ARYNews.tv | Urdu – Har Lamha Bakhabar

Tag: Corps commanders conference

  • سیلابی صورت حال: آرمی چیف کی فارمیشنزکو تمام وسائل بروئےکارلانے کی ہدایت

    سیلابی صورت حال: آرمی چیف کی فارمیشنزکو تمام وسائل بروئےکارلانے کی ہدایت

    راولپنڈی:آرمی چیف کی زیر صدارت ہونے والی کور کمانڈر کانفرنس میں شرکا نے اس عزم کا اظہار کیا ہے کہ سیلاب سے متاثرہ ہر شخص کی داد رسی کو یقینی بنایا جائے۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف کی زیرصدارت 250ویں کورکمانڈرز کانفرنس کا انعقاد ہوا، کانفرنس میں خارجہ، داخلی سیکیورٹی صورتحال پر بات چیت کی گئی۔

    کورکمانڈرز کانفرنس کے شرکا نے ملک میں سیلابی صورتحال اور فوج کی طرف سے جاری ریسکیواینڈ ریلیف آپریشنز کا جائزہ لیا اور غیرمعمولی بارشوں کے نتیجے میں پیدا ہونے والی سیلابی صورتحال سے قیمتی جانوں کے ضیاع اور انفراسٹرکچر کو ہونے والے نقصان پر گہرے دکھ کا اظہار کیا۔

    Image

    کانفرنس کے شرکا کو ملک میں سیلابی صورتحال، آرمی فارمیشنز کی جانب سے جاری امدادی کارروائیوں اور بیرونی و داخلی سلامتی صورت حال پر تفصیلی بریفنگ دی گئی۔

    آئی ایس پی آر کے مطابق آرمی چیف جنرل قمر جاوید باجوہ نے فارمیشنز کو آپریشنل تیاریاں برقرار رکھنے کی ہدایت کی۔

    آئی ایس پی آر کے مطابق سپہ سالار جنرل قمر جاوید باجوہ نے خیبر پختونخوا اور بلوچستان میں انسداد دہشت گردی کے لیے کوششیں جاری رکھنے کی ہدایت کی۔

    آرمی چیف جنرل قمر جاوید باجوہ نے سیلاب متاثرہ علاقوں میں جاری امدادی کاروائیوں کو سراہا، انہوں نے کہا کہ مشکل کی گھڑی میں ہرمتاثرہ شخص کی دادرسی یقینی بنائی جائے۔

  • بے بنیاد پروپیگنڈا بھارت کی مایوسی کا منہ بولتا ثبوت ہے، آرمی چیف

    بے بنیاد پروپیگنڈا بھارت کی مایوسی کا منہ بولتا ثبوت ہے، آرمی چیف

    راولپنڈی: آرمی چیف جنرل قمرجاوید باجوہ کی زیر صدارت کور کمانڈرز کانفرنس میں اس عزم کا اعادہ کیا گیا ہے کہ جغرافیائی سرحدوں کےدفاع کے لیے تمام تر اقدامات بروئےکار لائے جائیں گے۔

    پاک فوج کے شعبہ تعلقات عامہ ( آئی ایس پی آر) کی جانب سے جاری بیان کے مطابق جنرل ہیڈ کوارٹر راولپنڈی میں آرمی چیف جنرل قمرجاوید باجوہ کی زیرصدارت کور کمانڈرز کانفرنس ہوئی، جس میں علاقائی سیکیورٹی، بارڈر مینجمنٹ اور داخلی سیکیورٹی صورتحال پرغور کیا گیا۔

    آئی ایس پی آر کے مطابق کانفرنس میں خطے کی تیزی سے بدلتی صورتحال پرمیں تفصیلی بات چیت کی گئی، شرکانے افغان سکیورٹی صورتحال اور انسانی بحران پر اظہار تشویش کرتے ہوئے کہا کہ بامقصد گفتگو، عالمی تعاون سےافغانستان میں امن کی راہ ہموار ہوگی۔

    اجلاس کے شرکا نے پاکستان کوعدم استحکام کا شکار کرنےکی سازشیں ناکام بنانے کا عزم دہراتے ہوئے کہا کہ قربانیوں سےحاصل امن واستحکام کو تباہ کرنے کی سازش ناکام بنا دی جائے گی۔

    یہ بھی پڑھیں: ’پاکستان، سعودی عرب تعلقات مضبوط پارٹنر شپ میں بدل چکے‘

    آئی ایس پی آر کے مطابق شرکا نے بھارتی ملٹری کےگمراہ کن پروپیگنڈےکا نوٹس لیا اور اس عزم کا اظہار کیا کہ جغرافیائی سرحدوں کےدفاع کے لیے تمام تر اقدامات بروئےکار لائیں گے۔

    شرکا سے خطاب کرتے ہوئے آرمی چیف نے کہا کہ بےبنیاد پروپیگنڈ ابھارت کی مایوسی کا منہ بولتاثبوت ہے،پروپیگنڈاانسانی حقوق کی خلاف ورزی سےتوجہ ہٹانےکی کوشش ہے۔

  • آرمی چیف کی تمام خطرات سے نمٹنے کیلئے پاک فوج کو مکمل تیار رہنے کی ہدایت

    آرمی چیف کی تمام خطرات سے نمٹنے کیلئے پاک فوج کو مکمل تیار رہنے کی ہدایت

    راولپنڈی : آرمی چیف جنرل قمر جاوید باجوہ نے کور کمانڈرز کانفرنس میں روایتی اور غیرروایتی خطرات سے نمٹنے کیلئے مکمل تیار رہنے کی ہدایت کرتے ہوئے کہا پاکستان میں امن تباہ کرنےکی سازشوں کوہرقیمت پرناکام بنادیں گے۔

    تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار کی جانب سے بیان میں کہا گیا ہے کہ آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی ، کانفرنس میں عالمی،علاقائی،داخلی سیکیورٹی کی صورتحال سمیت افغانستان کی تازہ ترین صورتحال پر غور کیا گیا۔

    کانفرنس میں پاک افغان بارڈرکی صورتحال،احتیاطی اقدامات پربھی گفتگو ہوئی ، آرمی چیف نے مؤثربارڈرمینجمنٹ نظام پراطمینان کااظہار کرتے ہوئے کہا بارڈرمینجمنٹ سےنقل و حرکت اور داخلی سیکیورٹی صورتحال کنٹرول میں ہے۔

    آرمی چیف نے افغانستان سےغیرملکی عملےکےانخلامیں فوج کے کردار کی تعریف کرتے ہوئے کہا کہ پاکستان خطےمیں دیرپا امن کے لئے کوشاں ہے۔

    کور کمانڈرز کانفرنس میں کشمیرکی آزادی کیلئےسیدعلی گیلانی کی جدوجہد اور قربانیوں پرخراج تحسین پیش کیا گیا ، شرکا نے کہا سیدعلی گیلانی نےپوری زندگی کشمیریوں کےحق خودارادیت کیلئےصرف کی۔

    کانفرنس کے شرکا نے عزم کا اظہار کرتے ہوئے کہا پاک فوج کشمیری عوام کیساتھ ہے ، بھارتی ریاستی جبر کو ہر سطح پر اجاگر کرتے رہیں گے اور پاکستان میں امن خراب کرنےکی تمام سازشوں کوناکام بنایاجائے گا۔

    کانفرنس میں آرمی چیف کا کہنا تھا کہ دنیاافغانستان میں بامقصدرابطوں،انسانی ہمدردی کےتحت کرداراداکرے، خطےمیں دیرپاامن کیلئےعالمی برادری کامتحرک کردارضروری ہے، جس پر شرکا نے کہا کہ خطےمیں تمام فریقین دیرپاامن کے لئےباہمی تعاون کوفروغ دیں۔

    شرکا نے بھارتی جبرکیخلاف کشمیریوں کے حق خودارادیت سے یکجہتی کے عزم کا اعادہ کیا۔

    اس موقع پر آرمی چیف نے تمام فارمیشنزکی پرامن محرم کے لئے کوششوں کوسراہتے ہوئے روایتی ،غیرروایتی خطرات سےنمٹنےکی تیاریوں پراطمینان کا اظہار کیا۔

    جنرل قمر جاوید باجوہ نے روایتی،غیرروایتی خطرات سے نمٹنے کیلئے مکمل تیار رہنے کی ہدایت کرتے ہوئے کہا پاکستان میں امن تباہ کرنےکی سازشوں کوہرقیمت پرناکام بنادیں گے۔

  • کورکمانڈرز کانفرنس ، افغانستان کراس بارڈ سے بڑھتے فائرنگ کے واقعات کا سختی سے نوٹس

    کورکمانڈرز کانفرنس ، افغانستان کراس بارڈ سے بڑھتے فائرنگ کے واقعات کا سختی سے نوٹس

    راولپنڈی : آرمی چیف جنرل قمر جاوید باجوہ کی زیرصدارت کورکمانڈرز کانفرنس میں افغانستان کراس بارڈ سے بڑھتے فائرنگ کے واقعات کا سختی سے نوٹس لیا گیا ، شرکاء نے کہا افغانستان میں دہشت گردگروپ سراٹھارہےہیں، افغان سرزمین پاکستان کیخلاف استعمال ہونےسے روکا جائے۔

    تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر اپنے پیغام میں بتایا کہ آرمی چیف جنرل قمر جاوید باجوہ کی زیرصدارت کورکمانڈرز کانفرنس ہوئی ، کانفرنس میں عالمی،علاقائی،مقامی سیکیورٹی صورتحال پرتبادلہ خیال کیا گیا اور ایل اوسی ورکنگ باؤنڈری،پاک افغان بارڈرصورتحال بھی زیرغور آئی۔

    ڈی جی آئی ایس پی آر کا کہنا تھا کہ اجلاس میں ملک کودرپیش چیلنجزاورآپریشنل تیاریوں پر بھی غور کیا گیا ، آرمی چیف نے پاک فوج کی آپریشنل تیاریوں پراظہار اطمینان کیا۔

    کورکمانڈرز کانفرنس میں افغان امن عمل میں پیشرفت اور اس کے بارڈر پراثرات پر بھی غور کیا گیا اور شرکا نے علاقائی امن واستحکام کےفروغ کیلئے مکمل تعاون کےعزم کا اعادہ کرتے ہوئے افغانستان کراس بارڈسےبڑھتے فائرنگ کےواقعات کاسختی سے نوٹس لیا۔

    اجلاس میں شرکاء نے کہا افغانستان میں دہشت گردگروپ سراٹھارہےہیں، افغان سرزمین پاکستان کیخلاف استعمال ہونےسےروکاجائے ، علاقائی سیکیورٹی صورتحال میں مؤثربارڈرکنٹرول منیجمنٹ ضروری ہے۔

    ڈی جی آئی ایس پی آر نے کہا پاکستان نےبارڈرکنٹرول مینجمنٹ کےلئےمؤثراقدامات کررکھےہیں، افغانستان بھی بہترمینجمنٹ کیلئےضروری اقدامات کرے۔

    میجر جنرل بابر افتخار کا کہنا تھا کہ ضم قبائلی اضلاع،بلوچستان میں سماجی واقتصادی اقدامات پربھی گفتگو ہوئی ، سماجی واقتصادی ترقی سےامن کومزید تقویت ملے گی۔

    آرمی چیف نے کورونا تیسری لہرمیں سول انتظامیہ کی بھرپورمددپرفارمیشنزکےکردارکوسراہا اور کہا فارمیشنزکےتعاون سے وبا کے پھیلاؤ کے روک تھام میں مددملی۔

  • بھارتی ظلم وجبر کشمیریوں کے حق خودارادیت کونہیں دبا سکتا،آرمی چیف

    بھارتی ظلم وجبر کشمیریوں کے حق خودارادیت کونہیں دبا سکتا،آرمی چیف

    راولپنڈی : آرمی چیف جنرل قمرجاوید باجوہ نے کہا ہےمقبوضہ کشمیر کے عوام بھارتی ظلم اورجبرکا سامنا کر رہے ہیں،بھارت کا ظلم کشمیریوں کو حق خودارادیت کے حصول سے نہیں روک سکتا۔

    تفصیلات کے مطابق ڈی جی آئی ایس پی آرمیجرجنرل بابرافتخار نے سماجی رابطے کی ویب سائٹ ٹوئٹر پر بتایا آرمی چیف کی زیرصدارت جی ایچ کیومیں کورکمانڈرزکانفرنس ہوئی، کانفرنس میں خطے اور قومی سلامتی کے امور پر تبادلہ خیال کیا گیا اور ملکی سیکیورٹی اوربارڈرکی صورتحال پر غورکیاگیا۔

    کورکمانڈرزکانفرنس میں مستقل امن کیلئے آپریشن ردالفسادکے مثبت نتائج پر تبادلہ خیال کیا گیا، اجلاس کے شرکا نے بھارتی قیادت کے اشتعال انگیز بیانات کی مذمت کرتے ہوئے کہا کہ غیر ذمہ دارانہ بیانات کے خطے پر منفی اثرات مرتب ہوں گے۔

    کورکمانڈرز نے عزم کا اعادہ کیا کہ پاک فوج کسی بھی جارحیت کا بھرپورجواب دینے کیلئے تیار ہے۔

    اس موقع پر آرمی چیف جنرل قمرباجوہ نے کہا بھارتی ظلم وجبر کشمیریوں کے حق خودارادیت کونہیں دباسکتا، کشمیریوں کی جدوجہد کامیاب ہوگی، قابض بھارتی فوج کشمیریوں کو حق خود ارادیت سے نہیں روک سکتی اور کشمیری یواین قراردادوں کے مطابق حق خودارادیت لے کر رہیں گے۔

  • آرمی چیف جنرل قمرباجوہ نے کل کور کمانڈرز کانفرنس طلب کرلی

    آرمی چیف جنرل قمرباجوہ نے کل کور کمانڈرز کانفرنس طلب کرلی

    اسلام آباد : آرمی چیف جنرل قمرباجوہ نےکل کورکمانڈرزکانفرنس طلب کرلی ، جس میں بھارت کےغیرآئینی قدم،ایل اوسی صورتحال اور بھارت کے کسی ممکنہ مس ایڈونچر کا بھرپورجواب دینے پرغور کیا جائے گا۔

    تفصیلات کے مطابق آرمی چیف جنرل قمرباجوہ نےکل کورکمانڈرزکانفرنس طلب کرلی ہے ، کانفرنس میں بھارت کے غیر آئینی قدم، ایل اوسی صورتحال پر غور ہوگا جبکہ بھارت کے کسی ممکنہ مس ایڈونچر کا بھرپور جواب دینے پر بھی غور کیا جائے گا۔

    یاد رہے بھارتی پارلیمنٹ کے اجلاس میں بھارتی وزیرداخلہ نے آرٹیکل370 ختم کرنے کا بل پیش کیا ، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے۔

    مزید پڑھیں : بھارت نےمقبوضہ کشمیرکی خصوصی حیثیت ختم کردی

    بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کاعہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیرکی خصوصی حیثیت ختم ہوگئی۔

    خیال رہے گذشتہ روز قومی سلامتی کمیٹی کے اجلاس میں فیصلہ کیا گیا تھا کہ پاکستان بھارت کی طرف سے کسی بھی جارحیت کا منہ توڑ جواب دے گا۔

    اجلاس میں تینوں مسلح افواج کے سربراہان شریک ہوئے، چیئرمین جوائنٹ چیفس آف اسٹاف کمیٹی نے بھی شرکت کی، ڈی جی آئی ایس پی آر، ڈی جی آئی ایس آئی، وزیر دفاع، وزیر خارجہ اور وزیر داخلہ بھی اجلاس میں شریک تھے۔

    قومی سلامتی کمیٹی نے کہا تھا کہ بھارت کشمیر میں ہر طرح کا اخلاقی اختیار کھو چکا ہے، کشمیر میں فوج کی غیر معمولی نقل و حرکت جلتی پر تیل کا کام کرے گی، پاکستان افغان امن عمل کے لیے بھرپور کوششیں کر رہا ہے، ایسے وقت میں بھارتی جارحیت قابل افسوس ہے۔

    اجلاس سے خطاب میں وزیر اعظم عمران خان کا کہنا تھا کہ پاکستان کشمیریوں کے ساتھ ہمیشہ کھڑا رہے گا، بھارتی ہٹ دھرمی سے خطے کا امن سبوتاژ ہو رہا ہے، بھارت عالمی قوانین کی مسلسل خلاف ورزی کر رہا ہے، عالمی رہنماؤں کی توجہ بھارتی مظالم کی طرف دلانا ہوگی۔

  • آرمی چیف کی زیر صدارت کور کمانڈرز کانفرنس

    آرمی چیف کی زیر صدارت کور کمانڈرز کانفرنس

    اسلام آباد: آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی جس میں شرکا نے خطے میں امن کو تقویت دینے کے لیے تمام اقدامات کی حمایت کا اعادہ کیا۔

    تفصیلات کے مطابق آرمی چیف جنرل قمر جاوید باجوہ کی زیر صدارت جی ایچ کیو میں کور کمانڈرز کانفرنس منعقد ہوئی۔ کانفرنس میں جیو اسٹریٹجک اور ملک میں سیکیورٹی صورتحال پر غور کیا گیا۔

    کانفرنس کے شرکا کو آپریشن رد الفساد میں ہونے والی پیشرفت سے آگاہ کیا گیا۔ شرکا نے ملک میں دیرپا امن کے لیے تمام اقدامات کرنے کے عزم کا اعادہ کیا۔

    کانفرنس میں خطے میں امن کو تقویت دینے کے لیے تمام اقدامات کی حمایت کا بھی اعادہ کیا گیا۔

    خیال رہے کہ گزشتہ روز آرمی چیف نے پشاور کا دورہ کیا تھا جہاں انہوں نے مختلف جامعات کے طلبہ سے بات چیت کرتے ہوئے کہا تھا کہ قوم اور مسلح افواج نے دہشت گردی کے خلاف جنگ میں کامیابیاں حاصل کیں۔ اب وقت ہے کہ اس کے ثمرات سماجی و اقتصادی ترقی کے ذریعے منتقل کیے جائیں۔

    آرمی چیف نے مزید کہا تھا کہ سماجی و اقتصادی ترقی میں تعلیم کا اہم کردار ہے، نوجوان قوم کا مستقبل ہیں اور پاکستان نوجوانوں کا ہے۔

  • امن کی بہترصورتحال کے ثمرات عوام تک پہنچنے چاہییں: آرمی چیف

    امن کی بہترصورتحال کے ثمرات عوام تک پہنچنے چاہییں: آرمی چیف

    اسلام آباد: آرمی چیف جنرل قمر جاوید باجوہ کی زیر صدارت جی ایچ کیو میں کور کمانڈرز کانفرنس ہوئی جس میں داخلی سیکیورٹی اور علاقائی امن سمیت اہم معاملات زیر غور آئے۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کا کہنا ہے کہ آرمی چیف جنرل قمر جاوید باجوہ کی زیر صدارت جی ایچ کیو میں کور کمانڈرز کانفرنس ہوئی۔ کانفرنس میں جیو اسٹریٹیجک صورتحال اور داخلی سیکیورٹی کے معاملات پر تبادلہ خیال کیا گیا۔

    آئی ایس پی آر کے مطابق اجلاس میں علاقائی امن بالخصوص افغانستان میں مفاہمتی عمل پر پیشرفت پر اظہار اطمینان کیا گیا۔

    اجلاس میں لائن آف کنٹرول (ایل او سی) پر بھارت کی جانب سے سیز فائر کی خلاف ورزیوں پر غور کیا گیا جبکہ مقبوضہ کشمیر میں بھارتی فوج کے معصوم کشمیریوں پر مظالم بھی زیر بحث آئے۔

    آئی ایس پی آر کے مطابق کور کمانڈرز کانفرنس میں سرحد پار سے کسی بھی مہم جوئی کی صورت میں ورکنگ باؤنڈری اور مشرقی سرحدوں پر پاک فوج کی جوابی تیاریوں کا بھی جائزہ لیا گیا۔

    اجلاس میں مقبوضہ کشمیر میں آزادی کے لیے برسر پیکار کشمیری بھائیوں سے یکجہتی کا اظہار بھی کیا گیا۔

    اس موقع پر آرمی چیف جنرل قمر جاوید باجوہ کا کہنا تھا کہ اپنی سرحدوں کے تحفظ سمیت مربوط قومی ردعمل پر بھرپور توجہ ہے، ملک دشمن عناصر کی سازشیں ناکام بنانے کے لیے کوشاں ہیں۔

    انہوں نے کہا کہ امن و استحکام کے لیے حاصل کردہ کامیابیوں کو رائیگاں نہیں جانے دیں گے، اب ضرورت اس بات کی ہے کہ امن کی بہتر صورتحال کے ثمرات لوگوں تک پہنچیں۔

    آرمی چیف نے مزید کہا کہ داخلی سیکیورٹی کے ثمرات عوام کی سماجی و اقتصادی ترقی کی شکل میں آنے چاہئیں۔ کانفرنس کے شرکا کا کہنا تھا کہ دہشت گردی کے خلاف جنگ سیکیورٹی فورسز کا کام ہے۔

    خیال رہے کہ اس سے قبل آرمی چیف جنرل قمر جاوید باجوہ نے اپنے ایک خطاب میں کہا تھا کہ پاکستان امن پسند ملک ہے، پاکستان ملک کے اندر اور باہر بھی امن کا خواہاں ہے۔

    انہوں نے کہا تھا کہ بہتر طور پر آراستہ، پروفیشنل اور تربیت یافتہ فوج امن کی ضمانت ہے، بہترین تربیت یافتہ فوج جنگ روکنے کا سبب ہوتی ہے۔ پاک فوج ایک جنگجو فوج ہے، پاک فوج نے دہشت گردی کے خلاف جنگ میں بڑی کامیابیاں سمیٹی ہیں۔

  • پاکستانی عوام کے بہترین مفادمیں اداروں کی حمایت کی جائےگی، آرمی چیف

    پاکستانی عوام کے بہترین مفادمیں اداروں کی حمایت کی جائےگی، آرمی چیف

    راولپنڈی : آرمی چیف کی زیرصدارت کورکمانڈرزکانفرنس کا انعقاد کیا گیا ، کانفرنس میں افغان مفاہمتی عمل کی کامیابی کےلیےامیدکااظہار کیا اور  افغان جنگ کےپرامن اختتام کیلئےاسٹیک ہولڈرزکی حمایت کی، آرمی چیف نے کہا پاکستانی عوام کےبہترین مفادمیں اداروں کی حمایت کی جائے گی۔

    پاک فوج کے شعبہ تعلقات عامہ آئی ایس پی آر سے جاری بیان کے مطابق آرمی چیف جنرل قمر جاوید باجوہ کی زیر صدارت 216 کور کمانڈرزکانفرنس جنرل ہیڈ کوارٹر (جی ایچ کیو ) میں منعقد کی گئی ، کانفرنس میں جیواسٹریٹجک انوائرمنٹ پرغور کیا گیا۔

    آئی ایس پی آر کا کہنا تھا کہ کانفرنس نےایل اوسی سمیت مشرقی اورمغربی سرحدوں کی صورتحال کاجائزہ لیا اور داخلی سیکیورٹی سےمتعلق جاری آپریشنز پر  پیشرفت پر بھی تبادلہ خیال کیا گیا۔

    ترجمان کے مطابق کانفرنس میں شرکاء نے دہشت گردی کو جڑ سے اکھاڑنے کے لئے علاقائی سوچ کی اہمیت کواجاگرکیا اور افغانستان میں قیام امن کیلئے تمام فریقین کی حمایت پر اتفاق کیا کہ افغان جنگ کےاختتام کیلئےتمام فریقین کی حمایت کی جائے گی ۔

    کانفرنس میں ملک کوتمام خطرات سےمحفوظ بنانےکےعزم کااعادہ کیا اور دہشت گردی کے خاتمہ کے لئے علاقائی کوششوں کو فروغ دینے پر زور دیا گیا۔

    اس موقع پر آرمی چیف نے کہا پاکستان کےعوام کی خوشحالی اولین ترجیح ہے، پاکستانی عوام کےبہترین مفادمیں اداروں کی حمایت کی جائےگی اور ملک کی ترقی،امن وخوشحالی کےلیےتمام اداروں کی حمایت جاری رکھیں گے۔

  • آرمی چیف کی زیرصدارت کورکمانڈرزکانفرنس، جیواسٹریٹیجک اورسیکیورٹی صورتحال پرغور

    آرمی چیف کی زیرصدارت کورکمانڈرزکانفرنس، جیواسٹریٹیجک اورسیکیورٹی صورتحال پرغور

    راولپنڈی : آرمی چیف آف اسٹاف جنرل قمر جاوید باجوہ کی زیر صدارت کورکمانڈرز کانفرنس کا انعقاد کیا گیا، جس میں امن واستحکام کی فضا کو مزید سازگار بنانے کے امور کا جائزہ لیا گیا۔

    پاک فوج کے شعبہ تعلقات عامہ آئی ایس پی آر سے جاری بیان کے مطابق آرمی چیف کی زیر صدارت کور کمانڈرزکانفرنس جنرل ہیڈ کوارٹر (جی ایچ کیو ) میں منعقد کی گئی، کانفرنس میں جیواسٹریٹیجک اور سیکیورٹی صورتحال پر تفصیلی گفتگو کی گئی۔

    ڈی جی آئی ایس پی آر کا کہنا ہے کہ کانفرنس میں امن واستحکام کی فضاکومزیدسازگاربنانےکےامورکاجائزہ لیاگیا جبکہ آپریشن ردالفساد میں ہونے والی پیشرفت اور کامیابیوں کو بھی زیر غور لایا گیا۔

    میجر جنرل آصف غفور نے کہا کانفرنس میں انسداد دہشت گردی آپریشن سے دیرپا امن واستحکام کے فروغ کیلئے اقدامات پرغور کیا گیا۔

    آرمی چیف کا کہنا تھا کہ مشترکہ کوششوں سےمحرم الحرام میں بہترسیکیورٹی ممکن ہوئی جبکہ شرکا کو دورہ چین سے متعلق بھی آگاہ کیا۔

    کور کمانڈرزکانفرنس کے شرکا نے یوم دفاع پر شہدا کو بھرپورخراج عقیدت پیش کرنے پر قوم سے اظہار تشکر کیا۔