امریکی نو منتخب صدر ڈونلڈ ٹرمپ ہش منی کیس کا فیصلہ سنانے والے نیویارک کے جج پر برہم ہوگئے اور انہیں متنازع اور کرپٹ قرار دیدیا۔
غیر ملکی میڈیا کے مطابق امریکی نو منتخب صدر ڈونلڈ ٹرمپ نے کہا کہ نیو یارک اسٹیٹ کہ سپریم کورٹ کے جج کو برطرف کیا جانا چاہیئے۔
ڈونلڈ ٹرمپ نےجج جوآن مرچن پر الزام عائد کیا کہ وہ ڈیموکریٹ پارٹی کیلئےکام کررہے ہیں، ٹرمپ نےکہا ہش منی کیس بائیڈن انتظامیہ کی انتقامی کارروائی ہے۔
ٹرمپ کو سزا سنانے کیلئے 10 جنوری کی تاریخ مقررکردی گئی
واضح رہے کہ جج جوآن مرچن نے گزشتہ روز ٹرمپ کی صدارتی استثنیٰ کی استدعا مسترد کی تھی جج جوآن مرچن رقوم کی ادائیگیاں چھپانے پر ٹرمپ کو 10 جنوری کو سزا سنانے کا اعلان کیا ہے۔
دوسری جانب ریپبلکن رہنما کی جانب سے ڈونلڈ ٹرمپ کے خلاف عدالتی فیصلے پر اپیل دائر کیے جانے کا امکان ہے۔
خیال رہے کہ ڈونلڈ ٹرمپ مجرم قرار دیے جانے کے باوجود صدر کی حیثیت سے خدمات انجام دینے والے امریکا کے پہلے صدر ہوں گے۔
