ARYNews.tv | Urdu – Har Lamha Bakhabar

Tag: Coronavirus

  • کرونا وائرس، سندھ حکومت نے ابھی مکمل لاک ڈاؤن کا فیصلہ نہیں کیا، مرتضیٰ وہاب

    کرونا وائرس، سندھ حکومت نے ابھی مکمل لاک ڈاؤن کا فیصلہ نہیں کیا، مرتضیٰ وہاب

    کراچی: ترجمان سندھ حکومت مرتضیٰ وہاب کا کہنا ہے کہ کرونا وائرس کے پیش نظر سندھ حکومت نے ابھی مکمل لاک ڈاؤن کا فیصلہ نہیں کیا ہے۔

    تفصیلات کے مطابق ترجمان سندھ حکومت مرتضیٰ وہاب نے اے آر وائی نیوز کے پروگرام ’آف دی ریکارڈ‘ میں گفتگو کرتے ہوئے کہا کہ کرونا وائرس کے پیش نظر کچھ پیرا میٹرز طے کیے ہیں جس کے تحت لاک ڈاؤن کریں گے۔

    مرتضیٰ وہاب نے کہا کہ کرونا وائرس کا پھیلاؤ روکنے کے لیے آمدورفت محدود کرنی ہوگی، درخواست کرتا ہوں ہم سب کو احتیاط کرنے کی ضرورت ہے۔

    انہوں نے کہا کہ مردان کے انتقال کرجانے والے شخص کی یوسی کو لاک ڈاؤن کردیا گیا ہے، اگر لاک ڈاؤن کی طرف جارہے ہیں تو پھر کس چیز کا انتظار کیا جارہا ہے۔

    مزید پڑھیں: 7.21 ارب روپے کورونا سے متعلق سامان کی خریداری کیلیے ریلیز

    مرتضیٰ وہاب نے کہا کہ کرونا وائرس کے پیش نظر وفاق سمیت تمام صوبوں کو ایک پیج پر آنا ہوگا، جو لوگ روزانہ کی بنیاد پر کماتے ہیں وہ متاثر ہورہے ہیں، ہم معاملے کا شفاف طریقے سے جائزہ لے رہے ہیں۔

    انہوں نے کہا کہ لیاری کے اندر ایران سے کچھ لوگ غیرقانونی طور پر داخل ہوئے جس کا وزیراعلیٰ سندھ نے نوٹس لیا ہے، جو لوگ آئے ہیں ان کو ٹریس کیا جائے گا۔

    واضح رہے کہ سندھ حکومت نے کرونا وائرس کے ہنگامی صورت حال سے نمٹنے کے لیے ایکسپو سینٹر کراچی میں پاک فوج کے تعاون سے فیلڈ اسپتال قائم کرنے کا فیصلہ کر کے تیاریاں شروع کر دی ہیں۔

    یاد رہے کہ وزیراعلیٰ سندھ مراد علی شاہ نے کہا تھا کہ 7.21 ارب روپے محکمہ صحت اور کمشنر سکھر کو بھیجے گئے ہیں یہ تمام فنڈز کرونا سے متعلق سامان کی خریداری پر خرچ ہوں گے۔

  • کرونا سے ڈرنے کے بجائے احتیاطی تدابیر اختیار کی جائیں، وزیراعظم

    کرونا سے ڈرنے کے بجائے احتیاطی تدابیر اختیار کی جائیں، وزیراعظم

    اسلام آباد: وزیراعظم عمران خان نے کہا ہے کہ کرونا سے ڈرنے کے بجائے احتیاطی تدابیر اختیار کی جائیں۔

    تفصیلات کے مطابق وزیراعظم عمران خان سے اسپیکر قومی اسمبلی اسد قیصر نے ملاقات کی جس میں کرونا وائرس سے نمٹنے کے لیے پارلیمانی کمیٹی قائم کرنے کا فیصلہ کیا گیا، پارلیمانی کمیٹی حکومتی اور اپوزیشن اراکین پر مشتمل ہوگی۔

    وزیراعظم نے کہا کہ کرونا وائرس پر کنٹرول کے لیے چین کا تعاون قابل ستائش ہے، عوام، معیشت کو محفوظ رکھنے کے لیے بین الاقوامی اداروں سے رابطے میں ہیں۔

    عمران خان نے کہا کہ کرونا وائرس سے ڈرنے کے بجائے احتیاطی تدابیر اختیار کی جائیں، عوام کو ریلیف پہنچانے کے لیے تمام وسائل بروئے کار لارہے ہیں۔

    مزید پڑھیں: انشااللہ پاکستان کرونا وائرس کے خلاف جنگ جیتے گا، وزیر اعظم عمران خان

    واضح رہے کہ اس سے قبل وزیراعظم عمران خان کا کہنا تھا کہ انشا اللہ پاکستان کرونا وائرس کے خلاف جنگ جیتے گا، کرونا وائرس پر کنٹرول کے حوالے سے چین کا تعاون قابل ستائش ہے، چین کی کرونا کی روک تھام کے لیے معاونت فراموش نہیں کرسکتے۔

    ان کا کہنا تھا کہ پاکستانی بطور قوم متحد ہوکر وائرس کو شکست دیں گے، کرونا سے ڈرنے کی نہیں صرف احتیاط کی ضرورت ہے، وائرس کے اثرات کے تناظر میں عالمی اداروں کو اعتماد میں لیا جارہا ہے۔

    وزیراعظم کا کہنا تھا کہ کرونا کے حوالے سے تمام اقدامات کی خود نگرانی کررہا ہوں، عوام کو ریلیف پہنچانے کے تمام وسائل کو بروئے کار لایا جائے گا۔

  • کرونا وائرس: دنیا بھر سے ماسک پہنے ہوئے انسانوں‌ کی تصاویر

    کرونا وائرس: دنیا بھر سے ماسک پہنے ہوئے انسانوں‌ کی تصاویر

    کرونا نے دنیا بھر میں‌ انسانوں کو ماسک پہننے پر مجبور کر دیا ہے۔

    کرونا سے متاثرہ مختلف ممالک میں "ماسک زدہ” زندگی کی چند تصاویر دیکھیے۔

     


     

     

     

     

     

     

     

     

     

  • کرونا وائرس، عوام گھروں میں رہیں، یہ نہ ہو کل مزید لاک ڈاؤن کرنا پڑے، یاسمین راشد

    کرونا وائرس، عوام گھروں میں رہیں، یہ نہ ہو کل مزید لاک ڈاؤن کرنا پڑے، یاسمین راشد

    لاہور: وزیر صحت پنجاب یاسمین راشد نے کہا ہے کہ عوام گھروں میں رہیں یہ نہ ہو کل مزید لاک ڈاؤن کرنا پڑے، چھٹیاں سیرو تفریح کے لیے نہیں دی گئیں گھروں میں رہنے کے لیے دی ہیں۔

    تفصیلات کے مطابق وزیر صحت پنجاب یاسمین راشد نے نیوز کانفرنس کرتے ہوئے کہا کہ پنجاب میں 384 ٹیسٹ کیے گئے جس میں سے 320 کے ٹیسٹ منفی آئے ہیں، اس وقت پنجاب میں کرونا وائرس کے 78 مریض ہیں۔

    انہوں نے کہا کہ کرونا وائرس کی تشخیص والوں کو الگ کردیا گیا ہے، پنجاب میں تمام کرونا وائرس کے مریضوں کا علاج جاری ہے، لاہور میو اسپتال میں 4 مریض داخل ہیں اور صحت یاب ہورہے ہیں۔

    یاسمین راشد کا کہنا تھا کہ عملے کے پاس تمام ضروری چیزیں موجود ہیں، کرونا وائرس کے مشتبہ مریضوں کو بھی الگ کردیا گیا ہے، پنجاب میں ٹیچنگ اسپتالوں میں آئسولیشن وارڈز قائم کردئیے۔

    وزیر صحت پنجاب کا کہنا تھا کہ کچھ عناصر خدشات پیدا کررہے ہیں کہ ہم اقدامات نہیں کررہے، پنجاب حکومت نے پہلے سے ہی کام کرنا شروع کردیا تھا، فیلڈ اور کیمپ اسپتالوں کے لیے جگہ دیکھی جارہی ہے، صورتحال دن بدن بدلتی جارہی ہے ویسے ہی اقدامات کررہے ہیں۔

    انہوں نے کہا کہ پی کے ایل کو بھی خالی کرالیا گیا ہے، ڈی جی خان میں موجود زائرین کے ٹیسٹ 48 گھنٹے میں کرلیے جائیں گے، ایک ہزار بستر کا فیلڈ اسپتال بھی تیار کیا جائے گا، جو مریض ٹھیک ہورہے ہیں ان کو بھی 14 دن قرنطینہ میں رکھ رہے ہیں۔

    یاسمین راشد نے کہا کہ ملتان کی لیبر کالونی میں 1500 افراد کے ٹیسٹ کیے جائیں گے، عوام مہربانی کریں گھروں میں رہیں اس میں آپ کا ہی فائدہ ہے۔

  • کرونا وائرس ، جزوی لاک ڈاؤن سےمتاثرہ شہریوں کے لئے سندھ حکومت کا بڑا فیصلہ

    کرونا وائرس ، جزوی لاک ڈاؤن سےمتاثرہ شہریوں کے لئے سندھ حکومت کا بڑا فیصلہ

    کراچی : سندھ حکومت نے ضرورت مند افراد کے لئے صوبے بھر میں مفت راشن تقسیم کے لیے ہیلپ لائن بنانے کا فیصلہ کرلیا ہے، ہیلپ لائن پر رجسٹریشن کے بعد شہریوں کے گھروں تک ایک ماہ کا راشن پہنچایا جائےگا۔

    تفصیلات کے مطابق سندھ حکومت نے کرونا سے نمٹنے اور جزوی لاک ڈاؤن سے متاثرہ شہریوں کے لیے اقدامات کرتے ہوئے صوبے بھر میں مفت راشن تقسیم کے لیے ہیلپ لائن بنانے کا فیصلہ کرلیا ہے۔

    اس سلسلے میں تمام ڈویژنل ہیڈکوارٹرز میں راشن ویئرہاؤس بنائےجائیں گے اور ان ویئرہاؤسز کے زریعے راشن بیگز اضلاع اورگھروں تک پہنچائے جائیں گے، راشن ہیلپ لائن پر ضرورت مند افراد راشن کے لیے رجسٹریشن کرائیں گے۔

    رجسٹریشن کے بعد شہریوں کے گھروں تک ایک ماہ کاراشن پہنچایا جائےگا ، راشن تقسیم کی نگراں کمیٹی راشن بیگ دینے کے بعدگھروں پر مخصوص نشان لگائے گی۔

    سندھ حکومت نے کرونا ٹیسٹنگ کی استعداد بڑھانے کا بھی فیصلہ کیا ہے ، مزید ٹیسٹنگ کٹس کےساتھ مشینری،تربیت یافتہ عملہ مقرر کیاجائےگا ، پہلےمرحلے میں 20 لاکھ خاندانوں کو ایک ماہ کا راشن دیاجائےگا ، مخیرحضرات،این جی اوز بھی راشن کی تقسیم میں سندھ حکومت کی معاونت کریں گے۔

    دوسری جانب پی ڈی ایم اے نے بڑے پیمانے پر رضاکاروں کی رجسٹریشن شروع کردی ، رجسٹرڈ رضاکار پی ڈی ایم اےکےتحت مختلف مقامات پر خدمات انجام دیں گے، رضاکاروں کوقرنطینہ،آئسولیشن ودیگرمقامات پرمعاونت کے لیے رکھا جائےگا۔

    کروناوائرس کیخلاف جنگ میں سندھ حکومت کے مثبت اقدامات کے باعث پی ڈی ایم اےسندھ کےساتھ سماجی خدمت کےلیے1200افرادنےرجسٹریشن کرالی ہے ، پی ڈی ایم اے نے اپیل کی ہے کہ حالات کے مقابلے کے لیے سندھ حکومت کا ساتھ دیں۔

  • ملک کے تمام 3 اور 4 اسٹار ہوٹلز قرنطینیہ میں تبدیل کرنے کی ہدایت

    ملک کے تمام 3 اور 4 اسٹار ہوٹلز قرنطینیہ میں تبدیل کرنے کی ہدایت

    اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے ملک کے تمام 3 اور 4 اسٹار ہوٹلز کو قرنطینیہ میں تبدیل کرنے کی ہدایت کردی ہے۔

    تفصیلات کے مطابق نیشنل ڈیزاسٹر مینجمنٹ اتھارٹی (این ڈی ایم اے) کے چیئرمین لیفٹننٹ جنرل محمد افضل نے صوبائی چیف سیکریٹریز کو خط لکھا ہے، خط میں تمام 3 اور 4 اسٹار ہوٹلز خالی کروانے کی ہدایت کردی گئی ہے۔

    خط میں کہا گیا ہے کہ ہوٹلز کو فوری طور پر قرنطینیہ میں تبدیل کیا جائے، ہوٹلوں میں قیام اور کرائے داری کے تمام معاملات فوری طور پر منجمد کیے جائیں۔

    این ڈی ایم اے کا کہنا ہے کہ ایمرجنسی کے خاتمے تک ہوٹلز بطور قرنطینیہ استعمال ہوں گے، وائرس کے مشتبہ مریضوں کے لیے ون پرسن ون روم کی پالیسی پر عمل ہوگا۔

    این ڈی ایم اے نے ہدایت کی ہے کہ قائم کردہ قرنطینیہ کی تفصیلات این ڈی ایم اے کو بھجوائیں۔

    مذکورہ خط کی نقل وزیر اعظم آفس، وزارت صحت، وزارت داخلہ، چیف کمشنر اسلام آباد اور چیف سیکریٹری آزاد جموں کشمیر کو بھی ارسال کردی گئی ہے۔

  • کرونا وائرس ، دبئی کے ولی عہد کا عوام کے نام اہم پیغام

    کرونا وائرس ، دبئی کے ولی عہد کا عوام کے نام اہم پیغام

    دبئی : دُبئی کے ولی عہد شیخ حمدان بن محمد بن راشد نے امارات میں مقیم تمام شہریوں کے لیے اہم پیغام جاری کردیا۔

    عرب میڈیا رپورٹ کے مطابق دبئی کے ولی عہد اور ایگزیکٹو کونسل کے چیئرمین شیخ حمدان بن محمد بن راشد نے امارات میں مقیم تمام افراد کے نام ایک کُھلا خط تحریر کیا جس میں‌ انہیں‌ مطمئن کرنے کی کوشش کی۔

    خط میں انہوں نے لوگوں کو پیغام دیا ہے کہ کرونا وائرس سے بالکل خوف زدہ نہ ہوں۔

    انھوں نے اپنے خط میں کہا کہ ہمیں اپنے اللہ کی ذات پر بھروسہ رکھنا چاہیے، ہمارے پاس ایک مضبوط لیڈر شپ موجود ہے، جو آپ کی صحت و تندرستی کو یقینی بنانے کے لئے پرعزم ہیں۔

    شیخ حمدان نے یقین دلایا کہ حکمرانوں کے لیے اماراتی شہریوں اور غیر ملکی تارکین وطن کی صحت و سلامتی سب سے اہم ہے، ایسی صورت میں لوگوں کو کرونا سے گھبرانے کی ضرورت نہیں ہے۔

    انہوں نے اپنے خط میں مزید لکھا کہ اماراتی حکومت تمام افراد کی صحت کی حفاظت کے لیے اپنے تمام تر وسائل کو بروئے کار لا رہی ہےاور کرونا وائرس کے باعث پیدا ہونے والی صورت حال کا مقابلہ کرنے کے لیے پوری طرح سے متحد ہے۔

    شیخ حمدان کا کہنا تھا کہ یہ ہم سب کی ذمہ داری ہے کہ ہم خود کو، اپنے گھر والوں کو اور اپنے اردگرد تمام افراد کو محفوظ رکھنے کے لیے بھرپور انداز میں کردار ادا کریں۔

    شیخ حمدان نے لوگوں پر روز دیا کہ موجودہ صورت حال کے باعث معمولات زندگی میں عارضی طور پر تبدیلی لائیں اور حفظان صحت کے اصولوں پر پوری طرح سے عمل کرتے ہوئے احتیاطی تدابیر اختیار کریں۔

    اپنے خط کے  اختتام میں انہوں نے دعا کی کہ اللہ سب کو اپنی خفاطت میں رکھے ، ”آپ کا بھائی، حمدان بن محمد بن راشد المکتوم“ ۔

    خیال رہے متحدہ عرب امارات میں کرونا وائرس کے مریضوں کی تعداد 130 سے تجاوز کرچکی ہے اور خدشہ ہے کہ اگلے چند روز میں مریضوں کی تعداد میں اضافہ ہوسکتا ہے۔

  • بھارت: کرونا کے مشتبہ مریض نے آئسولیشن وارڈ سے کود کر خودکشی کر لی

    بھارت: کرونا کے مشتبہ مریض نے آئسولیشن وارڈ سے کود کر خودکشی کر لی

    نئی دہلی: پڑوسی ملک بھارت میں کرونا وائرس سے خوف زدہ مریض نے رپورٹ آنے کا بھی انتظار نہیں کیا اور ساتویں منزل پر بنے آئسولیشن وارڈ سے چھلانگ لگا کر خود کشی کر لی۔

    غیر ملکی میڈیا کے مطابق بھارتی دارالحکومت دہلی میں کرونا کے ایک مشتبہ مریض نے اسپتال کی ساتویں منزل سے چھلانگ لگا کر خود کشی کر لی، مریض کو آئسولیشن وارڈ میں رکھا گیا تھا اور کرونا کے ٹیسٹ رپورٹ کا انتظار کیا جا رہا تھا۔

    بھارتی پنجاب سے تعلق رکھنے والا مشتبہ مریض ایک برس سے آسٹریلیا کے شہر سڈنی میں رہایش پذیر تھا، اسے دہلی پہنچنے کے فوراً بعد صفدر جنگ اسپتال کے آئسولیشن وارڈ میں منتقل کیا گیا، جہاں اس کے خون کے نمونے لے کر کرونا ٹیسٹ کے لیے بھجوائے گئے، تاہم مشتبہ مریض نے آئسولیشن کے خوف سے وارڈ میں لائے جانے کے کچھ ہی دیر بعد دروازہ کھولا اور ساتویں منزل سے چھلانگ لگا دی۔

    بھارت: کرونا سے بچاؤ کی ‘انوکھی’ پارٹی دینے والے بی جے پی رہنما گرفتار

    خیال رہے کہ بھارت میں کرونا وائرس سے ہونے والی اموات کی تعداد 3 ہو چکی ہے جب کہ 174 لوگ وائرس سے متاثرہ ہیں۔

    گزشتہ روز بھارت میں ریاستی حکومت نے کرونا وائرس کی وبا میں مبتلا افراد کے ہاتھوں پر اسٹمپ لگانے کا اعلان کیا تھا جس کا مقصد وائرس میں مبتلا افراد کی شناخت کرنا ہے۔ بھارتی ریاست مہاراشٹرا کی حکومت نے یہ انوکھا اقدام عالمی وبا کو مزید پھیلنے سے روکنے کےلیے اٹھایا ہے، اسٹمپ وائرس میں مبتلا ان افراد کے ہاتھوں پر لگائی جائے گی جنہیں گھروں میں قرنطینہ کیا جائے گا۔

  • سعودی عرب میں ماسک کی سرکاری قیمت مقرر

    سعودی عرب میں ماسک کی سرکاری قیمت مقرر

    ریاض: سعودی عرب میں ماسک کی سرکاری قیمت مقرر کردی گئی، حکام کے مطابق ایک ماسک کی قیمت 60 ہللہ سے ایک ریال تک ہے۔

    سعودی ویب سائٹ کے مطابق سعودی عرب میں تحفظ صارفین انجمن کے مطابق ماسک اور دستانوں کے سرکاری نرخ مقرر کردیے گئے ہیں، ماسک کتنے اقسام کے ہیں اس کی تفصیلات بھی دی گئی ہیں۔

    تحفظ صارفین انجمن کا کہنا ہے کہ صارفین سرکاری نرخ کے مطابق ہی ماسک اور دستانے خریدیں۔

    انجمن کے مطابق ماسک 2 پرت یا 3 پرت والے ہوتے ہیں جبکہ این 95 قسم کے بھی ماسک ہوتے ہیں، این 95 ماسک عام لوگوں کے لیے نہیں ہیں۔ یہ شعبہ صحت سے تعلق رکھنے والے عملے کے لیے ہیں۔

    دوسری جانب وزارت صحت نے بھی اعلان کیا ہے کہ مقامی شہریوں اور مقیم غیر ملکیوں کو ہر وقت ماسک استعمال کرنے کی ضرورت نہیں ہے۔

    ان کے مطابق صرف 2 صورتوں میں ماسک کا استعمال کیا جائے، ایک اس وقت جب کوئی شخص کھانسی یا نزلہ زکام میں مبتلا ہو یا دوسرا اس وقت جب وہ کرونا وائرس کے کسی مریض سے مل رہا ہو۔

    انجمن تحفظ صارفین نے ماسک کی سرکاری قیمتوں کے حوالے سے بتایا کہ ایک ماسک کی قیمت 60 ہللہ سے ایک ریال تک ہے۔ ماسک کی نوعیت اور برانڈ کی وجہ سے قیمت میں فرق ہو گا۔

    اسی طرح 50 ملی لیٹرسینی ٹائزر کی قیمت 8 ریال سے 18 ریال تک مقرر کی گئی ہے، قیمت میں فرق دوا ساز کمپنی کے لحاظ سے ہے۔

    انجمن تحفظ صارفین کے مطابق اگر لوگ پانی اور صابن سے ہاتھ دھو رہے ہوں تو ایسی صورت میں سینی ٹائزر کی ضرورت نہیں ہوگی۔

    انجمن کا یہ بھی کہنا ہے کہ سعودی عرب میں فارمیسیاں ماسک، دستانے اور سینی ٹائزر ایک شخص کو زیادہ مقدار میں فروخت کرنے سے معذرت کر رہی ہیں کیونکہ کسی ایک شخص کو اتنی ہی مقدار میں یہ چیزیں دینے کی ہدایت ہے جس کی اسے ضرورت ہو تاکہ دیگر صارفین بھی اپنی ضروریات پوری کرسکیں۔

  • 25 مارچ سے ٹرین آپریشن محدود ہو جائے گا

    25 مارچ سے ٹرین آپریشن محدود ہو جائے گا

    لاہور: پاکستان ریلویز نے ٹرین آپریشن محدود کرنے کا فیصلہ کر لیا ہے، محکمے کے ترجمان نے کہا ہے کہ  ٹرین آپریشن محدود کرنے پر عمل درآمد 25 مارچ سے شروع ہوگا۔

    اے آر وائی نیوز کے مطابق وزیر ریلوے شیخ رشید کی زیر صدارت اعلیٰ سطح اجلاس میں ٹرین آپریشن محدود کرنے کا فیصلہ کر لیا گیا ہے، پہلے مرحلے میں 10 مسافر ٹرینوں کو بند کیا جائے گا، صورت حال کو مد نظر رکھتے ہوئے مزید ٹرینوں کی بندش کا فیصلہ ہوگا۔

    ریلوے ترجمان کے مطابق پاکستان میں اس وقت 134 مسافر ٹرینیں چل رہی ہیں۔ محکمے کی جانب سے کراچی سے چلنے والی 8 ٹرینیں بھی منسوخ کرنے کا فیصلہ کیا گیا ہے، وزیر ریلوے شیخ رشید کا کہنا تھا کہ مکمل ٹرین آپریشن بند کرنا میرے اختیار میں نہیں ہے، اس حوالے سے وزیر اعظم فیصلہ کریں گے۔

    کرونا وائرس، شیخ رشید کی صوبائی حکومتوں کو بڑی پیشکش

    شیخ رشید کا کہنا تھا کہ کم مسافروں والی مختلف ٹرینوں کو آپس میں یک جا کیا جاسکتا ہے، ریلوے محکمہ مسافروں اور عملے کی حفاظت کے ہر ممکن اقدامات کر رہا ہے۔

    ذرایع کا کہنا تھا کہ ٹرینیں بند کرنے کا فیصلہ سندھ حکومت کی درخواست پر کیا گیا ہے، جو ٹرینیں معطل کی جا رہی ہیں ان مسافروں کے لیے متبادل انتظامات کیے جائیں گے، پاکستان ریلوے کے پاس اتنے پیسے نہیں کہ کرایہ واپس کر دیا جائے۔

    خیال رہے کہ گزشتہ روز ریلوے انتظامیہ کراچی کی ایک اور غفلت سامنے آئی تھی، ریلوے کا عملہ ماسک اور ہینڈ سینیٹائزر کے بغیر کام کرنے پر مجبور ہے، غیر متعلقہ افراد کی بغیر چیکنگ آمد و رفت بھی عملے اور مسافروں کے لیے خطرہ بن گئی ہے، ریلوے اسٹیشنز پر مسافروں کے تحفظ کے لیے خاطر خواہ انتظامات نہیں کیے گئے۔ ذرایع کا کہنا تھا کہ ریلوے انتظامیہ نے کلرک، واشنگ لائن کے کسی اہل کار کو سہولت نہیں دی، کلرکس، ٹکٹ چیکر بغیر ماسک اور سینیٹائزر کے کام کر رہے ہیں۔