ کرلیا ہے ، ہیلتھ سٹی میں عارضی بنیادپرپری فیبریکیٹڈاسپتال تعمیر ہوگا۔

    فصیلات کے مطابق کرونا وائرس کے خلاف جنگ میں بلوچستان حکومت کا بڑا فیصلہ کرلیا ، ذرائع کا کہنا ہے کہ بلوچستان حکومت چین کی طرزپرہیلتھ سٹی قائم کرے گا ، ہیلتھ سٹی کی تعمیرکیلئےمتعلقہ صوبائی اداروں کواحکامات جاری کردیئے گئے ہیں۔

    ذرائع کا کہنا ہے کہ ہیلتھ سٹی میں پری فیبریکیٹڈ اسپتال فوری تعمیر کیاجائےگا، ہیلتھ سٹی کیلئےکوئٹہ کےقریب چشمہ اچوزئی میں50ایکڑرقبہ مختص کردیا گیا ہے۔

    ذرائع وزارت صحت کے مطابق بلوچستان حکومت نےوفاق کو ہیلتھ سٹی کی تعمیر سےمتعلق آگاہ کر دیا، ہیلتھ سٹی میں عارضی بنیاد پر پری فیبریکیٹڈاسپتال کنٹینرزکی مددسےتعمیرہوگا، صوبائی محکموں کوکنٹینرز،متفرق سامان کی خریداری کیلئےاحکامات جاری کردیئے ہیں۔

    خیال رہے چین نےووہان سٹی میں کورونامریضوں کیلئےپری فیبریکیٹڈاسپتال تعمیرکیاتھا۔

    یاد ریے بلوچستان میں 12 نئے کیسزسامنے آئے ہیں ، جس کے بعد کروناوائرس کے مریضوں کی تعداد 104 ہوگئی، چیف سیکرٹری بلوچستان کا کہنا ہے کہ تمام کوروناکیسز کوئٹہ کےہیں، تفتان میں 500 سےزائدلوگ قرنطینہ میں ہیں، مزیدلوگوں کی آمدجاری ہےجنہیں قرنطینہ کیاجائے گا۔

    خیال رہے ملک بھرمیں کوروناوائرس کےمریضوں میں مسلسل اضافہ ہوتا جارہا ہے، متاثرہ مریضوں کی تعداد 478 ہوگئی ہے ، پاکستان میں کروناوائرس سےاب تک تین افرادجاں بحق ہوچکے ،جاں بحق افراد کاتعلق کراچی،ہنگواورمردان سےہے جبکہ سندھ میں3،اسلام آبادمیں کوروناوائرس کے2مریض صحتیاب ہوچکے ہیں۔

    کرونا وائرس کے سب سے زیادہ 259 کیسز سندھ میں رپورٹ ہوئے ، پنجاب میں 83، بلوچستان 81، کے پی میں 23،اسلام آباد میں 10 کیسز سامنے آئے جبکہ گلگت بلتستان میں21، آزاد کشمیر میں کروناوائرس کا ایک مریض زیر علاج ہیں۔