اسلام آباد: چیئرمین نیب جسٹس (ر) جاوید اقبال نے کہا ہے کہ نیب کے 900 ارب مالیت کے 1210 ریفرنسز زیر سماعت ہیں.
ان خیالات کا اظہار انھوں نے ہاؤسنگ سوسائٹیز کے متاثرین میں امدادی چیک تقسیم کرنے کی تقریب سے خطاب کرتے ہوئے کیا.
[bs-quote quote=” بدعنوان عناصرملکی ترقی کی راہ میں سب سے بڑی رکاوٹ ہیں” style=”style-7″ align=”left” author_name=”چیئرمین نیب”][/bs-quote]
چیئرمین نیب کا کہنا تھا کہ بدعنوانی تمام برائیوں کی جڑ ہے، ملک سےبد عنوانی کاخاتمہ نیب کی اولین ترجیح ہے.
انھوں نے کہا کہ نیب سارک اینٹی کرپشن فورم کا پہلا چیئرمین ہے، نیب کے900ارب مالیت کے 1210 ریفرنسز زیر سماعت ہیں.
چیئرمین نیب کے مطابق ادارہ کرپشن کے خاتمے کے لئے اہم ذمہ داری انجام دے رہا ہے، نیب راولپنڈی کا نیب کی مجموعی کارکردگی میں کلیدی کردار رہا، بدعنوان عناصرملکی ترقی کی راہ میں سب سے بڑی رکاوٹ ہیں.
مزید پڑھیں: العزیزیہ ریفرنس، نیب فیصلہ چیلنج کرنے کے لیے تیار، اپیل کل دائرکیے جانے کا امکان
ان کا کہنا تھا کہ نیب کی موجودہ قیادت نے میگا کرپشن کیسز کو الماریوں سے نکالا، میگا کرپشن مقدمات قانون کے مطابق انجام تک پہنچائیں گے.
اس موقع پر چیئرمین نیب نےقوانین میں متوقع تبدیلی کی مخالفت کرتے ہوئے 90 دن کےبجائے15دن کے ر یمانڈ کی تجویز پر تنقید کی، انھوں نے کہا کہ یہ کوئی چوری یاڈکیتی کاکیس نہیں، جو 15دن میں حل کر لیاجائے۔
چیئرمین نیب کے مطابق یہ وائٹ کالرکرائم ہے، جسے ڈھونڈنا اتناآسان نہیں، اگر وائٹ کالر کرائم لاہور سےشروع ہو، تو خلیجی ریاستیں اورپھر امریکامیں پلازےخریدلیے جاتے ہیں، وہ رقم منی لانڈرنگ سے وہاں پہنچائی جاتی ہے۔
ان کا کہنا تھا کہ نیب پربلاجوازتنقیدکی جارہی ہے، اکثر وہ لوگ تنقیدکرتے ہیں، جن کوآئین کاپتہ ہی نہیں، یہاں جہاز غائب ہو جاتے ہیں اور پوچھو تو کہتے ہیں کہ نیب غلط کام کررہا ہے۔
اس موقع پر ڈی جی نیب راولپنڈی نے بریفنگ دیتے ہوئے کہا کہ گذشتہ سال7 ہزار841 شکایات موصول ہوئیں، 7 ہزارکو قانو ن کے مطابق نمٹا دیا گیا.
انھوں نے مزید کہا کہ بدعنوانی کے مجموعی50 ریفرنس دائرکیے، 218 ملین روپے قومی خزانے میں جمع کرائے گئے.
